|
أخوي خاطب محتار ..
الحمد لله أمورنا تمام ،، و أشكرك كثير لإهتمامك و سؤالك :) كان و مازال أثار الـ ( وحام ) .. و الحمد لله إني قادرة أسيطر عليه قدر المستطااع .. لإني عانيت من نفس الأحاسيس سابقا .. بالنسبة للمبلغ ،، 20 ألف فمعاك حق .. . . أنا اللي صار لي ، إني اكتشفت بالصدفة و من كشف حسابي السعودي بإنه هناك شخص بيسحب فلوس من بطاقتي و من بريطانيا و كمان من نفس الصراف اللي جنب بيتنا في الخارج ( لإنه ظهر بالكشف اسم الشارع و المنطقة ) .. و على 3 مرات متفرقة .. و أنا عمري ما استخدمت بطاقتي الصراف السعودية في الخارج ؟؟؟ و طبعا ، ماكان في البيت غيري أنا و زوجي و ولدي كان رضيع و الشغالة .. صح إنه المبلغ كان تقريبا أقل من 3000 ريال ، بس الألم اللي حسيت به مازال إلى الان .. حسيت بإني مغفلة ، و فقدت الثقة الصراحة باللي معاي في البيت .. حتى دحين و أنا بأكتب الرد هذا ، مازال الألم موجود بداخلي .. ماهمني المبلغ ، لكن الشعور بفقدان الثقة أتعبني .. و زوجي يحلف بالمصحف إنه مو هو ،، و يتهم الشغالة و قال لي أخصمه من راتبها .. و أنا رفضت أخصم شئ من راتبها ، لإنه الأماكن اللي انسحب المبلغ مني ( باينة كانت بالكشف ) .. و هي مستحيل كانت تخرج بنص الليل .. المهم ، تركت الأمر لله .. و المبلغ ماكان يستاهل ، بس مررررررررة زعلت عالحركة هذه .. : ( و إذا مشكلتك ما أنحلت من وقتها ، فأنسى إنها راح تنحل بعدين .. استخير بالأمر و ربي يكون بعونك .. . . على فكرة ، دكتورة كانت تدرسني بالجامعة ، حكت لنا إنه ضاع منها مبلغ كبير و بدأت تشك بالشغالة لإنه مافيش أحد غيرها ، بس خافت تتهمها و تظلمها .. تقول استخارت و دعت ربنا و نسيت الموضوع .. و بيوم كانت تدور على شئ تحت الثلاجة ، و تجيب عصاية و تخرجه .. إلا يطلع المبلغ اللي ضاع منها ، و افتكرت إنها حطته هناك و قالت الحمد لله ما تسرعت .. |
اقتباس:
اهم شئ الصلاة اذا ماأدتها فهي انسانه بلا ذمة وضمير ,, وطالما العام ماكانت تأديها اجل فعادي الحلف عندها زي السلام عليكم .. ماأقول إلا الله يعافيها ولا يبلانا .. |
لاحول ولاقوة الا بالله
اذافعلا هيا اللي اخدته الله يعينك قلبها قوي جداً انا مقدر اخد من زوجي لو ريال واحد احس بالذنب اضطر اخد من محفظته لو كان نايم بس على طول اقله لما يصحى الله يهديها ممكن تتصل على صديقتها وتسألها بس لاتقدم على هذي الحركة لانها ممكن تكبر المشكلة او ممكن تنسى الموضوع فترة وتعاملها بجفا الين تحس بالذنب وتقلل مصروفها انت متاكد انك ماخبيت شئ ومتاكد محد دخل بيتك ومن اسلوبها واضح انها متوترة فلازم تتصرف |
قلبت مخي يمين وقلبت مخي يسار وقلبت مخي فوق وتحت ,, وافكرر شوف انت باي حال من الاحووال راح تبلغ الشرطه ... يعني لو جات الشرطه ولقيت البصمات ممسوحه معناه ..؟؟؟؟؟ واذا لقيت بصمات وقتها ممكن يكون فعلا حرامي .. وانت ليش تسبعد هالشئ مع ان الحرامي لازم يخلي وراه حووووسه .. انا احاول ابعد الشبهات عن زوجتك عشان ماتندم ... وانصحك ارجع دور زيـــــــن بالبيت يعني خلي اخر الاحتمالات تكون هي اللي سرقت .. الله يردها لك .. عاجل غيراجل |
والله ياخوي حيرتني
طيب بناء على كلامك فأنت متأكد مية بالمية ان زوجتك هي اللي أخذت المبلغ خلاص اقلب المسألة صدق وبلغ الشرطة وخليهم ياخذو البصمات لو دخل حرامي للبيت بتكون البصمات موجودة على الابواب اكيييد وايضاعندي لك فكرة ممتازة جداااا اطلب من البنك بمساعدة الشرطة يعطيك كشف حساب لصديقة زوجتك وشوف لو هي م دخلة في هذاك اليوم عشرين الف ولا لا ترى هم كذا يكشفون الحرامية عن طريق كشف الحساب وايضا شوف كشف حساب زوجتك وامها وراجع حسابك يمكن تكون ساحب المبلغ ناقص عشرين الف ممكن وايضا بعد هذه الخطوة عندي لك طريقة مضمونة وفتاكة لكن انتظر ردك بالاول على ماكتبته |
اقتباس:
أخي الفاضل تأمل معي لا تحلفوا بآبائكم ، من حلف بالله فليصدق ، و من حلف له بالله فليرض ، و من لم يرض بالله فليس من الله الراوي: عبدالله بن عمر المحدث: الألباني - المصدر: صحيح الجامع - الصفحة أو الرقم: 7247 خلاصة حكم المحدث: صحيح رأى عيسى ابن مريم رجلا يسرق، فقال له : أسرقت ؟ قال : كلا والذي لا إله إلا هو، فقال عيسى : آمنت بالله، وكذبت عيني الراوي: أبو هريرة المحدث: السيوطي - المصدر: الجامع الصغير - الصفحة أو الرقم: 4376 خلاصة حكم المحدث: صحيح فيا أخي الفاضل كذب حدسك وشواهدك و شكوك وكل الإدلة التي تراها و آمن بالله و صدق |
وحابة احكيلك هذه القصة اللي صارت مع والدي
مرة من المرات والدي سحب الفين ريال واعطاها للسواق وقال له روح اودعهم بالبنك وراح السواق واودع الف وخمسمية طبعا أبوي اتجنن وقال للسواق فسن الباقي قال :قال انت عطيتني الف وخمسمية طبعا ابوي شك انه حولها لأهله في الهند وطلب الشرطة وشاف حسابه لقاه ماحول شي وقال يمكن موظف البنك اخذ المبلغ وقالوله لا مستحيل لأن كل الموظفين مراقبين بالكام طول فترة دوامهم وبعد ثلاث أيام ويطلع المبلغ في الدرج !!! أبوي لما أخذ فلوس وحطها في الظرف طاحت منه خمسمية في الدرج ولا انتبه لها تخيلوووو |
اقتباس:
ماتقدر تحدد اذا يستاهل ولا لا كل واحد على حسب حاله اذا 2000 انت تشوفها قليله هو يمكن يالله تكفيه لاخر الشهر >>>>> 2000 افتراض بس اما خاطب محتار الله يردها لك ويكشف لك سارقها وبصراحه 20.000 تستاهل ان تبلغ الشرطه |
أخي الفاضل خاطب محتار سأحكي لك هذه الحكاية لربما تفيدك في مسألتك في شهر رمضان الماضي انتقلنا من شقتنا إلى شقة أخرى المهم كان زوجي راجع من السفر قبل الانتقال بأسبوع ولقد وضع جواز سفره على رف المكتبة بغرفة الجلوس المهم بعد رجعته بثلاث أيام قلت له : أبو عمر جوازك هنا فين أحطه قال لي : خليه محله لاتلمسيه أنا أريده هنا وبالفعل بقي الجواز مكانه وبالفعل انتقلنا المهم تاني يوم الانتقال أنا كنت عند أهلي اتصل أبو عمر يسألني عن جوازه أجبته لاأعلم أنت قلت لي اتركيه على الرف وأنا مالمسته سألني طيب يوم اللي جيتي ضبيتي ملابسك ( وقتها كنت عند أهلي ورحت بيتي القديم عشان أوضب ملابسنا بالشنط ) قلت له مالمسته ولا شي تركته على الرف يقولي تذكري يابنت الحلال وأنا أحلف يمين ومتأكدة وأقول له : أنت قلت لي اتركيه مكانه وأنا تركته مالمسته متأكدة مية المية ورحت على البيت الجديد وفضينا الشنط كلها على الأرض والله ماتركنا مكان مادورنا فيه ورجع على حارتنا القديمة وسأل البواب وووووووووووووووووو أحداث طويلة وآخرها قدم بلاغ بالشرطة وطالع جواز سفر جديد ودفع غرامة 2000 ريال وانتهت القصة قبل شهر أخرجت شنطة خاصة بالرحلات للشاليه وأنا عم رتب ملابس الأولاد داخلها فتحت جيب داخلي فيها وإذا بي انصدم بجواز سفر زوجي المفقود وأول ماوجدته تذكرت أني باللحظة الأخيرة قبل خروجي من منزلي القديم كآخر جولة في المنزل مديت يدي على الرف ولقيت الجواز فقلت أحسن مايبقى وتجي الشركة بكرا ويضيع بالمعمعة أحسن أشيله ووضعته بالشنطة بس وقت زوجي سألني نسيت تماما إني شلته والله ياأخي عندما وجدته تقول كنت فاقدة الذاكرة ورجعتلي فياأخي إن بعض الظن إثم وأحسن الظن بزوجتك وكما قال لك أحد الأخوة دع لنفسك خط رجعة في هذا الموضوع وكما قال الأخ معدن الرجولة دع كل شي وخذ باليمين أعتذر عن الإطالة ولكن سبحان الله أحيانا أحداث من حولنا تساعدنا على التروي في الحكم على من حولنا أسأل الله أن يرد لك مالك عاجلا غير آجل دمت وزوجتك في حفظ الرحمن تحياتي |
اقتباس:
أعرف ناس ملحدين وما يعرفوا الدين من أصله ولا يمكن يكذب ... على أي أساس حكمت انها ضروري تكذب اذا ما كانت تصلي العام الماضي ؟؟؟ الظاهر لها نصيب بشوية حسنات من رصيدك بيوم القيامة |
| الساعة الآن 12:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©