|
السلام عليكم ورحمة الله وبركاته,
اختي "خطيبة مطوع" خذي الأمور بسهالة وحطي أعصابك في ثلاجة ولا تخضعي لوسواس شيطانة بعدين تطلعي إنت الغلطانة...بارك الله فيك أمة محمد صلى الله عليه وسلم هي الامة الوسط "وكذلك جعلنكم أمة وسطا" سورة البقرة التي لا تعرف الإفراط او التفريط ولا تظني أبدا ان الإلتزام نوع من القيود لا والله بل هي الطمأنينة وراحة البال فالدين الاسلامي دين واسع ومتين ويصلح لكل مكان وزمان وبغض النظر كان الرجال من نصيبك أو لا فأنا انصحك نصيحة لوجه الله الامور الي ربيت عليها من صغرك تضعيها امام كتاب الله وسنة نبيه وتشوفين هل هي ترضي الله ورسوله فإن كان نعم فتمسكي بها وان كان لا فارميها في البحر ولا تكوني من الصنف الي قال فيهم الله "وإن تدعهم إلى الهدى فلن يهتدوا إذا أبدا" سورة الكهف...خذي من المباح ما أحله الله لك "ولا تنسى نصيبك من الدنيا" سورة القصص...بالنسبة لزواجك استخيري الله كثيرا وادعيه ان يفتح عليك من بركاته وأن يتم أمرك على خير. بالتوفيق. |
اقتباس:
اذا اتاكم من ترضون دينه وخلقه فزوجوه ليس بشرط ان يوافق هواك الذي قد يكون خطأ |
اقتباس:
انا احب الحياة واعيشها بكل لحظاتها واحب افلها فله واسمع اغاني وكان عندي اخطاء وان شاء الله ربي يغفرلي وكل هذا وتقولين البنت وسطيه .ااااااااااااااااامحق وسطيه اجل اللي فالتها شلووووووووووون !!! عجبي وربي موضوع هالاخت ارعبني كيف بكل قوة عين تقول اروح للموت برجلي....اذا تزوجت ملتزم يعني....يسجني ..يحرمني هذا وانتي مسلمه تقولين كذا...اجل مالنا حق نلوم الدنماركيين اووووف على هالزمن الاغبر بس هذا اللي اقوله |
اقتباس:
الحين عشاني قلت اعيش الدنيا بكل لحظاتها صرت خارجه من المله ؟ معلومه جديده تصدق شف انا ما احب اقول اللي بقوله لان اللي اسويه لله ترردت كثير قبل اكتبه لكن كلامك اجبرني والله :( الحمد لله انا محافظه على صلاتي في وقتها والسنن الرواتب - صيام واصوم واصلي التراويح وزكاة وازكي وحج وحجيت ... وكلها عسى الله يتقبل بس .. اللبس احرص اني ما البس شي فوق الركبه في مجتمع نسائي لانها عوره ... ما اطلع من بيتنا الا بعبايه كتف ساتره واسعه جدا والبس نقاب .. الحمد لله باره بوالدي ..اخلاقي والحمد لله لا امدح نفسي لكن صاينه نفسي وعرضي ولله الحمد .. صحيح اسمع اغاني لكن لست مدمنه عليها لكن منيب من الناس اللي تعارض وجود دش مثلا!! انا اشوف نفسي وسطيه !! اذا انت تبي تكفرني حتى هذا شي راجع لك وشكرا على فكره ليتك سألتني ليه كتبت هالعباره ( امشي للموت برجليني ) انا اخاف اكثر شي من الناس اللي تحرم ما احل الله :( وفعلا في هالحاله اكون قاعده امشي للموت برجلي |
والله العظيم اقولها بتجربة
لوكان التزامة صحيح وقريب من الله والله عمرك ماراح تندمي والله والله 100% وتقولي دلوعة قالت انا واحد من اخوني ملتزم وعايش كل السعادة والرومانسية مع زوجته طبعا مايشوف غيرها لايمين ولايسار ولادش ولاغيرة وموت فيها |
