|
أخوي
الله أنعم عليك بزوجة وأولاد عايش براحة وسعادة وياهم ... أنصحك تحافظ على زوجتك واولادك والله المستعان والله مو من الساهل على زوجتك .. تجيب وحدة على راسها |
اقتباس:
لو كان صاحب المشكلة امراة وليست رجل هل ستقول مثلما قلت الان لا اعتقد |
اقتباس:
واعتقدي ذلك ...:) |
اقتباس:
:) دايم توقف مع صاحب الموضع وتفكيرك مو منطقي صج تدخل ادله اسلاميه ونصائح بعد بسسس ينقصك تحس بالواقع :30:حاول تدخل بحلك شئ من الواقع وكل زمن عن زمن يتغير وحط نفسك بموقف الزوجه قبل الزوج |
اقتباس:
عطينا حلك المنطقي وتفكيرك المنطقي وحسك الواقعي وحطي نفسك مكان الزوج بعد ...,والأدلة الإسلامية صالحة لكل زمان ومكان .. والله الموفق |
اقتباس:
والرجل هو نفسه الرجل والمرأة هي نفسها المرأة في كل زمان ومكان اما مقولة ان نعطل مباحات الاسلام وكذلك نحلل محرماته بدعوه تغير الزمن فهذا الكلام نسمعه ويردده بعض المستشرقين والليبرالين وبعض المسلمين المسحوبين على الاسلام ، والذين وصلوا لحد تحريم او منع التعدد بذريعة التغير والتطور الاجتماعي ، بينما حللوا الربا بذريعة التطور الاقتصادي ! |
اقتباس:
لوعندي حل ما اترردد واطرحه وصدقت الادله الاسلاميه صالحه لكل زمان ومكان ما اختلفنا :)وما قلت شئ يديد بس وين ادلتك من الواقع ؟؟ وانت دايم تحط صاحب الموضوع مو مخطأ <<لاحظ ردودك ودايم تحط اللوم ع الزوجه مو الزوج وانا حطيت نفسي مكان الزوج حبه احتمال يكون ظلم لزوجته الاولى وعياله ولاحظ ان هالزوجه احتمال تتكبر ع الاولى لان زوجها عن حب مو عن تقليد وراح تستقل هالحب ضد هالزوجه والعيال حط نفسك بالموقف صح مو تحط ادله وشغلات وما تكون حاط بالك احتملات للواقع وما تدري هل كلام الزوج صادق بحبها واذا كان يحبها ليش التفت لغيرها ؟؟ امكن نقول هذا شئ يديد واسمه اشتراك بحب بس اعتقد الزوج يبيها عشان تهتم بعياله ولو كانهني الزوجه ونشوف رايها عشان تتضح افكارها والغيره تسوي اشغال بالحياة الله يوفقك :d |
اقتباس:
انا ما اختلفت ان الاسلام صالح لزمان ومكان صف النيه وافهم المكتوب صح :d وبالنسه للرجل هو الرجل والمرأ هي المرأه بس لاحظ قبل امهاتنا وجداتنا كانن يتحملن اما اصرار من اهلهن او نظرة الواقع لهن او نادرا يتحملن عشان عيالهن الحين الطلاق عندنا شئ عادي هذا يختلف عن زمنهن وزمنا هن كانن يخافن نظرات الناس احنا هالايام اغلب الناس يطيح بتجربه فاشله ويتطلق صار شئ عادي وبالنسبه لواجه من ثانيه ما نختلف لو يتزوج عشره وهي لها حق تخلع وترجع لبيت اهلها وتريح عمرها منه ومن زوجته الثانيه اللي الله اعلم كيف اسلوبها :)الله يسعدك دنيا واخره عرفت اني كتبت الر باسلوب غل جذي فهمته بالمقلوب |
اقتباس:
