منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المقبلين على الزواج (http://www.66n.com/forums/forumdisplay.php?f=7)
-   -   والتالي يمنعون النظرة الشرعية .. اللي بعدوا .. (http://www.66n.com/forums/showthread.php?t=151796)

ساكن البحر 31-12-2007 02:18 AM

أخوي عصامي الرأي :

معذرة أراك تحاملت كثيراً على بعض الأخوات .. إلى درجة كبيرة ..

أرجوك خلك أريحي .. وما يحتاج الموضوع كل هذا الحماس ..

كوب كابتشينو 31-12-2007 05:45 AM

انا مع الطرفين!!!
يعني صحيح الدنيا مولعه نار بالاسواق00 والفلوس تطير بسرعه000 لكن
بالمقابل انظروا لفرص عمل الشباب ومصادر دخلهم يعني الجيد منهم يالله يلقى وظيفه 00 وكيف بيكون راتبه ومتى بيكون نفسه وبيفتح بيت واسره ويدفع مهر وسياره وبنزين وجوالات وفواتير وعزايم عرس واطقم ذهب.....!!!
يعي اذا البنت تعاني في تصريف المهر القليل فالشاب يبلع ريقه ليجمعه لك!!
ورجاء خاص ..لاتقارن البنت نفسها باخواتها او زميلاتها 00(لان الاصابع ميب سواء) والدنيا ارزاق وازمنه تختلف..ومن متى يقاس الرجل بما يدفعه!! فالرجل برجولته وعصاميته 00 والمال لايوازي السعاده ابدا"
كذلك يجب ان لاتفوت الفتاه الكفو من الرجال بسبب فارق 20 الف..فالمال يجي ويروح اما الرجل الكفو ماينتعوض((تعس عبد الدينار00))

موحتارة 31-12-2007 07:01 AM

المهر 40 الف مقبول في نجد وعادي جدا

عموما انا معاك برفضك بس مو معاك باسلوبك


ايش اللي مع السلامه واللي بعدو؟؟؟

وخليهم يعنسوا وماادري ايش؟؟


ياخي ترا الدنيا ماوقفت عليك اذا مالهم نصيب معاك يمكن ربي يرزقهم بافضل منك

وترا انت اللي طقيت بابهم مو هم اللي طقوا بابك .. وكل ناس لهم عاداتهم وشروطهم اما تقبل فيها ولا انت اللي مع السلامه


اسفه عالاسلوب بس انا شايفه بشبابنا كثير شوفة نفس وتكبر

والواحد لما يخطب بنت كانه متفضل عليها


ترا من تواضع لله رفعه


واذا ماعندك امكانيات اخطب من ناس نفس حالتك

وانا متاكده البنات لو كانوا مقتنعين فيك 100 % كان تنازلوا عن شروطهم .. بس المكتوب باين من عناونه





اسفه مره ثانيه عالقسوة بس انا انسانه صريحه ولا احب اشوف الخطأ

ربي يوفقك ويعطيك اللي تتمناه

أم تـوتي 31-12-2007 07:26 AM

في فرق اذا انت تقول ماادفع غير30 الف لو مابقي في الدنيا الا امرأه واحده..بخلا منك!!! او انها استطاعتك؟
المهور عرف بين الناس وانت من اهل السعوديه فأقل العرف0 4الف .
وبعدين كل كلمه والثانيه تقول لو اني باخذ صحابيه ليش لايكون انت صحابي واحنا ماندري!!!!!!!!!!!!!

بآرد 31-12-2007 08:06 AM

اقتباس:

المشاركة الأصلية كتبت بواسطة night2005 (المشاركة 1676365)
لا بتحصل ا ن شاء الله
انا ولا احد يتقدم لي
بس مو شرط مهر عالي وعادي يشوفني
بس حظ ما في يا اخي
الله يرزقني ويرزقك
على الأقل انت شاب تخطب بس انا ايش اسوي
شبابنا كل متعملين يغازلون وبعدين يتزوجونهم بس اللي ما تسوي علاقه مثلي تعفن في بيت ابوها

