![]() |
اقتباس:
طبعا بعد مايضربني ...يقفل الباب عشان لا أطلع ...وهو يكون جالس في البيت ومراقبني وهو اللي يمنعني أطلع حتى لاهلي لين الآثار ترووح .. ومرة صار ضربني بعد ماولدت بنتي وكان في رمضان ...ضربه كان كله في راسي صرت أسمع بصوت غريب في راسي قلت أحتمال تكون الجمجمة انشقت او يصير لي نزيف داخل راسي ..,قلت له وديني المستشفى قال لي لو سألك الطبيب ايش هذا الدم اللي على وجهك قولي له انك طحتي وياويلك لو قلتي غير كذا ... ورحنا المستشفى ...وطبعا الطبيب قال لي ايش صاير لوجهك قام زوجي هو اللي رد ...قاله زوجتي طاحت طبعا الطبيب استغرب وقاله وشلون طاحت وكان يطالع فيني والله اني ماقدرت أقوول ولا شيء ...نظفو لي الجرح وسوى لي صورة أشعة والحمد لله انها طلعت سليمة ...بس ياليتني ساعتها تصرفت وقلت للدكتور وربي كنت خايفة وكان عمري 19 سنة .. ليتني كنت أعرف أدافع عن نفسي مشكوورة أميرات حبيبتي وربي يعطيكي العافية والصحة وتسعدين طوول حياتك ... |
اقتباس:
وانا معك اختي اميرات والله حالتك تبكي الحجر الله يعينك ويقويك ويصبرك |
انتي ليش سلبيه وساكته كيف يعني يقفل الباب يوم يروح الدوام اليوم الثاني روحي المستشفى
وخذي تقرير طبي ووديه الشرطه مثل ماقالت اميرات عشان يكون دليل وينفعك بالطلاق بعدين لايطلب خلع خليه يتعالج عند الدكتور طارق الحبيب عنده مركز مطمئنه للطب النفسي لانه زوجك فيه وسواس قهري ولو تعالج بيتغير بس اولا لازم حد كبير يتدخل ويقنعه بالعلاج الله يعينك ويفرج عليكي.... |
اقتباس:
آآآآآمين يارب وربي يسعدك ويوفقك ويفتحها عليكي وينور طريقك ان شاء الله... |
ايه اللي راح تسوينة صح 100%
وأهلك ماراح يتخلون عنك والمفروض يغصبونك من أول على عدم العيش مع هذا الرجل أختي انتي راح تنولدين من جديد وربك متكفل فيك مهوب أحد من الناس..... والله لو اجتمع الناس علشان يضرونك ورب البيت ماكتب لك ضرر والله ماراح يضرونك ولو بهز شعرك منك لاتخافين من شي وكملي إجراءات الطلاق وربك بيسهلها مع بنتك أكثري من الدعاء لنفسك ولبنتك قال تعالى " ولا تقتلوا اولادكم من املاق نحن نرزقكم واياهم " إدعي عليه......أنتي مظلومة.....متى المظلوم يدعي على من ظلمة؟؟.......هذا وقت دعائك عليه حسبي الله عليه أسأل الله الكريم بمنه وكرمه ان يخلصك من هذا الرجل ويخلي لك بنتك ويصلح حالك وحالها ويغنيكم من واسع فضلة. |
اقتباس:
طبعا مايداوم ...شيء أكيد يعتذر بأي شيء عن الدوام ....عشان لا أطلع من البيت وحكاية أنه يتعالج ...مثل ماوضحت قبل كده انه واثق من نفسه سليم ... وصدقني مافي أحد راح يقدر يقنعه انه مريض او يحتاج للعلاج وربي يعين الجميع ان شاء الله مشكور اخوي للاهتمااام وربي يسعدك ويعطيك العافية وينور دربك ... |
اقتباس:
وربي كلامك ريحني كثير ...الله يسعدك طول عمرك آآآآآآآآآمين يارب الله يسمع منك تصدق قبل اشوي مسوي معي مشكله ...وانا مارديت عليه بس ضااق صدري حيل وجاتني دوخة لين جلست وارتحت شوية مشكوور كثير لاهتمامك ...وربي يسعدك ويعطيك العافية وينور دربك ويفتحها عليك وتلقى الخير وين ماترووح يارب ... |
سؤالي أختي الكريمة:
زوجك شكاك وبيذبحك من كثر شكة لكن اللي استغربة كيف عندك نت في البيت دام ان زوجك مريض بالشك؟ يعني النت سبب من اسباب الشك بين الزوجين كيف خلى عندك نت؟؟ لكن الحمد لله اللي صار لك فرصة في مشاركة اخوانك في المنتدى علشان يساعدونك بارآئهم |
لاحول ولاقوة الابالله ..
اسألك يا الله بإسمك الأعظم الذي إذا دعيت به أجبت وإذا سئلت به أعطيت أن تفرج هم أختي مدى وأن تشفي زوجها وأن ترزقها ماتتمنى وتسعدها وتوفقها في الدنيا والاخره وتعوضها خير عاجلاً غير أجلا |
هلااااا أخوي ....
سؤالك في محله ... وربي كريم ..الحمد لله انه عندي نت طبعا هو شاكي في النت ...لكن أنا مسجلة في منتدى نسائي ودايما يطب علي فجاءة ويشوفني وش أسوي ..وش قاعدة اكتب او اقرء .... وطبعا لايخلو من جرحه لي وكلامه وشكه ومتابع دايما وش اسوي على النت بس هو شايف في نظره انه بيشغلني من اني اطلع وارووح لرجال في بيته ...هذا من نظره هو الحمد لله ياربي أني قدرت اتواصل معاكم ومشكوور على السؤال يعطيك العافية .... |
الساعة الآن 09:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©