بسم الله الرحمن الرحيم

السلام عليكم ورحمة الله وبركاته

مسائكم رضى وسعاده ......

احبابي اخواني واخواتي...

انا اسمي: علي

العمر: 21

من السعوديه الرياض

انا صراحه عندي مشكله معقده ماني عارف احلها


احس بالوحده القاتله يا احبابي ما عندي اصدقاء اطلع معهم يطلعون معي اشوفهم يشوفوني

عندي اخوان كلهم يطلعون وانا صراحه اغار منهم عندي اخ اصغر مني ودايم مع اخوياه

لما اقول لأخوي اللي اكبر مني بروح معك الاستراحه يقول لا ما يلصلحون لك وش تبي فيهم

ادرس في الجامعه عندي بعض العلاقات في الجامعه لكن خارج الجامعه نا اعرف احد الا نادر مره مره

بعض الأصدقاء يتصلون بس كل شهرونص شهرين بالتلفون بس لما اقولهم خلني اطلع انا وياك نوسع صدورنا

يصرفني ويقول انا مشغول او ماني فاضي او وقت ثاني.

اهلي احياناً يروحون لديرتنا يسلمون على جدي واخوالي في الويكند او العطله الطويله وانا الوحيد اللي اجلس

عند ابوي المريض بالبيت لان ابوي ما يقدر يسافر بسبب مرضه وما يفكرون احد يجلس غيري الا انا

انا اللي دايم اجيب لأهلي اغراضهم واوديهم ويحطون علي مسؤوليه أكبر من حجمي مع العلم ان عندي

اخوان اكبر مني 2 وواحد اصغر مني بعد هو يسوق ومعاه سياره بس انا اللي دايم اخدمهم

امي تحبني مره لاني دايم اجلس عندها واسولف وتقولي انت ولدي المحبوب عندي وهذا شي يسعدني

وبعد ابوي يحبني ويقول انت اللي تعجبني من بين اخوانك ما تسهر برا البيت وما تعذبني مثل اخوانك

بس انا اعاني من وحده تنزل دموع عيني .

عندي برضه مشكله سامحوني بس بشرح لكم مشكلتي (انا احب البنات)

احب اكلمهم واضحك معاهم ويضيق خلقي اذا ما كلمت بنات ما ادري وش مشكلتي بالظبط لكن صراحه في

حياتي كلها ما قابلت بنت على الواقع مع ان البعض يطلبون مني بس انا في شي يمنعني اللي هو وازعي الديني

احياناً يا اخواني اهلي يتهزون فيني ويقولون عني اني معقد ما عندي اصدقاء من تطلع من البيت ما عندك ا

اصدقاء ليه ما تكون مثل اخوانك؟.

يجيني ضيقه والله ما اقدر اتحملها احس اني بموت من الضيقه يمكن يجين ضغط من هالمشكله وهالهم

ما ادري انا احس اني اميل للبنات اكثر واحب اسولف معاهم . انا صراحه عاطفي بقوه ما اتمنى اني كذا بس

و ش اسوي غصب عني رومنسي لابعد الحدود وانا ما اتمنى اني كذا لان هالشي معقدني ومخليني وحداني

مثل ما تعرفون الشباب وناسه وروحه وجيه وهبال وطلعات واستهبال بس انا ما احب هالحركات ما ادري ليه

ولو اروح معاهم اجاملهم واسوي مثلهم وانا في داخلي مثل الخوف او الضيقه . اتمنى ازور طبيب نفسي

بس انتم عارفين نظرة الأهل والمجتمع للي يروحون الطبيب النفسي .

انا دايم جالس بالبيت عند التي في والنت والبلاك بيري ودراستي (احس اني بنت مو رجال)

ما ادري وش اسوي ابييكم تساعدوني

( مع العلم اني مدمن العاده السريه )


ابي حلول ابي ناس ترفع معنوياتي ابي ناس تعطيني الحقيقه انا مو فاهم الدنيا)