الله يعينك
يغرنا بالرجال كلامهم وننخرط معهم بدون تفكير

اختي الكريمة ,,

مبلغ الثلاثين الف الذي تطالبينه فيه هل هو ثمن اثاث جديد انتي اثثتيه بعد الزواج ام انه اثاث البيت الذي كان موجود فيه قبل الزواج ؟؟
اذا كانت الحالة الثانية فارى انك تتنازلين عن المبلغ و التنازل ليس عيب بل ميزة بالذات اذا جاء من احد الزوجين ..
اما اذا كانت الحالة الاولى فلما لا تطلبين منه ان يقسط عليك المبلغ شهرياً كل شهر 500 ريال مثلاً ؟

اما بقية المصاريف فيجب ان تجلسوا مع بعض و تضعوا ميزانية الاسرة و ترين اين يصرف زوجك فلوسه و تعيدون توزيع الاموال حسب الاولويات مع مراعاة ضروفه و محدودية دخله ف 5000 يعتبر دخل ضعيف جداً لرجل مسئول عن بيتين ..

اهم شيء الحوار بهدوي و عقلانية لاني احس انك قد تكونين من النوع الخجول و هو امر استغله زوجك بطريقة سلبية ..
المواجهة و المصارحة مطلوبة في مثل حالتك و الرسائل و المسجات لا تحل المشكلة

اطلبي 1500

قولي 500 مصاريف شخصية

1000 للبيت

هل أزوج زوجي أم أتطلق منه؟ أحتاج مشورتكم..
 

سلامة قلبك

الحمد لله على سلامتك

هو اصلا تزوجك لانك بيت ووظيفه يغسل يديه ورجليه وكلو جاااهز

ومهما كنتي وقحه فلن تطلبي منه مصروف او ستسكتين عند اول الشجااار



لذلك مثل ما قال اخونا تونسي كوني حازمه في موقفك


اما يتحمل كامل مسؤوليته كزوج لك والا الباب يفوت جمل


ما بال بعض الرجال هذه الايااااام الطمع عامي قلوبهم

السّلام عليكم
بسم الله الرحمن الرحيم .

قبل كل شيء أنا لا أعرفك ولا أعرف زوجك . وسيكون كلامي قاسي ولكن هذا لمصلحتك . أنا لا انظر إلى الموضوع بعين عوراء ( من جهة مصلحتك ) بل إن شاء اللّه بعينين متساويتين .

بداية أقول : يحق لرجل أن يبحث عن ذات المال , وهذا أمر قرره الشرع . ولاداعي للفلسفة في ذلك . فقد قال المصطفى : ( تنكح المرأة لأربع وذكر منها المال ) .
بالله عليك من يرضى بك وأنت صكيتي الخمسين ومطلقة ومعك بنت بعد . . إلا إن كان لك مال . وإلا البنات أكثر من الهم أخذي لفه على منتدى المطلقات والعوانس وأنتي تشوفين . إن كنت مقتنعة بذلك وإلا كان مافكرتي بالزواج من أصله .ظليتي مع بنتك أزينلك .

ثانياً : يا أختي إذا ما وسعت صدرك أفلوسك ويش فايدتها .

ثالثاً : واضح منك أنك غير عادله في طلبك من زوجك باللّه عليك . رجل راته 5000 ريال . عنده بيتين واحد لعياله وواحد لك . هذا ما حسبنا غن كان عليه قرض : تطلبي منه 1500 ريال مصروف بيت وخمس مائة ريال مصروف جيب . هذا غير إن عليه إيجار شقة عياله نقول 1000 .... كم يبقى لعياله ؟!! 2000 وكم مصروف جيبه ؟!! وبانزين سيارته إلي ويديك عملك ؟!! المفروض ياخذ منك قيمة التوصيلة . هو مو مسؤول عن عملك . والوقت المستقطع من وقت بيته الي تقضينه في العمل له عوض .

لو جينا نحسبها بالقلم والحاسبه أنتي الخسرانه فهو لن يعطيك إلا ما يقدر عليه من وجده وهذا شرع الله .. وهو المأكل والملبس والسكن فقط . يعني على راتبه مصروف البيت والإيجار ما يتجاوز 500 1ريال .. وأنتي عليك دفع قيمة توصيله لعملك 500 وقيمة الوقت المستقطع من بيته الي تقضينه في العمل 1000 ريال . يعني ما راح تستفيدي . أخذي منه بالمعروف . وإلا فالطلاق هو سبيلك .


يسر اللّه لك أمرك .

تم دمج الموضوعين مع فتح الموضوع المغلق بعد عودة العضوة صاحبة الموضوع .

أختي الكريمة ...

الواضح أن زوجك إستغلالي ، يمكن ظروفه المادية خلته في هذا الشكل و أنتي صرتي الضحية ،،، أنصحك أنك تتكلمي معاه بصراحة عن وضعك معاه و خصوصا من ناحية الصرف المادي فلا يد أنه يتحمل جزء من الصرف ، و انتي بعد حديثك معاه تحددين مصيرك بس اقولك كلمة الطلاق مو عيب إذا أنتي شايفه الرجال يستغلك و أنتي مو مرتاحه .. بس خليه أخر الحلول حاولي معاه يمكن يحسن وضعه ...