|
اقتباس:
وكيف تتهميه انه هو السبب...هل هو السبب لما يتصل على اي شخص ويقول انا ابو فهد وتقوم زوجته الثانيه وتقله لاتقول ابو فهد. وايضا قالت له لاتعطي زوجتك الاولى قيمة ماشتريته لي.بالله عليك هذا كلام وتصرف زوجه عاقله في نظرك..وليش تطلب منه ان مايعطي الاولى قيمة الغرض؟؟ الماضي الدفين...انا امراه واعرف تصرفات الزوجات الثانيات والغيره والحقد الي في قلوبهم على الاولى وانتي عارفه اكثر مني...وهذا كلام من الواقع والي شايفته قدامي ماني جايبه الكلام من راسي.. اختي الماضي الدفين...لاتربطين مشكلة الاخ ابو فهد صاحب المشكله بمشكلة اختنا (صابره بدنيتي) الي اتهمت ان زوجها ترك عداوه بينها وبين زوجته الاولى وانه هو السبب والمفروض يخليهم خوات مع بعض.. وانتي عارفه زين تصرفاتها الغيرمنطقيه مع زوجها..وعلى كلامها اتهمتي الاخ ابو فهد انه هو السبب في المشكله الي هو فيها وانه هو الي اثار غيرتها..اختي ترى بعض النساء عقولهم عقول اطفال حتى لو كان عمرها 40 سنه لاتستغربين تصرفاتهم وتبررين لهم وتختلقين اعذار لهم... اتمنى انك ماتزعلي من كلامي.. |
بداية أعتذر منك أختي فكنت أخاطبك على أساس انك رجل وليس إمرأة
خانني الاسم, اقتباس:
نعم بهذي ممكن معاك حق,, أنا تركتها فقط أسبوع ,, ثم تناقشنا وبينت لها مايضايقني منها وهي بررت لي انه هذا كله بسبب حبها لي وانه غيرتها هي اللي حركتها,, وعدا موضوع الطلاق , |
ما فهمت وش تقصد أخوي!! زوجتي الاولى وش دخلها بالاصلاح!؟؟ أخي الكريم سألتك سؤالا لو كانت زوجتك الأولى هي النكدية فهل كنت ( ستعزم على الطلاق ) وتجعله هو الحل معها ؟ فأجبت أنت لو يأست في أصلاحها أكيد بختار الطلاق. فسألتك بناء على جوابك ( فترة الاصلاح عندك وتحملك لكل زوجة , هل يختلف من كونها اولى أو ثانية ؟ ) بمعنى لو كانت هذه ال 3 سنوات قضيتها نكد وغيرة مع الأولى بعد عشرة 11 سنة مسبقة + وجود أطفاال , فهل تظن أن فترة 3 سنوات كافية لاصلاحها ؟ ( مع تحفظي على كلمة اصلاح فأنا من ذكرك لبعض االمواقف ما رأيت اصلاح رأيت تهاون ورضوووخ للمواقف) أتمنى تكون فهمتني ................. الماضي الدفين مدري وش دخل زوجته الأولى بالموضوع استغرب تحشريها بكل رد؟؟؟؟ معليش اختي لاتزعلي مني انا من المحبين لرردودك ستفهمين أختي نورين باذن الله فالزوجة الأولى على قولتك ( محشووورة :d) لهدف وهو ان هناك اختلاف تصور وضع الزوجتين في أذهاااان الرجال واحتماله من احداهن ما لا يحتمله من غيرها ( بسبب هذ التصور ) حياك الله ومافي زعل خذي رااحتك |
اللي اتوقعه سبب المشاكل الحين والله اعلم 000انك كنت تستجيب لبعض الامور اللي تقولها لك والحين تغيرت عليها 00
يعني يمكن كانت تقولك لا تسوي كذا من باب الغيره وانت تطيعها عشان ماتزعل00 ولاتبين لها انها مخطيه وهي تعودت على ذا الشي والحين انت مليت و ماعاد جاريتها فبدأت المشاكل وصارت تحس انك ماعاد تحبها لانك ماتسمع كلامها زي اول لانك تقول من قريب تغيرت عليك واللي اعرف مع الوقت تخف الغيره لذلك انظر يمكن طباعك هي اللي تغيرت 00 ويمكن اذا سوت شي غلط تقارنها بالاولى يعني تقولها هي ماتسوي كذا او هي ماتغار زيك فتحس انك تحبها اكثر منها لكن قبل الطلاق فكر بأولادك حرام وش ذنبهم والحلول كثيره غير الطلاق الله يوفقك ويسخر لك زوجاتك |
