|
البليغ .. همـــس القلــوب .. nan_bar ..سيدة الموقف
اسعدتموني بردودكم ماقصرتو وياي |
أختي الفاضلة
اذا زوجك طبعه عصبي و يغضب بسرعة ويلقي عليك سيل من الكلمات الجارحة فنصيحة لا تحاسبيه على كلماته وقت هياجه و نرفزته انسيهاااااا و لا تذكريها أبدا ولا تجعلي هذه الكلمات تترك أثرا في نفسك و تتراكم في عقلك و مع كل موقف مر في بالك كل كلمة قالها وقت غضبه اعتبري كل كلماته لك وقت الغضب غير محاسب عليها و خففي عن نفسك و لا تعيرها أي اهتمام منك و أنصحك أن تقرأي في فن التعامل مع الزوج العصبي ... ستجدين الكثير من المواضيع في النت تحمل الكثير من النصايح في هذا الجانب ولا تغفلي الاستغفار و تقوية صلتك بالله و المحافظة على صلواتك و أذكارك والدعاااااء باستمرار بأن يقر الله عينك بزوجك ويقر عينه بك و يصلح ذات بينكم و يحنن قلبك عليه و يحنن قلبه عليك .... حفظك الله و يسر أمرك و أصلح بينك وبين زوجك |
الثانية22 .. الله يسعدك ياارب
وصح اني احااول بقد ماقدر اني اتناسى كلامه بس ماقدر كل مره فترااكمت غصب مع الايام يعني والله العضيم بدون مبالغه ان ماعمري طلعت معاه وماتهاوش معاي والله على اشياء تاافهه جدا وطول الطريق الله استغفر الله اكرم الله السامعين .. يلعن كل مار وكل ماشي شاف ناس ماترككهم في حالهم اتضايق في الطلعه وياه مافي بسطه مافي شي مميز غير النفسيه الي اكتسبها ومرات لما اكون مبسوطه ورايقه اجي اوريه اشياء عندي يقولي الله الله حلوه خلاص وخري وهوا باقي ماشافها بس يبغا يصرفني ولا اجي ابغا الطف الجو واقولو في قصه سمعتها اليوم جدا حلوه يقول لا لاتقولينها مابغا اسمع او مثلا قريت نكته في الجوال وجيت ابغا اشاركه واقولها يقول لا لاتقولين شي !! اسلوبه ماينرفز بالله والله اقعد ابكي طول الطريق واحسه مغصوب علي وفي نفس الوقت بعد كم دقيقه يدق على اخوياه ويسوللف ويضحك مبسوط وماكان في شي وانا زيي زيي المقعد او لما يصارخ عليا قدام اهلو هدي مره ماحبها الله المستعان بس ................. ومن جد مثل ماقاله اغلب الاعضاء قوي صلتك بربك والزم الاستغفار يارب اصلح لي شاني ويسر لي امري |
الحياة مع رجل ( صغير عقل) قمة التعاسة ..
ما أقول الي الله يصبرك ...! |
لاتزعلي اختي
في رجال ينظرون للزوجه على انها خدامه تغسل وتطبخ وتخلف له واذا هي موظفه تعطيه راتبها ومالها اي كلمه ولا لها احترام واتعامل زي الناس ويازين الخدامه بعد والله يحترمونها اكثر منا الله يفرجها عليك يارب |
اقتباس:
يعني عادي يودي بنت الحرام شقه بس ادا جابها البيت تدافع عن نفسها... |
فكرت كثيرا واستخرت ربي عسى ان يكتب لي مافيه خير في هدا الامر
......... احس اني.. كئيه ..ومتعبه.. ومرهقه بحق وجالسه اتعب نفسي وااجد عشانه تخيلو امس كاتب بالفيس بوك في صفحته يستشير اصدقاءه ( اي دوله تنصحوني اسافر لها الكويت او قطر ) باختصار عايش حياته بالطول وبالعرض من غيري ومبسووط للاخر لمادا انا سادجه كنت احاول اسعاده وتصحيح مسارات حياتي معه وهوا لم يفكر ابدا لمادا انا داءما من يبادر وهوا لم يحرك لي ساكنا تعبت كوني انا من يصلح الامور دائما ولاي يوجد تقدير لي لمادا .....! ......... انا يائسه جدا ولا ارضى بالرجوع اليه من نفسي ابدا ادا ارادني يرجعني بنفسه غيره لا افكر ابدا ياارب لقدضاقت بي الدنيا استغفر الله واتووب اليه ................. اشكركم جميعا لوقفتكم معي |
ياغموض ياغموض الزوج العصبي يكون قلبه أبيض من الداخل
