|
الله يعافيك ويخليك يا اخوي ابو حكيم
والله ان منبع للحكمه ماشاء الله تبارك الله بالنسبه لردك السابق بوضع اوراق فيها كلمات رقيقه والله انا متأكده لو اطبقها زوجي بيسوي نفسه ما شافها او بيقراها وبيقول الحمد لله ولك الشكر كالعاده |
اقتباس:
الله يعافيك ويسلمك وشكرا على ثنائك العطر . أختي ... أنت حاولي بفكرة الأوراق وجربي , وقد يشعر بالخجل من نفسه , ويفهم بشكل واضح جدا أنك تعانين مشكلة بالفعل بسبب هذا التجاهل , وقد يدفعه ذلك للتغيير الفعلي . بعد ذلك اذا استمر بتجاهله فهذا يدل على أن زوجك يتعمد ذلك ربما لشيئ ما في نفسه أو شخصيته أو اسلوب تربيته . |
ههههههههههههههههههه ابو حكيم ابرد مااعندك واحر ماافي المره
طريقتك ابو حكيم فيه اشوي من سهبلا >>> اسمحلى بهذي الكلامه تقبلها برحابت صدر وثااني شي تخيل ان يزرونهم ضيووف ويشفون المكتوب اش بيقلووون هع هع اختى زوجك مااافي شي ان شااء الله مثل بااقى الرجااال اقلب الرجاال مايحب يعامل زوجته بحركه رمنسيه او حتى كلام جميل لانه يخااف اذا عاملها بهذا الاسلووب تريد كل مره يعااملها بهذا الاسلوووب حب ورمنسيه واذا ما عاملها بهذا الاسلووب يجي لها الشك زوجي فيه شي اكيد شاف له شووفه تعرف على احد مايحبني ليه وش فيني ناقصه ...... ومين هذا الشكوووك و ربما يكوون هو تعبااان من العمل او متضاايق ولا يبي يقول اللى مضايقه علشان ماتتظاايق اختى مدام قايم بحقك و موفر عليك كل شي و هدايه ويمدحك عند اهلك فارتااحي واعرفي انه يحبك بس يخاااف انك تتغيري عليه انتي بيني له غلاته عندك وانك ماتقدرين على فراقه وان شااء الله بيحس انك صاادقه وبيطلع اللى في قلبه بس غريبه سبع سنواات ولا مره مدحك اماامك او تغزل فيك حتى ليلة الدخله او الخطووووبه الله يسعد اياامك ولياليك ويصلح لك زوجك ويعينك على نفسك تقبلى مروري واتمنى اني وفقت على الرد |
اقتباس:
عفوا ... توقف هنا ! لست أنت من تحكم اذا كانت الطريقه " سهبلا " على حد قولك , صاحبة الشأن هي من تحكم . |
السلام عليكم ورحمة الله وبركاته
مرحبا اخي ابو حكيم ومرحبا بك ايضا اخي محمد بصراحه هي طريقة اخوي ابو حكيم حكيمه بس مع واحد غير زوجي بعدين يا اخواني الكرام مو المشكله مع زوجي انه مقل عاطفيا لا الامر اسوأ بكثير انا بقولكم شي بسيط والله صرت اشك ان الموضوع يا حسد يا سحر مع اني استبعد الاخير زوجي ما يطالعني ابدا يعني نادرا ما يحط عينه بعيني لو كنا نتكلم احس لما يشوفني يتضايق يتجهم ويكتئب ما يسولف معي ابدا ابدا ولا اعرف عنه اي شي بحياته نهائيا مع ان لنا سبع سنوات متزوجين لما افاتحه بالموضوع واحاول اعرف وين المشكله يقولي ما يحتاج اقولك انتي تعرفين وانا الحمد لله ما قصرت باي شي معه صحيح ان الكمال لله وكل انسان معرض للخظا بس والله اي شي ينبهني عليه ما ارجع اسويه مع ذلك رضاه غايه لم ولن تدرك انا مره خلاص قلت ما راح اعيش معك بهذا الاسلوب ورحت عند اهلي وقلت للوالد اني ما راح ارجع وسألني ليش وقلت له ما فيه سبب بس احس انه يكرهني وكأنه مجبر علي المهم خلال يومين جا يكلم الوالد وانا اقول لا تواجهه لأني انا ما ابغاه خلاص بلغ السيل الزبى المهم اصر وحاول نجتمع مع الوالد ونتكلم فكان كل شكواه اني اطلب زوج طبيعي طبعا هذا اللي فهمه الوالد من خلال كلامه المهم قال لأبوي سالفه اني انا امن عليه بالطبخ وأقولكم الحادثه عشان تحكمون وتقيمون انا ما اعرف اطبخ الاكلات الشعبيه وهو ما طلبها مني ابدا ودايما اطبخ له اشكال والوان طبعا ما يعلق ولو سألته يقول ماشي وفي يوم من الايام عرفت انه مشتهي قرصان لأن ام زوجي تطبخه ومره لذيذ وكانت تعبانه وما حب