|
اختي ام الجود
كلامك ماعليه اي غبار ابدا بالعكس هذا الشئ الصحيح واللي على اساسه كنت امشي عليه لكن متى نطبقه !? - اذا الرجل كان بالفعل متحمل مسؤولية البيت - يكفي احساسه بالمسؤولية مو شرط الفلوس والفقر موعيب .. مو يفكر بانانية فقط - اذا كان عارف اللي له واللي عليه - ومانقدر ننكر بانه كثروا اشباه الرجال حاليا - الوحدة تتزوج صحيح وتثق بزوجها لكن مو تعوده على طبع وعادة والزوج على ماتعوديه لحد مايشيل يده عن نفسي حاليا ماابخل على زوجي حاليا بشئ وبرضى وحب وقناعة.. بس يوم تصححت المفاهيم عنده ويوم صرت اشوف بعيني واشعر انه بالفعل مايقصر معنا والمرء بطبعه يحب يعطي يعطي يعطي لكن بالمقابل مايبغى انه الطرف الاخرياخد فقط و ماعرف لو كنت موظفة او طالبة او ربة منزل ولكن في كل الحالات هل راح يكون رايك هو نفسه لو كان زوجك مايصرف عليك ولا على اطفاله ويصرفها على نفسه واصحابه وتاخدي من اهلك وتعطيه بالمقابل وتقولي خلاص نحن زوجين وهذه شراكة!!!!? مااعتقد واولا واخيرا مصير الفلوس كلها تروح لصالح الاطفال |
نصيحه
لاتعطينه:) مو بخل بس لا يتعود خليه يقوم بأموره بنفسه لكن لاتطلبين منه كثير الين تتعدل اموره |
كلام العقل يقول لا تخبريه بموضوع المبلغ اللى فى حسابك و هو لا يدرى عنه نصيحة اقولوها لكى اعطيه نسبة بسيطة جدا من راتبك و الباقى اتصرفى فيه لنفسك هو الرجل و هو المسؤل فان المتعارف عليه فى بيئتنا العربية الرجل هو اللى ملزم يصرف على بيته و تسديد ديونه مهما كانت سبب هده الديون ما عليك الا انك لا تكلفيه ما لا يقدر و هدا لفترة من الزمن و ليس طول العمر فهمتى عليه يا اختى و استغرب جدا انتم متزوجين ثلات شهور فقط و يطلب منك مالك هده نقطة استفهام ؟؟؟؟؟؟
|
طيب التزمي بجمعيات عشان تتهربي منه و ما تكذبي عليه
ومو لازم تقولي له كم مدتها والمبالغ اللي جايه منها |
مع اني ضد طلب الرجل من زوجته مالا ولو ضاقت عليه الأرض بما رحبت ..
لكن أن تشاهدني زوجتي وأنا في ضائقة مالية وهي قادرة على مساعدتي ثم تستشير هل أساعده ام لا ... والله ثم والله ثم والله اني أبيعها وأسلخها من قلبي وفعلا الصديق أثمن وأغلى من الزوجة لأنه لن يستشير أحد في مساعدتي بل سيبادر الان عرفت لماذا يفضل الرجال أصدقائهم على زوجاتهم .. ولنا في خديجة رضي الله عنها أسوة حسنة في وقفتها مع الني صلى الله عليه وسلم |
اقتباس:
هناك فرق خديجة رضي الله عنها تزوجت النبي عليه الصلاة والسلام لأمانته وصدقه وعرفت عنه ذلك لما سعى بتجارتها قبل الزواج لكن وضع الأخت يختلف، فهي لم تعرف طبع زوجها وإلى أين سينتهي إعطائها من مالها الخاص فنسبة ليست بالقليلة من الرجال في هذا الزمن تتغير تصرفاتهم للأسوأ، فما أن يحصل على مال حتى يظن أنه أكبر من ان يرده لصاحبته وأن يقابل ذلك بمعروف وإحسان لها ..... عزوبي بس رجل |
نصيحتي مدوا لحافكم على قد رجليكم ..
