منتدى عالم الأسرة والمجتمع - خطيبتي طلبت مني مصروف شهري.. حُلت ولله الحمد

منتدى عالم الأسرة والمجتمع (http://www.66n.com/forums/index.php)

- المقبلين على الزواج (http://www.66n.com/forums/forumdisplay.php?f=7)

- - خطيبتي طلبت مني مصروف شهري.. حُلت ولله الحمد (http://www.66n.com/forums/showthread.php?t=189151)

اقتباس:

اخوي طيب حتى ابوها هو ابوها ختى بعد ما تتزوج ليش ما تطلبه يصرف عليها ؟؟؟

انا عن نفسي بصراحه ابوي وهوا عايش كان مصروفي الف ريال

والله يرحمه بعد ما مات كتب في وصيته ان لي من راتبه اربعه الالاف حتى بعد ما اتزوج قولوا ماشاء الله تبارك الله

ولمن اتملكت ولا خطر في بالي مساله المصروف

وحتى جوالي ما كان يرد عليا يعطيني بيزي وهو يرجع يتصل ومع كذا كان يرسل لي كرت شحن بما ان جوالي سوا

لكن ما صار نصيب

اما بالنسبه لك انا اشوف عندك خيارين اما انك تقولها مااقدر عشان عندي مصاريف ولمن نتزوج لكي اللي تيغي

او انك تقولها لكي 500 منها مصروف جوالك

بصراحه انا حتى الجوال ما اشوف انك ملزوم تسدده

والحين يعني نفهم ان ابوها ما اصار يصرف عليها بعد ما ملكت ؟؟؟
معليش ما اتوقع في اب يقطع المصروف من بنته عشانها ملكت

تعددت ارائنا واغلبها واحد لكن انت شوف اللي يناسبك وسويه
احنا علينا النصيحه
والله يوفقك اخوي

بارك الله فيك اختي ورحم الله ابوك

هي ابوها بيصارف عليها اكيد ولا يمكن انه يبخل عليها , لانه عمي واعرفه واتوقع لو عرف هالشي راح يردعها ويستغرب منها

وفقك الله ومشكوره على مرورك

اقتباس:

اخي الكريم

افضل من يبت في هذا الموضوع هو أنت

وذلك لانك الوحيد الذي تعرف البنت تمام المعرفة وتعرف اخلاقها

و ما اذا كان طلبها هذا لحاجة ملحه لها امـ هو نقص في فهمها وقلة في عقلها

انصحك اذا كنت ترى انها غير محتاجه وانها لازالت صغيرة في السن ولا تفهم

معنى الزواج فعليك ان تجلس معها وتحاول ان توضح لها مثل هذه الامور

وان الزواج شراكة وليس استغلال كل طرف للاخر ..

شاكر لك اخوي , انا قاعد احط النقط عالحروف والله يكتب اللي فيه الخير

موفق

علمها القناعة وشلون تكون قنوعة

و إنها تحمد ربها غيرها ما يحصل شيئ

و إنها ترضى بالقليل عشان يجيها الكثير

الله يهديها و تقدر مجهودك

اقتباس:

اخي الكرريم ::
الان اتووقع البنت معليش يعني ما اعتقد انهااا عايشة بمستوى طيب عند اهلهاا
او انة كاانت طلبااتها تجي بعد عنااء وشقااء وما اعتقد انة يعطيهااا
والدهاا مصروف كماا ذكررت
لذللك تفكيرهاا الان يقتصر على الماادة فقط
لأنها تعتقد انة الزوااج = جووال جديد +رقم +مصرووف +طلبااات لها اول مالها اخر
طبعاا عقلهاا الان يقتصر على الشكليااات فقط
وما اعتقد حتى لو قلتلهااا انة عندك ديوون رااح تفكر فيك
لأنة مايهمهااا اصلااا وبعدين من متى الخطيب يجيب لخطيبتة مكياااج !!!!
اتذكرر انها المفروض من مهرها تجيبهاااا

