|
الآن بيدك كل شي
خليك معها لين لكن بحزم خاصة مثل هذه المواقف يعني هذي زعله بسيطة واغلبها مزاج جلست نص شهر وراحت عليكم أيام ممكن تكون من أحلاها علشان شي تافه ! كيف لو بكره شي كبير بتجلسون سنة ماتتكلمون ! اعطيها قرصة اذن على اللي سوته علشان تاخذ حذرها ماتكرره معاك ولا صدقني لو ماحطيت حد يمكن نشوفك بعد سنة من الآن كاتب نفس المشكلة لكن بالمتزوجين ( الله يبعده المشاكل عنكم ) . |
^
ايش المفروض اسوي طيب ؟ يعني كلمتها وبعدها ارسلتلها وما رجعت ردت ! ايش اسوي انا :( الى الآن العيد جا ومحد قال للثاني كل سنة وانت طيب استغفر الله كيف الواحد يتهنى بالعيد ؟ |
اخلص واتصل عليها اليوم فالليل ولا استناها لين ما تتصل ؟
|
أخوي
إنت كلمتها قبل كذا و قلت لها إنك تضايق من أسلوبها هذا ؟ مو كذا ..!!؟ ما تقدر تزور أهلها و تعيد عليهم ؟ لو إني مكانك ، بأتصل على الأم و أعيد عليها .. و ما أطلب أكلم البنت و هي بتفهم يعني لو خطيبتك ماصارحتها قبل كذا بإن الأسلوب ذا يضايقك كانت ارائنا راح تختلف و بنقول لك صارحها أو حط لها أعذار و في الأخير القرار لك |
تمهل اخي الكرييييييييييييييييييييم
فعلا انا فرحت انها رجعت واتصلت عليك وفكرةالتطنيش جابت نتييييييييييييييييييييجه(مع انها ماهي ذاك الزود بس برضه فيه تقدم) استمر على ثقلك ولا تاخذك العاطفه والحب وتلين وترجع تدق عليها خليها راح ترجع لك لانها ايقنت ان اسلوب عدم المبادره منها تجاهك لايعجبك بتات البته وبالنسبه للعيد مثل ماقالت الاخت روح الطير كلم والدتها ووالدها وعايدهم اصبر وتكفى لاتخرب اللي بديته باذن الله الامور ستسير على خير مايرام وان عادت واتصلت عليك اخبرها بكل رواق عن اللي مضايقك ومطفشك واذا انت شايف نفسك بتنفعل وتعصب والكلام يتلخبط اكتب افكارك وماتود قوله في ورقه والله الموفق |
اخر المستجدات :
بعد اخر مكالمة لينا اللي انشغلت فيها .. ارسلتلها رسالة قلتلها وقت ما تفضي دقي عليا ارسلتلي انا مو فالبيت .. قلتلها اوك لما تفضي وترجعي البيت كلميني تصدقو يا جماعة دا الكلام من كم يوم .. تقريبا اسبوع اعتقد اليوم ارسلتلي رسالة قالتلي انا صبرت عليك كفاية وماقدر < مرة بايعتني رديت عليها قلتلها انا قلتلك لما تفضي كلميني وما جاني رد منك ! ردت عليا قالتلي جزاك الله خير عالمبادرة ارسلتلها يعني تبغيني اقولك الله يخليكي كلميني .. سويت اللي عليا وانتي ما اتصلتي ! تخيلو ايش ردت ! قالتلي انا سويت اكتر من اللي عليا ! ولو حركاتك دي تبغا تروح يعني .. فالباب يفوت جمل ! انا انصعقت بصراحة اتمالكت نفسي . وقلتلها لو ابغا اروح .. فحأروح من حركاتك انتي مو انا .. شوفي ايش سويتي .. وايش اخر شي قلناه ولين دحين ما ردت عليا انا جدا مقهور حاليا ومني عارف ايش اقولها .. ما ابغا اسوي شي اندم عليه اسعفوووني امانة عليكم محتاج نصايحكم ايش اقولها كيف انقذ هذا الزواج ؟ :( |
صراحة اهني خطيبتك من اعماق قلبي ... يا شيخ من زمان ما شفت وحدة شخصيتها قوية زي كذا ... الى درجة انو احس ان موضوع الزواج كلو في يدها ... و لوهلة والله حسيت انها الرجال في العلاقة ذي !!! للأسف اما انتا يا حرام ما اقدر اقول اني اتعاطفت معاك لأني صراحة ما تستاهل انو الواحد يتعاطف معاك ,,, يا حبي وين رجولتك !!! و الله البنات ترى اذا شمو ريحة انك مسكين و مغلوب على امرك ترى و الله يركبوك مع احترامي لك ,,, و اكبر دليل هذا اللي شايفو انا من موضوعك ... يا خوي ترى كل شي الا كرامتك ,,, ترى حتى من ردودك على رسايلها احس بكمية ضعف منك ما ادري من فين جاية ... اسألك بالله هل ماسكة عليك ذلة ,,, و لا انجبرت انك تتزوج علشان في ديون عليك لأبوها مثلا ؟؟!!! و على ذا الاساس انتا ساكت و مستسلم ,,, و لا انتا حاب و ميت في لعب دور الضحية ,,, ترى و الله قاعد اكتب دا الكلام من حرقة دمي عليك و على رجولتك و ما ارضى انو شخص من بني جنسي يكون ضعيف لذي الدرجة قدام وحدة زي ذي ,,, يا عمي و الله امرك غريب ,,, يعني ذي الرسالة لو كاتبتها وحدة بنت كنت اقول عادي مسكينة البنية تلاقيها خايفة من العنوسة يمكن ,,, و ما صدقت انو شخص تقدم لها و المسكينة قاعدة تتحمل ساعتها ما اقدر الومها ,,, و الاحلى من ذا كلو سؤالك الاخير : كيف انقذ هذا الزواج ,,, يا شيخ ليه انتا مصر انو تحسسني انو ذا زواج القرن و لا انو ذي البنت هيا اخر بنت في الوجود ,,, يا عمي حتى لو اخر وحدة في الوجود و لا كنت راح اسأل عنها حتى .... الزبدة و الخلاصة دحين اذا انتا حاب انو على قولة تنقذ الزواج ذا ,,, لازم تقوي قلبك و اهم من كذا شخصيتك المهزوزة ذي .... يا عمي شوف كلام خطيبتك كيف قوي و مليان ثقة على سبيل المثال لمن قالت لك : "انا خلاص ما اقدر احمل اكثر من كذا" تحس انو البنت من جد بايعتها و يمكن ترى في نفس الوقت هيا مش بايعتك ,,, بس هيا قاعدة تستخدم دا الاسلوب الهجومي لمعرفتها المسبقة انك انسان ضعيف ... يا حبي اذا مستعد تصير رجل حقيقي بمعنى الكلمة ممكن تتواصل ساعتها معايا عل الخاص اذا كان عندك اسئلة .... و ترى كل كلمة انا قلتها هنا ترى و الله طالعة علشان من جد انقهرت من ضعفك امامها ,,, الله يهديك بس |
| الساعة الآن 04:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©