والطبع يغلب ع التطبع يعني يكون غصب عنه بس محتاج زوجة متفهمة تغيره بهدوء لازم تتعلمي التعامل مع الشخصية العصبية لاتستعجلي تغييره بإذن الله بيتغير مع الأيام أعرف زوجة زوجها عصبي جدااااااااا لدرجة كنا نسمعه يهزأها أمام الكل كانت تسكت ماترد وتضحك وبعد مايهدأ وفي البيت على انفراد وهو رايق تبدأ تعاتبه وتوضح له كيف انه جرحها وانها أحست بإهانة وبأسلوب الضعيفة المكسورة وبسرعة يحزن عليها ويحاول يغير في نفسه لين تغير كثييييير وصاير يطيعها ويوديها مشاويرها بنفسه بس لاتستعجلي مو بشهر وشهرين او حتى سنة بيتغير !! لا شوي شوي لاتتخيلي أن زوجك بيكون مثل طباعك وتفكيرك وبالغصب تبغيه يتغير كل إنسان له طباع وعادات مختلفة تربى عليها ولاتنسي انه دلوع أمه فمحتاج منك صبر اكثر ودلع أكثر لأن هذا هو مفتاحه هو بإختصار الأن مو شايفك شيء لأنك صدمتيه ودايم منكدة وتخالفيه فنفر منك لازم الأن يشوف تغيير منك علشان يبدأ يرجع لك حتى لما يعصب ويسب في السيارة عالناس لاتطيري في وجهه وتقولي ليش تقول كذا ولاتسب...لأنه كذا بيعصب زيادة منك لكن وقت عصبيته أيديه في كلامه مثلاً إذا عصب في الطريق على اللي يسوقوا : قولي أيوة صح كلامك يرفعوا الضغط مايعرفوا يسوقوا يضطروا الشخص يغلط عليهم ويسب ويتحمل ذنوب وهو مايبغى بس الله يهديهم ويكفينا شرهم كذا بيبرد قلبه انك معه وبنفس الوقت بيأخذها درس ومع الأيام بيبدأ يقلل أكثر بإذن الله وبنفس الأسلوب في كل مرة أول شيء أيديه وكوني بصفه لين يهدأ ويحس انك بصفه وبعدين برواقة وضحي له غلطه بطريقة غير مباشرة ياغموض اسمعي كلامي زوجك انسان يخاف الله اتصلي زي ماخبرتك وبصوت كله ميوعة ودلع وقولي له كلام يسحره خبريه انك مشتاقة له وانك ادمنتي وجوده وريحته وانك صغيرة وماتفهمي في الحياة الزوجية وعرفتي غلطك انك مافهمتيه واتفقي معاه تبدأوا صفحة جديدة كلها عشق واطلبي منه يساعدك ويعلمك وخبريه انك الأن تبغوا ترجعوا تعيدوا ايام الخطوبة الحلوة وقولي بجلس عند اهلي فترة ونتكلم ونتراسل ونطلع نتمشى كاننا مخطوبين وترجعني لأهلي لين نحدد يوم الدخلة انا وانت ونجدد شهر العسل نبغى نشعلل أيام الحب بيننا ومثل ماخبرتك استفيدي واقرأي وتعلمي فنون الزوجة لسحر زوجها بالحلال وأهم سحر الدلع والغنج في أسلوب الكلام والمشي وكللللللللل شيء لان أنت انسانة طبعك قيادية ومتحملة المسئولية وتفكري قبل كل شيء وهو شخص عايش حياته بوناسة ومحتاج زوجة تسايره وتعيشه الوناسة وبنفس الوقت ترتب حياته وتغير نظرته بالتدريج وطبعا قبل كل شيء الإستغفااااااااااااااااااااار والدعاء واسأل الله العظيم أن يسخر لك قلب وعقل زوجك ويراك بجمال الحور الحسان وان يجمع بينكما على خير |
نقطة مهمة جداااا نسيت أخبرك عنها :
احتمال يتوقع أن تغييرك بسبب انك قرأتي في الفيس بوك أنه يريد أن يسافر لذا لاتخبريه بمعرفتك وإذا قال لك انه سيسافر لاتغضبي أبداااا بل هي خطوة رائعة ليتأكد أنك تغيرتي قولي له : عادي سافر أهم شيء تنبسط وفرصة لي ولك أننا نتراسل ونتكلم مثل المخطوبين وانت بعيد واستغلي فترة سفره في تعليقه بك وإثارته من خلال وصفك وكلامك الجريء وشوقك له وصدقيني كل ممنوع مرغوب إذا منعتيه سيصر عالسفر ولكن إن أظهرتي موافقته سيتردد في السفر الله معك ويارب تبشرينا بالخير |
أختى الكريمة غموض أتوقع إن أختنا الغالية أم جمانة حطت النقط فوق الحروف ومايحتاج بعد كلامها إنك تدوري حلول أخرى فقد كفت ووفت ومافيه كلام أجمل وانفع من كلامها جزاها الله خير الجزاء بما خطته يمينها من درر حتى نحن أستفدنا من مشاركتها في موضوعك كلامها جميل جدا بارك الله فيها ورزقها من حيث لاتحتسب .
وأسأل الله لكي أختي غموض أن يصلح لك شأنك مع زوجك وأن يجعلك من أحب النساء إلى قلبه وأقربهن إلى نفسه وربنا يوفقكم ويسعدكم في حياتكم يارب . |
| الساعة الآن 05:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©