|
سبحاااااااان الله شتان مابين زوجتك وبين زوجة العضو المجروج 06
زوجته ضايقوها اخوانه يعني رجال مو حريم ومع ذلك ساكنه معهم وهو مضطر للعيش معهم لانه طالب جامعي الله يهديها ويسخرها لك |
يعطيك العافيهىاختي اميره
انا رحت لم ابوها وكلمتها في الموضوع قال لي بعد العمليه نشوف وصير خير عمليتها يوم السبت الجاي بصراحه انا ناديتها وجلسنا لحالنا المهم طلعت بنتيجه حلوه قالت لي خلاص راح ارجع بشرط انك تغير الفرش حق غرفت النوم وتعتق الغرفه وتركب ستاير قلت ولايهمك راح اسوي الي تبينه كله عشان خاطر عيونك تصدقون مايمديني اوصل ديرتي الا وهي داقه تقول خلاص انا غيرت رايي ابي نطلع من بيتكم وتستاجر لي شقه في نفس المدينه الي انت فيها صراحه انا انجنيت هي وحده من الثنتين ياما انها مريضه نفسين ولا في احد يزن فوق راسها ثاني شي انا لما طلبت اختبر حبي لها صراحه اسلوبها صاير زفت معاي بس تبي شخص ينفذ طلباتها افيدوني جزاكم الله خير |
هناك من يزن على راسها ويلعب بها
عليك بالآتي الهدوء التام وبرودة الاعصاااب ولو تقدر تكلمها كل يوم تروح تشوفها وتواسيها لانها على اعصابها وهيك تسد الثغرات التي يحاول ابليس ان يزن عليها به وكن قربها بفترة العمليه اتذكر انو منزل اهلها بعيد عن سكنك اذا كان ممكن انو تاخذ اجازه لتبقى قربها انا اعلم ان طلبي هذا سيكون بمثابة تضحيه كبيره منك لحين ترجع زوجتك ويكون قرارك انت وهي فقط تبقو فيه او تغيروه على كيفكم اقترب وابتسم ووو لحين يمر وقت العمليه وترجع زوجتك ووقتها تقررو انتم فقط ومن غير تدخلات خارجيه لا خالاتك ولا اهلها |
اوك اخذ اجازه وروح عندها وين اجلس بيت اهلها صعبه انا اقول ابي امرك بنطلع نتمشى تقول لا اقول وش رايك اخذ شقه تقول لا اقول ابطلع اوديك السوق تقول لا عجزت فيها مادري وش اسوي
يعطيك الف عافيه |
اخوي
دامها رضت بلرجوع وبشرؤط وانت شاري حياتك معها وكنت مقهور من رفضها الرجوع !!والا رضت !! فانت ماعليك هو تلبي طلبها لاجل ترجع لك هذا اذا انت تبي ترجع ؟؟!! لااني اظن انها معنده وماترجع الا بهلشرط اذا لك قدره ماليه علئ اجار شقه وعادي لو صغيره وتكفيكم ..ومو بلازم عند عند اهلها الاهم بعيد عن القرب من خالاتك ....واقنعها بهلشيئ!!! وان بعيد عن دوامك وانها لازم تراعيك ؟؟ومن هلكلام الحلو ترضين اني يوميا اتعنئ للدوام كان بها فلبي طلبها !! لاجل ترجع معك ولكن تتعهد امامك وامام اهلها بانها تخرج من المنزل دون رضاك وان لاتدخلك بمشاكل انت لادخل لك بها والحريم مشاكهم لهم مالي دخل ..... واكيد بينكم ايااااااااااام حلوه اخي فلا تضيع هلايام بلعناد انت تعاند وهي كذلك تعاند وتنهدم حياتكم وتندوا وكون حازم معها بامور مثل هاذي وان لادخل لك بها وحاول انها لاتحتك بخالاتك الا نادرا !!!! للبعد عن المشاكل والله يفرج عليك الحمد لله انها قبلت الرجوع ولم تصر علئ الطلاق ...... وواضح ان احد يزن علئ راسها ! الله يعينك . |
هموسه الرجال خسران 20 الف عالشقه ...!!!
