|
أخي الحبيب أنا أرى أنها تفعل ما أسميته أنت جحود ونكران من باب الدلع عليك ..
تقول لك إني زعلانة منك .. ولا أظنها تقصد إيذاءك .. يسر الله أمرك وفرج همك وغمك .. وأدخل الفرحة على قلبك .. |
يااخ ابو عبدالله وصاحب الموضوع
حرام عليكم مو كل الحريم يااخذون ويرجعون ويبدلون ويروحون اكثر من مره! وربي كثيرين حولي يروحون السوق خلال ساعه ويرجعون لبيوتهم واذا ماجت الابسه رجعوها اليؤم ال2 !! وتنتهي السالفه وحريم ومنهم انا والله ساعه وارجع وانا مقتنعه جدا بللي اخذته واعرف مقاسي وتنتهي سالفه السؤق ولعلمكم مو كل الحريم يحبون السؤق وزحمته والحمدلله ان الله جعلني منهم وحتئ برمضان نزلت بلظهر الساعه 1ونص واشتريت لبسه للعيد والله والسوق فاضي والناس ينعدون علئ الاصابع ولكن مع ذلك اعترف ان حريم يموتون حسره وندم اذا مالفوا السؤق كله !!!!واتوقع من الفضاوه ! الحل مع زوجتك التطنيش حاليا ولا تبين انك مستاء من الوضع اتركها كليا ولا تقربها اشغل نفسك بقرءة القران وتصفح النت روح نام بغرفه اخرئ بعيد عنها واثناء المشاكل التي تصدر منها اسكت انت وخلها هي تكلم نفسها لاتهديها اثناء الغضب بل انت روح غرفه او مكان اخر لاتعطيها اهتمام اذا بكت وكبرت السالفه وتقوم تهديها اتركها ولا كأن شيء صاير والله ان تعرف انك مللت منها ومن مشاكلها وانك ابتعد عنها لكي تحس انها وحيده انت شكلك طيب معها وهي عارفها انك بترجع لها مهما اخطئت لكي تعدي المشكله !! يعني خلها هي والجدار واحد \.... لااهل نفع ولا اسلؤب ابتعد عنها وطنش وشوف الحال كيف بيكون صدقني هي بتجي لك ... |
سبحان الله كنت احسب بس انا الي عندي مشاكل لماتشوف مصيبت غيرك اتهون عليك مصيبتك----والله ماحسيت بطعم العيد لليوم من اتزوجت -انا يخوي صار لي سنه وعشر شهور من زواجي بس محسيت بطعم العيد مع زوجي-عيدالفطرالعام الماضي كان زوجي مسجون صارت عليه مشكله وانسجن شهرين وانا كنت عنداهلي لكني ماقصرت معه كنت كل يوم خميس ازوره بسجن رغمنه ب منطقه ثانيه طبعاهوانسجن قبل رمضان بسبوع والله مقصرات معه اتحملت كل شي عشانه وكنت ادفع معه انه بري والحمدالله اهله يبوني وخوته مره معي ويحترمني زي محترمهن وعيد الضحى العام كان طالع من السجن رغمني كنت فرحنه ان هذا اول عيد اعيد انا وياه اتخيلو كان رافض يطلعني السوق والله بعد معانه خوته كلموه وداني السوق قبل العيد بيوم اتقضى ومادخلت غير كم محل -واذا ابي شي يطلع روحي على ميجبه او مايجيبه- رغم غير من الناس اخوياه يبيع اهدومه بس مايتفشل او يرد احد-----------------العيد هذا اتخيل مارضي يعطيني فلوس يقول مامعي هوموقف عن وظيفته مراجع للحين لها بس قالو بعدالعيد ان شاءالله يرجع طبعن لهم محل للجار يبيع فيه مصري اثاث مستعم طبعن يطلع لهم اجار من المحل له والخونه بس قلت رح جبلي بسا200 اريال امشي اموري فيها لو بس اشتري طقم تيور او بلوزه بس قدام اهلي وجماعتي لماربي يفرجها رفض وراح عطني بس 100 ريال اخته معطيته بس ماعطني