...وين عدم العدل الي انتي اتهمتيه فيه ما اتهمته :) اقرئي كلامي جيدا أختي ليه الغرور وسأعيد نقله لك ..... الغيرة هذه لن يكون مصدرها فرااااغ صدقني , هناك ما يهيجها وأنت من يفعل هذا ... مستحيل تعدل بين زوجتين وتقوم بواجبات اثنتين وكانت احداهن هادئة ومن ثم فجأة هاجت من دون سبب وتتهمك أنك لا تعدل بينهن ... هذا في الغالب غير معقووول ولابد له من أسبااااب هيجت غيرة المراة الثانية ... ...... أنا أحث الأخ على أن يبحث عن سبب هيجان الغيرة ولم أقل أنه غير عادل! لربما هو يثني على هذه عند هذه أو يفتعل أمور تثير غيرة الثانية الماضي الدفين...انا امراه واعرف تصرفات الزوجات الثانيات والغيره والحقد الي في قلوبهم على الاولى وانتي عارفه اكثر مني... اللي أعرفه أمر واحد فقط أن المرأة التي تخاف الله ستتقي الله في ضرتها والترتيب ماله أي دخل أبدا ..:) فيه أوليات ظالمات وتسببن بطلاق أخواتهن وفيه ثانيات ظالمات أولى ولا رابعة الي تخاف ربها لن تظلم غيرها اما عن صابرة فلا أدري مادخلها فالمشكلة هذه , فهي لم تأتي في بالي بتاتا اسال الله يعينها ويفرج همها بالتوفيق ومافي زعل أبدا |
أخي بو فهـــــــــد عندي سؤال لك : صف لنا زوجتك الثانية في فترة السنتين وقبل أن تنقلب لزوجة عنيفة ما رأيك بها كزوجة ؟ أخلاقها , غيرتها , تعاملها مع الأولى وكلامها عنها , تعاملها معك , سلوكياتها تجاهك , وغيره الكثير أرجوووك ولا تستعجل ولك عندي همسة اخي بوفهد : غالب الآراء النسائية التي تلمح لك تلميحا الى تطليق زوجتك الثانية , لو كانت الآية معكووسة وجئتنا تشتكي من زوجتك الاولى لرأيت هجوووم عنيـــــف عليك والتوسل اليك بالأطفال واتهامك بخيانة العشرة وووووو ولهذا السبب في أول رد قلت لك لا تخاف مادام الموضوع جاي على راس الثانية فلن تجد هجوووم فاطمئن ودربك خضر :d فالشاهد لا تعتمد كثيرا في اتخاذ قرارك على آراء عاطفية تتصور كل رجل معدد زوجها وردودهن تكون بعيدة جدا عن اعطاء رأي وحل لمشكلتك بقدر ماهو تفريغ عاطفي ونفسي عن مشاعرهن وهن معذورات :) هذه همسة أهمسها لك لاني تلمست منك عقل وأرجو منك أن يوفقك الله لحل مشكلتك بالطريقة التي يحبها الله حياك الله |
الماضي الدفين...المعذره...
جملتك(هذا في الغالب غير معقووول ولابد له من أسبااااب هيجت غيرة المراة الثانية ...)فيه اتهام للاخ انه في سبب لتصرفات زوجته واحتمال كبير انه هوالسبب.. ومن جهه اخرى...المراه مهما كان خوفها من الله ومهما بلغ تدينها...لايخلو قلبها من الغيره والحقد على الضره فقط..شوفي الاخ ابو فهد زوجته وش تقول(قعدت معها , صارحتها , تقول مشكلتك انك عندك حرمتين ,, لو اني لك لحالي كان خليتك أسعد رجل بالدنيا) قصدها طلقها وانا اخليك اسعد رجل...يرضيك كلامها يااخت الماضي الدفين الكثير حولي ومن اقاربي معددين وتعالي شوفي الزوجه الثانيه وتصرفاتها عشان تقهر الاولى...طيب ليش تاخذ متزوج..على بالها انه مايبي الاولى ويكرهها..تفاجأت العكس..المعدد قصده يعدد ويفتخر ان عنده اكثر من امراه..والحريم على بالهم انه مايبي زوجته.. انا اقلك اقرب مثال لي(خالتي اخت امي زوجه ثانيه...حافظه القرآن..انسانه هادئه..متدينه حجابها محتشم)تصرفاتها مع ضرتها (الزوجه الاولى)لو اقلك عنها؟؟مستحيل تقولين هذي حافظه القران وعضوه في حلقه تحفيظ القرآن..تجي عند اهلها زعلانه.وكل الي تبيه ان زوجها يكون لها وبس..سالناه ان انتي تزوجتيه وانتي عارفه انه معاك شريكه قالت ماتوقعت انه يبيها ولا ليش تزوج عليها..وزوجها عادل بينهم بشهادتها لكنها ماتبي معها شريكه..وزوجته الاولى نعرفها زين والله انها طيبه ورايحه في حالها وعيالها في الجامعه معاد تفكر في زوجها ولا في ضرتها.. انا ماتهمت الزوجه الثانيه بالحقد لان خالتي زوجه ثانيه وبس لا...كلهم كذا والواقع يشهد من حولي ومن قصص هنا في المنتدى كلهم يبون ازواجهم لهم لحالهم.. لاتقولين الترتيب ماله دخل...(الغيره والحقد دائما من الثانيه ..الاولى والثالثه غالبا يتسمون بالهدؤ والرضا بالقدر.. اختي الماضي الدفين..يمكن انتي مالاحظتي هذا الشي بس صدقيني في الاخير راح تلاحظين وتقتنعين.. |
[QUOTE=الماضي الدفين;2583427][FONT="Microsoft Sans Serif"][SIZE="4"][COLOR="Blue"][CENTER]ما فهمت وش تقصد أخوي!!
