|
أخي بارك الله فيك , اياك أن ترجع زوجتك الا بضمانات التغيير منها , مبادره منها , حتى تتيقن أنها زوجة جديدة
غير الأولى , واحزم حزم الرجال وابرز شخصيتك , لأن المرأة لا تشتاق للحنون أكثر من رجل ذو شخصية يسوسها ولا تسوسه , فلا تغضب فأنت من خلقت المشكلة , فلو رأت منك حزم الرجال , لما تجرات عليك ... |
اقتباس:
إذا قامت بالإتصال في المرة القادمة .. رد عليها .. ما ادراك , ربما ندمت على ما فعلت , او حست أخيراً بخسارتها.. ربما عادت إلى صوابها .. ما ادراك ؟ ولكن .. خلال حديثك معاها حاول ان كون ثقيل شوي :25: وكلمها على غير العادة بطريقة جادة وحازمة :cool: ولا تنسى تخبرنا بالتطورات .. تمنياااتي لـ زوجتك بالهداية ... ;) |
حقيقي اقرا فالموضوع وماني مصدقه تصرفات هالمره الي مو غباء الا حماقه وقلة فهم للحياه واعتقد ان اللوم مو عليها على امها الي وصلت بنتها لهالحاله
والي فاجاني اكثر هو بعض الردود الي متعاطفه معها وفي اعتقادي ان فارق المكان له تاثير اما وجهة نظري وانا من نفس المجتمع وخصوصا اذا كانت البنت تعود لقبيله عريقه فهذا الحال يعد عيب وفضيحه ليست على البنت فحسب بل على الام والاسره التي ظهرت منها تلك الزوجه وفي نظري ان الامر هذا يكون حسمه من جهة النساء لاني اجزم ان هذه المراه لايعلم بحالها مراه اخرى سوا امها او اختها وربما هن السبب في تجنيد جمال هذه الفتاه في سبيل تحقيق رغباتهن جميعا وفي اعتقادي ان حل هالموضوع بيد امك وشوف بتكلم عامي عشان مناسب للحدث يعني خل امك تكلم ام زوجتك وتقولها هالكلمتين اذا تب بنتك ولدي الي اشوف من خلال ردودك انه صعب عليهم يلقون مثلك ربي البت على السنع يعني علميها كيف تسنع بيتها من تنظيف وطبخ وحقوق زوج ولا راح ازوجه وعلمكم ذا بيعرفه القاصي والداني وهنا راح تعدل الام قبل البنت لان سمعتهم بتروح وطي يعني اذا باقي عندها بنات بيخمجون عندها ماعليه اسمحولي امكن كنت قاسيه شوي بس بمجتمعنا الي مخالف لوصفكم الي تزعمون فيه ان اغلب البنات على شاكلت تلك المراه لايسمح بتهاون مع تلك الامثال من النساء فالزوج له القدسيه حتى لو كان مقصرا فمابال العكس وهذا لا يعطي الزوج الضوء الاخضر في الحياه بل هناك مواقف يطالب فيها الزوج باعادة النظر في سلوكه تجاه زوجته |
رجعها بشروطك اللي هي ذكرتها بالموضوع
ما تحملك اكثر من طاقتك من ناحيه المصاريف تطبخ وتنظف وتشتغل بدون شغاله تصير نفسها زينه وتحترمك وتطيعك لا ترجعها الا بهالشروط انت متزوج عشان ترتاح ولا عشان تعور راسك؟؟ حط حد للمشكله بتتغيرين اهلا وسهلا وعلى العين وعلى الراس معنده ومنتب مغيره طبعك انا ما عندي استعداد اعور راسي طول عمري انتي من طريق وانا من طريق ولا يشرفني اصلا تربين اولادي بهالعقليه |
اقتباس:
والله ياخوي الموضوع من وجهه نضري انك تحبها على جمالها واسرك جمالها هذا اعجاب مو حب ولا يمد لللحب لكن تاكد ان الجمال مايدوم ابداااا هي فتره وتتغير ملامح وجها لو كبرت ومايقبى غير حسن الخلق وطيب العشره وروح المرحه والجاذبيه الى تقرب زوجها منها انصحك اخوي فكر بكل حذر هذا زواج وانت في البر الحين كيف لو جوك عيال كيف راح تقوم بعيالها وهى بيت لوحدها هي وزجها ماتقدر تتقوم فيه كيف لوجوكم 5 اولاد كيف بتقوم فيهم راح تسلم امرها لشغاله وبعدين اخوي واضح يعني انهم داخلين على طمع واستغلال وش ها الكلام ماتعطيني حقي الا بهديه او مكافئه اعوذ بالله من ها النوع ياخي احنا نحفر وننحت من الحجر علشان نسعد ازوجنا وياريت يطلع بعيونهم طبخات اشكاال والوان ولبس وصرنا عارضات ازياء يعني معقول في زوجه كذا الوحدة تتنمي زوج مثلك ولا تروح السوق ماتطلع الى ب 3 الف وين حنا ماخذ البنك الدولي معاها وين حنا هذا مو زواج اعذرني اخوي هذا اسمه طمع جشع واضح احمد ربك ماجاك احد منها نصيحه يانك تحط النقاط على الحروف او انك تروح تدور على وحدة تسوها الف مره وانا اختك الجمال هذا مو دايم واذا استمرت بحركاتها راح تكره جمالها هذا وراح تشوفها وحش قدامك انتبه والحرمه ترا ما تحب الى الرجل القوي الى يعرف كيف يادبها والحنيه وانا اختك ماتنفع معنا بكل الاوقات هذا طبع الحرمه |
هل حسيت ان هي واهلها باقي راغبين بعودتك لاني اخاف تتاخر وانت تثقل وتتزوج المره بس اذا في منهم مبادره قولها ارجعك بس بشرط اللي انت تبيه
ولو ما بادروا فبادر ولكن قول انا افكر ارجعك بش اذا انت مستعده تلتزمين باللي ابيه اذا وافقت خير وبركه والا قولها خلاص انا اللحين بروح وانا متاكد انك فغلا ما كنت تناسبيني لانك مو قادره على التحكم في نفسك وساعتها تروح ولا انت ندمان |
اقتباس:
نعم اخوي ان عمري 34 متزوج وان صغير السن ومجمعهم في بيت لحالهم ان وعيالي وناكل سو وماخذ هذا الطبع من الولد الله يحفظه واذا عندك الرابعه علمني بسرعه |
أخوي الفاضل
اللي يرد و يقول لك إنه مجتمعنا مو مثل مجتمعهم ، فحابة أصحح المعلومة هذه نحن حنا عادات و تقاليد و أصل و فصل و فاهمين الحياة عدل لكن شوف يا أخوي ، إنت ألحين مثل أبوك ؟ مستحيييييييييييييييييييييل و نفس الشئ ، لا تتوقع تاخد وحدة طباخة درجة أولى مثل والدتك الله يخليها لكم شوف الوالدة من كم سنة و هي متزوجة و تطبخ لكم ؟ أخوي سلفتي طباخة و ربة بيت ممتازة لكن زوجها مو مبسوط معها أبدا و لا هي مبسوطة معاه لكن أنا و زوجي و الحمد لله مبسوطين لكن ما كنت أعرف أطبخ أول ما تزوجت و اتعلمت و بأحاول أتعلم عشانه و لإنه يستاهل كل خير يعني الطبخ أي واحد ممكن يتعلمه ، لكن الأخلاق و الدلال و الأنوثة و العلاقة الخاصة مو أي وحدة تتفنن فيه و الزوج ما يتزوج عشان وحدة تطبخ و تنفخ و تنظف البيت و لا لييييه هناك رجال الله يهدهم يبحثوا عن الحرام و يطالعوا في الحريم اللي في الأفلام و غيره ؟ و زوجي مثلك تقريبا و أكثر كمان و علشان كذة أنا بأتكلم و أنا تقريبا حاسة بالأمر لإني تدلعت عند أهلي و طلباتي كانت أوامر ، لكن تزوجت و بدأت أتغير عشان زوجي و حتى ما أحد من أهلي يصدق لو قلت لهم بأنظف البيت أو أغسل الصحون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ تدري ليه تغيرت ؟ لإن زوجي كان يدلعني مرة و إذا نفسه في شئ و أنا ما أعمل له هي و ماني منتبهة على نفسي كان وجهه يتغير و أنتبه و أسأل له فيه شئ مضايقك ؟ و يصارحني بأسلوب حلو و حنون و اللي تقول لك ترى الحرمة تحب الرجال القاسي وووووو إلخ ترى مو الكل و أنا متأكدة لو زوجتك حست بغلطها فراح ترجع لك أحسن من أول بكثييييييييييييييير و أنا زوجي ماشاء الله تبارك الله ، حنون جدا و رومنسي و حنانه و حبه هو اللي أسرني و لا أنا انسانة عنيدة جدا و مدللة عند أهلي و ما في شئ يمشيني على قولتهم لكن حبه و حنانه و دلاله هو اللي يخليني أضحي بأي شئ عشانه لكن قلبي طيب جدا و إذا حبيت ، حبيت بقوة و أصبحت لييييييييييينة و حنونة جدا و نصيحة مني لا تخلي أحد من أهلك يتدخل في الموضوع ، و إنت تفاهم معها هذه حياتك و مستقبلك إنت و إنت تعرف فين هي سعادتك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يا أخوي اللي تقول لك طلقها و تلاقي أحسن منها ، و اللي تقول ياليت زوجها مثل زوجك فبأسألك سؤال ؟ هل هم مثل زوجتك ؟ يعني سلفتي تخدم زوجها و تنظف بيته و كل شئ تعمل له و توفر فلوسه لكن ماهي جميلة و ما تهتم في نفسها و لا في عيالها و دايم تصرخ عليهم و تسبهم و تشتمهم و دايم تتكلم عن زوجها و أهله لكن زوجها مو مرتاح معها فهل تضمن إذا أخذت وحدة غيرها و كانت طباخة و ربة بيت ممتازة إنها بتسعدك ؟ على فكرة أنا زوجي يوم تقدم ، أمي قالت لأهله ترى بنتي ما تعرف تطبخ و حتى يكونوا على بينة عموما إنت استخير و أنا هنا ما أوقف معها ، لكن يمكن كانت غافلة ؟ و ألحين ندمت و صحيت و مافي بيت ما فيه أي مشاكل و ألحين زوجي يقول إني صايرة أشطر منه مليون مرة و أنا أقول له ( أنا تلميذتك ) و آسفة إذا كلامي أزعجك أو أزعج أحد ، و هذه أول مرة أرد فيها رد طويل في المنتدى لكن حسيت إنه حياتكم تقريبا مثل حياتنا و مع بعض الإختلافات البسيطة و حاسة إنه هناك أشياء بسيطة ، لو شلتوها من حياتكم فراح تكونوا أحسن زوجين و الله يوفق بينكم |
بصراحة انت ماقصرت معها . . وصبرت عليها بالكثير بصراحة .. وماشاء الله عليك فيك حلم مو طبيعي عكس الاخريين الي لو كانو في محلك كان طلق من اول شهر ولا طق حرمته الى يغمى عليها
نصيحتي لك .. كلمها بالجوال وشف واشرحلها الموضوع وهل هي تغيرت ولاشي اذا هي على فالها ماتغيرت شف لك حل ثاني |
افا اخي
انا بعد نصحتك لا تستعجل بس طنشتني، الصبر زييين اخي اكثر من الدعاء اختي روح الطير ما قصرت |
| الساعة الآن 11:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©