|
اممم
موضووع رائع بقوه مره فطست ضحك في معتقدات متشابه انا بابا كان يقولي انتي مو بنتنا لانو ماما كان شكلها صغير ماتبين انو ام وكنت احمق وازعل بس لماكبرت شويا صرت اطالع بوجهي لقيته كوبي بيست من ابوي الله يحفطه يارب وللان بابا يقولي هادي مو امك مشاءالله كاننا اخوات والان اسوي نفس الحركه بااختي الصغيره لكن يمكن تشك مدري طالعه تشبه لمين وانا صغيره كمان كنت اروح مع بابا الشغل وكنت اشتري من الكشك حلويات وشبسات وفرحانين بلاش وعلى بالي الرجال مره معنا طلع كلو بحسابه زمان كدا اول مافتحوا المركز التجاري سوق حراء الدولي كنت اروحه وبعدين كانت الثريا جدا كبيره وعميقه ويجي ضلها بالارض كانها حفره وانا كنت اخاف امشي على الظل على بالي انها حفره بجد وابكي واخواني وعيال عمي يدفوني عليها دحين لمااروح نفس المركز اجلس اضحك عندنا معتقد واستغربت قبل كم يوم سمعت اختي الصغيره تقول عنه برمضان الله يبلغنا ان شاءالله كنا كيف نبغى نعرف انو الواحد صايم لازم يكون لسانه ابيض هههه اما النمنم يادانتيل حكايته حكايه ولد خالي كان اكبر بكاش اذكر مره روحنا عندهم ننام الا وهو يقول شوفت النمنم بالمطبخ وكنا بس الزوره والحريم مو موجدين واحنا كل واحد يمسك اخوانه كنت الكبيره واللي ماسكه عصايه والا ماسك يد المكنسه خارجين نحارب وتقرأ سوره الصمد بصوت عالي ونخرج جري لبيت جدتي ههههه ومسكين واحد من عيال خالي كان عندو الربو وجته الحاله من الخوف واحنا صغار كانو ماما وحريم اعمامي يروحوا للناس ويتركونا عند عمتي واحنا كان نفسنا نبيع برمضان كل الناس فارشين ومسوين بسطات وكل يوم عمتي تقول يله راجلسوا مؤدبين عشان نسوي البطاطس وتبيعوه وبس تسويه ناكله وننسى البيع وانا صغيره كنت مره مدلعه لدرجة اخد الالعاب حق البنا والاولاد لدرجة لبسوني عقال الملك عبدالعزيز هههه >>مصدقه نفسي اني ولد اللي كانو قدي اولاد وووووبس يمكن افتكر شئ ارجع بس ان شاءالله ماتكونوا طفشتوا من قرقرتي |
اقتباس:
اقتباس:
اقتباس:
وأخيراااااا غيرت الرموز في توقيعك الظاهر من تأثير كثر الضحك |
والله انا صار لي موقف مع ولد أختي في حياتي ماراح انساه
لما ولدت اخته كان عمره تقريبا السنتين ونص قريب الثلاث عاد طبعا هو نمبر ون واخته نمبر تو ....كان عندي سهران فقلتله ترا فلانه لي امك جابتها لي انا حقي هاذي قال: لا من قال:11:؟؟؟!!!! قلت: انا اقولك انا راح اربيها واكبرها!!!!!! قال: لا ما بنعطيك اياها انتي روحي جيبي بي بي لحالك:(.....طلعت عيوني من قالها قلت الولد فاهم وجاهز.... قلت: انا زعلانه لان انا ما عندي بي بي وانتي ماتعطيني قال: اسمعي اقولك (في قمة الجدية) قالي تروحي المستشفى الفلاني مستشفى مشهور عندنا للولاده فقط (قلت لا الولد فاهم وانا اشهد:() وتروحي عند وحدة:20: تلبس كله ابيض في ابيض حرمة مو رجال:18: وقوليلها اني ابغي بي بي وهي تجيبلك بي بي:15: من داخل الغرفه مثل اللي كانت فيها ماما:25:...واذا تبغين انا بروح معاكي لانهم شافوني مع ماما (عامل واسطة الأخ) لان كل الممرضات اجتمعوا عليه وقتها يدلعونه فالولد عايش دور واحد مهم هههههههههههههههههههههههههههههه :d:d:d:d:d:d:d:d:d:d:d قسم بالله على آخر حرف وانااااااااااااااااااااااااااااااااااااااااااااااا اااااااااااااااااااااااااااا انهيااااااااااااااااااااااااااااااااار من الضحك ما قدرت امسك نفسي واضحك واضحك واضحك :d ريحني الله يريحه... بعدها خالاته كل ما قالوله فلان ترانا بناخذها اختك قالهم اوووف:19: قلتلكم تروحوا هناك عند ذيك الحرمة اللي لابسه ابيض وجيبوا بي بي ماما راحت وجابت وانتوا روحوا جيبوا..... وقمة الاحراج لما اتصل ابوه قاله بابا قولهم وين يروحوا يجيبوا البي بي يبغون ياخدون البي بي مالنا :o:o هههههههههههههههههههههههههههههههههه |
