|
اقتباس:
اختي كل شيء له حل اولا: النفقه تقدرين طالبين بها مع الحضانه والحمد لله فيه قرار جديد بخصم النفقه تلقائي من حساب الاب الى حساب الام بموجب حكم النفقه وهذا ان شاء الله ناويه عليه بعد العيد خصوصا بعد ما استفزني كلامه لاطفالي ان كل الي اشتريه انا لهم مو مني من ابوهم لانه يعطيني الفلوس طبعا كله كذب حتى بطاقات التامين الصحي اللي مصروفه لهم من عمله مانعني منها ثانيا تقدرين تطالبين باوراقهم الرسميه من وزارة الداخليه فانا رحت لمكتب المواليد التابع لوزارة الداخليه وطالبت بشهادة الميلاد بصفتي امهم وعلى طول اعطوني صوره مختوم عليها طبق الاصل من نفس الوزاره وكل هذا بدون ما يعرف ابوهم وكمان قال لي المحامي اقدر احصل على بطاقة العائله بنفس الطريقه لكن انا ما طالبت بها عشان زوجته الجديده مضافه فيها وانا ما ابغا مشاكل معها ثالثا المدرسه اللى كنت متفقه معاه عليها لولدي تفاجات بانه سجله للسنه الجايه في غيرها بدون علمي فما كان مني الا ان رحت للمدرسه وريتهم صك الحضانه وقلت لهم بموجب هذا اكون انا ولي الامر وانا الى اسجله وامنع اي شخص يسحب ملفه بدون علمي ولا حتى يطلع مع اي شخص الا باذني (طبعا ما سويت كذا الا لمى اكدلي المحامي حقي هذا ) صحيح انا ماكنت ابغى هذا الشيء وكان ودي كل شيء بالتفاهم لكن هو الى اجبرني كل ما اتفقنا على شيء اتفاجئ بانه مسوي عكسه من وراي فيه حديث سمعته عن الرسول بس للاسف ما حفظته بما معناه ان فيه فئه من المؤمنين لا يدخلون الجنه الا اذا سحبو لها سحباً يعني فيه ناس ما تجي الا بالقوه حتى لو كانو يبغونه لانهم عارفين انه لمصلحتهم ( وش بعد الجنه) اما عن حب ولدك لابوه فانا نفس الشيء والى الان يحبه بالرغم من انه ينتقده كثير وما اقولك اني دائما ابرر لابوه وادافع عنه بصراحه احيانا افقد السيطره على نفسي وانتقد ابوه وبشده قدامه ولمى استشرت اخصائيه نفسيه تخصص اطفال هونت علي وقالت لي لو دائما تدافعين عنه وهو شايف بنفسه راح تفقدين مصداقيتك عنده وفي الفتره الاخيره حسيت انه ما يبي يروح لابوه بعد الحضانه بالرغم من انه يقول لي العكس ويبدو لي انه يبغاها تجي مني ما تجي منه عشان ما يزعل عليه ابوه |
أسال الله أن يجمعك باولادك يارب
اختي حاولي قدر المستطاع الحل ودي تكون خميس وجمعه بس أو ايام الاجازات هم عيالك حاولي بتوسيط احد بينكم وربي اتمنى أسمع أخبار حلوووووووة عنك الله يصبرك ويكوون بعووووووووونك وربي أني أدعي لك في ظهر الغيب الله يسعدك ونفرح فيكككككككككك قريب والعيال مصيرهم لك وراحو يسالون عن امهم وربي يوووووووووووفقك |
إنت كذا يا زهرة نجد :22::22::22::22::22:
(أنا دائماإذا رديت على أي موضوع ما أروح للوضع المتقدم هذي المرة تحمست صرت أبي أحط الي مطلع أصابعة ) حقيقة استفدت من ردك كثير...ومشكورة حبيبتي.. |
اقتباس:
عساه نتمنى يكون عندنا جهات مسؤله تقتص من كل ظالم ومتسلط,بس اذا المسأله كذا وين هالناس الي نسمع عنهم ونشوف مشاكلهم بالتلفزيون ونقراها بصفحات الجرايد عن هالهيئات؟؟؟أنا ماأشكك بأمكانياتهم بس أعتقد انها محدوده أو في نطاق ضيق,عموما نتمنى الأفضل لأنظمة البلد وطريقة تطبيقها |
اقتباس:
وبعدين اذا ما استفدنا من خبرة بعض وش فايدة المنتدى؟:17: |
