|
اقتباس:
|
حبيبتي بياعةالورد بدينا عاد هذاوأنتي مابتعرفي كثير عن الكوره لوتعرفين وش بتسوين ههه بس حبيت أهزرمعاك:الله يسعدك17:
|
وعليكم السلام ورحمة الله وبركاته
أنا كنت أشجع نادي الهلال وأحاول ما أفوت أي مباراة لكن والله كانت ملل إلى درجة إنك إذا خسر فريقك مالك نفس لا تاكل ولا تتكلم وأنا الآن أشاهد مباريات لكن بدون اهتمام كبير أو تحسف على خسارة غير كذا أصلا إذا صار أساس الحياة وأكثر اهتمامنا كورة والله تصير الحياة ما لها طعم وتضيع أعمارنا وعقولنا على أقدام اللاعبين وأنا إلى فترة قريبة كنت بس أشاهد لكن والله ملل علشان كذا أشوف الواحد لا يهتم فيها كثير إلى درجة ما يصير عنده إلا هي لازم يكون فيه قراءة وتثقف وتفكر في أشياء أهم (وأولها "هل الله راضي عني وكيف أرضيه" نفكر في الشي هذا لأنه أساس الحياة وليس المقصود فقط الصلاة والصيام إنما يكون همي الأول وسعيي هو في رضى الله حتى في المباح والله لو كان هذا هو الهم الأول أضمن إن احنا نسعد وأزواجنا يسعدون فينا وكل اللي حولنا) وأنا أشوف رد الأخت الفاضلة لمني بشوق مناسب لك أختي (يعني لا اهتمام كبير ولا تجافي وإن شاء الله يزيد في قربك من زوجك) أما توصل إلى رقص إذا جاء هدف هذي صراحة مع احترامي أشوفها عيب والرجل ما يبغى من زوجته تصير مثله لازم يحصل عندها شي مختلف عن اللي يشوفه عنده أصحابه سواء فكر أو اهتمامات أما إذا كان برا البيت كورة وداخل البيت أيضا كورة فما في فرق اقتباس:
أسأل الله لكم السعادة والتوفيق لما يرضيه |
كلام الأخت لمني بشوق ،، جواهر
الله ياجعل الشوق يخمها هي و زوجها بس إذا تبين تفهمين في الكورة و يرتقي فكرك الكروي لا تتابعين الدوري المحلي |
المتهندم
والله انك صادق انا زوجي ارحمة اذا خسرو فريقة مع انه نادر يخسر يلتهب القولون عند ويعصب علينا وما فية طلعات ولاشي والله اني اذا كنت ابية يودينا مشوار اقعد ادعي انهم يفوزون عشان يودينا زوجي عندة هموووووووم الدنيا فووووووووق راسة ويعتبر الكورة متنفسة الوحيد اما انا ماتوقع اني باحترف هههههههههه لاني ماااااااحب الكورة وراسي يصدع من صوت المعلق وتحوووووووم كبدي من شكل الاعبين اكررررهم بس امثل علية واشوف يمكن يعطيني وجه ويسولف علي لانه باختصااااااار يعتبر سواليفي خرابيط فاضية واناوالله خواتي وصديقاتي والمدرسات ينهبلون على سواليفي حتى كذا مرة وحدة قالتلي يحظ زوجك القعدة معك ما تنمل وانا بيني وبين نفسي اقول (ليت قومي يعلمون) قلت اغير طريقتي يمكن يعجب ابوالشباب لاني مرررررررررة هاااااااااادية واجيب السواليف بهدوووووووء ولازم اخلي السالفة تضحك طبعا باضافة بعض التعليقات وش رايك والله يجزاك خير ويوفقك |
اقتباس:
والله طلع المخ مو فاضي الاماشاء الله الوان كتابتك مررررررررريبة توحي لنادي ماينفع معانا هههههههههههه امزح |
نرجع لعنوان موضوعك ،،،، زوجي كيف أكون مثله؟؟؟؟ أول شيء منت مجبورة أو ملزمة انك تصيري مثل زوجك !!!!!! لأنك بتدخلي بمعمعة صعب الخروج منها !!!!!! ممكن يكون عنوانك كيف اسعد زوجي خاصة انه مدمن كرة قدم هنا يأتي الذكاء الأنثوي وكيفية تهيأة الظروف له ،،،،،، ممكن تتابعي معه وقصدي تعرفي نوع المباريات المهمة صراحة بدأت بعض الفتيات يتابعن ويشجعن ويتعصبن لأنديتهم ،،، ولو لا حظت انهن مراهقات يعني بأعمار صغيرة وما زلن بالتعليم العام وغير متزوجات ،،،،، عندنا ببيتنا كل الموجود من الرجال يشجعون هذا الـفــريـق ومع ذلك لا يوجد من نسائنا وفتياتنا من يشجع أصلاً أو يتابع الكرة ،،،،، خاصة الكرة مرتبطة بممارستها بمرحلة الطفولة والحارة والمدرسة!!!!وبالجنس الخشن !!! وكذلك ما رأيت احد يثور عليه القولون !!! لأجل كرة ، روحنا رياضية وهي للمتعة فقط!!! وألاحظ ينسونها فور انتهاء المباراة !!!! فأنا أؤيد كلام الأخت لمني بشوق...:22: ،،،،،هنا تكون كسبت زوجك ولم تدخلي معه بمعمعة متعبة !! وإذا جت مباراة لزوجك جهزي له نعناع مع الليمون باااااارد دمتم بحفظ الرحمن |
(( إن الله يحب معالي الأمور ويكره سفاسفها ))
استوقفتني كثيراً ردود بعض الأخوة والأخوات ، لأنها تحاكي الواقع المرير ،واقع أمة تستنجد بكل ابن وابنة من ابنائها ... أمة مزقتها أعدائها من يهود ونصارى ودعاة التغريب والتحرير و ...و... وابناؤها افنوا اعمارهم في سفاسف الأمور ، وتربصت عقولهم بكثير من توافه المأمول فأنشد الناس فوائداً و حكماً ، وأنشدوا هم قيلا وقالا أعطينا الأمور الصغيرة أكبر مما تتحمل ،بدل أن ننافس أكابر القوم علية في الهمة ، والطموح المجيد إذا اتخمنا عقولنا وملأناها بصغائر الأمور فلن يبقى فيها متسع لعظائم الأمور بلأفعال لا بالأفكار والأقوال نعم أتخمنا عقولنا شبعاً ، ولكنه شبع فارغ ، لا يسمن ولا يغني من جوع الأمة تحتاج شباب بعقول نيرة منيرة تفطن وتعي مايدار حولها من مكائد. أين أنصار السنة في الرد على من يطعن في سنة الحبيب من رافضة وفرق ضالة؟؟ أين فتياتنا الواعيات للرد على كل من يحاول تجريدها من دينها بحجة تحريرها وماهو الا تدميرها؟؟ ليتنا نرتقي أكثر بعقولنا ونترك سفاسف الأمور |
اقتباس:
|
اقتباس:
|
| الساعة الآن 06:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©