جزاك الله خيراً يا أحلى وردة http://www.66n.com/forums/images/icons/tongue3.gifسعدت بمرورك واطرائك الكريم هذا من ذوقك بس :)

ربي يوفقك ويسعدك ويعلي مراتبك يا وردة

شكراً لكي عزيزتي أم عبيد الله أسأل الله ان يهدي ابنك ويقر عينك به هو واخوته

جزاك الله خيراً على الاطراء والمرور والتجشييع بارك الله فيك

اختى نور
افحمتينى بردك
قلما تجدى بنت بمثل هذا التوجه
اراء جميله وتحليل رائع شدنى لقراءته حتى النهايه
يا ايها الازواج وايتها الزوجات اقراو رد نور الايمان ستجدوا فيه الدواء الشافى لكل امراضنا الزوجيه
بس اقراوه اكتر من مره
وانت اخت نور جازاك الله عنا خير الجزاء
بس احب اعرف من اين اتيت بهذه الحكمه
دراسه ام خبرة سنين

ياعمري الزوج كما ذكرت في الموضوع يرى الافعال ولا يرى الاقوال وانتي كما ذكرتي معتمدة على طيبة قلبك وان عصبيتك وتذمرك من برة قلبك ولكن الى متى الزوج سيتحمل عصبية زوجته ؟؟؟؟ هل الى ان يكبر الصغير ؟؟ حسناً ولكن سيأتي صغير آخر بعده ومعنى ذلك ان حياتهم تغيرت للأسوأ بسبب الاطفال وهذا ما جعل زواج المسيار يطفو على السطح حيث سمعت طبيب يقول اصبحت المراة الان نوعان نوع ام عيال ونوع عشيقة وهذا ما جعل بعض الرجال يلجأ للمسيار لانه النوع الثاني فقط ... وهذا ما تقع به كل الزوجات بعد الانجاب .... طبعاً زوجك مقدر ان لديكي صغير ولا ينام ولا يسكت طول الليل وورائك مسؤليات فهو لا ينتظر ان يجد سوبر وومن في انتظاره يكفيه ابتسامة عند لقائه ومظهر يوضح ان الزوج على قائمة هذه الزوجة التي يحبها يعني معادلة بسيطة تقول تنظيم الوقت ووضع حق الزوج امام عيننا سيمر الوضع بهدوء وهناك خطأ آخر تقع فيه الزوجات حيث تظن ان الزوج وجد لكي تشكي له وتبكي امامه وتتذمر ... وكل شئ وتقول ان لم اشكي لزوجي فلمن اشكي ؟ الزوج ليس المكان الصحيح لشكوى الزوجة هناك عدة وسائل لافراغ الطاقة السلبية بعيداً عنه لكي تحافظ الزوجة على بيتها وزوجها ولكي لا يمل جلستها .... اولا وقبل كل شئ الشكوى لله وحده كما قال سيدنا يعقوب عليه السلام { قال إنما أشكو بثي وحزني إلى اللَّه } العبادة والسجود لله والشكوى والبكاء بين يديه يفرغ كل الطاقة السليبة فينا حتى تقابل الزوجة زوجها بروح مسرورة ومنشرحة .... ممارسة الرياضة ولو عشر دقائق كل يوم ...... بعض الاغذية التي تحسن المزاج ....... بعض المشروبات الساخنة المهدئة .....كتابة كل ما يضايقها في ورقة ثم ترميها او تمزقها الفضفضة لام او اخت فالزوج ليس المكان الصحيح للشكوى والبكاء حتى لا تشتكي وتندمي فيما بعد وتقولي زوجي ذهب لاخرى وانا لم اقصر بل تركني وانا في امس الحاجة له وهو يعلم