يقولها فقلت انا اسويله القرصان عشان ينبسط وحطيت الاكل وكان فيه اكل اهلي مرسلينه لما جا يفتح الاكل قلت له استنى لا تاكل غمض عيونك شف انا اش طابخه لك قال ايش فتحت القرصان وقلت له يا ويلك لو اكلت غيره وانا اضحك والله العظيم قال تمنين علي بالاكل ما راح اكله مو انتي اللي تتحكمين فيني قلت والله ما تحكمت بس امانه تذوقه وتقولي عاجبك ولا لا ذاقه وقال ما شي حاله وبس انتهى وما اكل منه لما سمع الوالد السالفه قالي بعد ما راح زوجي صدقيني يا بنتي فيكم شي لأنه يحبك وهو قالي هذا الشي وقالي الوالد اني سألته وحلفته هل انت جابر نفسك على بنتي وقال مافيه شي يجبرني اعيش مع وحده ما احبها. بس اي شي فيني ميزه يشوفه عيوب يشوف ودائما اتذكر بيت الشعر اللي يقول واذ محاسني اللاتي ادل بها كانت ذنوبي فقل لي كيف اعتذر؟؟؟؟؟ |
اقتباس:
|
لما افاتحه بالموضوع واحاول اعرف وين المشكله يقولي ما يحتاج اقولك انتي تعرفين
ماذا يقصد ؟ والله يا ابو حكيم هذا اللي اتمنى اعرفه انا اعرف اني ما قصرت معه بشئ وهو متأكد انه لو يطلب عيوني ما راح اتردد ولا لحظه وانا اظن انه يقولي كذا عشان يحسسني اني غلطانه واللي يسويه معي هو رد فعل فكان كل شكواه اني اطلب زوج طبيعي ماذا يقصد أنك تطلبين زوج طبيعي ؟ وهل زوجك زوج غير طبيعي ؟ انا بسألك وانت جاوبني اذا هو طبيعي او لا لما الزوج ما يمدح زوجته من بداية زواجهم ولما زوجته تتصلح وتتجمل يقول ما له داعي ترا انا ما اطالعك هل هذا طبيعي ؟ لما ينام بالصاله وانا انتظره بغرفة النوم ولما اجي انا عنده بالصاله يروح غرفة النوم هل هذا طبيعي؟ لما يكون غامض بكل جوانب الحياة وما يتكلم معي نهائيا هل هذا طبيعي ؟ لما يكون من افضل الاشخاص مع اصدقائه واهله ومع الاقارب والاغراب واسوأ شخص معي هل هذا طبيعي ؟ كل شكواه عند والدي انو ليه اطالب بهذي الاشياء وانها تفاهات بس الوالد تكلم معاه كلام رائع ومدح فيه وقاله انت انسان واعي وهي انثى كائن رقيق وضعيف تحتاجك وتحتاج للحنان والامان معك والاثنين مفقودين واي شخص لما يفقد شي اكيد راح يكون شغله الشاعل بس اهم شي انت تكون حاس بتقصيرك وخطأك وتحاول تعوضه قال انا ما قصرت بشئ اكل وشرب وبيت وخدامه وسواق قال الوالد صحيح وما احد يقدر ينكر هذا الشي بس هل هذا الشي هو اللي ما زالت تطبه منك؟ لا هي تطلب الاهم من ذلك هي تطلب منك الشئ اللي ما احد يقدر يوفره لها غيرك وما نرضى انها تطلبه من غيرك ياليتك قصرت بالجوانب الماديه كان وفرناها لها بس المشكله اللي قصرت فيه هو شي ما يوفره الا انت وقال انشاء الله بتغير ومع ذلك رجعت والوضع لأسوأ الله يصلحه ويهديه وجميع المسلمين |
اقتباس:
أعطيتك رأيي بالموضوع بناءا على كلامك , والذي أفترض أنه صحيحا وغير مبالغ فيه , وأنت صاحبة الشأن وأدرى بحياتك منا . هناك حلقه مبهمه وغامضه مفقوده بحياتكم , قد تكون عين أو حسد , ربما أحدهم كان يريدك زوجة له , أو إحداهن كانت تريده زوجا لها , لا تجعلي هذا الأمر هاجسك الأكبر , ولكن ركزي على هذه الناحيه من باب الإحتياط , ولتكوني أمام نفسك عملت بكل الأسباب الممكنه . وفقكم الله . |
شوفي يمكن رايي شوية مخالف للخوة و الاخوات لكن طالما زوجك لا يعبر معكي عن مشاعرة فهو لن يعبر عنها مع احد اخر فهناك الكثير من الرجال يشبعوا زوجاتهم بالكلام المعسول و هم يعرفون النساء على النت و لهم علاقات غرامية خارجية و تكون الزوجة نايمة في العسل و هو يسوي ما بدا لة في الخارج و المسكينة زوجتة نايمة على اذانها
|
اقتباس:
سبحان الله عش رجباً ترا عجبا |
| الساعة الآن 10:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©