|
عفوا أختي لجين بس خطر في بالي شي لحين فين زوجج عن الموضوع يعني ما ذكرتي لنا شو طبيعة علاقتج معاه احس أنه هو أكثر شخص يقدر يساعدج .
|
مابيدي شئ الا الدعاء لك بان ربي يصبرك ويعينك وييسرلك امرك...
|
[QUOTE=ميثى;2620064]
اقتباس:
|
]أختي لو أيا كان سبب الطلاق [/SIZE]فكل ابن آدم خطاء وربي يعفو عن كل شئ فأمك مهما كانت أم تتمنى رؤية ضناها وترى شعور الأم وقلبها غييييييييير والله ماعرفت أكتب بس يوم تخيلت ان أم فاقده بنتها كل هالسنواااااات تقطع قلبي تراها تعيش في عذاااااب مايعلم به إلا رب العباد فأنا أم واعرف قلب الأم ولا تقولي مادورتني أنت ماتدرين عن الأسباب ولا عن اللي في قلبها لو سوت اللي سوت هذي أمك.. أمك.. أمك ربي يردكم لبعض في أقرب فرصه وأحسن حال مو مهم تعرفي سبب الطلاق المهم تشوفيها بعد كل هذي السنين وزوجك الله الله فيه لاتضيعينه أعطيه كل حبك حنانك الله يكتب لك اللي فيه الخير أولا وأخيرا اللجوء إلى رب العباد فهو لايخيب من دعاه كريم رحيم سبحانه وتعالى |
لا حول ولا قوة الا بالله
بالنسبه لي الحقيقة المرة ولا العيش في حالة التفكير والتشتت لكن ما اعرف اش دخل هالمساله بزواجك؟ وشلون مضت السنين وما زاد تفكيرك بها الا الان بالذات؟ |
أول شي سامحوني أنا البارحه ما قدرت اكتب شي أو أرد لاني والله كنت مصدومه ما تخيلت ولا خطر على بالي هذا الشي لدرجه أني صرت أصيح وبس لدرجه مسكين ريلي يسالني شو فيج في أحد غلط عليج في أحد قالج شي تصدقون في هالحظه وهو يسال والله فكرت أن أخليه يقرأ اللي نكتب على الاقل يمكن يجس بتانيب الضمير ويتكلم أو يساعدني بس جالي شعور بالخوف وقلت لالا يمكن اذا درا يروح يخبر أبوي بسالفه ويسويلي قصه من لاشي وأنا مب ناقصه فسكت ورديت عليه وقتله بس مضايقه .
اقتباس:
اقتباس:
|
اقتباس:
بالنسبة لعلاقتي بريلي وااايد معقده ومستحيييل مر يوم من غير مشكله بس ما يهمني لحين علاقتي فيه بس هو طيب أكييد راح يتحمل وانا دايمن أقوله هذا الشي الله يعينه. بالنسبة ليش زاد تفكيري الان زااد عقب ما ماتت يدتي وصارت عندي رغبه اعرف عنها . |
اقتباس:
كنت أتمنى ان يرتقي مستوى الطرح بعيداً عن مثل هذه المفردات والاسلوب! لكن ... انت زرعت بذره في عقلها وقلبها وخدشت وشوهت تلك الصوره الجميله لوالدتها بفرضيه! تعرف ايش معنى فرضيه؟!؟ أبعد ماتكون عن الحقيقه! بدون قرائن او دلائل! أنت قد تكون سبب في جعل هذه الفتاه توقف بحثها عن والدتها واقرأ ردودها بعد كلامك! لكن ان كنت سبباً في خدش تلك الصوره الجميله وسببا بعزوفها وتقاعسها عن محاولة ايجاد والدتها ما اقول الا حسبي الله ونعم الوكيل!! |
لجين فينك خبرينا شو صار معاك اتمنى ما تتوقفين وتتقاعسين خلي ارادتك قوية انا أم وأعرف شو شعور الام.