عمومااا هي الان فيهااا جرأة غريبة جداااااااا
وطلباات مالهاا دااعي اين الخجل ؟؟
اووو انة احد بيقوولها اطلبي كذاا وكذاا وهي ماتدرري وين ربي حااطها
ومع الخيل يااشقرااا يعني الشغلة يبغالها مصاارحة
وكماان تحطلهاا حد (انا يابنت النااس هذي ظروووفي )علشاان تفهم
اذا بتستمر على هذاا الوضع بتختلق مشااكل انتو في غناااا عنها بعد الزوااج
وكماااان كثرر خيرك تدفع فااتورتهااا

بس فية نقطة انت قلتهااا ما عجبتني صرااحة وهي انة البناات مطفين النورر
حقيقة اني لم افهم من اين اتيت بالتعميم !!!!
واذاا هي مطفية النورر على قولتك البركة فيك ولع كشاااف

الله يهديهااا ياااارب

عليك نور دايموند , انا كذا احس , احس انها تحب المظهريات بكثير ولكن ما فكرت لأنها من الطبيعي توها صغيره ( 20 سنه ) ومقدر هالشي , وبالنسبه للمكياج قلت عادي ولو اني استغربت بس ما ناقشتها فيه ابد وجبته لها , حتى تخيلي كنت ابي اتأكد هل هي تشتري المكياج من قبل او لا . واكتشفت عكس هالكلام لاني لما كنت عند راعي المكياج نقص شغله وحده ودقيت عليها وانا عنده وقلت هالنوع يجي له رقم هاتي الرقم اللي مكتوب على اللي عندك ههههه قالت مدري قلت شلون ما تدرين , مو عندك من قبل نفسه , قالت لا .....!!!! واثاريها ما كانت تشتري ماركات جيفنشي ولانكوم واكتشفت انها ماخذه اسمائها من وحده

عموما انا ناوي احط حد بكل منطق وعقلانيه وبارك الله فيك على توجيهك لي في الرد

وبالنسبه للشق الأخير من موضوعك , انا ما اقصد كل البنات , يعني اقصد غلبهم هههههههههه

وشوفي والله ثم والله ثم والله اني ما فكرت في شي من اي ناحيه لكن انا ودي الشخص قبل يطالب بحقوقه , يعرف وش هي حقوقه .. انا ما قررت الزواج الا بعد ما عرفت وش حقوق المرأه ووش عليها ومراعي كل الظروف , علشان ما اظلم بنت الناس معي لانها في ذمتي

بارك الله في الصلب الذي انبتك والبطن الذي حملك

اقتباس:

ماشاء الله امتاز نقاشك معاها بالهدوء والرزانه

يبدو كما ذكرو الاخوات انه فيه احد جالس يقول لها اطلبي منه او انها تختبر غلاتها

كما هو معروف عندنا في المملكة المصروف هذا شي بعد الزواج وليس في فتره الملكة

وماشاء الله عليك ماقصرت معاها وارخيت لها الحبل ودلعتها

فلازم تصارحها بوضعك مو بأسلوبك المعتاد لكن حسسها انك متضايق منها

لان يااخوي لو دلعتها الان وهذي طلباتها بعد الزواج بتتمادى اكثر وبالاخير لا انت ولا هي راح تكونوا سعيدين بوضعك

وفقك الله لكل خير

هلا فيك مسك

انا اشك ان فيه احد يفر راسها مثل ما قلتي لكن الحمد لله حاس اني راح اتغلب واقنعها

مشكوره على مشاركتي موضوعي وزيارة متصفحي

اقتباس:

ياحسره وش نقول بس
انا زوجي عمره ماعطاني مصروف في الملكه ولا عمري تجرأت وطلبت حتى جوالي عمره ماسدده لاني اخجل اطلب
جرااااءه

هلا بك ملفوف

ان شاء الله تبقين على طول قنوعه وخلوقه

والاهم ان الانسان يتفكر في الموجود ويترك المفقود

بارك الله فيك

اقتباس:

يا اخي لايكلف الله نفس الاوسعها, اهم شي واللي لازم تنتبهله انك ماتعودها على شي انت ماراح تقدر تكمل عليه وانا معك انه غريب اني اصرف على خطيبتي في بيت اهلها.

