|
للاسف ما تستاهلك
الله يعوضك خير |
سويت الحركه اللي علمتني عليها وفعلا طلعت اربع جهات حاذفه عنواني وكلهم اخوي وخواتي
سألتهم حاذفين عنواني؟ تمهزلوا فيني قالوا ليه يعني والا تستهبلين ؟ عاد وحده من خواتي انا يوميا معها فشلون حاذفتني ؟ ويبينون عندي اذا متصلين او لا .. فكيف حاذفين عنواني؟ شكل هذي سقطه في البرنامج نفسه .. الله يسامحك ليتك تأكدت قبل لا تكتب موضوعك لأن امس صارت حوسه في موضوعك بسبب هالنقطه والكل ماسك عليها ليش تحذفك من الماسنجر ولا علقوا على لطفها لك في استقبالك في البيت !!!!!!!!!!!!!!!!!! انا ماعلقت على موضوع الماسنجر واتهمت بالمجامله واني مصلحجيه ... مو عارفه شلون اتمصلح من المنتدى بس اهل العقول في راحه والله ليش ماعلقت لأن الزياره اصدق في التعبير من الماسنجر .. مو عارفه الخلل في مين والا هو كل انواع التفكير صح؟ والا هو عادي التشكيك في اعراض الناس ؟ والا ايش؟ الكلام للي ردوا امس وبالنسبه لأنها نوامه فحتى انتو يالرجال بس ترجعون من دواماتكم تنامون والا هو حلال عليكم والبنات لا؟ والا هي ماتحس بالتعب؟ والا شو........... الكلام موجه لجميع من شكك في البنت وهي واضحه انها مابها شي بس سبحان الله من بعض العقول!!!!!!!!!!!!!!!!!!! عموما الله وحده اعلم بالنوايا عند كتابة اي رد ... وهو وحده المتكفل بالجزاء .. |
صدقني البنت مدام استقبلت هالاستقبال ببيتهم معناتها متقبلتك وبالتلفون يمكن تبي تسوي انها ثقيله ((افكار كثير من البنات ))
او انها تستحي ومايطلع الكلام معاها وترتبك انا ماكنت اقدر اتكلم وكنت اغمض عيونى اذا جيت اتكلم بالجوال من كثر الاحراج والماسنجر فاهمه الحركه الى تقصدها طلع لى اكثر من وحده ((لا)) بس متاكده انى مو محذوفه موجوده عندهم انت حكمت من راسك انها حاذفتك انت صارحها وقولها انا ابيك تردين علي ووتكلميني وخليها هي تحدد الوقت الى تتكلمون فيه مثلا قلها حددي لى ساعه معينه تكوني فاضيه فيها عشان ادق عليك وان شاء الله امورك ربي يسهلها توكم بالبدايه ولاتهتم بالكلام الى يسد النفس وفيه اساءه للبنت واحنا ماندري ولانعرف عنها شي الله يستر عليها |
اوكي الحمد لله خطأ من برنامج المسنجر
باقي شغلتين / تحاول تفهمها تعطيك شوية اهتمام وشوية وقت وترد على اتصالاتك ورسائلك وانت كمان خفف اتصالات ورسائل عليها مو 20 يوميا عاد وشغلة اللثمة هذي اللي ماترضي رب العالمين .. حاول معها بالكلام الطيب.. |
ياأخي يجب عليك أن تتأكد من معلوماتك قبل أن تطرح كل الملابسات هنا وبعدها تتراجع وتجعلنا بعد ذلك ننأى عن الرد عليك في مواضيعك المستقبليه بسبب أنك لست متأكد من نفسك وظروفك ولايمكن الوثوق في كلامك ,,
وبالمناسبة يمكن التأكيد من الشخص الذي حذفك من الماسينجر من خلال الماسينجر نفسه وليس هناك حاجه لأي برامج .. فعليك الذهاب إلى القائمه فوق Tool>>>>Privacy ومن بعدها تحصل قائمة المضافين عندك وقائمة الذين قمت أنت بعمل بلوك لهم ... تذهب لقائمة السماح وتضغط بالفأره على اليمين فإذا وجدت أن كلمت حذف لونها سوداء فأعلم أنك محذوف لدى هذا الشخص وإذا وجدتها بيضاء فأعلم أنك لست محذوف .. وأرجوا من بعض الأخوات ان يبتعدن عن التلميحات التي لاتعكس إلا رؤاهم ويرتقين قليلاً بنقاشهم بعيداً عن الهمز واللمز! وفعلاً العقول في راحة! === |
اقتباس:
|
مافي احد مرتاح
انا خطيبي عكسك فظييييييييييييييييييييييييييييع مايحسسني باهميتي ابدا والله حاولت بكل الطرق
لا الاهتمام يفيد ولا التطنيش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الحمد لله على كل حال وأعوذبالله من حال أهل النار ياااااااااااااااارب يوفقك اصبر عليها شوي ولا تهتم وايد وادعي ربي يشرح صدرها ويجعل بينكم مودة ورحمة وحب ويسعدكم |