اختي الغاليه شيهانه
اشكرك على كلماتك الطيبه واحمد الله حمد كثيرا طيبا مباركا فيه على كل نعمه انعم بها علي في سراء وضراء من لي غير الله عزوجل والحمد لله ان هناك رب رحيم حكم عدل والحمد لله ان الدنيا ليست بيد البشر انما بيده سبحانه دوما افكر من وين لنا كل هالقوه والصبروهذه من اكبر نعم الله علينا فالحمد لله بالنسبه لنا جربنا كل الطرق السلميه ولم يبقى الا طرق المحاكم وهذه وضعناها اخر الحلول واحتمال كبير نبداء فيها انا كنت اتمنى يجلسوا عنده الدراسه والاجازات عندي على اتفاقنا ولكن لا طلت عنب الشام بلح اليمن (مدري صح المثل)) كان اهم شي عندي يعيشوا بخير ومايقصر عليهم شي وبنفس الوقت نكون اناوابوهم حولهم سواء عندي او عندهم انا عارفه ان الوضع هالحين تمام في القضايا بس لمى تروحي للشيخ تحسيه يحطمك من كثر الي يمر عليه يعني بجد موضوع محير انا كتبت رد مفصل ومرتب لكن طار حتى موضوعي مبين اني مشتته وردودي كمان تصدقين نفسي ارتبها بس ملخبطه حسبنا الله ونعم الوكيل |
حبيبتي
مايحق لهم يحرموك من اولادك طول المده هذي خلي أبوكي او احد من الرجال عندك يروح يجيبهم بالقوه ولو رحتي للقاضي اكيد حيعطيكِ هم ماحيسمح للحرمان هذا ابدا والله قلبي محروق عليكِ نفسي اروح اجيب اولادك بالقوه منهم الله يرجعهم لك سالمين يارب ويكونو من احسن الناس وألجأي لله صدقيني ماحيخذلك وهم حسبي الله ونعم الوكيل فيهم قلوبنا دائما معاكِ |
رابع
مدري وش اكتب اخي والا اختي عموما جزاك الله الف خير على هالكلمات وهالاحاديث بجد لمى قريته عرفت عظمتها ويارب تتطهر قلب وتصفي نفسي وتنصرني بحولك وقوتك الله يسعد ايامك ويجزاك الفردوس الاعلى بحوله وقوته وجميع المسلمين والمسلمات الاحياء منهم والاموات والف شكر على الدعوات الطيبه الله يستجيبها يارب وصبر جميل والله المستعان |
اقتباس:
هلا والله وغلا بالمراءه العصاميه توقعت ردا منك مفصل لكل نقطه لاني احسك دقيقه بالامور عزيزتي في هذا الزمن لايعيش الا من كان يمتكل هالقوه او من يمتلك قوه الايمان الحقيقه التي اسال الله ان يرزقنا اياها نفسي اكون قويه بالرغم من اني مريت بظروف غيرتني كثيييييييييييييييير وقوه قلبي مرررررررره لكني من النوع الي اصبر واصبر وبعدها انفجر وعلي وعلى اعدائي هذا الي خايفه منه زياده فضايح ومشاكل حاولت اتصل وسبحان الله كل مره ادق مايردوا جمعيه حقوق الانسان بس في رمضان مادقيت احسها صعبه مع ان الدراسه قربت ولو رفعت ما راح ارفع دعوى راح ارفع بلاوي وهذا الي انا ما ابغاه بس هل انتي جربتيها ؟؟؟ وتحسيها قويه وبسرعه؟؟؟ الله يصبرنا ويفرجها علينا |
اقتباس:
هلا والله بالغاليه وسبحان الله الي جمعنا هنا وخلى قلوبنا على بعض واحنا مانعرف بعض بس يكفينا المنتدى الي خلانا اخوه متحابين فالحمد لله والشكر لله سبحانه اشكرك من كل قلبي والله يجزاك الف خير بكل دعوه دعيتيها لي ويشهد الله اني كل ماتذكرتكم جميعا دعوت لكم فا اسال الله ان يرزقك الذريه الصالحه عاجلا غير اجل بحوله وقوته كلامك صحيح وسليم ومنطقي جدا الله يجزاك الفردوس الاعلى ويعتق رقابنا جميعا من النار |
| الساعة الآن 02:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©