|
انا بسوي كذا وان شاء الله تزين الامور
|
اخي هذي حياتي ...
قرات ما كتبت وفكرت بكلامك وكلامها ... بصراحه ما نقدر نقوله انها غلطانه او لا لان ما ندري بضروفها الصراحه ... ولكن يا اخي بالاسلوب الراقي معها راح تنحل الامور بسلاسه المطلوب منك الانتظار الى ان تهدا النفوس ممكن يكون عندها ضغط من التجهيز والدراسه معا ... فكثر الضغط يولد الانفجار والي صار معها وكلمتك وقالت تبي مصروف ( للاسف انفجرت فيك مو غيرك ) ..!! المفروض منك تصارحها بهالشيء لان الي صاير معك شيء مؤقت وبعد انتهاء مراسم العرس راح تزين حالتك وتقدر تصرف على بيتك وعليها ... كلامك لها انك ما تقدر وكذا بصراحه يقلب لها اشياء كثير ومهمه وهي انك ما تقدر تصرف عليها حتى بعد الزواج ... لازم تبين لها انك الان تعد للزواج وبعدها باذن الله راح تتحسن الامور كثييير .. تحياتي لك وبالتوفيق ان شاء الله ... الاشراف : لفظ المشيئة يكتب على هذا النحو إن شاء الله |
اقتباس:
الف شكر لك يا اختي انا كلمتها وفهمتها اني ذهبت للبنوك ورفضو اعطائي قرض وان بنك التسليف عطاني موعد مراجعه في شهر 11/1430 وقلت لها اني ما ابي اتوط بالديون واني احرم نفسي اشاء ضروريه وان راتبي 90% منه يحول لحساب ادخار وطلبتها تكون معينه لي وان تقف معي فهي شريكة حياتي وتفاجئة بردها وقالت ( يعني انا بطيحك بالديون) ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
اقتباس:
بالنسبة لكلامك حبيت توضح لي هل عندك المقدره على تحمل نفقتها بعد الزواج ... علما بان المصروف 1000 ريال لا يكفي لتلبية الاحتياجات حاليا ... لابد من التضحية والاقدام على الشيء لابد من وجود التضحية فيه ... طيعا مو اقول رح ودبر لها فلوس وعطها لا يا اخي ... فمثلا انا انسان خاطب ولي فتره طويلة وتاخر زواجي لعدم مقدرتي على تحمل مصاريف الزواج وعشان اجمع لي ما يكفيني مع ان هناك محاولات من الاهل اني اتزوج ولكن لرؤيتي بعدم قدرتي على تحمل شخص اخر يدخل معي بالوقت الحالي رفضت وتاجل موضوع الزواج الى ان يفرجها ربك ... طبعا هالكلام اقوله لاني شفت مشاهد حيه اشخاص متزوجين لازالوا ياخذون مصروف من والديهم بسبب ان عليهم ديون وقروض يوفون بسدادها واخر الشهر حساباتهم صفر !!... فلازم بالاول تقعد مع نفسك وتحدد مصاريفك بعد الزواج ( تراها الاهم ) لابد انك تشوف تقسيم لراتبك ( مصاريف البيت ومصاريفك الشخصية ومصاريفها الشخصية ( فواتير وغيرها ) ومصروف لك ومصروف لها كونها راح تكون تحت ذمتك مسؤول عنها ولابد من ادخار لو شيء بسيط للمستقبل . فبعد ذالك تتم جلسه مصارحه بينك وبينها وتبدا تحط النقط على الحروف والتفهم معها بشكل سهل جدا فالكلمه الطيبة تدخل الئلب من جوا :) .... << قلب مصري :25: وانتبه يا اخي ترد عليها بهالكلام انتي تبيني ولا نتي تحبيني لانها كلمات تعتبر جاااافه جدا ... في اقرب فرصة تكلمها فيه لازم توضح لها