ياريت من جميع الاعضاء يساعدونها ويعطونها الحافز لاننا في هذا المنتدى نعتبر بعض مثل الاخوات والاخوان] |
شلون أكمل
السلام عليكم ورحمة الله وبركاته أولاً اسمحولي على العنوان بس ما عرفت اختار عنوان مناسب ثانياً : طبعاً البعض يتذكر موضوعي سابق اللي هو والدي حطمني بدخل في الموضوع انا من يوم ما دلوني بعض الاخوان والخوات على طريقه اللي ابحث فيها عن أمي وأنا بديت افكر أول شي بديت أدور عن شهادتي وأوراقي الرسمية طبعا فكرت أبدا البحث عن جواز سفري قلت أكيد هو عند ريلي فسألته فصدمني يوم قالي انه عند أبوي من يوم ما ردينا من شهر العسل اخذه أبوي منه طبعا هو سألني ليش دورين عليه فحسيت أنه شاك فيني فقتله بس أدور عليه فقال اذا تحتاجينه فشي سهل يجيبه بس من غير ما يسلمني ياه فسكرت الموضوع وقتله انسى سالفه المهم خبرتني وحده من ربيعاتي انه شهادة الميلاد بيكون فيها اسم الام بالكامل خفت اسال ريلي ويشك أكثر طبعا جات على بالي حرمة أبوي الله يخليها على طول رحتلها سالتها في البدايه أنكرت وقاتلي أنها ما تدري عن شهادة ميلادي طبعا بديت أصيح وأترجاها حلفت يمين أنه الشهاده مب وياها في مكتب أبوي في المقبره الكبيرة طبعا حسيت الموضوع صار صعب أني أوصل لمكتب أبوي أو أدخله حتى بس تذكرت حرمة أبوي في النهاية قالتلي ( انتبهي من اللي تفكرين فيه تراج عقب بتتعبين وايد ابتسمتلها وقتلها ما افكر في شي ) طبعا ريلي المسكين مستغرب من سكوتي القاتل على كلامه في في راسج شي بس مب عارف شو هو حاولت أكون هاديه وياه عشان ما يثير أي مشكله ويخرب سالفه المهم ما كان جدامي غير درويلي الخاص فطريت اساله منو دوووم يدخل مكتب الوالد حتى لو هو مب موجود في البدايه رفض وأنكر أنه يعرف بس وعدته قتله بعطيك راتب 3 شهر والله مافي ثانيه الا وهو قايلي كل شي عطاني اسم الموظف وطلب مني ما أعلم أحد فالموظف هذا لبناني كبير في السن واااايد ويا الوالد طبعا التعامل وياه صعب بصراحه رديت إلى حرأبوي المسكينه وترجيتها تكلمه رفضت وخبرت ريلي بسالفه هو جن جنونه واتصل على خوي الكبير خبره بسالفه وأخوي ما قصر بس هالمره من غير ضرب على قولته احتراما لريلج طبعا سالني ليش تبغين شهادة الميلاد كذبت عليه وقلت عشان أفتح ملف في المستشفى من غير ما يدرى ريلي عشان موضوع الحمل لانه رفض يعطيني جوازي أو بطاقتي الشخصيه طبعا كنت أتكلم وعيوني على ريلي خايفه ينطق بأي شي على طول أخوي سال ريلي هي ليش ما حملت أنتم لكم سنه ضحك ريلي وقاله تسألني أسال أختك الجواب وياها المهم درا بسالفه اللي بيني وبين ريلي ما كملت كلامي والا طراق على ويهي ( انا عارفه طلعتكم عن الموضوع ) المهم الاثنين اتخذوا قرارت ظالمه فيني لكن حسبي الله فيهم طبعا ما قدرت اشتكي عليهم عند أبوي ويبرد خاطري فيهم لانهم بيفضحوني ماراح أطول أكثر كلمت ربيعتي وخبرتها بسالفه كامله اتصلت فيني عقبها بكم يوم في شخص راح يساعدني ويبلي المعلومات كامله بس طالب مبلغ وايد كبير قتلها مب مشكله والله العظييييييييم هذيج لحظه فرحت واستااااانست واااااااايد . لحين خايفه من شي اذا هي جابتلي المعلومات كامله شو أسوي أروح على طول لها من غير ماحد يدري وطيب شو أقولها وشلون أعلمها انا منو وأخاف هي ترفض تكلمني أو أهلها حتى وخااااااااااااايفه بعد اذا سالتها ليش تركتيني ولييش طلقج أبوي ما ترد مب عااااااااااااااارفه وخايفه والله من أبوي حاسه في شي يمنعني مادري شو هو الله يخليكم ساعدوني والله بدعيلكم . سامحوني اذا طولت . |
| الساعة الآن 07:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©