وهي فيه من يزن فوق راسها فنصيحتي لك طنشها بس ارسل لها رسايل تتطمن وبس واذا اثاث البيت قديم غيره مثل ماتبي واذا كنت قادر وقلها هذا اللي سويته رضيتي حياك الله مارضيتي سوي اللي تبين يعني مو معقوله تغير الاثاث وهو جديد لانها هي كانها بتعجز فيك ولما شافتك موافق راحت تطلب شئ اكبر الله يعينك ويسخرها لك |
من اقوى الشيطان ام انت اكيد انت اقوى
الشيطان يوز عليها اما عن طريق ابوها او امها اواواوا طالما انك تكلمت معها لوحدكم وكانت معك طبيعيه يعني هناك من يمنعها بالذهاب معك لاي مكان احسن تأثر عليها بكلامك وهي المسكينه حاليا واقعه بين ناريين نار الرجوع اليك ونار سلطة اهلها انا مكانها واذا كانت واثقه منك ومن حبك تهرب من بي اهلها وترجع لك انتم الضحيه انت وهي وقعتم بصيد ابليس الله يفرج همك وهمها وتعودو لبعض قريبا |
وعليكم السلام ورحمة الله وبركاته
اخي العزيز شكوى من طرف واحد لا احد يقدر الانصاف بها لك يمكن نعطيك حلول تضر الطرف الاخر الذي يمكن يكون معه الحق ياخي الكريم يمكن زوجتك معها حق في طلب بيت مستقل حتى تبعد عن المشاكل ترتاح ونت ترتاح ام طلبها السكن بجوار اهلها هذ ليس لها حق ومن الواضح انها خالتك هي زوجة ابيك المشاكل 99%100تحدث وخص بين الزوجه واهل الزوج وحدث ولا حرج اذ كان فيه زوجة اب يعني ما احد محشم الثاني الزوجه تقول مالي دخل فيها لا هي ام ازوجي وزجة الاب تبي تقول لا هي زوجة اولدي ازين علاقتي بهم يعني خاربه خاربه يعني البعد استر واريح اذا كان بيتك متحتد في مدخله الداخلي والخارجي ومتحد في مجاميعه من مطبخ وهذا هو الأهم مالها حق انها تخرج من ملك وتسكنك اجار اما اذا كان غير مستقل في المدخل الخارجي وداخلي وغير لها خصوصيه من مطبخ وغير انا اقول لها حق وبشده ان تشرط عليك بيت مستقل وبعيد عن المشاكل وهذا من صالحك انك تبعد البنزين عن النار لان الطرف الثالث زوجة ابيك انت عدل البيت الحين قدر استطاعتك واذ غيرة رجعها وهاذي زوجتك ام اعيالك لا تخلي الضروف تفرق بينكم مهمن كانت وانا جازمه انها تحبك ولا تخلي الشيطان يسيطر عليك انها ما تحبك اووووووووو ادحره وتعوذ من الشيطان اما كلامها انك لاتكلمها ونها تغير الشريحه هذا كلام تغلي عليك تبي تشوف غلاتها عندك وعل شان ما لبيت طلبها ياخي ليش من البدايه يوم شفة الوضع ولا بد ليش ما قصرة الشر وخليت زوجتك لحالها واهل ابوك لحالهم وخليت اللي بينهم رسمي ونت عيش حياتك بينهم في بر ابوك وسعادك زوجتك اعط كل حق حقه زوجة الاب قليل منهن اللي يصفن مع عيال زوجها وكيف زوجاتهم الله يبعد عنكم كل شر ويلم شملكم وان يصفي انفوس حياة سعيد للجميع |
يعطيكم العافيه جميعا على تفاعلكم معاي في الموضوع وبارك الله فيكم
اولا خالتي مش مرت ابوي خالتي اخت امي وهي ساكنه في نفس الحي تقريبا ثانيا البيت مسوي به ترميم مكلفني الشي الفلاني غير الاثاث تقريبا بعشرين الف ثالثا الشقه مدخله خاص ثلاث غرف مع صاله جانبيه مع مطبخ محد يشاركه فيه رابعا هي طلبت اني اعتق الغرفه وغير الفرش مع العلم ان الغرفه لابس فيه والله يعطيكم الف عافيه على وقوفكم معاي0 |
غريبـــــــــــه محد رد
|
| الساعة الآن 05:59 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©