|
عزيزتي المسداني ..
ما هموني أهلها يفهموا و لا لأ ؟؟؟ بس يعني صعبة إنك تعرفي إنه ناس تتكلم من وراك و إنت كل شوي تدقي على هذا و ذا عشان تشرحي لكل واحد .. و بعد ما يفهموا الحكاية ( يعتذروا بتبريرات غبية ) و ترجع نفس الحكاية من جديد.. و بكيفهم ، شلت يدي من كل شئ .. لإنه حتى موضوع الماسنجر و العلاقة هذيك ، أنا اللي عرفته و تكلمت معها لوحدنا .. و في الأخير حطوا لها تبريرات و أنا الغلطانة .. ؟؟؟؟؟ و غيره من مواقف .. دحين لو أشوفها تنحرق قدامي ، ما حأتحرك .. :25: بس تعلمت إنه ( الصراحة و النصيحة الأخوية لشخص تعزيه ) مرات تنقلب ( ضدك ) .. و صرت دحين لا أقول خير و لا شر .. ++++++++++++++++++ عزيزتي مهرة .. يمكن يكون هذا هو السبب ؟ بس من زماااااااااااااااان كنت أشوفها دايم تبعد زميلاتها عني و كنت أطنش .. و دايم تسيئ لي قدامهم ، بس كنت أسكت و أقول أهم شئ ما نخسر بعض و لا نخسر قرابتنا .. بس دحين عيني عينك تتهمني قدام أخوها و تخليه يحقد علي و يكرهني ؟؟؟ و شئ ثاني ، يوم كلمت أختها اللي أصغر منها .. أختها جلست تحط أعذار لها و مادري إيش .. و تقول ، طيب هي كل اللي يتقدموا لها شوفيهم كيف ؟ مافي أي واحد عدل تقدم لها عشان تقبل فيه .. طيب يا مهرة خليك معاي و خليني أكون صريحة هنا .. البنت يوم يجوا ضيوف لأمها و هي الوحيدة في البيت دحين مع أمها ،. ما تتحرك و لا تستقبلهم و تضارب مع أمها و تعاندها ، و تتحجج بإنها نعسانة و راجعة من العمل .. أو تتحجج بإنها تكره ( فلانة ) اللي جات بيتهم ، أو أي حجة .. أمها تنحرج مع الحريم يوم يسألوها فين بنتك ما تجي تسلم علينا ؟؟؟ و حتى القهوة و الشاي ، الخدامة هي اللي تجهزه أو الأم تجهزه .. أو إنه البنت تستقبلهم بلبس مبهدل و لبس البيت ، و ما تضبط شعرها و لا تحط كريم و لا مكياج و لا تتعطر .. و لا تكششششر في وجههم و ما تتكلم معاهم ، و لا تجلس و ما تقوم تباشر بشئ .. و مرة أمها قالت لي كلميها ، انصحيها .. أخواتها و لا وحدة فيهم تنصحها .. فقمت أكلمها مرات و نحن لوحدنا جالسين ، و أكلمها بأسلوب أبدا ما يجرح .. مثلا ، غيري اللبس هذا .. ترى هذا أحلى أو أقول لها مرات ( مو أحسن تفردي شعرك ؟ ) .. من جد ، أمها تعبت منها و تقول ،، هي مو عمرها 10 سنوات أجلس أعلمها ؟؟؟ ليه ما تطالع نفسها في المراية ؟؟؟ ( على فكرة ياا مهرة .. حركاتها هذه تعملها قدام أمها و ضيوف و جيران أمها ) و لا هي إذا تبغى تهتم في نفسها ، فتعرف تهتم .. بس كذا تستنى فرصة عشان ( تقهر أمها ) .. عشان كذا أمها تقول ( هذه ضرتي مو بنتي ) و مرات أمها تقول ( حماتي ما عمرها عاملتني زيك ) .. يعني القصد من الأمثلة هذه .. بإنه كيف حيجي عريس عدل و هي كذا ، ما تستقبل أحد .. و لا تحسن التصرف مع الحريم ؟؟؟ بس مع زميلاتها ، تعرف كيف تتشيك و تلبس .. و أنا من جد ، خلاص مالي دخل .. أخواتها بس يعرفوا ينتقدوا و يقولوا لا تزعلوها ،، و مافي ولا وحدة تنصحها و تعقلها .. بس يتفرجوا عليها .. :( +++++++++++++++++ عزيزتي جوري الشرقية .. امين يارب .. +++++++++++++++++ أخوي ليش كذا .. ليش كذا ؟؟؟؟ :D أقصد ليش على طول تحكم و تقول ( أنا متأكد إنه ما فكر يتقدم إلا بعد ما مدحتوها ؟؟؟؟؟؟؟؟ ) ترى ما بأتكلم أردو .. :D قلت لكم من البداية ، الرجال ما اتقدم و لا يدري عن الموضوع و بيدور عن عروسة هو و أهله .. و لو أعطينا الضوء الأخضر لزوجي ، فزوجي كان حيدله و بطريقة غير مباشرة .. و زوجي ما مدح في قريبتي ، بس زوجي يعرف طريقة تربية عيلتي بشكل عام و يعرف أخوانها .. بس البنت هذه طلعت مختلفة عن أخواتها ( و هي و الله ما كانت كذا أبدا ) .. و لإني تغربت كم سنة ، فرجعت و تفاجأت من الإختلاف و شفت زميلاتها كيف حتى تغيروا .. لإنه زميلاتها القدامى تركوا العمل ، و الجدد هذولا توظفوا معها .. فصارت تقلدهم كل شوي .. . . و عشان كذا أم البنت خاصمتها و قالت لها ( اللي يشوفك و يشوف الزعل تبعك ، يقول كأنه الرجال اتقدم ؟؟؟ ) و هذا اللي خلاني اتضايق ، إنه لسى ما صار شئ و قامت قلبت كل أخوانها و أخواتها .. طبعا أنا دارية إنه البنت مقهورة من أمها ، لإنه أمها قست عليها بالكلام .. و قامت البنت أخدت الموضوع هذا حجة عشان تقلب الكل ضد أمها و تكسب تعاطف الكل .. بس دخلتني أنا كمان في الموضوع .. :( |
ماشاءالله عليك وعلى زوجك بالعكس شي حلو انك فكرتي فيها
المفروض كانت رفضت بدون شوشره وقلك وقيل |
مرحبا حبيبتي انا عمري 28
بس اقولك رايي لاتدخلين نفسك في متاهات بهذي المواضيع. تقبلي مروري . |
اسمحيلي يا روح بس أنا 2 عمرهم 28 و20 :) بقدر أشارك ؟؟
احمدي ربك لانه الموضوع ما تم ... الظاهر البنت من النوع اللي ما يبيض الوجه وربنا نجاك من الاحراج مع العريس والواحد ما يعرف الناس إلا لما يصير في احتكاك معهم وهذا انت عرفتيها وعرفتي أخلاقها فلا تخليها تأثر على مزاجك وعليكي .. تراها ما تستاهل تنقهري لحظة حبيبتي |
هي لها حرية الرفض لكن ليس بهذه الطريقة الفضة
يبدو عليها عدم النضوج بسبب دلعها والله أعلم وهل المطلق سبة ؟ أما عنك أختي روح بالعكس ماقمتي به عمل طيب لاتقوم به إلا من قلبها على عائلتها |
بكل صراحه
ذوقك جميل وانسانه راقيه ووبالعكس احترمتي مشاعرها من قبلها والله كاني اشوفك معها واتخيل وكأني اسمع صوت ام البنت ..! وهي عبطيه وعقلها صغير صدقيني لو هي استمرت على ماهي عليه مو هي تتعب زوجها بل تعقد نفسها بنفسها وزوجها بيطفش منها ومن تصرفاتها خليهم يسوو اللي يسوو مصيرهم يعرفوا انتي على حق وراح يستحوا على دمهم شوي ولا تقولي توبه اسوي والللللللخ اذا احد طلبك للبحث اي كان انتي قولي للعائله اتصال مع امها او من احد اخواتها العاقلات وهما يقوموا بالدور وبس ولاتزوريهم وهما اذا يبغون يقولولك وخلاص او زوجك يشوف من الرجال ايا كان ويتصرف بنفسه وريحي باااااالك ولاتتذمري ولاشي وفقك الله احتسبي الأجر من الله واعملي لله الله يوفقك لكل خير ويثبتكم على طاعة الله ورضاه اللهم آمييييييييييين |
معليش احتسبي الأجر حتى في كلامها ودخلي من أذن وطلعي من الثانية أهم شي نيتك صافية وتريدين لها الخير أما هي الله يهديها ويصلحها لاتعرف مصلحة نفسها بكرة تعض أصابعها ندم والحمدلله ماحصل نصيب ولاكان اسود وجهكم مع الرجال عفوا على كلمتي والله يصبر أمها عليها |
انتي عملتي اللي عليكي واكثر والرجال صالح وماتناسبه البنت اصلا حسيت من كلامها وردودها انها غير عاقله
سوي الخير ولا تنتظري شكر من احد بعدين بتحس انها غلطت بس بيكون فات الاوان |
اختي روح الطير ما غلطتي ..
بس من جد امشي في جنازة ولا تمشي في زواجه هيا غلطانة تحمد ربها انو في احد يفتكرها.. والمره الثانية لمن تبغي تسوي الخير والمعروف سويه لناس يثمر فيها.. الله يسعدك ويرزقك على قد نيتك .. |
اقتباس:
وحقيقة جميل أن الأم تثق بكِ وتطلب منكِ التدخل والتحدث معها ونصحها .. وأنا بالفعل متعاطفة جداً مع أمها وأقدر وضعها وأتفهم مشاعرها وخوفها على ابنتها لدرجة تدفعها لطلب المساعدة منكِ .. وهذا أمرٌ لا أراه سهلاً على الأم (على الأقل هذا سيكون شعوري وسأستصعب الأمر جداً على نفسي) ولكن يا روح ماذا ترجين من بنت هذه معاملتها مع أمها؟! يعني ما دامت لا تسمع كلام أمها ولا تتفهم وجهة نظرها ولا حتى عملت لها قدر ولا حشيمة قدام الناس فما الذي ترجينه منها؟! لا نقول إلا الله يهديها ويصلحها. |
| الساعة الآن 10:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©