مافي أحد يتزوج من شات أو ماسنجر أو تليفون .. حتى لو شاف البنت وأعجبته ، كنت أسأل شباب يكلموا بنات وكثير منهم شاف وأعجبتهم أشكال البنات ، كنت أسألهم عادي تتزوج ذي البنت ، كل واحد يقول شي اللي يقول أنت من جدك ، واللي يقول شايفني دلخ .. الخ ، أن أدري أن الزواج بذي الطريقة فاشل 100 % بس كنت أبغى أعرف كيف يفكروا ، وقد مرة سمعت أن واحد تزوج وحدة عن طريق النت ، بس ماأستمر زواجهم أربع شهور ، لأنها كل ماتقعد على الكمبيوتر .. يشك أنها تكلم واحد ( يقول زي ماكانت تكلمني من الكمبيوتر بدون مايدروا أهلها تلاقيها تكلم واحد غيري ) وهي كل ماتشوفه على الكمبيوتر تشك أنه قاعد مع وحدة ثانية وصارت حياتهم كلها شك في شك لين تطلقوا ، مافي أحسن من الطريقة اللي وضعها رب العالمين .. الطريقة الصحيحة للزواج .. والرزق من عند الله ، ومالها دخل المهور والعمر والجمال ، أي بنت ربي يكتب لها الزواج راح تتزوج لو أيش فيها .. بس ربي يأخرها لحكمة منه لانعلمها ، كلنا في المنتدى هنا صابرين ، وأكثر شي يصبر الواحد التقرب إلى الله أكثر والصلاة في أوقاتها وأشغال الفراغ بالحلال وأعمال الخير ، وفي الأخير حبيت أقول قصة مشهورة صارت لواحد ووحدة في الشات ( الدردشة ) .. كلهم تركوها في الأخير ، القصة هي أن واحد دخل الشات وتعرف له على بنت وقعد معه فترة على الشات ( الدردشة ) بعدين تحولت العلاقة إلى الماسنجر ، بعدين هو قال أسمه الحقيقي فلان < طبعا ً هو كذاب ، وهي قالت أسمها الحقيقي فلانة < وهي كذابة ، المهم أخذ رقمها ( شريحة سوا طبعا ً ) وقال لها أبغى أقابلك ، وراح قابلها في سوق وكانت المفاجئة ، بعد كل كلام الحب اللي صار بينهم ، بعد كل الكذب وإخفاء العيوب ، بعد كل شي صار بينهم ، طلعت البنت تصير بنت أخوه ، وهو يصير عمها ، ومن يومها لاهو دخل الشات ( الدردشة ) ولا هي .
فاتعظي من غيرك عشان لاتكوني في يوم من الأيام عظة .

جرح الصراحه 31-12-2007 08:54 AM

رد الأخت نانى

يعنني خلال فترة الملكة بتاخذ الدكتوراة في دراسة موضوع تفكير زوجتك
ياخي انطر لين تتزوجها بعدين سو منهج كامل عنها
مايبط الجبد الا اللي يقولون والله ابي ادرس اخلاق زوجتي وافهمها
ياناس خلوكم واقعيين
وحلات كل شي بوقته

الله يوفق الجميع




الأخت نانى امرك غريب هذا زواج مو لعبه طبيعي اى واحد يبي يعرف الى يتزوجها اقل شي يشوفها
الرجال قال لك مافيه شوفه شرعيه ( يعني كيف اعيش مع انسانه وانا حتى نظر مانظرت لها ) الرسول عليه الصلاه والسلام يقول انظرو عسى النظره تألف بين قلوبكم
السالفه مو سالفه دراسه بعد الزواج على قولك بس هذا زواج مو طلعه مطعم ولا كشته فى البر هاذى بعيش معها طول عمرى
طيب لو حصل وبنت الناس ما ارتاحت لى ولا انا ارتحت لها واستنفذنا كل الطرق وش نسوي برايك
أعرف واحد تزوج بدون نظره شرعيه بعد أسبوعين بس من زواجه الرجال يفكر يطلقها ما اعجبته لا شكل ولا اخلاق ولا ارتاح لها
مع احترامى لك بس الزواج مو شختك بختك يا ابيض يا اسود هذا زواااااااج وعشره عمر

اذا هذا رايك اتمنى يتقدم لك واحد ماتعرفى عنه اى شي وتكتشفيه بعد الزواج براحتك قولى وقتها كل شي بقوته حلو

تحياتى

abuaziz 31-12-2007 11:55 AM

سبحان الله وبحمده سبحان الله العظيم
يا لطيف اللطف الطف بنا شكل الموضوع ساخن جدا
طيب بداية أنا دفعت مهر مائة الف قبل 13 سنة يعني لعبوا علي والا ايش؟
أخي الحبيبب الذي فهمته منك أنك تدور العذر عشان ترفض ، يعني كأنك عندك قائمة تبي تمر عليها علشان تروح لخيار آخر في ذهنك.
أخي البنت المسكينة هذه فرصتها الوحيدة لكي تتشرط عليك لأنها بعد هذا ما راح تكون لها كلمة في أي شئ عاجبها والا تروح بيت أهلها
يعني لما رفضوا النظرة الشرعية مباشرة قلت بركة يا جامع جت منهم!!!
طيب حاول، احتال
أقصد أظهر بعض الاهتمام
وبالنسبة للنظرة الشرعية ترى رفض بعض العوايل لها يرجع لأعرافهم لكن ليس معنى هذا أن البنت معيبة والا فيها مشكلة
فبعض البنات أصلا يستحين من الخروج عند أهل العريس من النساء فما بالك بالعريس نفسه!!!
والمسألة راجعه للناس ولا أحد طق الشخص على يده ليخطب من عائلة هذه أعرافهم
وأن كانوا في العادة ينطمع فيهم لحياء بناتهم وسترهم
هذا رأي مجرد رأي ورأي شخصي لا يترتب عليه أي التزامات تجاه الغير فأرجو عدم مهاجمتي لمجرد تصريحي برأيي
دمتم بخير وطاعة

