|
الله لا يحرمني منكم
والحمدلله ربي عطاني زوجه واعيه وبنت رجال وانا لهذا السبب ما عاتبتها وقلت بالنهايه انتي حره وطلعت زوجتي احسن من اخي لان في اخر زياره للوالد مع الاهل عندي سألني هل عجبك البيت؟ قلت نعم ومرره مريح وينفع بيت العمر خصوصا وانه جديد وبحي راقي فقال وشرايك تسال بكم علشان تشتريه ملك ولمن سافر سالت صاحب البيت وبلغت الوالد بالمبلغ فقال انا راح اعطيك نصف المبلغ والباقي دبره انت قلت طيب وقبل كتابة العقد اتصلت على الوالد فاعتذر وقال اخوك معترض وطالب مبلغ نفس مبلغك فانا زعلت وكنسلت الموضوع بس ما وضحت للوالد وقلت مو مشكله ولكن زوجتي قالت انا بساعدك بالفلوس ولا يهمك احد فوافقت بشرط كتابة المنزل باسمي واسمها ولم تقبل الا بعد عدة محاولات والحمدلله دبرنا نصف المبلغ وباقي المبلغ على دفعات سندفعها ولكن اخوي ماصدق وحسبنا نكذب عليه وعمل مشكله كبيره وجا هنا عندي وقال يعني لازم اعمل حادث علشان استغل وضعي !!!!!!!!!!!! المهم انا علشان اخرج ابوي من المشكله جبت الاوراق وخليته يقراها واقتنع ان انا وزوجتي دفعنا المبلغ وسافر من يومها وانا انقهرت واستغربت ردة فعله حتى رفض يتعشى عندنا برغم ان اللعشاء كان جاهز وطيارته الصباح مو الليل والحمدلله زوجتي قالت اخوك كشف قناعه بس اهم شي انت لا تقطع الاتصال به لانه اخوك الكبير والمهم ان البيت صار ملكنا وحياتنا استقرت الان اكثر ولكن انا حزين على علاقتنا الان لاني كنت احترمه واحبه ولكن لم اتوقع ردة فعله تصوروا حتى مبالغ علاجي حاسبها ويقول ماكفاك خسارتنا بعلاجك؟!! طبعا الوالد لو عرف راح يزعل عليه بس انا سكت وماعلمت احد واكدت على زوجتي انها تسكت علشان ابوي لا يزعل عليه والحمدلله على كل حال |
بسم الله الرحمن الرحيم السلام عليكم و رحمة الله و بركاته بارك الله لك أخى و بارك لك فى زوجتك التى تحافظ على صلة الرحم بينك و بين أخيك. و إايك الآنى مما قاله رب العالمين:- بسم الله الرحمن الرحيم (وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ) . و صل ركعتى قضاء الحاجه بأن يرد لك أخيك ردا جميلا و صل و انت واثق فى الله و أعلم أنه ليس هناك مشكله لم يضع الله لها حل ..... توكل على الله و ضع هذه المشكله بين يديه و لاتيأس و لا تستعجل و كن على الدرب الرحيم مع اخيك و لو على مشقه . شكرا السلام عليكم و رحمة الله و بركاته |
شفت صدقتني يوم قلت لك ان زوجتك كنز ...
|
تبارك الرحمن .. عيني عليكم باردة.
سبحان الله .. على نياتكم ترزقون. أخي الفاضل ... كلٌّ يعمل بأصله وتربيته وأخلاقه .. والحمدلله الذي وفقك لزوجة صالحة متفهمة تدرك أهمية دورها وتتقي الله في علاقتها بك .... الله لا يغير عليكم يا رب. أما أخوك .. فكما قالت زوجتك .. لا تلتفت لتصرفه ـ رغم أنني أتفق معك في أنه تصرف بشكل سيء جداً ـ وصله بالمعروف طاعةً لله ولا شيء آخر. وفقك الله أنت وزوجتك ورزقكما من حيث لا تحتسبا. |
اقتباس:
العدل اساس الملك في هذه الحق مع اخوك ووالدك لازم يعدل و اتوقع يصير اكبر اذا ما خبرت الوالد بما يقوله اخوك حتى يعدل بينكم وما يخسر اولاده ويكون سبب في قطع الرحم |
اقتباس:
انا بالنهايه ابنه عموما جزاكي الله خير |
اقتباس:
اخي مهزوم اعتبر نفسك انك ما سمعت الكلام اللي قاله لك اخوك .. ان وصل خبر الي ابيك بما قاله اخوك راح تكبر المسأله و ما راح تنتهي الا بالمقاطعه بينكم ... على ما اتذكر من كلامك ان ابوك عصبي .. صح او انا غلطانه ؟؟؟ |
اقتباس:
اسأل الله لك ولطبيبتك الذريه الصالحه وكل ماهو أجمل بالوجود..في رعايه الله |
اقتباس:
اكيد انت ابنه وهو كمان ابنه (اخوك الكبير) بس لازما لوالد يعرف انه الامور بينكم فيها حساسيه مو لازم تقوله علاسباب لكن بما انه هو سبب في عمل هذه الحساسيه بينكم اقتباس:
لان بكره ان شاء الله يصير عندك اولاد ولازم تكون عادل بينهم حتى في القبله و الحلوى مرورا بما تهبه لهم ضع نفسك ولو لدقيقه مكان اخيك و الان نحن في زمن صعب وا لدليل انه اخوك يبحث عن الماضي وكم صرف عليك الوالد و علاجك هل ذكر هذا من قبل اذا من السبب الوالد ،،، اعتقد انه من باب حسن النيه ولم يقصد الاسائه فقط اخبره ان يلطف بينكم الجو وهو خبير بمثل هذه الامور ويعرف كيف يحتوي وكيف يصلح بين الاخوه وليعجل بهذا حتى لاتبات لا انت و اخوك وبينكم هلحساسيه و الظنون السيئه |
المفروض تعطف على اخوك اذا هذا هو تفكيره
لاتكرهه ولاتشيل بخاطرك عليه بل ادعيله ان الله يهديه ومايجعل الدنيا اكبر همه والغيره تعمي قلبه والفلوس تنسيه اخووه وماتدري يمكن في ناس اثرو فيه وقالوله كييف اخوك وزوجته ياخذون فلوس علاج وبيت وكل شي واحنا ولاشي (( اتوقع فهمت اقصد من؟ )) انا مابي اغتاب زوجته يمكن هي مالها ذنب بس عشان لاتكره اخوك مهما كان هذا اخوك الكبير واحسن شي تنسى كل اللي صار وتعيش حياتك بسعاده وهناء في بيتكم الجديد والله يهنيكم ويسعدكم ويرزقكم بالذريه الصالحة يارب |
| الساعة الآن 06:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©