زوجتي الاولى وش دخلها بالاصلاح!؟؟ أخي الكريم سألتك سؤالا لو كانت زوجتك الأولى هي النكدية فهل كنت ( ستعزم على الطلاق ) وتجعله هو الحل معها ؟ فأجبت أنت لو يأست في أصلاحها أكيد بختار الطلاق. فسألتك بناء على جوابك ( فترة الاصلاح عندك وتحملك لكل زوجة , هل يختلف من كونها اولى أو ثانية ؟ ) طبعا لا يختلف فالمرأة مرأة سواء أولى او ثانية. لكن الاختلاف بالأخلاق إذا كانت المرأة خلوقة أو بذيئة. الاولى غارت من زواجي عليها لكنها ماتعدت حدودها ولا قلت أدبها ولا تهجمت علي أو على شريكتها. فهذا ينحسب لها مو عليها. أختي أنتي تتكلمين معاي بلغة الارقام- بعطيك نقطة عشان تكونين بالصورة. النقطة الاولى كأني ألتمست من حديثك انني متحامل على الثانية وأني بخليها ضحية عدم قدرتي على إدارة حياتي. وهذا المبدء خاطئ نجي للغة الارقام: زوجتي الاولى قعدت معاها اربع سنوات مرتاح بعدها بديت أشعر بالنقص من كلام وأحاديث الناس.. وضحت لها رغبتي وجاوبتني بإنها هي كذلك . وانها لي بما أنا أريد. لكن أنا ماكنت أستشعر اللي هي تسويه. سنتين وحطي سنتين تحتها خط وتزوجت عليها. هي ما أذتني ولا أسأت لي لكن تصبرت سنتين فقط. الثانية استقريت معاها سنتين وبعدها تحولت لوحش كاسر ومبررها الوحيد انها تحبني والغيره غصبا عليها. صبرت على أذاها 3 سنين . يعني مين اللي تحملته أكثر؟؟؟؟؟ بمعنى لو كانت هذه ال 3 سنوات قضيتها نكد وغيرة مع الأولى بعد عشرة 11 سنة مسبقة + وجود أطفاال , فهل تظن أن فترة 3 سنوات كافية لاصلاحها ؟ ( مع تحفظي على كلمة اصلاح فأنا من ذكرك لبعض االمواقف ما رأيت اصلاح رأيت تهاون ورضوووخ للمواقف) أتمنى تكون فهمتني ومسألة التهاون والرضوخ .. هل أنا إذا حاولت أحتويها .. وأمتص غضبها .. وأسايسها .. يعتبر رضوخ!!! هل لما أشد معاها وأهجرها بما يرضي الله يعتبر تهاون!!! مرة تقولين أنا من أثير غيرتها,, وتارة تقولين أنا لم أسعى لإصلاحها !! على العموم أسال الله لك الخير حيث كنتي .. وأعتذر لك على تضييع وقتك في الكتابة ,, فوالله أني أشعر بمدى حرصك على حياة الاخرين, وهذا فقط ما دفعك للكتابة ,, هذا وهو موضوعي ومشكلتي وتعبت من كثر ما أقتبس وأرد وأحط خطوط . فمابالك بمن يسدل النصح ويتعب ويشق حاله من أجل حياة غيره مثل ماتفضلتي. |
اقتباس:
طبعا لا يرضيني يا أختي ولكن الرجل على أبواب طلاق والمرأة عندها أطفال فاالتريث جميل :d واعتبري قائلة الكلام هي الزوجة الأولى وزوجها يفكر بتطليقها وبناء على هذا الاعتبار ستغيرين ردت فعلك بالنسبة لكلامك عن الثانيات والأوليات والثالثات :d << الحمدلله طلعت من المرضي عنهم عندك يا ليه الغرور فهذا رأيك الشخصي وأحترمه ولازلت مقتنعة أن اتقوى هي الفارق , اما عن حافظة اقرأن التي تعرفينها فللأسف يا أختي الاناس تظن أن التقوى هي حفظ قرأن وقفازات ولحية وثوب ... أتوقع أن نكتفي بالتعليقات لئلا يتحول الموضوع لنقاش عن التعدد ونهتم بالتركيز على مشكلة الأخ |
حرام عليكي اختي الماضي الدفين
انتي كده ظلمتيناا:) محد نصحه بطلاق حراام وربي عشان العيال وعشانها كمان احنا قلنا يكون حازم معاها يعني يوريها العين الحمرا عشان ترضى بالمقسوووم وان كان كلامك صحيح فبعض الاراء النسائيه ومن جربت حياة زوجه ثاانيه تتعاطف معاها وتحط لهاا مئة سبب وسبب:) وصحيح ان الغيره المفرطه غالبا تجي من الزوجه الثاانيه وبكده تخسر بيتهاا وحياتها بسبب الغيره وياما شفنا وسمعنااا متابعه معاكم |
| الساعة الآن 07:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©