الحمدلله كبرنا هههههههههههههههه
اهم المعتقدات اني دايما اعمل صداقات مع النمل اللي في البيت (متأثرة كثير بالكرتون وسنووايت) كنت دايما احميهم وافتفت البسكويت بجانب مقرهم لدرجة حتى لو شفتهم في الحمام وانتوا بكرامه كنت اشيلهم عشان لا يغرقون من الماي طبعا لين ما انقلهم مكان ثاني تروح النمله في سابع موته واذا شفتها ماتحركت احركها بصبعي ولا انقط مويه بجانبها يمكن تكون عطشااااااااااانه....هههههههههههههههههههههههه فلم هندي حتى قطوة الفريج كنت اعطيها لحم مثلج من الفريزة المسكينة ماتت والسبه هاللحم ماعاد شفتها مره ثانية :25: و كنت اشربها حليب رينبو المركز اللي في العلب:23: (قمة النعذيب) لين ماكتشفت الوالده الله يحفظها ان اللحم كل يوم ينقص :29: ورحت انا في شوربة ميه..... في نفس الوقت كان عندنا دجاج وامي كانت تقولنا انها هاليومين راح تبيض هالدجاج مادري ليه كانت كاسرة خاطري رحت جبت بيضتين من الثلاجة وحطيتهم تحتها قلت عشان امي ماتعاقبها اذا تأخرت وما جابت البيض طبعا ايام البيض كانت عليه طبعه المصنع:26: ما صحيت الا امي ماسكة اخواني الاولاد وطاحت فيهم ضرب وانا ولا كأني:25: موجودة.... والمعتقد الثاني الضرس لما يطيح علموني اخواني انوا اذا الضرس طاح لازم ندفنه مايصير نرميه في الزباله وانتوا بكرامة....وبعدها جلست انتظر وانتظر واقول يارب يارب ينخلعلي سن عشان ادفنه زي اخواني لان الكل دفن سن وانا لسه لين ما قعدت لحالي احرك القواطع اللي قدام هههههههههههههههههههههه وكنت آكل حلاوة كثير قبل لا انام لين ما جا ذاك اليوم وانخلعلي ضرس وطبعا زفيت الخبر لاخواني واقولهم يلا تعالوا نروح ندفن الضرس طبعا اخذنا الضرس وغسلناه بماي وصابون والجماعه اللي برا جهزوا الحفرة وعملنا جنازة معتبرة للضرس ودفناه وبعدها سلموا عليه اني بطله وانضميت لقائمتهم......رحمه الله على الضرس والمعتقد الثالث طبعا ممنوغ أغير ملابسي قدام التلفزيون بحجة انهم يشوفوني منه خصوصا اذا كانوا رجاجيل....حتى الجرايد والمجلات اذا كان على الغلاف رجال ارميهم ولا اقلبهم هههههههههههههههههههه وطبعا حكايه البي بي كيف يجي انوا الوحدة لازم تلبس فستان الفرح وتجيب ولد.....هاذي قريبه من الواقع يعني كنت مخمخه شوي واعرف الحكاية...لما كنت اروح محلات الفساتين واشوف فستان الفرح اقول في نفسي الحين لو انا لبسته راح اجيب بي بي (نعم ياختي هي الدنيا سايبة) والله ان هالموضوع طلع فضايح مالها أول ولا تالي استر علينا يا أخ عزوبي الله يرضى عليك |
ايوا كمان في معتقد كانوا بنات الفريج دايما يقولون تدرون ليه كل الامهات يقولون لا تلعبون بالتراب لانه بيض القمل ههههههههههههههههه (هاذي كيف جت مادري:() وما تفقس إلا في الشعر (تحليل منطقي:26:)
وكمان كانت اختي الكبيرة تقول اذا شفتي نفسك في المرايه في الليل راح تصيري مجنونه :23:خلاص ما راح ينفع معاكي علاج وراح نوديكي مستشفى المجانين وتعيشين هناك(كنت اخاف من المجانين كثير ربي يعافيهم يا رب)....فصرت اذا قلبت وجهي عالمرايه اغمض عيوني ما اشوف المرايه خير شر امشي في الغرفة وانا مسكرة عيني:cool:(خايفه على مستقبل مخي) وبعدين انا اكلت من هالكذبه انتي مو بنتنا:rolleyes:....كانوا دايما يقولولي اني بنت السيلانية اللي كانت تشتغل عندنا كانت هاذي اول خدامة تجينا عالبيت وكانت بمثابة المربية لي فأخذوها اخواني واخواتي يقولولي انت بنت ليلى السيلانية مو اختنا....لين ما صدقتهم وصرت انام في المطبخ هههههههههههههه (اكررررررررررررهم:19:) بعدها اكتشفت الوالده واخذت حقي منهم صارت تقولهم انتوا مو عيالي وهي بنتي الوحيدة ماتوا غصة الجماعه :) احسن يستاهلون |
ما ضحكت على الردود قد ما ضحكت عليك يا (حرم فلان) ...