حبيبتي بالنسبة لخروجك معه ماني شايفة فيه عيب او تقصير خاصة لو هالشي مو مضايقه او انه بالغصب عليه او انه مجبر انه ياخذك فهذا شئ حلو الا لو كان خروجك معه سيجعل الطلعة سبب للمشاكل مثل انك تطلبي اشياء فوق طاقته او تشوفي اشياء وتقولي هذه عند اختي او جارتي وانا ما عندي او او فهذا يحزن الزوج ويغضبه اما غير ذلك فانا اشوف ان طلعتك معه مافيها اي شئ ابدا بل مشاركة حلوة ان خلت من المنغصات اللي ذكرتها لك

اما صغر مساحة البيت فلا اعلم هل بسبب ميزانية الزوج اي ان هذه قدرته او ان صغر البيت يجعلك دائمة التذمر في وجهه ومطالبته ببيت اكبر وانا قلت مرة في موضوع ان الزوج لو وجد تقصير واهمال الزوجة في نفسها وبيتها وهي في شقة صغيرة فكيف الحال بها لو احضر لها بيت كبيير فيسوء الوضع اما لو وجد ان الشقة مرتبة وزوجته تديرها باتقان ومهارة ولا تهمل في نفسها وتستقبله بكل بشاشة فسيكافئها ببيت يليق بتلك الادارة الحكيمة .... وخاصة لو خروجها يضايقه او تأتي من خرجتها بطلبات مثل شفت عند فلانة او علانة او كانت اصلا غير معترفة امامه انها تفعل شئ يضايقه فأحياناً تقول له انا كنت اخرج ووالدي لم يكن يعترض وهنا المصيبة التي تغيض الزوج

اقتباس:

ثالثا : ياويلي ماخليت شيء التكشير عند عودته للبيت لما أكون طفشانه وتركني وخرج

طبعا هذا اهم سبب اذكر شاهدت مرة لقاء لاحد الاشخاص يقول انه تزوج للمرة الثانية بعد مشاكل وصراعات مع زوجته الاولى وعند سؤاله عن اهم المميزات التي اصر على ان تكون في الثانية كرر الابتسامة عدة مرات حتى قال له المحاور لهذه الدرجة قال نعم الابتسامة هي السحر الحلال ... غاليتي مجرد ابتسامة تجعل زوجك يمكث اطول وقت معك وعكسها يجعله يكره البيت ومن فيه ويهرب منه ... هل تعرفين لوحة الموناليزا نالت هذه الشهرة والجمال والثناء بسبب الابتسامة على وجه تلك المراة في الصورة رغم انها ليست بذلك الجمال الفتان انما لبسمتها سحر ولابتسامة الزوجة في وجه زوجها اثر بالغ في قلبه

اقتباس:

عزيزتي نورالإيمان هل الحياة الزوجية تحتاج لكل هذا صبر وفطانه ورجاحة عقل وفنون في التعامل ؟؟؟!!!

عزيزتي حاولي ان تفهمي احتياجات زوجك وتستمعي له وان لا تفسري كلامه على انه ضدك مع القليل من الصبر والابتسامة ...... اتمنى اكون ساعدتك ولو بشئ قليل ووضحت لك بعض الامور الغير واضحة وانا شاكرة ثقتك في وحسن ظنك واي شئ انا حاضرة حبيبتي ان شاء الله

