|
اقتباس:
والله لو زوجتي تسوي ذا الكلام لا سدح عمري فراش لماطاها سبحان من رزقك الحكمه والعقل |
طمنينا عنك اختي الله يهدي بالك يا رب ويحنن قلب زوجك عليك |
الله يرزقكم ماتتمنون والله اني ارتحت يوم فضفضت عندكم وسمعت رايكم
لما جت الساعه12 جاني وقال وين كنتي بتروحين يوم طلبتي السواق قلت بروح موعدي قاال اهااا ماافهمتك زين خلاص قومي اوديك قلت راح الموعد بروح بكره قال طيب انا طالع تبين شي قلت ابي ابدل جزمات لولدي واليوم اخر موعد اذا ممكن خذها معاك وبدلها قال لا تعالي انتي معي وجلس يتكلم معااي بس بشكل رسمي عاد لما رجعنا جلس ولدي يطفشه قاام خبطه بيده وزعل وجلس يبكي قلت ليش يااماما تبكي وقعدت اكلمه قاال زوجي طاالع لامه اي شي يزعلها مو مثل ابوه ماايهزه شي سكت ولا تكلمت كلمه وحده الحين ماادري وش اسوي اراضيه واعتذر ولااسكت ولا اجيب له هديه ولا كيف اتعامل معه وهل فعلا هو بيمشي الموضوع ولا نااوي يلعب فيني انصدمت يوم جاني وقال اوديك شكله ندمان وشكله زعلان ماافهمته ماابيه يزعل حز بخاطري اني غلطت وانا دايم صاابره واعقل من كذاا مااتربيت امد يدي علي شي مو لي والله مااعمري فتحت بوكه ولا جيبه بدون اذنه ولا اخذت حااجه له بس ربي الشاهد حدني ع الغلط طلعني من تفكيري جنني ولا وقسم اني متحسفه ولاتسوي الفلوس جنبه شي مره احن عليه وضاق خلقي من شكله يوم زعل سنتين وسجلي نظيف واحس اني خربتها من القهر تراكمات بداخلي وحبيت انتقم الله يجيب العواقب سليمه |
أغلب الرجال ما يعتذروا عن أخطاءهم اعتذار مباشر واكد لما جاك بنفسه وقالك اوديك السوق انه حس بغلطه ووده يعوض ولو بهالمشوار خبريه عن الفلوس بنفسك قبل يكتشفها هو راح يكون شكلك بايخ وقتها الله يسخره لك يا رب |
هو اعتذر بس بطريقة غير مباشرة
وبالنسبة للفلوس اخذيهم في ظرف وتعالي له بدلع وأنوثة وقوليله قص علي إبليس وخذيتهم وادري فيك انك شهم والنعم فيك فسامحني وبوسيه على راسه |
مدري هو ردي ماعجبك ولا يمكن ماشفتيه؟؟!!!
المهم ماعلينا اسمعي كلامي وطيعيني رجعي المبلغ ولاتقولي أنا غلطت والشيطان أغراني.....لأن كذا بيفهم أنك أخذتي الفلوس طمع رجعي اليوم المبلغ كامل له وقولي له خذ الفلوس بس كنت أبغى أفهمك وأعرفك أن أنا ماتهمني الفلوس أبدااااااااااااا وأن رضاك عندي يساوي كنوز العالم وأنا ربي أنعم عليا برجال كريم حبيته من قلبي فأتمنى تحطني بعيونك مثل ماحطيتك بعيوني ولاتظلمني وتحرق قلبي وحطي المبلغ واطلعي من الغرفة وخليه يحاسب نفسه صدقيني كذا بتكبري في عينه وبترجع مكانتك مثل أول لكن لو أخذتي الفلوس بيخاااااف منك بعدها ولايأمن لك وبيصدق كلام الناس انك طمعانة فيه لأنه كبير وان حبك له علشان فلوسه وبيظن أنك بتعطيها أهلك وبيكرهك اسمعي الكلام ورجعيها كاااااااملة والأن |
اقتباس:
الله يوفقك وجعله في موازين حسناتك قرات الرابط الله يعطيك العافيه ولا يحرمك الاجر |
الله يسعدكم انا اعترفت اني اخذت المبلغ عشان كذا انفجر فيني