الغالب 31-12-2007 03:34 PM

اقتباس:

المشاركة الأصلية كتبت بواسطة toti_froti (المشاركة 1677079)
انصحك اخوي تدور بنات على قد لحافك والله يوفقك لانه بنات الناس مو لعبة كل انسان يدور عالي تناسبه
يعني مو معقول بنت تكون مستواها المادي فوق المتوسط وتقبل بمهر 40 الف الله يهديكم ولا عشان عنوسة خلاص بنرضى باي شي
اخي بصراحة نظرتك جدا مادية وفيها استهزاء وترى المهر ماهو قيمة للبنت لو على كذا ماحد تزوج البنت تبغى تفرح وتلبس بيوم عرسها 40000 مايجبيب فستان بهالزمن وين عايش
لا وتتشرطون بعد الدين والاخلاق والجمال من حقها تختار الي يناسبها مو ابو 40000
اسمح لي اخوي والله يوفقك بالي تسعدك

يعني الي تتزوج بأكثر من أربعين الف راح تسعد زوجها ...!!!

منطق غريب أيتها العضو المتألق... وهل أنتي يامن يزيد مهرك عن أربعين الف

أفضل من بنات المسلمين الأقل منك مهراً ...

بنات رسول الله صلى الله عليه وسلم مهورهن في زمننا هذا لاتتجاوز 400 ريال

وهن أنسب وافضل واطهر نساء العالمين

صاحب حكمه 31-12-2007 04:55 PM

اقتباس:

المشاركة الأصلية كتبت بواسطة عصامي الرأي (المشاركة 1676499)
بالنسبة لي لن أدفع أكثر من 30000 ريال ولو ما بقي في الدنيا الا امراة واحدة

ليسوا بأكرم من الصحابيات , وعلى قدر لحافك مد رجولك

هن ليس صحابيات ولا أنت بصحابي هذه أول شي

ثانيا زوج أختي لما طق بابنا قال المهر 40 ألف
قالي هو أنا راتبي ضعيف ومن هاكلام قلنا لا غير 70 ألف مانقبل وكلش غالي هايومين


طبعاً أنا قلت له هذا الكلام بشوف هو بخيل ولا لا كيف بتفاوض معي كيف أسلوبه بالكلام الرجل هين لين سهل ولا لا
لأنه بياخذ غالية علي

وبالأخير مأخذنا إلا 40 ألف ريال بس عرفنا إن الرجاااااااال شاريها ولأهو بخيل

بعدين عرفنا كيف يفكر وأسلوبه بالتفاوض والتفاهم

ثالثاً أنت تعتقد إن البنات واجد والجميع يخاف من شبح العنوسه لأنك والله اعلم
تقرى في هذه المنتدى عن العنوسه وتحسب كل بيت مليان بنات ويقبلن بأي واحد

بس صدقني إذا أنت تدور بنت آلي يحلم فيها أي واحد
وكل الشباب يدورونها يعني متعلمة شكلها مو جميله بل مقبولة إلى أخره ...

صعب جداً تحصل بسهوله


رابعاً أنت طقيت بابين صدقني فرصتك بالحصول على زوجه تصعب
لان أكيد بيصل خبره عنك بأنك خطبت من قبل ولا توفقك والله اعلم


أخيرا أتوقع وبدون زعل هابنت لو تقرءا كلامك في هذا الموضوع بتقول الحمد لله بان المهر كان عائق والله فكني منه


الله يوفقك بالبنت آلي تناسبك

عصامي الرأي 31-12-2007 11:42 PM

ممكن أنا أخذتها حجة لأجل أشوف غيرهم نعم .........

لأنه من باع بنته او تبيع نفسها أو تفرط بمن تراه كفؤ لأجل مال , دليل واضح وصريح

أنهم ماديون والماده طاغيه عليهم , ولا يهمهم خلق الرجل أو دينه ..

ومن باعت نفسها أو تبايع على نفسها وتسوم من رجل لآخر , لا ضير أنها غدا تبيع

زوجها لأجل المال .. فالمال أهم لديهم من الرجل

فلذا أخذتها حجة وبعتهم ..


الساعة الآن 03:23 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©