|
لااسمعي حااااااولي تخلينه هو اللي يعترف لاتكونين انتي اللي فتشتي جواله عرفتي خذيه بجووووووووو من الصراحه اخر الليل وربي بيتكلم .. قولي له من اتصل عليك ومن ارسل مسج خليه هو يتكلم لمايعيش جو الصراااحه بيطلع كل اللي بقلبه
|
ما اعتقد يا لاتكرهني بحك انه يقول في ذاك الجو شي وهو عارف اني عرفت طبعا انا ما مسكت عليه كلام لها ا العكس الكلام كان الصالحي هذا الي ظاهر لي س انا خايفه انه يكون فيه شي ثاني لانه غير رقمه مره ثانيه ليه يزيد الشك والا رايك اني اعامله ها الفتره رسميه وخليه يتمنى اني اتكلم وانفجر لانه ما تعود على اسلوب السكوت والتطنيش لاني ا العاده عند المشاكل اجيب الاولي والتالي فهو مستغرب من ردة فعلي
|
اقتباس:
شوفي ياقلبي وربي حاسه فيك لكن ابي اقولك شي انا حصل لي مع طليقي نفس الشي طلعت له وحده من بنات ابليس وازعجته على رقمه - وهذي الحركة منتشرة كثير ومن زمان بين البنات اللي ما يخافن من الله يجمعن ارقام الناس المرتاحه ويبدن يدورن ع رزقهن المهم طليقي جالي وحكالي وقال فيه وحده اذتني اذا دقت ردي انتي عليها وتفاهمي معاها وكنا ذيك الايام في اصفى مراحل زواجنا تقريبا وماعندنا من الشيطان طاري طبعا انا استغربت وقلته انت رد عليها وانت وقفها عند حدها انا كلامي معها لا يقدم ولا ياخر لكنه اصر الا اني اكلمها قمت ورديت عليها وشاقولك والله ان هالنوعية تبان من اول كلمة قلة ادب ومياعة واستهبال وواضح انها مستعدة تبيع كثير عشان كم فلس بالبداية حاولت اني اخذ معها واعطي بهدوء واشوف شنو عندها بالضبط لكن وربي ماقدرت غير اني اقفل الجوال بوجهها وقلت له نفس كلامك ليش ماتنطشها وليش معطيها حجم المفروض ان من عرفت انها لعابه ما ترد على رقمها تخليها تتصل اليما تفقد الامل قالي لانها ازعجته وغثته ومايدري شنو يسوي معها وخصوصا وانه مايقدر يستغني عن رقمه لانه معاه من عشرين سنة وصعب يغيره ومن هالكلام المهم انا قلت له مالي شغل انت حل المسالة بطريقتك وكنت واثقة فيه ايامها وواثقة من دينه وواثقة من اخلاقه ولو احد حلفني انها ممكن تميل راسه لاحلف بالعكس لاني عارفته حتى لو في يوم شاف اني ما اكفيه ماراح يفكر بهالنوع المنحط وممكن انه يدور على بنت ناس معروفة لكن سبحان مغير الاحوال فعلا احنا بزمن فتنة مع الايام قدرت عليه وتغير زوجي ع شويه شويه وابدا ابدا ماخطر في بالي انها سوالف بطالية فكرت انه فعلا مشاكل عمل وزحمة وقت خصوصا وانه وظيفته حساسة بالرغم من انه ماصار يدخل البيت الا ساعة العصر ويطلع ويرد بالليل متاخر كنت اقول فترة وتعدي مثل ما يقول ومع الايام كشفه ربي من غير لا انبش وراه ولاشي ومع الاسف كل اولادي عرفوا بهالشي وخبوا عني انا الغبية الوحيدة بهالبيت اكتشفته متاخر ومتاخر جدا وحاولت اني امشي الامور واعطي فرصة اولى وثانية وثالثة لكن في يوم ماتاكدت انه خلاص مافيه امل تركته لهن خليه يشبع فيهن ويشبعن فيه اقصد يشبعن من فلوسه سبحان الله كيف الهوى ممكن يغير الانسان ويغير دينه واخلاقه !!! مع انه قالي بالحرف الواحد قبل الطلاق المفروض اني مااغار منهن لان اشياء مؤقتة وانه مستحيل يرتبط بوحدة من هالنوعيات واني ام اولاده ومهما كان لايمكن يفرط فيني وكلااام كثير ماله اول من اخر .. وانا المسالة عندي مو مسالة غيرة لا المسالة عندي ان كل انسان يشوف الطريق اللي يريحه ويمشيه ويتحمل كل نتائج اختياره وفيه كلمة قالها احد الاخوة بالردود .. انه بعض الرجال يفرح لما يعرف انه من الممكن انه يكون مرغوب فيه او انه وحده تعجب فيه بعد هالعمر هالكلام صحيح انا زوجي نوعا ما كان عنده ضعف ومع اني كنت ماخذه