لو يدخل أحد الغرفة يقول مجنونة تضحك مع مين:11: !! |
اقتباس:
الله يسعدك يارب .....والله ماتصورين وخصوصا سالفه السن اللي لازم ندفنه مع الالم والنزيف الاخت رايحة تدفن فقيد فمها:23:....والله ان الوالدة الله يعطيها العافية شاب راسها مني انا واخواني واخواتي الله يعطيكي العافية |
اقتباس:
ههههههههههه :d:d:d:d |
السلام عليكم
ام بدر قالت لي علموضوع هذا و طبعا انا رديت عليها ايش معتقدات احنا ما عدنا علعبط الطفولي :25: ومثل ما قالت ام جمانه قعدت اعصر و اعصر بهلذاكره طلعت بكم حكايه:14: كنا صغار نروح لبيت خالي بلعراق برمضان نبات عندهم كنا نننام بلسطوح لان الدنيا صيف و البيت يصير كتمه ما في مكيفات بللغرف و في اسره(( حديد)) علسطح و نروح المغربيه و نفرش السرير(( بلشراشف و المخدات و الاغطيه)) و ننام ببلليل السرير بااااااااارد يقولولي انه الي يعد النجوم كلها يموت،،،،،:21:و انا علنياتي اصدق و المسحراتي شغلته من يشوف اطفال صاحين يضربهم :24: طبعا نصحى الصبح على اشعه الشمس الحارقه و ازعاج الذباب هذا اللي اتذكره من معتقدات الطفوله هيه ليست معتقدات مني انا لكن هذا ما جناه اولاد خالي علي (( ابرر لنفسي )):d و في معتقدات اولادي الصغار عمرهم 5 و 6 ابو 6 حاب يعيش الجو انه حاله حال اصحابه عنده جده يناديلي انا جدتي وينادي لاخته ماما و المدرسه تقولي الله يعين هلولد عنده امين بنتي الثانيه عايشه الجو انها امه و ابو 5 سنوات يشرح لي بعد ما داخ يحسبه مين ام زوجي ومين ابويه انا و النتيجه اني انا ام زوجي و زوجي هو ابويه طبعا خفت عليه ادوخه بزياده و اساله مين ابو ابوك ومين امي لانه الولد يروح فيها:23: حد فهم حاجه ،،،، ولا اشرح ثاني:29: بنتي من كانت صغيره تسمع اغنيه يا طيبه و تغنيها من تاكل تحسب انه الاغنيه للاكل الطيب ابني الكبير من كان صغير مرينا من جنب محل للحم الحلال سال ابوه ما راح تمر على اخوك مفكر انه القصاب اخو زوجي لان يناديله براذر و حابه اسجل انه معتقداتكم جميله وطريقه جدا جدا عجبتني (( دبس امسكني )) خطيره جاري التطبيق:d |
اااااااااااااااااه بـس ، فـتـر جسمـي من الضـحـك،،،،،،،،:18:
على مـواقـفـكم المضحـكـة ............ اقتباس:
والله شـيء مـؤلـم ان يتم تعليم الأجـيال والبشر حـول العالم عن اصـل خلقتنا بهذه الشكـل الذي دمـر البشريـة وجـعلها تفقد انسانيتها ....... وحياك خالـة جـريـن بمشاركاتك قادمة اقتباس:
سلمت اختـي على المشـاركـة الرااااائـعـة والله يجـعـلها هالمواقف الجميلة تريها في أبنائـك ================= اقتباس:
الله يخلي لك امـك ويحفظها لك وتشوفي ابنائك عرسان وعرايـس ......... وشكرا لك على المشاركـة الحـلـوة ======================= اقتباس:
ما شاء الله هـذه روح خالتها ، ما أصدق حبها ويا زيـن طبعـها الله يخليها لكـم ويـفرحـك فيهـا دوم ..... اقتباس:
الله يسعدك اختي نورا ،، على هذه المشاركـة الجميلـة ..... والله يديم السعادة عليك وعلى أهل بيتك وأحبابـك وجزاك الله على دعائك لاخيك ولا تنسينا بظهـر الغيـب =========== اقتباس:
هههههههههههههه خـدمـات نـقل عـفـش لمنازل النـمـل،،،، ذبحتيهم :( راحـت امـة كامـلة من النمـل تحت اصبـع من أصـابـعـك.......:d وشكرا لك اختي على مشاركتـك وانتبهي لا تصيرين مثلي ذبحـني الضحك وبـغـى يـهـد حـيـلـي.....:18: ======================== |
| الساعة الآن 11:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©