بارك الله فيك أختى نور الإيمان على ماكتبته أناملك والله يجزاك خير والله إنك صادقه بكل كلمه وأنا أعترف بأني في ما مضى من سنين في زواجي كنت دايم أنتقد زوجي في أي شئ تصدقين مره إشترى سياره لنا ولماجابها وطلعنا ناخذ فيها لفه أول ما ركبت فيها الرجال مبسوط وفرحان ويسألني هاه إيش رأيك بذوقي أنا جلست أتلفت في بطن السياره من الداخل إلا وأقوله بالله عليك شاريها من أي تشليح هاذي القرمبع قال هاه ماعجبتك قلت يالله تمشي الحال وبعد فتره صار فيها خراب وباعاها ونوى يشتري غيرها بس لاحظت فيه شئ من التردد وكأنه يقول في نفسه أخاف أشتري سياره وتنتقدني فصار مسكين كل مره يقول لي أنا أول شئ بجيب السياره قبل لا أشتريها علشان تشوفينها
إذا عجبتك أخذتها وإلا أدور غيرها وأنا بصراحه حسيت بغلطتي أول مره يوم أشترى السياره السابقه وأنتقده فيها فقلت في نفسي ليش ما أ قوله إشتري وبشوف ذوقك هاذي المره وقلت أنا واثقه في خبرتك ومعرفتك بالسيارات وأبغاك أنت تجيبها وتختارها هاذي المره كمان وإن شاءالله تجي حلوه والله إنه راح وجاب سياره ولا أروع وطلعنا فيها لفه وسألني نفس السؤال قال إن شاء
عجبتك السياره رديت عليه بصراحه أنت أبدعت في إختيارك هاذي المره وسياره حلوه ونظيفه تسلم عليها وبعد فتره بغى يشتري سياره ثانيه لأبني يتعلم عليها قال أبغاك تروحي معي وتشوفين السياره بنفسك من بعيد قلت له أنت روح وإشتريها علا ذوقك وأنا حددت اللون ونوع السياره وماركتها وراح يدور بالصالات جلس أسبوع يلفلف من صاله لصاله ومن معرض لمعرض وعقبها حصل سياره نفس إللي كنت أتمناها بس
ما شاءالله أبدع في إختيارها روعه وجابها وجلست أمدح فيه إلين الرجال غرق مدح وعرفت وقتها إن الرجل يحتاج
من زوجته تفهمه علشان يبدع وكمان أنا فيه طبع لوقال لي أي سالفه صارت في عمله أو مع أحد زملائه لأنه زوجي مايحب يطلع من البيت إلا لشغله ودايما يفضفض لي وماعمره أخفى عني شئ دايم يشاركني يومه وأحداثه أنا طبعي ما أحتمل أي سالفه كان يعلمني عنها علا طول حتى باقي ما أمداه يخلص نهاية السالفه إلا وأنا هاذا زميلك بالله عليك تسولف معه وتصادقه وتاكل معه وتصرفاته كذا حتى كان يوصل الأمر إني أمنعه ما أبغاك تجلس مع فلان لأنه قلت مايصلي وفلان يدخن ويسمع أغاني أبغاك تقاطعهم إذا مافادت النصيحه معهم كان دايم يقولي يام سلطان ماينفع
ذولي يتحتم عملي إني أجالسهم وأقابلهم يوميا وذولي حنا وياهم زملاء من حول عشرين سنه وهم عارفين الحلال والحرام وياما نصحناهم حنا وزملائنا الباقين لا كن لاتهدي من تشاء ولاكن الله يهدي من يشاء وأنا إللي زاد ولع بطني زوجي يوم ينصحهم ويعطيهم أشرطه ومطويات يجلسوا يتريقوا عليه وفيه واحد بينهم مايصلي مره وعاق أمه
له تقريبا 15سنه ماشافت صورته ولا يتصل فيها ولايسأل عنها والمشكله إنه وحيدها ومنطقة أمه تبعد عنا ألفين كيلو