اضبطوا ميزانيتكم الشهرية بشكل يتناسب مع دخل زوجك مع ترك مبلغ توفير شهرياً للمستقبل و الامور المفاجئة ... اجلسي مع زوجك و احسبي الدخل الشهري بالضبط و المصاريف الشهرية بالضبط و الديون .. الديون قسموها الى نوعين قروض بنكية او تقسيط شهري لسيارة او غيرها , و ديون لافراد .. النوع الاول ما يحتاجله حسبة لانه بيكون فيها اقساط شهرية حسب ما هو متفق مسبقاً مع هذه الجهات .. الديون اللي على الافراد وزوعها على كم شهر بحيث انها ما تأثر عليكم .. يعني اذا مثلا ديونه الفردية ستة آلاف قسموها على 12 شهر بكذا تاخذ 500 من راتبه كل شهر و هكذا ... وازنوا بين الدخل و بين بنود الميزانية الثلاثة النفقات و الديون و الادخار حتى لا يبقى عذر لزوجك لان يستلف منك .. |
الله يعينك يا شيهانة موقفك صعب ...
صدقا انا مع روح الطير قلبا و قالبا :) المفروض انه اصلا مسؤليتك عليه .. و انتي شايلة مصاريفيك بنفسك فالمفروض يحمد ربه شي ثاني لو كان محتاج مبلغ لمشروع مثلا او دين كبير يوفيه مرة وحدة كان ممكن تعطيه .. لكن هذا بيكون موال شهري راتبه نصه للديون و الباقي ما يعرف يتصرف فيه لانه عارف انه في مصدر ثاني ممكن يلجأ له **انتي ** المفروض انه يدبر نفسه .. ماكفاه راتبه .ز اذن اما يدور عمل بدوام ثاني او يفكر بمصدر رزق ثاني .. مثلا يدخل مشروع مع حد او اي شي يفكر بالمستقبل .. مش على طول يجري عليك و مستني منك مساعدة ... اختي انت ادرى بزوجك و ادرى بمصلحتك .. رايي جاي من تربيتي على انه الرجل مستحيييييييل يطلب من زوجته الا عند الشديد القوي فعلا ... عشان كدا اشوفها صعبة .. ممكن تعطيه هذه المرة .. و تقعدي معاه و تقولي له بصريح العبارة يافلان اشوف انه راتبك ما يكفينا لنهاية الشهر .. و بكرة لصار عندنا اطفال ايش بنسوي ؟ ليش ما تشوف عمل اضافي ؟؟ يعني تعطيه اللي يبي و بنفس الوقت تبيني له بطريقة غير مباشرة انك مش راضية و ماراح تستمري باعطاءه الله يوفقك عزيزتي |
أختي الفاضلة
إنتي أدرى بزوجك إن كان جاد ولا غيره واعلمي إنه هذي الديون والمسئوليات كلها مشان يرتبط فيكِ ويجتمع معك تحت سقف واحد استخيري الله .. وسوي اللي بيرتاح له قلبك بعد الاستخارة .. ولا تظني إنه الزوج طلب وهو بده يسرق فلوسك .. لا أبداً .. وبنفس الوقت لا تعوديه .. بس صدقيني إذا كان معك فلوس وكان هو محتاج رح توقعي من عينه .. وأعرف واحد كانت زوجته تفكر إنه لازم ما تعطيه وجه وعين وووو .. كره زوجته ونفر منها وقرر يتزوج عليها وندم على اليوم اللي قرب عليها فيه .. كان عندها 80 ألف ريال وهو ما كان معاه ياكل وهو يسدد ديون زواجه منها .. انتبهي تكوني بهذا الموقف .. وإنتي قدري وضع زوجك وما في أحلى من المساعدة بين الازواج .. مو كل واحد ينظر للثاني نظرة شك وريبة الله يوفقكم لكل خير يا رب |
اعطية بس يعتبرها دين ويردها لك بس الله يفتح عليه
موفقة |
| الساعة الآن 05:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©