بس بعدها جاء ووداني معاه المحل وكان يسولف معاي بس بشكل رسمي وهو امس مو عندي واول مره يدق علي الفجر اتصل علي قال تسحرتي صليتي الفجر لاتنسين تروحين موعدك واذا تبين اصحيك بدق عليك قلت لا يعطيك العافيه انا بحط المنبه انا ماافهمت هو ندمان ولا وراه ساالفه ولا بينتقم مني بشكل ثاني ام جماانه ردك تااج علي راسي وكلامك درر وكنت نااويه اطبق نصيحتك بس هو جرحني وحسيت لازم اقهره غير مسار الموضوع بااسلوبه من تزوجته وانا مااطلبه شي مادلعني مع اني شلته فووق راسي والله اني مره اختلفت معه وقلت انت تعاملني زفت اذا فيني عيوب ومستحي تقولها لي بنادي اهلي وقولها لهم قاال والله لو جبتي اهلك بحب راس امك وابوك وبقول الله يحرم يدينكم عن النار وهذي التربيه داايم يقول انتي متربيه اكثر من عيالي حرمته هذاك اليوم تقول لاختها اقسم بالله دخلت حياتنا بنت انها اطيب معاي من بناتي يعني هم عارفين اني محترمه ولااجازيهم بالاساءه ومع ذلك يغلطون ياناس المساله مو فلوس المساله ماايحسسني اني غيرهم يعني انا كنت متفوقه ايام دراستي وكنت لما انجح ومايعطوني شهاده تفوق اصيح احب اشوف ان تعبي له دور قلت له مليون مره اللي يغلط عليك تكون طيب معه واللي يحترمك مااشوفك تميزه انا احسه يخاف يدلعني ويقرب مني زود وانفش ريشي عليه واتغير معاه احسه مو واثق في نفسه مع العلم دايم يقول مااحد يحبني زيك وزي ولدك ام جماانه لاتتوقعين اني طمااعه بس والله جرحني كثير وحبيت اجرحه بااغلي حاجه عنده وهو ماايهمه شي الا الفلوس وعشان كذا انقهر صدقيني حااسه بغلطي وادري ان رده فعلي همجيه بس الانسان احيان يوصل لطريق مسدود انا حامل وتعبااانه ومظغوطه نفسيا واهلي يمرون بظروف ووضع الحمل عندي سئ والله حتي الاكل ماايدخل فمي الا بالغصب كاارهه كل شي وهو يشوف وضعي وماارحمني عشان كذا تعمدت اقسئ عليه والله اول مره في حياتي مااابكي جاااني تبلد وجتني قووه عجيبه كنت لازعلت منه اجلس اصيح لين كل الناس تدري ان فيني عله هالمره بس تحجر قلبي من كثر ماااشفت حاز بنفسي انا بشهر الخير وبدل مااكون افضل رجعت كثير لورئ الله يهديه ويهديني والله ماانسى وقفتكم معي وكل ردودكم قريتها واستوعبتها وحاطتها في بالي انا الحين ابي اعرف ايش الخطوه الجايه انا قراري اني اشتري لنفسي اللي ناقصني واشيل الباقي احتياط وافكر اجيب له هديه لاني دايم اذا اعطاني فلوس اجيب له هديه بس محتاره ايش اجيب وهل بيقبلها ولا لا مو فكره ارجع المبلغ ولا مفكره اعتذر ابي الوضع يمشي عادي وبعامله مثل اول وكان شي ماصار عشان يحس يغلطه تجااهي واني قد قراراتي |
شفتي كيف جابت نتيجة طيبة صحصح الرجال وعرف انه ارتكب اخطاء المهم اللحين يا تأخذي الفلوس على أنها رضوة عن مدة اليد وتسولفي معه عادي بدون اعادة فتح للموضوع او ترديها وتقولي هذا الرضوة وبرجعها لك وبس حبيت ابين لك انك زودتها شوي معي والا انت غالي وحبيت انبهك انتبهي تبين ان الفلوس اخذتيها مقارنة باهله او انك محتاجة مصاريف حتى ما يقول انك طمعانه فيه |
الله يفرج همك ويهون عليك يارب
|
| الساعة الآن 10:37 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©