|
أختي الفلوجة
أولا أنا ( أنثى ) و هذا منتدى تبغيني أجي أضحك و أتدلل و أتغنج هنا على الأعضاء و أسمي نفسي دلوعة ؟ ثانيا المنتدى اللي زوجي مشترك فيه أنا أيضا أدخله و أقرا فيه بعض المواضيع أحيانا و قلت لك العضوة هذيك ما تعني لي و لا تعني له شئ لا عمره رد على مواضيعها و لا هي و أنا بأتكلم عن الفكرة نفسها أعيد : زوجي يكتب بيت شعر و غزل و يحط تحته اسم عضوة شئ عاااااااااااااااااااادي و لا مو عادي ؟؟؟؟؟؟؟؟؟؟؟؟؟؟؟؟؟؟ و ردودها عموما تبغي تعرفي كيف ؟ تدخل في ردود مع الأعضاء شتم و سب للرجال عرفتي ؟؟؟؟؟؟؟؟؟؟؟؟؟؟ يعني سواء اسمها و لا اسم أي وحدة غيرها المهم اسم وحدة و يا كثر الأعضاء الرجال ليه ماحط اسم أي واحد ؟ ثالثا إذا يبحث عن الكلام اللطيف و التعامل الرقيق ما قلتها للأخ سابقا لكن خليني أوضح لك بمثال ( أنا الآن أرد عليك هنا بالفصحى ، هل تتخيلي أكون جالسة مع زوجي و أقول له بالفصحى يا زوجي العزيز أحبك / أو يا زوجي العزيز لماذا و كيف ووو إلخ ؟؟؟؟؟؟ ) يعني لكل مقام مقال حطي تحتها مليون خط رابعا أنا كتبت هنا لإني ما أخرج أسراري خارج البيت و لإني تحملت بما فيه الكفاية و وصلت لمرحلة إني خلاص مستحيل أعيش معه لإنه كذب علي و هو حالف بالقرآن اللي ما يصون كلام الله ما يصون زوجته خامسا المنتدى اللي أشرف عليه و مازلت عضوة فيه و تركته فترة بعد ما تزوجت علشان أتفرغ لزوجي و تنازلت عن الإشراف مواضيعي و ردودي و لله الحمد تجذب الأعضاء و كلهم عارفين إني ما أستقبل رسايل من أحد و عملت صداقات مع الأخوات هناك و قبل لا أتزوج طلبوا ماسنجري كم واحد لكن ردي كان واضح و صريح و اللي يرسل لي شئ أرسله للإدارة سادسا و الأهم ما يحتاج أتكلم لك عن نفسي و أقول لك مين أنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ من ناحية الدلع و الدلال فالحمد لله شاف عندي الدلال و الدلع اللي محد في حياته شافه أنا يوم أحب إنسان أرفعه فوق فوق فوووووووووووووووووق للسماء و أضحي بكل شئ ضحيت بأهلي و مالي و صحتي و كل شئ علشانه يعني ( شاف الدنيا ) معاي و ما راح أجلس أحكي لك حكايتنا لكن يكفي أمه و لا أهله إذا يبغوا شئ منه يقولولي علشان أقنعه و يقولوا ( هو يحبك و يسمع كلامك ) و صحبتي قالت لي مرة ( زوجك دامه شاف الدنيا معاك ، صدقيني مستحيل ينسى الشئ هذا ) يا أختي أنا لست بالمنانة لكن علشان تعرفي مين روح الطير و ما راح أبين نفسي أكثر لإني ما أبغى أحد يعرفني و لا يعرف زوجي لإنه أسراري ما أحب أحد يعرفها و أخيرا ........................... ........................... و دايم زوجي يقول أخاف أحسد نفسي عليك و الحمد لله بارة بأمي و عندي طفل و أم صالحة له بإذن الله بأربيه على الدين و الأخلاق و أخواني و أخواتي يحبوني و يعزوني يا أختي أعيد و أكرر الدلع أنا عشته و شربته من طفولتي لكن ربي أعطاني عقل و أعرف فين استخدمه و متى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مو لازم أتغنج عندكم و أتدلل و أنا ماني من الحريم اللي يشوفوا