اول شي حاول تفهمها وضعك زين وتقولها ان هذا اللي عندي ولاتطلبين مني فوق طاقتي واذا ماصلح معها الحوار كلم ابوها او امك تكلم امها والا فالحزم الحزم ((لا))

شاكر لك اخوي كلامك , عين العقل والله

والحزم ان شاء الله موجود وربك ييسر

اقتباس:

أعتقد أن هناك من أهلها من يدفعها لقول ذلك ,, ويوجهها ,,

أستبعد الأب ,, لكن ربما والدتها ,, والله أعلم ,,

هلا بك خاطب محتار

اتوقع انه يكون احد يدفعها لكن ما اتوقع امها لاني اعرف امها عاقله بس يمكن اختها المتزوجه لانها ذكيه ومعروفه بمخططاتها الهدامه ههههه الله يصلح الشان

وفقك الله اخوي

اقتباس:

الموضوع بسيط و حله ابسط ,, اهم شي تكون هادي و تتعامل بدلماسية ,,
قول لها اوكيه رغم ان العرف عندنا ان الخاطب ما يصرف على خطيبته وقت الملكة لكنك غالية و ما اقدر ارد لك طلب بعطيك مصروف 500 بس فاتورة الجوال عليك ,,
بكذا بتكون دفعت لها فعلياً 150 (فرق الفاتورة) بدل 500

صقر الشرقيه وقرين 222

بارك الله فيكم على الفكره الحلوه

اقتباس:

أول شئ أخوي أحيي فيك رزانتك ورجاحة عقلك..

وحلو أسلوب التفاهم وإمتصاص نرفزتها بإنك تأجل الرد بحجة التفكير..

شوف بصراااااحة أخوي أنا شايف الموضوع أكبر من فاتورة جوال ومصروف شهري..

البنت أخوي يا إنها صغيرة ولسى مو فاهمة كيف تتعامل مع زوج المستقبل أو فيه أحد يفر براسها..

وفي كل الأحوال هذه مشكلة كبيرة.. وباين كمان إنها مدلعة شوية معليش على الكلمة أخوي..

الفترة هذه إذا إنت شاريها راح تتعب معاها كثير أخوي لازم تضع لها حدود في التعامل وتعلمها كيف المفروض تكون..

بالنسبة لي فاتورة الجوال 300 وشوي أشوفها كثير يعني بالله بالعقل كذا ايش الإتصالات اللي عندها وهي في بداية عمرها.. ومصروف شهري ملزم بيه كمان صراحة مرة صعبة..

شوف لو إنك ما تسدد الفاتورة كان قلت حلوة منك تعطيها شئ رمزي شهرياً يعني بالكثير قول 200 إذا وضعك يسمح كمان..

وإذا مو مقتنعة أخوي قول لها طيب يعني إنتي اللحين بطلباتك هذه تعتبري نفسك زوجتي ولك واجبات وعليك حقوق لأنه إنتي بتقولي المفروض أجيب لك مصروف شهري يعني هذا واجبي حتقول لك أكيييييد ..قول لها طيب أوكيه كمان إنتي عليك حقوق خلاص ملابسي بجيبها لك تغسليها وتكويها وراح أجي وأخذ حقي الشرعي والزواج مو لازم زواج كبير ومش عارف إيه يعني بحكم إننا خلاص متزوجين يعني..

طبعاً راح تندهش إنت هنا على طول لا تنتظر منها رد وقول لها شفتي يا فلانة الأمور مو بالطريقة اللي إنتي شايفاها أنا اللحين وراي مسؤليات وأشياء كثير لازم أوفرها والمفروض إنتي تكوني عون معاي وتساعديني علشان نتزوح بسرعة ونجتمع في عش الزوجية وكذا..

وبالنسبة للمشكلة خييرها أحسن بإنك تسدد الفاتورة أو تعطيها 300 ريال شهرياً..

تمنياتي لك بحياة سعيدة

الولد الرزين المجرم هههههههههههه

ما شاء الله عليك بصراحه ردك اعجبني حيل هههههههه مجنون وربي , فكرتك تحفه وربي بتنصدم هههههههه

الله يسعدك ويوفقك وانا تقريبا اقتنعت في كلامك وبجرب وبعطيك خبر