أنا الحمد لله ملتزم , وزوجتي مثلك عادية جداً ... وكانت مثلك خايفة جداً مني ... وأني أكون متشدد .. وكانت تقول لي هذا الشي ... ولكن مع الوقت الحمد لله كسبتها ... والان وش تقول لي ..؟ تطلب مني أن اعينها على الالتزام , مع اني لسى ماخذتها البيت ... والان تحاول تحفظ القران كامل ولله الحمد والمنة ... أنا أقولك في ملتزومين , والله انا ماقدر على مصاحبتهم , وأقول الله يكون بعون زوجته .. وفي ناس العكس , والله اتمناه زوج لاختي ... أنتي توكلي على الله , وخلي زوجك في عيونك , وراح يخليك في عيونه ... وفقك الله |
( وعسى أن تكرهوا شيئا وهو خير لكم )
|
اقتباس:
ما راح اكذب عليكِ واقولك ما راح يكون بينكم تصادمات بسبب تدينه والتزامة وانتي ذكرتي انك انسانة عادية بالنسبة له اسمعي اذا انتي قادرة انك تتقبلي انك تعيشي مع رجل صاحب دين وبعدين الحياة تحتاج الصبر والكثير منه انا تزوجت زوجي وهو قريبي لكن في البداية أشياء كثيرة كنت اجهلها في أمور ديني وكنت اتضايق من التوجيهات وبعدين صغر السن كان له دور كبير بعدم الفهم وكنت فاكرة الدنيا لبس وطلعة ويوم عند فلانة وبكرة عند علانة وكنت بالفعل اتضايق لما يمنعني من شيء بالرغم اني ما كنت في بيت اهلي منفتحة بيت اهلى محكم أكثر من بيتي زوجي <<< يعني التغيير كان مو قوي علي مثل ما قلت لك كنت في البداية اتضايق بس في الاخير كان اي شيء يقوله لي ما اقدر اقول لا <<< بصراحة كان على مضض السنة الاولى كانت صعبة جداً لكن مع الوقت والتعود راح تتعودي وتفكري وتقولي كيف كنت متساهلة في امور كثيرة و انا الحين لي متزوجة 13 <<< يعني 13 سنة خدمة في الحياة الزوجية ما يخلى اي بيت من المشاكل تحصل في اكبر العائلات لكن بالتفاهم تنحل كل العقد الحين الحمدلله اعرف الصح من الغلط بنفسي بدون اي كلام من زوجي او توجيهات وصدقيني راح تكون حياتك بأذن الله احسن ما يكون مع هذا الرجل اللي راح يخاف الله فيكِ ويفرق بين الحلال والحرام والله لو تشوفي المشاكل اللي يطرحوها الاخوات من أزواجهم وعدم الاحساس حتى بالمسؤلية وعدم المودة والرحمة تقولي اعيش مع رجل كهف ويخاف الله فيني ولا رجل متساهل في كل شيء و لا يعرف حدود الله اعرف اني طولت عليكِ بس حبيت اوضح لك اكثر واكون معك صريحة العذر على الإطالة دمتِ في حفظ الرحمن |
أختي الكريمة .. أسلوبك في الرد لم يعجبني مطلقا ... أسلوب تهكمي ساخر ... للمخالف .... وعلى النقيض .... أسلوب تلطف وإعجاب بالرد ... للموافق ... أما أن تكون الردود أرقى من هذا المستوى ... وإلا دعي الرد على من تعتقدين أنه لا يستحق الرد ... جميلة جدا وسطيتك ... !!! ليس بالضرورة أن من انتقد كلامك أو بعض تصرفاتك ... يلزم منه أنه يخرجك من الملة ... أسلوب التهكم أسلوب ممجوج ... أرجوا أن نترفع عنه ... دمت بحفظ الرحمن .... |
اقتباس:
كلامك سليم جداً وفي محله.. أرجو من الأخت مخطوبة أن تتقبل هذا الكلام .. لأنه سيكون لها فيه فائدة طوال عمرها مع كل من تخالطه .. |
| الساعة الآن 06:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©