|
دلوعه يعني اشتبيني اقولج يابنت الناس ؟
ترى وربي الكلمة الطيبة صدقه كنت اتوقعه يحبني ماتوقعته عايف اي الله يعيني على نفسي يعجبج جذي ؟ والله شلون انتي الله يسامحج @ مس بلو _ خلاص حبيبتي انجرحت منه وايد مابي لو باموت من حبي له واهلي كلهم عرفوا بإنفصالي عشان مايكون فيه امل حق ردتي له مشكورة ياقلبي على سؤالج عني |
أختي الفاضله ..
كان الله في عونك .. حبيته .. عشقتيه .. ذابت نفسُكِ في غرامه .. ولكن يبدو أنه لم يكن يستحق كل هذا الحب .. ! مكتوب ومقدر من الله .. ومالكِ عن هذا بديل .. أُخيتي أوَ بيدكِ أن تُغيري من قدرِ الله شيئا .. حدث ما حدث .. وتزوجتيه .. ثم حدث الطلاق ..!! حاولي نسيانه من حياتكِ .. صعبه..؟؟ لا ... بالإكثار من الإستغفار .. التسبيح .. ( لا إله إلا أنت سبحانك إني كنت من الظالمين ) توكلي على الله .. وانسي الماضي .. صعبه ..؟؟ اجعلي قلبكِ معلق بالله وما عند الله .. ستنسين أو لعلكِ تتناسين وبإذن الله يذهب ما بقلبكِ .. مجروحه .. مقهوره مما حدث ...؟؟ العلاج .. ( حسبي الله ونعم الوكيل ) إلهي رحمتك أرجو فلا تكلني إلى نفسي طرفة عين .. واسألي الله أن يعوضكِ خيراً منه .. فالدنيا فيها الأبيض وفيها الأسود .. فيها الصالح والطالح .. أشغلي نفسكِ بما يُفيد .. وانشغلي بما يُسلي بعيداً عن الهواجس .. وفقكِ الله . |
اخبارك الحين زينب
شوفي ياقلبي مو يقولون لكل جواد كبوه اعتبري هذي هي كبوه حياتك وابدي من جديد يكفي انه اثر على حياتك لمده سنه لاتخربين باقي حياتك عشان ماضي راح ونعمه انه راع بعد هذا نعمة من ربي انه طلقك من صااااااااااااالحك الطلاق وهو الخسران في كل الحالات شوفي الي مثل هالاشكال مارح يلقى احد يقبل فيه وش بيسوى بيرجع لك بس انتبهي ترجعين له مافيه حياة تبنى على حب بس وحب بعد من طرف واحد حتى ماقدر انك وقفتي معه هذا يبي فلوس وشكل انه متزوج ويبي يعيش حياته براااحته بدون تحمل حتى مسؤلية نفسه قومي الحين وكولي وخططي لحياتك الجايه ابدي من جديد انطلقي لاتخلينه ياااثر عليك ابدن المفروض تفرحين انه طلقك |
كان الله في عونك
وما تشعرين به ليس حب وانما وهم اوهمتي نفسك انه يحبك وانه لك وحدك وانك استطعتي ان تنالي مالم يناله غيرك وصدمه الوهم اقوي واشد من الحب الفاشل صدقيني لاتبكي وخلي دموعك لغالي وماعشتيه كان تجربه فخرجي منها وانت رافعه راسك فيكفيكي ان ورائك اهل رائعين لن يتخلوا عنك وايضا معك اخوه في هذا المنتدي سوف يدعون لك في ظهر الغيب ان يعوضك الله بزوج صالح يقدر حبك وطيبه قلبك في رعايه الله |
الله يكون في عونك
خليني اكون صادقة معك ..اكيد مافي اي مراة في العالم تتمنى انها تنفصل عن زواجها كانت تحبه او ماتحبه .. بس حطي في بالك شي .. ’’يقول تعالى ((وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ)) البقرة 216 - ويقول تعالى (( فَعَسَى أَن تَكْرَهُواْ شَيْئًا وَيَجْعَلَ اللّهُ فِيهِ خَيْرًا كَثِيرًا)) النساء 19 و عن صهيب رضي الله عن قال : قال رسول الله صلى الله عليه وسلم "عجبا لأمر المؤمن إن أمره كله خير وليس ذاك لأحد إلا للمؤمن إن أصابته سراء شكر فكان خيرا له وإن أصابته ضراء صبر فكان خيرا له". رواه مسلم باين من كلامك ان كل شي انتهى بينكم وباين ان زوجك بايع .. انسيه ادري صعب بس كرري دايم قولي بنساه لاتقولين كنت احبه او اي كلام سلبي يذكرك فيه اشغلي نفسك سجلي في نادي غيري نفسك لاتجلسين فاضية اذا كنتي فاضية راح تفكرين فيه قومي قيام الليل كل يوم وادعي الله سبحانة وتعالى يرزقك الي افضل منه وفي نصيحة لاتحقدين عليه ولاتخلينه يشغل لو جزء بسيط من تفكيرك سامحية وانسيه وادعي ربي يهدية ويوفقه في حياته الجديده لو صارت نيتك صافية الله سبحانه بيعوضك الي افضل منه اتمنى من كل قلبي تعدين محنتك بأقل اقل الاضرار دمتي بسعادة |
آآآآآآآآآآآآآآآه من ذا الزمن الاغبر
