|
الله يكتبلك الخير ويفرج كربتك
الجئي للحي القيوم يهديك للطريق الصح موفقه وطمنينا عليك---- |
الغاليه ماعدت انا
اولآ اعتذر جدآ لك اذا كنت سبب في غلق موضوعك السابق ويعلم الله كم آلامني ذلك ولم اعد ادخل المنتدى,, اما بالنسبه لموضوعك الان فأنا لا الومك وشي بديهي ان نفسك تعاف اخيتي ماسمعتيه من كلام فيك ومن شخص تغليه صدمه بالنسبه اليك الآن ولازلتي تعيشي احداثها .. ولكن مع الزمن لانعلم مالذي يحدث سيتغير الوضع وربما يصبح في نفسك شيء تافه لايذكر وستتجاهلينه وتنسيه .. اسأل الله لكِ السعاده اينما تكوني... |
احاسيس متناثرة
أحسن خله ينهبل من كثر مايفكر فيني خله يعرف قيمتي مشكور ياخوي وجزاك الله خير والله يرزقك بالمرة الصالحة |
حنين بارك الله فيك مشكورة اختي
_____________- ورقة ليمون لا ياغاليه لستي السبب في حذف الموضوع والله لااعلم هل سأنسى كما تقولين لاأظن ذلك اشعر باحتقار لما قام به مشكورة غاليتي |
الحقيقة أنا أحب أسمي الاشياء بمسمياتها .. وما أحب التحايل على الواقع
خاصة لما يكون واضح وضوح الشمس ... أنا بقول رأيي في زوجك .. أنا متابعه موضوعك من البداية .. وزوجك رجل يحتقرك ويحب يذلك وكل اتصالاتك ومحاولاتك عطته غرور زيادة وشاف نفسه عليكِ وخلاه يتأكد انك وحدة مالك لا حول ولا قوة وانك بدونه ولا شي .. وانك ضايعه في هالدنيا وانك تدورينه حتى في أحلامك وهواجسك وهذا الشي فيه نوع من الصحة لأنك ما تقدرين تستقرين إلا بذكراه حتى لو كذبتي على نفسك وكتبتي موضوع بصيغة الكره أو انك ما عدتي تتحملين او تنسين اسأته الواقع غير كذا .. زوجك بصراحة وشخصياً اشوفه ما يستاهل لأنه فيه صفات سيئة المفروض الرجل الشريف ما يتصف فيها .. اذا كان ما يقدر يحمي المرأة من لسانه وظلمه .. شلون يحميها من الأخرين الرجل الي ما يقدر يحكم شهواته ويتكلم على الطالعه والنازلة وينشر كلام عنك .. ايش تسمينه ؟؟ حتى المرأة العاقلة المتزنة ما تعمل هالعمايل .. يجي اهو كامل العقل والدين يسوي كذا !!!! احنا قاعدين نتعامل مع رجل مو مع طفل .. رجل كلمته لها وزن في المجتمع .. الطفل ممكن نعدي كلامه لأن كل الناس بيقولون طفل ما يفهم لكن الرجال لما يقول زوجتي فيها وفيها .. ايش بيصير .. الناس تصدق حتى لو خطب بيزوجونه لأنه ملاك وانتي الشيطان الي عادي سمعتك تروح بس اهو مسكين قلبه محترق وما يبي يسمع خبر زواجك ... ايش الكلام هذا !! هذا انتي متزوجة كامل العقل والدين !!! ماله داعي نحاول نطلع له مبررات انه غيران وما يبيك تتزوجين هذي مو مبررات .. الموضوع مو بينك وبينه .. السالفه فيها سمعه وناس كلامهم ونظراتهم مثل السم تصرفات زوجك خالية من الرجولة تماماً إذا كان الله يغضب من البهتان ويتوعد الذي يفعله بالعقاب الشديد .. احنا نجي نبرر له (وَتَحْسَبُونَهُ هَيِّناً وَهُوَ عِنْدَ اللَّهِ عَظِيمٌ) ترى الكلام في الناس مو سهل .. الله يقول عظيم واحنا نبرر اعتقد انه رجال محاسب على كل نفس يتنفسه مو مرفوع القلم عنه ( رفع القلم عن ثلاثة عن النائم حتى يستيقظ، وعن الصبي حتى يبلغ وعن المجنون حتى يعقل ) ما قال بعد رفع القلم عن المطلق حتى يبرد قلبه والغيران حتى يخف زوجك حتى ما يستاهل التفكير فيه احنا نزن الرجل بكلامه وتصرفاته .. فإذ كانت تصرفاته كذا وكلامه ما فيه رجوله معناته انه رجل بالمسمى ..ماله وزن |
باريسا صدقتي
لكن من ناحيتي صدقيني ماعاد اطيق له سيرة لأنه هو تكلم بي وكلامه نقلته اخته عند كل من هب ودب ومثل ماقلتي لاهو بزر يعذر ولا مجنون لكن الله حسيبه وفوق كل ظالم وماراح يشفي غليلي الا الدعاء ألف شكر يالغاليه ماقصرتي |
سبحان الله سبحان الله سبحان الله
صدقيني انه لئيم لأن ما يحكي بالخفاء وبالقفاء الا الردي ولد الردي |
اختي وقت المشاكل ناس يطلعون لك مثل الشياطين ...ماتدرين يمكن الهرج كذب بكذب
والرجال ماحكى شئ من ذا ...ممكن سالفه كلها من نسج الخيال ويالله ناس فاضيه ...يمكن هو سولف لاختو متضايق مادرى عن شئ مو داري انو اختو حتنقل الهرج. احسن الظن وعيشي حياتك عادي بالقوه بالجبر عيشي حياتك..انا كنت مثلك اسمع هرج ناس واتضايق طنشي لاتصدقين شئ ماشفتيه او سمعتيه باذنك سجلي بدورات سوي اي شئ تحبينو ...وقفلي اذانك عن ناس الي تهرج وتنقل الكلام والله لو يحبونك ويعزونك مكان نقلو الكلام لك عشان تحرقين نفسك وتعصبين البني ادم صح ينقل الهرج زين وينقل كل خير مو ينقل كلام توغل بصدور الناس وتسبب نفور بينهم قفلي اذانك عن كل شئ من نقل الكلام وتوكلي ع الله وعيشي حياتك |
اختي ماعدت انا ريحي بالك هو مايستاهل تفكرين فيه وخلي الناس يحكو الي يبونه انتي حاولي تشغلي نفسك بالي ينفعك مصير الايام تبت الحقائق وانا من راي لاترجعين له الحين خدي وقتك في التفكير عشان تتخدي القرار الصائب محد يعرف مصلحتك مثلك الله يسعدك ويجعلك من المنصورين دوم واكتري من الدعاء
|
???
ترى الكلام في الناس مو سهل .. الله يقول عظيم واحنا نبرر
اعتقد انه رجال محاسب على كل نفس يتنفسه مو مرفوع القلم عنه ( رفع القلم عن ثلاثة عن النائم حتى يستيقظ، وعن الصبي حتى يبلغ وعن المجنون حتى يعقل ) ما قال بعد رفع القلم عن المطلق حتى يبرد قلبه والغيران حتى يخف زوجك حتى ما يستاهل التفكير فيه احنا نزن الرجل بكلامه وتصرفاته .. فإذ كانت تصرفاته كذا وكلامه ما فيه رجوله معناته انه رجل بالمسمى ..ماله وزن صدقتي اختي باريسا,,, ان الله يمهل ولا يهمل والظلم ظلمات يوم القيامه |
| الساعة الآن 08:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©