سجلت فقط حتى أقول رأيي بتصرفاتك وتصرفات خطيبتك ، والله بالرغم من أنها 16 سنة إلا أنها افهم واعقل منك على عكس كلام البقية !

يعني ماشاءالله عليها صبرت عليك كل هالوقت ! ، لو أنا مكانها كان انفصلت فوراً ! وعلى عكس كلام بعض الأخوات تصرفاتك فعلاً أنانية من وجهة نظري ، خصوصاً وأنك حساس وعصبي تغضب من ابسط الأمور ، وين الاقتداء بنبينا محمد عليه الصلاة والسلام ؟ !

جلوسها عند صديقتها لـ خمس ساعات أبداً مافيها أي شيء ولا يحق لك تزعل وتسوي مشكلة ، البنت مو كمبيوتر مبرمجة ولازم تنضبط بالأوقات لازم مع خطيبي نص ساعة ومع صديقتي نص ساعة ومع أهلي نص ساعة و وإلخ ، أوقاتها مقسمة على أهلها وصديقاتها وأنت ومذاكرتها ونومها وأشيـــاء أخرى كثيرة

وحتى وإن كانت منظمة وقتها ، الإنسان بطبيعته يضعف تجاه أمور كثير وهنا هي حبت تجلس مع صديقتها وقت أكثر وهرب من الامتحانات وضعفت تجاه هالشيء لكنها الان تحاول تعدل والا ليه ذكرت لك هذا الموضوع ؟! ، وإن كانت ما ذكرته لك بطريقة تحسر على ضياع الوقت ممكن هي خصصت هذا اليوم كـ إجازة لها ولصديقتها مو لازم يكون لك !

خلك بعيد عن الأنانية وخل البنت تعيش حياتها ، توها صغيرة وفيه أمور كثير هي مي فاهمتها ! ، فعلاً أنت متسلط عليها وهذي الحقيقة ، أنت ماراح ترضيك لا هذي ولا غيرها ، اضبط نفسك وافهم غيرك قبل لا تنتظر منهم يفهمونك

أما أنها دخلت أحد بينكم فـ مـــــــــا ألومها أبداً بالعكس شيء طبيعي ، أنا لو مكانها راح أكون مضغوطة ومتوترة وضايقة فيني الدنيا وماراح أحس بالأمــان من خطيب بهالنوعية أبــداً بالعكس راح تكون بخوف منك وبالتالي ماراح تفتح قلبها لك إنما لـ أهلها أمهـا !

أنت تعدل الخطأ بالخطأ ! ، وهالشيء يخلي حبها لك يقل يقل يقل ، كيف تعبر عن شوقها وهي مو مرتاحة معك ؟! بهالطريقة بتكرهك من غير شر

ابن بني آدم خطــاء ، هي خطأت كم خطأ لكن أنت اخطـــــأت كثير ، شف نفسك أول ، الحين هل توقعت إنها كانت معصبة لما جيت تتصل ؟! ، هل جاك الهــــــــــام كذا سبحان الله وقال لك تراها معصبة ؟! هي نفس الشيء وشلون تبيها تعرف أنت عصبت من إيش بالضبط ؟!

الله يعينها عليك ويعينك على ما ابتلاك به ، خلك حليم وطيب وصبــــــــــــــــــــــــــــــــور ! ، اصبر اصبر اصبر ، مافيه شيء يجيك على طبق من ذهب لو تطير وتوقع
الله يهدي الجميع