الامر بانه عادي ومرحلة وتعدي ومبينه له هالشي لكن اظن ان هالنقطة كانت مأثرة فيه كثير وجت هالسوالف عشان تغطي بعض النقص اللي كان حاسه بروحه مع انه عارف ومتاكد انه مافيه ولابنت بتنظر لرجل بعمر ابوها الا عشان نقطة وحده... الفلوس لكن كل بعقله راضي ومن يرضى يكذب ع روحه فبكيفه فيااختي احنا بزمن فتنة وبنات الحرام ياكثرهن كثرن وكثرة اساليبهن بقلة الحياء والكسب الحرام انتبهي على زوجك وعلى حياتك وفكري بطريقة محسبوبة كيف تعالجين هالامر وانا انصحك انك ما تهتمين لنقطة انه عرف انك فتشتي جواله لانه من حقك مادام وضع روحه بموقف ريبةاهو الغلطان وجاب الشك لروحه بتقفيل الجوال واهو عارف هالشي والا ماكان سكت واظنه خايف من ردة فعلك وبيشوف اذا بتسكتين وبتمشين الامور عادي وما راح تفتحين الموضوع فاكيد بيتم ساكت ويخلي السالفة تعدي وغلطة بغلطة....غلطته انه اخفى عنك وقفل جواله وغلطتك انك نبشتي وراه -وبهالحال ماراح تكسبين شي الا بالعكس بيستمر الشك ع طول في بالك- فانتي ادرى بزوجك من غيرك اختاري الاسلوب الافضل للمواجهة والمناقشة مثلا ..ترسلين له رسالة تبينين له عتبك وخيبة املك الغير متوقعة فيه من غير ماتدخلين بنقاش اي تفاصيل خليه يظن انك متصورة ان الموضوع بينهم اكبر لانه لو فعلا ما حصل شي فاكيد انه بيخاف لا تكوني شاكه فيه وبيحاول جهده انه يبين انك غلطانه ويسوي اي شي عشان يسترد ثقتك فيه من جديد والله يكون عونك ويكفيك شر من فيه شر والله هالزمن يخوف صار اعوذ بالله فتن بفتن |
هشيم روح مشكوره يا قلبي على ردك والحين تضايقت اكثر يعني ممكن مع الزن انه يضعف والله مدري وش اسوي صرت س افكر في ذا الشي
|
..
لا انا ما قلت هالكلام كله عشان تتضايقين اكثر انا وضحت لك عشان تنتبهين اكثر واحنا سالفتنا اخذت اكثر من سنتين ومااخذت موقف حازم الا بعد ماتعقدت الامور لكن انتي توكم بالبداية فكوني حازمة من الاول يعني اطلبي منه يغير رقمه ووضحي له انك واثقة فيه لكن ماانتي واثقة ببنات الحرام وانه يرد مثل اول يبطل يقفل جواله واذا يحبك وشاريك فماراح يضره رقم غيره وهذا اساسا افضل له حتى لو ماطلبتي انتي منه لان الانسان العاقل يبعد عن الشر قد ما يقدر |
المشكله كيف بفتح الموضوع وما اعتقد يغير رقم جواله ياخذ المسأله عناد
|
..
جربي ترسلين له رسالة عتب وشوفي يا اكتبيها وحطيها له باي مكان او ارسليها مسج ومادامه من النوع العندي فالله يساعدك ع الاقل استنكري عملته انه بدا يقفله برقم سري |
بس عتب على ايش انا افكر اني اصير غامضه واخليع يحترق مايدري وش الي راسي وحاول اخفي عنه اشياء علشان لو يقول لي ليه اقوله مثلك
|
اقتباس:
أعود للمرة الثانية رغم انك لم تعلقِ على ردي ..... لا أدري هو تجاهل .... أم نسيان المهم اختي الكريمة الحذار الحذار من ان تغطي على خطأ تفتيشك في الجوال ومسح الرسائل بالكذب لأن الكذب حبله قصير الصراحة والصدق بين الزوجين هي أساس الحياة السعيدة فلا تكذبي ابداً فمن تجسس ......... إلى كذب ..... ومازال الشيطان يسهل لكِ الأمور ويفتح لكِ الأبواب حتى يفجر المشاكل بينك وبين زوجكِ ولو رجعتِ لردي السابق لعرفتِ اني اخبرتكِ أن تحذري من إتباع خطوات الشيطان فالكذب ليس الحل المصارحة المصارحة والصدق الصدق بوركتم |
اخوي المجاهد الف شكر لك ووالله اني ما تجاهلتك واتذكر اني رديت عليك بس لما راجعت الردود مالقيت ردي
عموما انت تقول المصارحه والصدق انا ااتمنى الحين اصحيه من نومه واصارحه لاني ما راح ارتاح الا اذا سويت كذا بس وش اقول وكيف ابدا |
| الساعة الآن 07:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©