|
اقتباس:
و ما تخافيش كلنا بندعيلك ربنا يرزقك الزوج الصالح و الحب الطاهر الدائم و بقولك ايه , غيري جو بقا و اخرجي مع صحباتك أو أهلك , اعملي زيارات , فسح ظريفة , استغلي الجو الجميل الأيام دي بلاش قعدة البيت و العياط على السرير و الكلام ده ( هههههه ده عقلي الباطن بيفتكر الهبل اللي كنت فيه ) فرفشي كده و صدقيني حييجي يوم يتمنى ظفرك و يقول ياريتني طيب أقولك قصة غير قصتي حصلت أول امبارح لوحدة صحبتي من ابتدائي هي كانت بتحب شاب ثلاث سنين و كان مكلم مامتها و مامته على الموضوع و زيارات و هدايا غالية و بلاوي متلتلة فجأة من سنة كانت خارجة معاه قالها بصي بصراحة أنا ما استاهلكيش و لازم ننفصل و أنا مش مستعد للجواز و أنا من النوع الهوائي و ده حيأثر علينا صحبتي انصدمت صدمة و الله ما أقدرش أحكيلك عليها , حب تلات سنين و هدايا و فلوس و صرف بمناسبة و من غير مناسبة و هي بنت على قد حالها قوي , عيطت و اترجته انه يراجع نفسه و خسارة الحب اللي بينهم و ما ينفعش , و قالتله طيب بس قولي ايه اللي غيرك , عملتلك حاجة زعلتك ؟ قد ايه كانت صعبانة عليا و مامتي تجيبلها عرسان و هي كلمة وحدة لا أنا مش عايزة اتجوز , لا لا غير نمرة تلفونه و أمه اتصلت تقولها أنا لميت صورك لو عايزة تاخديهم , أمه كانت متأثرة بس مش قادرة تعمل حاجة المهم أول امبارح الأخ اتصل بأهلها عايز يتقدملها و بيقول إن لف الدنيا و عرف إن مفيش أحسن منها و انه ندمان بس أهلها رفضوا لأن البنت يا دوب من شهر فتحت قلبها لإنسان يا رب يكون كويس و رفضوا لأن بنات الناس مش لعبة بقاله يومين يتصل كل شوية و يحاول يقابلها و يصلح , بس مفيش لأن اللي اتكسر عمره ما يتصلح أنا ممكن أحكيلك مليون قصة على المواضيع دي بس حكتفي على قصتي و قصة صديقتي لأن دول القصتين اللي عشت تفاصيلهم وجدانيا و روحيا ما تنسيش كلامي , فرفشي و غيري جو و خلي صحباتك و أهلك يساعدوك في ده يا حنان يا منان خفف عن أختنا المصرية كربها و أرزقها برزقك الواسع الزوج الصالح الذي يحبها و يحن عليها أمين |
اقتباس:
والله والله ياأختى انا ناس كتير كانت تشوفنى كانت بتطلب منى الارتباط ورسمى وأغلبهم مستويات وكنت برفض قبل ماارتبط وكل صحابى كانو يتريقوا يقولو عليا قاسيه ومعرفش أحب اصلا وكنت بتريق على اللى يحبو ويقعدوا يعيطوا وينهاروا والكلام ده لما أرتبط شوفت ان يستاهل احبه ومش أخاف على قلبى لانه مع شخص أمين لكن مشاكل وحصل اللى حصل عشان هو أصلا مش ليا ياأختى من كتر ماأحنا كنا كويسين مع بعض ولا فى اختلاف على شيئ ونفس المستوى ومتوافقين وشخص تقولى ملاك أول ماتشوفيه وأد أيه بيحبنى وسابنى تفتكرى بعد اللى حصلى ده أئمن لراجل تانى ده لوفى واحد طلع قلبه أدهولى والله ماارجع أئمن لراجل تانى دول صامتين عكسنا اللى فى قلبنا على لسانا لكن دول متعرفيش بيفكرو فى ايه بظبط لكن انا بس زعلانه على اللى انكسر جوايه بس خلاص صلحته:14: وانتى الوحيده فى المنتدى حاسس بيا:) |
