موقف بسيط بس تطوووور بالنسبه لي

اليوم كنا نتمشى وكذا وكنا متفقين نحلق بنتي عند "حلاق اطفال" اللي تكون بالمجمعات فاقدر ادخل واصوورها

المهم اذن المغرب ووقفنا عند مسجد ونزل يصلي قبل ولما رجع عشان يمسك بنتي وانزل اصلي دق ع حلاق هو يحلق عنده وقال بجيب لك بنتي

وقعدت اقول قلتلك ابي حلاق اطفال قال حلاق الاطفال مريناه زحمممه قلت شلون زحمممه وحنا مرينا وهو مسكر اذان تفششل وقال اكيد بيكون زحمه

عاد انا نشبه قلت لا ليه تقولي زحمه كني بزر تصرفني ؟! قال لانك تضيقينها علي فبقطع الموضوع

المهم نزلت اصلي وجلست اتعوذ من ابليس بالمسجد واقول هذا زوجك مو الا تمشين كلامك بهالطريقه

فلما رجعت قلتله انا ماهمني حلاق اطفال وخلاص مابي اصور بس لازم يكون لهم كرسي صغير خصوصا عمرها سبع شهور بس فقال خلاص نروح حلاق صغار

عاد نزل علي العقل وقلت لا عادي دق على حلاقك واسأله اذا عنده كرسي خلاص نروح له دامه بعد قريب قام دق وقال مو مشكله الكرسي حطولها خشبه ترفعها هههههههههههه

وقال انزلي صوري عادي قلت لا صور انت عني وانا بصور من السياره

وعددت السالفه بدون مشاكل ..

لو ماجلست افكر بالمسجد كان غصبته نروح حلاق اطفال وتضايق هو وكان قلتله ليه متضايق طالعين عشان ننبسط ولا وهذا اتفاقنا من اول و و و "كالعاده يعني"

بس حسيته انبسط يوم تنازلت شووويه ومشيت كلمته

وكملنا باقي اليوم بتمشيه حلوه ولله الحمد

:)

البليغ

الحمد لله اي والله اشوفه جميل .. مشكور

لاتظلمونه

مشكوووره عزيزتي ع ذكر تجربتك .. قبل 3 ايام ماكنت اعرف انا عنيده بإيش بالضبط ولاني مركزه ع طبعي

بس لما صرت افكر ابتعد عن التمشكل على اشياء تافهه فهمت عنادي وين بالضبط والحمد لله تغلبت عليه اليوم :) وعقبال كل يوم

مشكوووره حبيبتي مره ثانيه .. والله يسعدك

ايــاك وايــاك من اسلوب الامر والفضاضه بالكلام صدقيني زوجك متضايق من اسلوبك ويكتم

الرجل لا يحب اسلوب الامر وقدري سكوته وطيبته معك لو واحد غيره كان كسر عنادك وغروك من أول سنه

لذا انصحك ان تتوددي له في حال طلبتي منه شي والا تستخدمي اسلوب الامر قد يمنعك غرورك
بس مافيها الشي ان المرءه تتذلل لزوجها

ابو سعود

نصيحتك ع عيني وراسي

بس من قال اني مغروره ؟ عنيده يمكن بس ليه تقول غرورك يمنعك ؟؟

لا هالصفه عاد مو فيني كلش وواثقه بعد :(

انا سبق وقلت مانتبه لعنادي ويمكن انكره وانا حاسه فيه ولا ماكان طرحت الموضوع للمساعده

لكن غرور ؟؟ لااااااااااااااا مب فيني

صحيح انا اتكلم احيانا بصيغة الامر بس مو الغرض الامر نفسه بس كذا اسلوبي بنسوي بنروح بنجي مشينا جينا وهو ماعنده اعتراض على هالشي وقت مانكون راضيين وكله ابشري وابشري

بس لما نجي نتخاصم على شي يقول انتي عقدتيني صرت اخاف اسوي اي شي ومايعجبك اخاف اروح مكان وتقولين لا روح هناك احسن اخاف احط قناة بالتلفزيون وتقولين غيرها بايخه و و

طيب هو يجرحني كذااا ليه كااااتم انا ماقصد اتحكم فيه انا من باب الميانه ولاحسيت بيوم انه متضايق بس يوم نتزاعل يطلعني وحشششش ساعات اقول ينصب علي مب متضايق من هالاشياء بس يبي يحط هالعيوب عشان اوقف نقاش لان بالي طوووووويل لما يضايقني شي وابي اتكلم فيه وهو بس يبي يتهرب ويقطع الموضوع بدون حلول وانا ماحب كذا

وعن التودد بحاول اغير اسلوووبي حبه حبه والله كريم

كل الشكر