الاشياء اللي سويتها تدل على عقل ناضج وشخصيه عظيمه-اكيد هي بعد موقفك منها بتتغير وبتستحي -نصيحتي لك الايام الجايه لاتبين انك شاك فيها وبنفس الوقت لاتعطيها الثقه المطلقه -تركيبك للبرنامج عين العقل عشان بس يرتاح بالك -وانت قولها انه اذا تكررت فعلتها بيت اهلك اولى بك بس كنوع من التهديد-ادعو الله بهذا الشهر الفضيل ان يهديها ويهدي زوجي -زوجي مهو بعيد عنها نشف دمي مااقول الا حسبي الله ونعم الوكيل

والله الخيانه صعبه ما في احد يتحملها سواء كان رجل او امراءه ولكن قال الله تعالى (من يتقي الله يجعل له مخرجا) انت اخدت احتياطاتك ولسى الشك مالي قلبك من ناحيه زوجتك نصيحه لاتذكرها بالماضي بس اشغل وقت فراغها في التحفيظ والندوات والقران واضفر بذات الدين ولا تنسى ان الام مدرسه ترى هي الي هتربي اولادك اعطيها فرصه تانيه يمكن تصير احسن من اول(وعسى ان تكرهو شي وهو خيرا لكم) رقابه الانسان لازم تكون داخليه من نفسو يستحي من الله قبل مايستحي من الخلق
لازم الانسان يستشعر مراقبه الله له في اي وقت وانت جزاك الله خير انك سترت عليها واعطيتها فرصه ثانيه يمكن تصير نعم الزوجه الله يصلح حالكم ويهدي سركم

والله ماني عارفه اش اقولك غير انو الله يعينك موقف جدا صعب. وبصراحه انت انسان نادر الوجود الي اعرفه انو بعض الرجال مايفكر الا في نفسه وبس حلوو انو تفكر في مصلحه اولادك.
ودي اعرف حاجه وحده بس انت تعرف عائلتها لما تقدمت لها؟؟ وكيف اخترتها عشان تكون شريكه حياتك؟؟ ياليت اخوي تجاوبني اكون شاكره لك

[COLOR="Purple"]حرام عليكم ياناس تقفلونها بوجهه اكثر المفروض تحاولون تنصحونه مو تزيدونه وتحثونه على الطلاق بعدين مافي احد منزهه عن الغلط كلنا بشر وكلنا نخطي ونتوب وبما انها اعلنت توبتها ورجعت لك لا تدهم حياتك وابعد عنك هلافكار وحاول تسامح الله كريم ويغفر لنا خطاينا فليه احنا مانغفر ونسامح بعدين بينكم اطفال وعشرة عمر لاتنساها ولله الحمد انها اقتصرت مكالمات فقط هذا موشر على ان زوجتك باقي فيها ثمرة خير وممكن تتغير وتوب و والواضح من روجعها لك واعلان توبتها انها تحبك سامح واغفر وخلك كريم واحتسبهاعند الله لاجل اولادك وحياتك

جزاكم الله الف خير
gwgi
والله في فرق قبل الزواج وبعد الزواج - قبل الزواج ما بيني وبينها شي كانت عند اهلها ولا بيني وبينها ميثاقا غليظا ولا كانت تحمل اسمي ولا كنت مستامنها على بيتي واسراري وعيالي لكن بعد الزواج صععععععبة جدااااا مثل ما ذكرت سابقا انه جميع الذكريات واللحظات وانا شخصيا لا قيمة لنا ولا نشغل بالها مثل ما بيتي وعيالي وزوجتي شاغلين بالي
اختي اسهرني الجرح
للاسف بنت خالي - وماشاء الله عليه فعلا الخال والد وما يستاهل يتاذى بسبب بنته - واخوانها ماشاء الله عليهم لكن سبحان الله قدر الله وماشاء فعل

والحمد لله على كل حال - والله اني ارتاح يوم اقرا مداخلات الاخوة والاخوات وفعلا الدنيا فيها خير
اسال الله العظيم ان يرفع همومكم ويبدلها سعادة ويزيد في درجاتكم ويستر بيوتكم واولادكم ويرزقكم رزقا حلالا طيبا مبارك فيه
جزاكم الله خيرا وابعد عنكم وعن بيوتكم اي مكروه