الغلط و يسكتوا أنا أعطيت زوجي مو فرصة وحدة و كل مرة نتكلم و نتناقش بالهدوء و الحب و المصارحة و تقولي أشد زوجي علشان يتكلم معاي زوجي يكره الكلام و يكره القراية و أبشرك زوجي هجر المنتديات للأبد و أنا ما طلبتها منه قال لإني شفت بيتي بيتهدم قدام عيني و بيدي هدمته قال لإني ما أقدر أعيش من غيرك يا عمري لا تجي تعلميني كيف أعامل زوجي الحمد لله عقل و جسم و روح و خفة دم و دلال و جمال مابقي غير أحط صورتي :D ماكنت حأقول كذا علشان لا تقولي تمدح نفسها و لإنه معنا أعضاء رجال لكن ردك أجبرني إنت و الأخ يعني لازم أوصف نفسي علشان تعرفوا إني مو مقصرة مع زوجي قلت لك اللي أعزه أرفعه السماء و اللي يكسر ثقتي و محبتي أدوس على قلبي و ما عاد يعني لي شئ |
أختي ترانيم وردية
اقتباس:
توني فهمت ليه يقولوا عندك نقص ؟ ______________________________ اقتباس:
يعني فرضا أنا لو شفتها في منتدى و جيت مثلا أرد فراح أكتب اسم عضوة القصد ما جات مشاكل المنتديات و اللي نقراها هنا ، وحدة تعرفت على واحد و العكس و البداية كانت منتدى إلا بسبب البدايات اللي كذا لعب و تريقة و مزح و شوية أرد على موضوعه و يرد على مواضيعي و شوية خصام و زعل و شوية رسايل خاصة و شوية ماسنجر و شوية تلفون و شوية و شوية و في الأخير أنقذوني ، حبيته و لا حبيتها و ماودي يتزوجني و لا ضحك علي ... إلخ يا ناس خلونا نتعلم من اللي قبلنا و نحكم عقولنا ؟؟؟؟؟؟؟؟؟؟؟؟؟؟؟؟؟؟؟؟ |
أختي bunney
( الصراحة ) نفسها تعبت و ملت مننا |
الحمد لله انحلت المشكلة ظاهريا
لكن حتبقى في داخلي و الزمن كفيل بإعادة الثقة في نفسي لزوجي خاصة بعد ما أتأكدت إني تزوجت أكبر كذاب ، يحلف بالقرآن و يكذب الأخوات و الأخوان زوجة أخوه من يوم تزوجته قالت لي زوجك أكبر كذاب و أبوه أيضا قال لي و أسمعه يكذب على فلان و علان و يوم صارحته ، قال أكذب على كل الناس بس معاك مستحيل قلت له اللي يكذب مرة يتسجل عند الله ( كذاب ) و الكذبة الوحدة ما أقدر أكذبها ؟ إنت كيف تقدر ؟ يقول بس معاك كذاب و ستين كذاب يا ناس صار يعلمني الكذب و أخاف أصير مثله أنا ما أبغى أخسر آخرتي ، طلبت منه الطلاق علشان أرتاح حاولت أأثر فيه لكن الطبع يغلب التطبع كل شئ أتحمله إلا الكذب و ألحين الموضوع زاد يوم اكتشفت إنه يحلف بالقرآن كذب و من غير ما أطلب منه إذا أمه أكبر كذابة و معروفة وسط الناس بكذبها كيف أولادها بيصيروا ؟ مستعدة أدوس على قلبي و أعيش وحيدة و لا أعيش مع مين هدم ثقتي و حبي أكرر انحلت المشكلة و أشكر الأخوان و الله يصبرني و أنا ردودي هنا قاسية لإني بأحاول أشيله من قلبي و أدوس على مشاعري |
احترم اخلاصك لزوجك وتذكري انك ترضين الله اولا بهذه التصرفات وما دمت واثقه منه فلا تتغيري وواصلي السير في الطريق الواضح وفي النهايه لايصح الا الصحيح دمت بخير
|
الله يوفقكم ..
و يديم عليكم المحبة و الأستقرار .. و يبعد عنكم المشاكل .. نسخة للمشاكل المحلولة .. |
| الساعة الآن 03:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©