كتبت وما حد رد علي

زوجي دق اليوم ثلاث مرات وما رديت عليه

خلاص ما بكلمه والي الله كاتبه راح يصير

احس الكتاب امبين من عنوانه لو كان يحبني

خلاص اتراضينا ليش ما يدق كل يوم مثل عادته

بس شكله خلاص حب الجديده نساه وكفاه

انا قلت لك من الاول وانتي مو مقتنعه شكله حب الاخيره اكثر منكم .. ومستحيل يتركها او يجرحها ويجيبك معها او يخليها تشوفك .. خايف عليها وعلى شعورها .. الله يعينك

مشكورة على الرد صحيح كلامك

بس الطلاق هو الحل

انتي قولي له انا ابي اتطلق وشوفي وش يقول لك ..

وبيني له انك مصرررره عالطلاق وعلمينا برده , وبعدين نقول لك وش تسوين

مشكورة يا قلبي بصراحه تعبانه وافكاري متشتته

وخخخايفه كثير اني اسوي شي واندم بعدين

لاتندمين ولا شيء..

ان رضى يعني بايعك .. والله احسن لك تعيشي عزابيه ولا تعيشي معلقه كذا ..

ويمكن ربي يرزقك باحسن منه

مشكورة على ردك بس انا مش معلقه

هوه يكلمني ويقول يبغاني بس انا تعبانه

خايفه من بعدين وانا من خمس شهور ونص ما شفته ولا شافني

ما ادري بصراحه تعبت والله تعبت ماني حابه الطلاق وماني متصوره

نفسي مع رجال غيره تعودت عليه رضيت بحلوه ومره وعاديت اهلي عشانه

اتركه بهذي السهوله وزوجي رجال كبير في السن وما حد يقدر ياثر عليه

وعنده قناعه الي ما يبغاني مره ما ابغي الف مره حتى لو ادوس على قلبي

ليش ما حد يشاركني الحوار

الله يفرج همك

أختي موضوعك ناقص كثير

ليش لك فتره عند أهلك

حتى لو عنده شغل زيك زي زوجاته الباقين

ليش ما جلستي ببيتك

احس كلامك غامض

وقصتك مو واضحه

وين الغموض انا ما عندي اطفال علاقتي باهل زوجي ما حد يبغاني لاني مش من بلد خليجي

دائما وحيده في الغربه لوحدي ومن 11شهر ما شفت اهلي والوالده مريضه بالسرطان كانت تاخذ جرعات

وامي تزعل اذا جلست شهر وسافرت وهي مريضه

واذا صار وقت شغله خاصه في الشهور الي فاتت ما اشوفه قله واتم دايم وحيده في البيت

وين الغموض شو تبون تعرفون والعروس من بلد خليجي غير بلده والي قبلي بنات بلده