غير ذ100 وتخيلو رفض يوديني السوق والله حقدت عليه صرت اطبخ له وحطه له ومارت اروح اصلي واذا افطر وقام اجي افطر ابيه يحس بس لا حيات لماتنادي لمابقى قبل العيد قال امشي اوديك عند اهلك انا فهمت قصده يبي عشان يدفعولي اويودوني هم واتخيلو ودني عنداهلي والله وتصلت على سوق اجره ورحت ونا وختي واتقضيت على قد فلوسي لن الحمدالله اختي عطتني 250 مع الميه الي منه ونا بعدبعت طقم ذهب صغير جاب لي شي بسيط ومشيت اموري فيها لماجاي يوم الوقفه طلبته يجبيلي بلسم الشعري وتخيلو راح فر بس صيدليه وبعدين راح نزلني عند اهلي وتصلت وذكرته اني ابي بلسم قام وقال شوفي احد يوديك لنه كان جالس بيت اهله ماكلف على نفسه بشي واتخيلو والله خليت ابوي يوديني وجبته المهم جاء يوم العيد قمت وجهزت الفطور ولبست وتكشخت وبخرت البيت طبعا ماعندي اولاد وصحيته وحبيت على رسه وهو بفرشه وقلت له كل عام اونت بخير ون شاءالله العيد الي الجاي يكون معنا طفل يملي علينا فرحتنا واتخيلو قام افطر ورجع نام المشكله احنا كل قريبنا وجمعتنا يجتمهون بلبت الكبير الهو بيت جدتي والكل يجي ويعاد والمشكله الكل يفقدني المهم حولت معه يوديني مارضى جلس يتلفض علي وقال اذلفي وروحي غيري ماني موديك والله انقهرت عمري مقصرت معه بشي ديم ابيض وجه قدام اهله واصحابه وحتى الفوس مابخل عليه بشي رغمني ماني موظفه رغمنه اذا شاف معي القرش يجلس يوز لما ياخذاه لمهم اتصلت على اخوي وجاء ودني للبيت الكبير بعد الظهر وحناديم انروح على الساعه8 الصبح انعايد اخوي زعل يقول احسلك اطلقي منه وخلاص والله مشكلكم واجد واتخيلو اتصل عليه المغرب عشان يرجعني مايرد خليت زوج اختي واختي يرجوعوني الشقتي ولما رجعت لقيته مطفي انور الشقه وجالس يطالع التلفزيون وماطلع عايد اهله والله بعدها جلست ونمت الحالي وهو نايم واليوم ثاني يوم بلعيد والله جالسه الحالي حضرته ماقم غير المغرب وجاء يبي شي ياكله سويت له اكل وهو ماكلف على نفسه قال يودني عندا اهله اعيدهم والله جالسه زهقت وطفشت من الوحده مرات افكر اني اني اجلس عنداهلي بس خايفه من كلام الناس لني ابيه يحس اذا هو رجال يبيني راح يدورني واذا مابيني هو بغني انه يبهدلني معه- حتى خوته تعبو من الكلام معه يقولون مارح تلقي مثلها بس احسنه ماعنده احساس بلمسلوليه طبعا امه وابو متوفين وله اخو كبير بس علاقته معه موذاك الزود والصغير يعني ---والله زهقت من معاملته رغمنه فيه شويت طيب بس احس مو لي لناس--- بس ياخوي تراى موبس انت معيدت تراى في ناس زيك ماحسو بطعم العيد بس يارب تهدي زوجي وتسخره لي ويصلح لك زوجتك
|
اقتباس:
اخت متغربه وساكنه بعيده عن اهلها راسها براس زوجها وعندهم اطفال و امر طارئ طرا عليهم احنا المغتربين النا ردود خاصه فينا عموما الزوج له قوامه على النساء و الا ما عمرت بيوت اذا فقدت هيبه الرجل و مكانته بلبيت مافي بين الزوجين كرامتي وكرامته لان في بيننا ميثاق غليظ و موده ورحمه ولو كل وحده فكرت بطريقتك كان كلنا في بيوتنا و لا حتى تزوجنا |