اللهم فررج كربتها
مع انى لا اعرف مشكلتك |
اللهم فرج كرب أختنا المصرية ،،
وهون عليها ما أصابها ... فرج الله همك يا اختي ... أدعو لك وأنا لا أعلم ما هي مشكلتك،،،أسأل الله أن يعينك .. |
اختي العزيزه ، راح اقولك عن شي عشان تهون عليك مصيبتك
في شاب جاء للبنت من باب بالزواج ثم ااراد هتك عرضها ، طبعا كانا متفقين جدا والشاب الكل يعرف انه من احسن الشباب اللي ابغي اوصله ان في ناس لا يوجد بقلبهم رحمه لا تزعلين على الماضي الله يرزقك ويرزقني من يحبنا اللهم آمين بس ارجوكي ثم ارجوكي انصحك اختي الحبيبه بان لو رزقك الله يكون بالحلال، لأن كلام الغزل بدون رابط شرعي لا يرضا عنه الله ارضييييي الله راح يرضيكي |
أسأل الله العظيم رب العرش العظيم
أن يفرج كربك وييسر أمرك ويرزقك زوجا صالحا عااجلا غير أاجل اللهم إجعل القران العظيم نور قلبك وذهاااااااب غمك وهمك |
الله يفرج همك و يزيل كربك و يبدلك خير و راحة و سرور
|
ربنا يعينك يا جميل و تبقى حياتك كلها فرح و هنا و سعاده
و إن شاء الله تلاقي ضالتك اللي يعوضك بيها ربنا عن أي هم ربنا يسعدك دنيا و آخرة |
اقتباس:
و سيبك من اللي انكسر جواك بكره إن شاء الله ييجي اللي يبدله خالص مش يصلحه بس و اوعي تقولي كده تاني " مش ممكن أئمن لراجل تاني " لأن الراجل بصحيح هو اللي تقدري تأمنيه و انتي قلبك مرتاح , و قصدي ما تئمنيش إلا لواحد كاتب كتابة أو مكلم أهلك كلام جامد , و الأمان ده يكون بالإستقرار النفسي و الحب من بعيد لبعيد من غير تصريح مبدئيا لغاية ما يكون حلالك( كاتب كتابه) , مش بأي حاجة حرام , خدي بالك يا قلبي . افتحي قلبك لأنك ما تعرفيش المستقبل , يمكن ييجي واحد يدخل قلبك و يعمله بطانية كمان و تكوني الحضن الدافي الطيب الطاهر له ( معلش أصل عيانة اليومين دول فعلاقتي بالبطانيات زايدة حبتين ههههههههه) زي ما اتفقنا بقا , غيري جو و اخرجي و بلاش قعدة الحزانى دي (: ربنا يرزقك الزوج الصالح بإذنه |
اقرئي بيت الشعر الجميل ده
رضـيت بـما قسـم الله لــي وفـوضت أمـري إلى خالقـي لقد أحسن الله فيـما مضى كـذلك يــحسن فيـما بـقـي ربنا اللي وقف معاك في كل حياتك , من يوم ما اتولدت مش حينساكي أبدا , كوني مع الله تجدينه معكي و قولي ده اختبار و حنجح فيه و الخيرة فيما اختار الله مش يمكن مرة حد دعالك و قال ربنا يجعله من نصيبك لو فيه خير لكِ و ربنا استجاب لدعاء الشخص ده لأن الإنسان المرتبطة بي ما كانش حيكون في خير لكِ و بعدين أوعي تكوني فاكرة انك كنتي فاهماه , ده الإنسان بيتفهم ساعات بعد سنوات من العشرة ما تعرفيش نيته كانت ايه , ما تعرفيش بيفكر إزاي , ما تعرفيش كان حيعيشك بسعادة و لا لأ الرجالة مخهم غير مخنا خالص صدقيني |
| الساعة الآن 08:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©