ياقلبي يازينب الله يعوضك خير ترى ياقلبي ما اصابك خير لك بتقولين كيف ؟؟ انا راح اقولك اولا انتي خلاص انفكيتي من كابوس كنتي عايشته مع زوجك بأسم الحب عارفه ليش سميته كابوس لان قلبه ماكن معاك ومعيشك بحلم كالكبوس الحمد لله انك صحيتي من ذا الحلم سالمه ومايربطك به مظلوم ثاني لاشفتيه ينكسر قلبك ويتحطم عليه لانه تيتم وابوه حي قولي الحمدلله ثانيآ الهم والكرب اللي انتي فيه الان كله ياقلبي تكفير وتطهير من ذنوب اقترفتيها ثالثآ احمدي ربك ياحبيبتي بلواك ماهو بدينك ولاهو بعرضك ولا بصحتك ولا بأهلك بلواك لمصلحتك لان هالانسان مو كفو تكملين حياتك معاه ويكون شريكك فيها وابو عيالك رابعآ لاتنسين ياالوردة ان بعد العسر يسر والليل مصيره ينقشع ويطلع النهار:) |
حسبي الله عليه قسم بالله رافع ضغطي هو واهله مالت عليهم
انسييييييه وانسي اللي خلفوه ابدي حياه جديده والله يعوضك احسن منه وعساه كبده هو اللي تنبط وخذي بكلام ثنيان كلام رووووووعه الله يصبرك ويعيينك ويخلي لك اهلك ويبعد عنك الظالمين |
انا تذكرت قصتك انت الى تعرفتى عليه فى احدى المنتديات وتزوجتوا عن طربق النت واتذكر انك قلتى كلمة انه واجك ناجح لانكم انت وزوجك مختلفين غن الكل
وش صار الحين ؟؟ وكنت قبل كل كام يوم ودكك تسوين عيد ميلاد حبيبتى شكلك محسودة فى هالمنتدى |
محبة للاستغفار اي محسودة حبيبتي
المشاكل ابتدت معاها من اول يوم زواج خيانة و معرفة بنات و حب قديم و اهانات .. البنت ما كانت تكتب الا الاشياء الحلوة و الشماكل الخفيفة و مخبية كا كان اعظم الله يعينيها وردة طمنينا عنك حبيبتي ..... لا تنزلي و لا دمعة عليه لانه ما يستاهل و ربي يعوضك ان شاء الله |
هذ الكلام الى قلتبه
فعلاً آآنه اتفق مع اللي قال " مافيه تجربة تستحق التعميم " آآنه تزوجت شخص تعرفت عليه من النت .. تعرفت عليه في واحد من المنتديات ... بس مو خاص بالزواج ووو إلخ لا .. لا عرفته من منتدى عـادي .. كلمته طيلة 5 سنوات بشكل متقطع ، وماكانت اعمارنا تسمح لنا بالزواج .. وكنا نكلم بعض بشكل متقطع ، لأن كان يأنبني ضميري وآآخر مره رجعنا حق بعض ,,,, كلمان بعض اسبوع تقريباً وقال لي عطيني رقم ابوج ، لأن اخاف تضيعين من يدي يحبني ويموت فيني وآآنه احب التراب اللي يمشي عليه احب امه لأنها يابته .. احب كل شي فييييه ، تواجهنا مشاكل كأي اثنين تزوجوا بطريقة تقليدية بس نختلف بحبنا لَ بعض نختلف عن الكل بس مو كل ريال مثل ريلي ؟ مو كل ريال صادق بكلامه وبوعوده .. وآنه قبل لا يتقدملي ، فعلاً اخترت ألوان شقتي واخترت التفاصيل فيها واول ما دشيت الشقة شفت كل شي على ذوقي وآآنه مختارته استانست بس تجربتي ما تعني إن تجربتج بتكون صح .. آآنه اقتراحي .. قوليله ، " بِ اختصار وما ابي اطول عليك .. اللي قاعد يصير ما يرضيني ولا يرضي الله ، آنه بداخلي مشاعر لك وحابتك ومستعدة انتظرك بس بشرط تكون صادق معاي .. مو معناته ماني واثقة فيك ، آآنه واثقة فيك بس مو ثقة عميا لذلك ألحين ... وقبل لا تنتهي الـ 3 شهور ، مستعد لو اعطيك رقم اهلي تتصل فيهم وتخطبني اتقولهم انك تبيني .. وبعد ما ترجع من سفرك سالم اتيني تتقدملي رسمي ؟ إذا انت اموافق ، هالشي يسعدني ، ومن الحين نقطع اتصالاتنا لأن اذا الله راد تقريبا شبه ضامنين بنكون حق بعض بس إذا منت اموافق اسمحلي ماعندي وقت اضيعه " وآآنه اوافقج في نقطة كونج تبين يكون فيه تكافؤ .. حلات الريال يكون جامعي ، لأن الانسان الجامعي غالباً يكون دخل في آفاق ما دخل فيها اشي شخص ما دخل المعترك الجامعي .. الجامعة ، عالم ثاني ... يخلي تفكير الشخص شي ثاني الله يوفقج اختي ويجدم اللي فيه الخير لج الورده زينب مشاهدة ملفه الشخصي البحث عن كافة المشاركات المكتوبة بواسطة الورده زينب إضافة الورده زينب إلى الإتصالات الخاصة بك #23 05-06-2010, 05:59 PM |
| الساعة الآن 03:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©