وبصراحه أنا زاد كرهي لذولي الزملاء وكم أتمنى زوجي مايخالطهم فأنادايما أجلس أنتقد زوجي رغم إن ماله ذنب بس خلاص صارت معي عقده يوم يدق واحد من زملاه عليه بخصوص شئ بالعمل أنا أولع وأقوله أنت معطيهم وجه وتضحك معاهم عادي وتسولف كان دايم يقول لي الدين النصيحه وأنا أذكرهم دايم وأنصحهم ليش أنتي ماراضيه تفهميني وبعد فتره لاحظت إن الرجل لوجلسنا علا قهوه ونسولف صار ماعاد يجيب طاري لشغله ولا لزملائه حسيت إن الرجل صار كتوم وماعاد يفضفض مثل أول وعرفت إنه متضايق من طبعي وأسلوبي معاه فقلت في نفسي شكل الرجل بيطير من تصرفاتي إللي ضايقته وكلامي دايم حاد حاولت أغير طبعي للأفضل والحمدالله رجعت أسحبه شوي شوي بالكلام حتى رجع لسوالفه وضحكه معي وفهمت إن كثر الإعتراض والإنتقاد مامنه فايده وصرت أفهمه وأعرف طبعه وأنا صرت أسيطر علا لقافتي وإعتراضي علا أي شئ يقوله لي والحمدالله أفهمه الحين زين وأعرف وش صار يحب وويش مايحب مثلا أناكنت زمان لودق جوالي أوتلفون البيت وحنافي جلسة قهوه او وجبة أكل أنا وزوجي كنت أتركه وأقوم أرد علا المكالمه وزوجي لاحظت إنه يتضايق من كذا وأرجع ألقاه موقف مايصب فنجانه ولاياكل لوكان علا الأكل إلا إذا خلصت مكالمتي أقوله ليش ما أكلت يقول أنتظرك وعرفت في نفسي إن هاذا شئ يضايقه وماوده يخرب الجلسه
لو إنتقدني أو تكلم معي رغم إنه من أول دايم ينبه عليه بقوله لورحت من عندك أو نمت سوي وش ماتبغين ولو أنا عندك وجالسين سوى إتركي كل شئ جوال تلفون حتى عيالك خليهم يلعبوا في غرفه ثانيه علشان مايزعجونا بالذات وقت السوالف والقهوه والشاي أحسه دايم يبغى جو هادي وبعدها عرفت وعدلت هاذي النقطه في طبعي وصرت أسوي إللي يريحه بالذات أنازوجي ما يطلع برى البيت إلا لشغله أو إحتياجات البيت وأحيانا نروح نجيبها سوى ونطلع مع بعض مايحب يروح لأي مكان ياعمله أو المسجد أو السوق حتى الجيران دايم يعزموه علا القهوه بعد صلاة العصر أو المغرب ويعتذرهم يعني بيتوتي رقم واحد عاد كيف لوطلع تقاعد وش بيصير بعدين شكلي بزوجه وحده ثانيه تساعدني فيه علشان تجلس عنده والثانيه تريح وحده صباحا والثانيه مساء
وبكذا أكون ماقصرت بحقه إن شاءالله
أنا طولت عليك وأنت بكتابتك لهاذا الموضوع وجدت فيه أشياء وصفات فعلا كانت موجوده عندي والحمدالله بفضل الله إني تلافيت أكثرها وحتى من خلال ردودك علا الأعضاء وجدت فوائد عظيمه
فيها ونصائح تكتب بماء الذهب ومافيه زوجه بالدنيا ماهي مقصره وحتى لوتلافت كل التقصير فلابد أن يحصل تقصير ولوفي أوقات وظروف معينه ولا يوجد أحد كاملا سوى رب العالمين فالكمال لله وحده وصدقيني بموضوعك هاذا أيقظتي نساء كثيره وهن غافلات عن مثل هاذا الأشياء التي ربما البعض تعتبرها بسيطه ولاكنهافي نظر زوجها كبيره أنا صراحه شفت موضوعك قبل كذا ومادخلته بس يوم شفته مميز قلت لنفسي يابنت أدخلي ماميزو هاذا الموضوع إلا لأنه كاتبته مميزه ورائعه مثل موضوعها ودخلت وقرأته أكثر من مره وبصراعه إبداع في إبداع جزاك الله خير وحقق لك ماتتمناه نفسك وزادك ربنا رفعة في الدنيا والآخره ونحن لا نعرف سوى ما كتبته أناملك ولاكني أسأل الله مالك الملك الذي يحي ويميت وبيده ملكوت الأرض والسماوات أسأله بأن
يجمعنا بك ومن أحببنا في جنات الخلد والنعيم إن شاءالله تعالى .
أختك في الله أم سلطان