شكرا لكل الاخوة والاخوات اللي تجاوبوا مع موضوعي .. ولو انه فيه ردود قوية شوي وفيه ناس زعلانه مني لاني على قولهم ماني متأكد من اللي أقوله ....( يليت تشوفوا عنوان الموضوع ) حاليا كل اللي ابيه انكم تسامحوني وتفهموا اللي انا فيه ... وبصراحه لو ما كنت محتاج مساعده او مشورة ما كنت جيتكم من الاساس .. على اي حال ... ابي اقلكم وش صار معي من بعد اخر رد لي هنا .. الين اليوم مرورا بالويك اند اللي راح ... - خففت اتصالاتي ورسايلي بنسبة 80% وخليت الباقي للمهم وفي الاوقات المعقولة ( ما كانت ترد عليها بأي شي ) ومع كذا ... الشي الجيد في الموضوع انها اتصلت فيني خلال هالفترة ثلاث مرات .. -المكالمة الاولى يوم الاربعاء الظهر وكانت مكالمة خفيفة قبل لا تخرج للشغل .. وطلبت مني الغاء زيارتي لها خلال الويك اند لوجود ظروف لديها مع الاهل.. طبعا انا ما بينتلها اني زعلت او شي .. بالعكس مررت الموضوع عادي. -المكالمة الثانية يوم الاربعاء بالليل وكانت مكالمة جميلة حيث تم وضع كثير من النقاط على الحروف مع اظهار مشاعر حقيقة من طرفها ووعد بتعويض زيارتي الملغاة بأخرى في يوم السبت ( مدة المكالمة ساعة ونص ) - المكالمة الثالثة والاخيرة كانت يوم الخميس بالليل ..اتصلت تطمني عليها لانها كانت بره مع الاهل وانا كنت متصل فيها اكثر من مرة ولم ترد على اتصالاتي ,,,, عشان كذا بس اتصلت تطمني عليها وما كلمتها اكثر من دقيقتين لاني عارف انها جاية تعبانه. يوم الجمعة اتصلت فيها مرتين ثلاث وما ردت علي ... ارسلت رسالتين كلها اشواق ومشاعر بس ما ردت كعادتها. اليوم بعد الظهر ... اتصل عمها علي وقاللي ترى البنت تبي تفصخ العقد منك وانها صلت الخيره كثير كثير وانها ماهي مرتاحه !!!!!!!!! انا ببكل صدق ما تفاجئت .. حسيت انه اخيرا جاني الجواب اللي انا منتظره طول هالاسبوعين . ومع كذا انا ما بعت ,,,, لاني ادري انه هادي خرابيط ابليس ويبى يكسب اللعبه بأي طريقة قلتله ليش يا عم ,, وش السبب وبلاش هالكلام وخلي البنت تاخد فرصة في التفكير يمكن تغير رأيها ,,, قاللي لا .. خلاص الموضوع منتهي من طرفها وانها ماهي مرتاحه ... وقاللي ابي اقابلك اليوم عشان ننهي الموضوع .. قلتله خير ان شالله. بصراحه حسيت بغصه وراجعت نفسي ... قمت ارسلتله رسالة اطلب فيها التفكر من جديد وعدم تفريح الشيطان بمثل هالقرار وقلتله والله اني حبيتكم وشاريكم .... وارسلت لزوجتي كمان رسالة طلب وترجي انها تعيد التفكير في طلبها واني شاريها واني ما ودي انهي علاقتنا على ولا شي .. ( ولا شي لانه مافيه اي سبب واضح لا مني ولا منهم ) وقلتلها في الاخير اني ابي اسوي نفسي ما سمعت شي من عمك. وانا من بعد الظهر للحين صليت خيرتي وسألت ربي الفرج .... ومنتظر أي رد أو اتصال منهم . أفيدوني الله يخليكم وش رايكم .. |
اخوي انا متتابعه لموضوعك من البدايه بس للاسف جايتني حاله من الكسل مافيا ارد واكتب المهم انا اشوف من بدايه كتابه موضوعك او حتى من العنوان صابني المرض والشك والقهر < بمجرد ما قريت العنوان قلت وايش اللي يجبرني اجلس مع احد يحسسني بهذا كله بالنسبه لي اي انسان انا اختارره ويحسسني بهذا كله فانا اكيد اني ما ابغاه اعتقد اننا لمن نفكر نتزوج نفكر باحد يشاركني حياتي يخليني احس بكل شي حلو يرفعني لفوق يخليني اغلب الوقت مبسوطه لاتفهه سبب طبعا ما تخلى الحياه من ملحها (المشاكل) وهى تكون مشاكل ناس طبيعيه عاديه لكن اني اكون مع احد اتصل ما يرد ارسل مسج ما يردد ليه انا بتصل على احد غريب او بتصل على انسان حيشاركني حياتي ؟! يعني الاتصالات ممكن نقول ما قدرت ترد عندها احد اللي يكون بس المسجات ما ترد عليها ؟! اعذرنني اخويه المفروض انك ما اسلت لها مسج وقلت فكري مرة ثانيه اللي ما يعدني مكسب ما اعده راس مال مين ما كان ومين وما يكووون انا اسفه ولكن افتكر وعسى ان تكرهو شيئا وهو خيرا لكم اتمنى لك حياه افضل مع احد يقدرك من جد |
انسة فوفو ... أشكر ردك السريع اللي بكل صدق عجبني لانه منطقي وواضح ,,,, ويمكن لو كنت بره المشكلة كان فكرت بنفس الشكل ..
انا من الاساس يوم قررت أتزوج ما توقعت اني راح اتعب مع زوجتي ومن البداية بهالشكل ... لانه والحق لله ما وصلني عنها الا كل خير سواء عنها او عن اهلها وخواتها .... وهالشي لمسته بنفسي من تعاملهم وترحيبهم فيني من اول يوم .... (عدا موضوع الاتصالات) ويمكن صابر للحين لاني متوقع انه فيه شي غلط وراح ينصلح اليوم قبل بكرة وراح ترجع الامور للوضع الطبيعي ,, وحتى مع طلبها للانفصال اقول يمكن هيا متعجله وخايفه وابليس لعب في راسها ,,, اقول في نفسي انه اعطاءها الفرصة الثانية للتفكير راح يعطيها افضل تقييم لوضعنا ,,, وان شالله معه يجي الفرج ... منتظر تعليقاتكم حتى لو على راسي .... |
| الساعة الآن 07:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©