الله يفرج همك ويهدي زوجتك

ربك غفور رحيم والحمدلله الأمر ماتعدا جوال وماسنجر
صدقني الطلاق صعب جداً جداً انا ابوي وامي تطلقو وانا صغير كل يوم انا واخواني نقول ياليت الموضوع ماصار
اقسم بـ الله وانا في نهايه العشرين كل ماشفت عائله كامله اب وام وابناء احسدهم لذلك فكر في الموضوع كثير في الأخير
الضرر الأكبر على عيالك .

اخي في الله اولا لافرق في وقع الخيانه سواء من الزوج او الزوجه بدليل أن الله لم يفرق في العقوبه بينهما....
ولكن هو المجتمع ؟؟؟؟؟؟؟؟؟؟؟؟؟؟؟؟؟الظالم
الخيانه اشكال واصناف وليست كلها في مستوى واحد كما تفضلت بأن الخيانه بالكلام مثل الخيانه بالجسد..لا لا يا أخي لو كانت واحده لأصبح الرجم والجلد عقاب لزاني وأي خيانه اخرى سواء مرئيه او هاتفيه او حركيه..
اخي الكريم بما أن وقع الحدث قريب لاشك أنك مازلت تتألم ولكن لاااااابد أن يأتي يوم وتتناسى بل وتنسى..
لابد لك ذكريات جميله مع زوجتك لماذا الشيطان اخفاها عن ناظرك؟؟؟؟
اخي الخيانه اصناف وكل صنف له عذاب خاص ابصم لك لو كان زنا لما فكرت بأبنائك؟؟؟لأنه لايحتمل اطلاقا
اخي كل انسان لابد ان يهفو في حياته ولكن هناك من ستره الله وهناك من افتضح.
اخي لست أكرم من الله سبحانه..الله يغفر الذنوب ويصفح..كن هينا لينا واصفح واقترب اكثر من زوجتك.
كن واثقا منها ولا تذكرها بفعلتها ابدا أنا متأكده أنها سوف ترجع افضل بكثيييير.
اخي خذ الكلام من ناس عانوووو وليس من ناس أهم شي يكتب حروفا لا فائده منها.
أصلح الله حالك

لالالا طلاق لا تكفى الضحية هم الاطفال انا امي تطلقت وانا صغيره صحيح زوجة ابوي طيبه لكن كنت افتقدها كثييييييييييييييييييييييييييييييييييييير وكنت اغبط اخواني من ابوي عشان امهم عندهم وانا مااشوفها الا مره بالاسبوع ورجعت امي بعد ماكبرت بس وش عقبه، المهم ..
صحيح الحياة مع الخاين عذاب لكن الضنى يكسر الظهر ..كم من زوجة تتحمل خيانة زوجها عشان أطفالها..
مافيه الا هذا الحل (دواء الحرمه .. حرمه ثانيه )
تزوج ثانيه و هذا اقوى عقاب لها وانت بعد تشري راحتك ولاتحط في بالك ان كل النساء خاينات هالشي شيله من بالك .. هي خلها على ذمتك واحرمها من النت وخل عليها رقابه او خلها تشك انك تجسس على مكالماتها عشان تخاف وهددها بالطلاق اذا لاحظت عليها لف ودوران.. واذا شفت عليها
شي ثاني وش تسوي مافيه الا الطلاق واذا طلقت .. عيالك خلهم معها.. وطلاقها رح يكون درس لها .. لكن عيالها يكونون معها لأن فقدان الام ضيعه صدقني ضيعه وانت لاتقصر معهم ..
وبعدين احمد ربك ان علاقاتها ماتعدت حدود النت والكتابه . انت اهون من غيرك بكثير يمكن هي تتسلى لكن بطريقه غلط ...
الله يجبر كسرك ويهدينا ويستر علينا وعلى المسلمين اجمعين .. ويكفينا شر من فيه شر ..
واهنيك على تصرفك العقلاني .