هاه بشر اليوم صحصحت ولبست ولبست عيالها والالسى اضراب
شوف انت هددها انك بتتزوج مجرد تهديد مو تصدق قل هذي مو عيشه انا ابي استانس وارتاح وانتي مضيقه علي وان شاء الله تتعدل لان الحريم مجرد تفكر ان زوجها بيتزوج عليها يجن جنونها |
اقتباس:
اليوم الفجر لبستهم وخرجوا مع أمها واخوها وراحوا للبحر ورجعوا الساعة 9 الصباح ونوووووووووووووووووم إلى المغرب طبعا أنا خرجت العصر رحت لمطعم عشان اتغدى . أمها عزمتي على العشاء ورحت عند أمها لأن أمها في نفس العمارة وهي رفضت تنزل تتعشى معنا حاولت أمها تقنعها لكنها رفضت لأني موجود. أما الزواج شيئ واحد مأخرني ووالله لو عندي قيمة المهر الحين والله بكرة وأنا عاقد وما رح أتردد. |
اولا السلام عليكم ورحمة الله وبركاته
كل عام وانتم بخير وعيدكم مبارك ردي هنا ليس لصاحب المشكله ردي هنا للاخوان جميعا الي ردو انتم لم تحللو المشكله بالشكل الصحيح القصه ومافيها ان الحب من طرف واحد هو يحبها وهي تبغضه الواضح والعلم عند الله انها مجبوره عليه وهو ماصدق على الله انه يتزوجها والدليل طلبها الطلاق منه من اول ايام الزواج بكلمتها عجبك ولا طلق والدليل الاخر انه متحمل كل سلبياتها عشر سنوات اقل او اكثر لايهم عموما اخي صاحب المشكله لاتبحث عن حل ابدا لن تتغير لا انت ولاهي لانكعارف انها ماتبيك وصابر عليها على قولة المثل ( فتتك يارفلاء وكليها) انت اخترت فتحمل نتيجة اختيارك |
اقتباس:
أظن تحليلك في غير محله أما ظنك أنها مجبورة فهذا غير صحيح أبداً وأنا أعرف ووالله إن كرامتي ما تسمح لي إني أتزوجها وهي مجبورة ثم إن ظروف زواجي منها كانت قصة جميلة في نظري طبعاً وما كان في أي إكراه بل بالعكس كانت فرحانه والجميع يعرف ذلك. هي عنيدة وعنيدة جداً وهذا العناد كان حتى قبل الزواج وهي عند أهلها طبعاً ما كنت أعرف هذا الشيئ عنها وبدأ يظهر عنادها في أول أيام الزواج لكني كنت أصبر عليها وأحلم عليها لأنها كانت صغيرة ويتيمة الأب وكنت أقول رح تكبر وتعقل وتتغير للأحسن لكن لم تتغير . أهم شيئ عندها أن تخرج منتصرة ولو سكتت عن شيئ لا تسكت عنه لأنها رضيت بالهزيمة لكن لكي تسجلها في سجل الحسنات التي تمن بها علي. صحيح إنها كانت تطلب الطلاق لكن حينما كانت صغيرة عمرها 16 أو 17 كانت عند أي مشكلة تحصل تجلس عند راسي وتحن وتزن طلقني طلقني لو أنت رجال طلقني ، ولو أني استجبت لكلامها ذاك الوقت لكان لامني الجميع ولقالوا هي صغيرة وما تعرف مصلحتها . ممكن تكون ما تبيني فعلاً لكن بعد ما أتزوج رح أرتب أموري أكثر ويومها إن ما تعدلت رح أطلقها لكن بعد أن آخذ عيالي عندي وهي بعدها تروح في حال سبيلها . |
لاحول ولا قوة ألا بالله الله يعينك يااااااااااااارب دنيا غريبه |
الله يعينك على زوجتك ويهديها يااااااااااااااااااارب
ويصلح بينكم ولا تحتاج للطلاق ابداً تقبل مروري (نسيج الذكريات) |
| الساعة الآن 06:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©