وما دام ما عندكِ حل , فكيف تحكمين على حل بأنه غير حل أدلتي من الواقع ذكرتها ,, ثم نحن نجير واقعنا مع الأدلة لانجير الأدلة ونلويها مع الواقع .. أما إني أحط صاحب الموضوع مو خطأ فمن كيسك هذي ما أحط اللوم على الزوجة ولا على الزوج , بل بحسب الحال لكن في مثل هذه المواضيع بالذات دائماً تضعون اللوم على الزوج وكأنه سيفعل جريمة من الجرائم الي يعاقب عليها القانون والشرع ... وتقفون مع زوجته أما هو فعلى جنب !! وخارج الدائرة والمحيط والمربع , ودائماً مخطئ, ولا تراعون شعوره أبداً ولا حاجاته ودائما هو الظالم الأشر تتكبر على الزوجة الأولى !! هذا على حسب ممكن تكون الزوجة الأولى أفضل منها ! وهي الي تتكبر اشتراك حب موجود نعم ... , وإذا كان جديدا عليك , فخذيها معلومة مفيدة أجل كيف الواحد يتزوج أكثر من وحدة وهو ما يحب !! أجل نقول زوجات النبي صلى الله عليه وسلم ما يحب إلا واحدة فقط والباقي على جنب !! وكذلك بقية الصحابة ومن بعدهم .. وإذا كان هذا الرجل مو صادق بحبها هذا شيء خفي عنا, حنا لنا الظاهر بس , وأنا وش دراني إنك تحبين زوجك أو ما تحبينه ؟ الغيرة تسوي أشغال في الحياة لكن علينا أن نضبطها نحن .. بعدين وشي الأدلة والشغلات ,, صارت الأدلة شغلات ها وتقبلي تحياتي ... |
ياسلام وكيف خليتم الحين اني انا غلطان في اني ابغى اتزوج وحده عربيه ؟ كيف يعني الطريقه غلط ؟؟؟ ويوم اقول تعرفت على وحده يمكن البعض يفتكر انه لا سمح الله في مكان مشبوه او بطريقه غلط .... انتم كلكم تعرفون ان العادات والثقافات تختلف عند جيراننا من الدول العربية ... بس يبقى كله في نطاق الادب والدين .. بعدين انا رجل ولله الحمد ما عندي لا لف ولا دوران وخصوصاً في هذي لمسائل المصيرية.. وبعدين يا اخوان عنجد احنا محنا جالسين في حلبة مصارعة مين يلي يغلب النساء ولا الرجال ، أي انسان عاش تجربة مشابهه يمكن يقدمها وانا شاكر له بعدين انا ما قلت شي زوجتي لو بغت الطلاق تقدر تحصل عليه بس والله اهون علي تطلع روحي ولا تطلع من بيتي بس بالنهاية ما اقدر اوقف قدامها اذا اصرت وانا صح في البداية كنت رافض اني اعطيها العيال من حبي لها والله وللعيال قلت يمكن اقدر اسوي عليها شوية ضغط بس بالنهاية انا اشوف ان العيال يقدرون يستغنون عن الاب بس الأم لااااااااا دايم كنت اقول لها وانا والله يعلم اني صادق "بأن يكون يومي قبل يومها ولو العمر يعطى كان اعطيتها من عمري علشان غلاتها وكمان انها تبقى لعيالها" قدر الله وماشاء فعل يا اخوان انا ما سويت شي غلط والله اعطيت زوجتي وقت طويل تدرون كم سنتين وانا امهد لها واعمل لها وكل شي وكمان بنت الناس حرام بعد سنتين اخدعها واتركها حرام .... يا اخوات والله ادري انه شي صعب على زوجتي هل أمر بس صار الي صار " ما تقدر زوجتي تتحمل واجرها على الله وين الي تبغى الجنه وين تطلب الاخره" يا اخوات والله انا مو مقصر معها ويمكن والله ان قلبي يميل لزوجتي ام عيالي بس شسوي خلاص وانا زي ما قلت لكم في البداية اموت ولا ارجع عن كلمتي حراااام والله. يا اخوات انتم يمكن اعرف من الرجال في الحل الي يمكن يقدر يحل هل مشكلة. وشكراً للجميع
|
| الساعة الآن 03:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©