مدى غلاوتها عندك وانك تبذل الغالي والنفيس من اجل اسعادها ولكن في الفتره الحالية توجد لديك مصاريف مهمه من تحضير الزواج وتاثيث عش الزوجية وحفله العرس ( اختياري مو اجباري تعملها ) .. ومصاريف خاصة لشهر العسل ( طبعا اذا كنت بتسافر لمعها لشهر العسل ) .. فالبوقت الحالي لايكمن ان توفر لها مصروفها ولكن بعد الزواج راح يمشي لها مصروف ( لازم تفهمها هالشيء مو تروح وهي تكون غفاهمه شيء ثاني ) .... تحياتي لك ... مع تمناتي لك بالتوفيق ... |
مشكور اخوي فديتها
واعذرني على اني قلت لك اختي اخي انا الحمد لله راتبي زين واموري زينه بمشيئه الله تعالى واقدر على الزواج واقدر اصرف عليها من الحين لو ابي بس هذا كله راح ياثر على مستقبلنا بعدين انا ابيها توقف معي تحس فيني |
الان اقدر أقول المشكلة ليست فيها بل فيك .. .. عرفت ان تحتاج لجرعة كبيرة من الركادة
يا اخي فلتعلم أن المراة لا تحب ولا تفتخر بالرجل الخفيف الذي يلهث وراءها على حساب كرامته ورجولته .. لا تعلم يقينا أنه لا ينفع سندا لها .. لاحظ بعد الكلام اللي قلناه .. قلت .. احبها .. من حقك تحبها .. لكن الرجل يحب بعقل مو بعاطفية مثل المرأة .. والله الرجل الراكد الرزين الذي لا تستغفله النساء هو محط اعجاب لزوجته .. |
كلامك صح
|
الله يسعدك معها
وفعلا انا مع الذي قالوا لك تطنشها ولا تفتح لهل سيره بالموضوع |
اخي الكريم..........
الله يوفقك ويجمع بينكم...اتوقع انك مكبر المسألة وشكلك من النوع اللي الريال غالي عندك.... بس ماألومك انت اللي تتعب واحيي فيك هذا الحرص والرجال اللي من هذا النوع ماينخاف على مستقبلهم... ولكن ..........اسأل خطيبتك ليش تبغين الفلوس ؟؟؟ناقصك شي؟؟ احرجها بهذا السؤال أهلك مقصرين عليك بشي ؟؟؟وانا والله مااتوقع؟؟؟ ناقصك أكل ؟؟ ناقصك ملابس؟؟؟ واتحداها تطلب منك ريال.... واذاعزمت على طلبها... قل لها عسى احديطيع يسلفني..... سؤال كم مرتبك الشهري؟؟؟؟؟؟؟؟؟؟ بس اتوقع انها تختبرك لأننا يالحريم مقياس حب الرجل لنا هو الفلوس والهدايا رح لها في هاالعيد ولاتسوي مشاكل من اولها خذ لها جوال وقل الفواتير عللي :d ترى البنات مايدرون عن تحمل المسؤلية الابعد مايتزوجون وانا وحدة منهم كانت 500 زي5 بس من تزوجت صرت زوجة مدبرة والشاهد على ذالك زوجي تدري ليش زوجي من النوع المسرف الغير مبالي مختصر الكلام.......لاافراط ولاتفريط لاتصير بخيل تطفش منك غاليتك .....ولامسرف تطفش انت من حياتك الله يهديها... نصيحة .........كثر من الدعاء بين الاذان والاْقامة وصدقني راح تشوف النتيجة ننتظر نهاية مشكلتكم عن قريب |
اقتباس:
و لا تقولها ناقصج اكل؟ او اهلج مقصرين معاج؟ مب حلوه هالكلمه لانك ما تدري يمكن اهلها قطعوا عنها المصروف او انهم مضغوطين و هي ما تبي يقولون زوجها مقصر معاها او او او |
| الساعة الآن 04:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©