|
اقتباس:
رد كتبته لك قبل عدة اشهر ،،، لإنه ليس المشكله في الشقه وخلافه ،، المشكله اكبر من ذلك بكثييير ،، يمكن يحتاج تعامل منك خاص لكي يتغير ويكون انسان اخر وعلى ما تحبين ،، امنحيه الثقه وابعدي عن اسلوب النصح واني قلت لك وحذرتك ،، واستبدليها بكلمات ايجابيه ،، مثل انت قدها وراح تحلها لا بد تأخذين استشاره من اي دكتور ليعطيك الاسس االتي تمشين عليها،، |
ماخلا الرجال يتهاون ويتكاسل الا دلعك هذا شايل المسؤليات عنه بالكامل وقد قريت لك موضوع قبل كذا عن تحملك لكل الاشغال حتى اللي تص الرجال
الدلع احيانا يخرب وهذا اللي حاصل لزوجك هو موقال انا احلها خلاص هو يحلها انتي ليه متعبه نفسك هو ماهمه شي وانتي تاكلي في نفسك المره ذي خليه يتعلم وكل مره كمان الين متى بتتحملي كل شي ارحمي نفسك |
اأسألي مجرب ولا تسالي حكيم
ومن ثم انتيهي في مثل يقول : اغلوهم بالصوت ما تخافي من التهديد والوعيد عشرون عاما يتصرف عى كيفو بمدخولي او نعمل احصا بالمنتدى كنت تشوفي اكثرنا بطاقة الصراف بيد الزوج اسألي دلوعة مودي وغيرها من الاعضاء تعالى تفرجي حاليا مدخولو يحولو للحساب الثاني وليس هو فقط حتى الاولاد انانين الكل بيعرف ياخذ وما بيعرف يعطي انتبهي على نفسك وشدي على قلبك مرع وانتي تربحي كل العمر |
صادقه خاله قرين صااادقه بكل كلمه قلتيها
من يصدق اني ما اعرف رقم بطاقة الصراف حقي ومثل ماقالت خاله قرين الكل اناني ويعرف ياخذ وبس |
اقتباس:
دخلت ادعي لك بتيسيير امورك والفرج وانا مع كلام الخالة جرين وسيدة الموقف وكل من قال لا تعطيه وخليه يتصرف صدقيني انصحك وانا نفسي ما اسويها للأسف !!!!! |
السلام عليكم
حبيبتي الحمد لله على سلامتك ويتربى بعزكم ياااااااااارب شوفي نصيحتي خليه يحس ان الراتب طار بغمضه عين خليه يدفع كل الاجار للشقة القديمة, وخليك فيها لاخر يوم واذا قال يالله نشيل عفشنا قولي له وين نحطه ؟ خليك باردة ولا تاخذين وتعطين معاه بالكلام ماراح يرميك بالشارع .. لين مايطلع بكم وتدورون على شقة مع بعض ويعطيهم عربون عادي ولا تدفعين ولا ريال حتى للشقة الجديدة ( في الوقت الحالي) والظروف او باقي المبلغ خليها بعدين ... بعطيك بعض الحلول وشوفي اللي يناسبك : اللي اعرفه انك تشتغلين في الجامعه .. سعر الحضانة يكون سعر رمزي مو 4000 حتى ياخذون الاطفال وهم نونو من الاربعين طازة .. فتقدرين تخلين فيها عيالك كلهم . النقطة الثانية ..شيلي السواق زوجك يوديك ويجيك وخصوصا انه ماعنده شغل حاليا فليش تطلعين مع السواق وهو نايم ؟؟ النقطة الثالثة الشغالة اجلي جيتها .. ولو اضطريتي استغني عن السواق ولا تستغنين عن الخادمة لانك في الاخير تدفعينها من جيبك فالمفروض ادفع علشان اريح نفسي مو ادفع علشان اريح زوجي ماادري عن وضع اهل زوجك بس انا اقول لو تقدرين تروحين عندهم علشان يحس بالمسؤليه او يخلي احد من اهله يساعده لاتدخلين اهلك ابد في الموضوع ... ربي يفرجها لك يارب |
وبالنسبة للبيت صدقيني لو دفعتيه كامل راح كل يوم يجي يطل عندك باي حجة وبعدها راح يحن قلبك عليه وكذا وخلاص يسكن يعني ماراح تطرديه مثلا ؟ .. رايي اذا تبين تشترين شقة تمليك انتظري حتى يتوظف وياخد قرض مع السيولة اللي عندك وتشترونها (مع بعض)
يحمد ربه انك شايله مصاريف البيت والاطفال خليه يتحمل مسؤليه السكن سواء الايجار او نصف المبلغ اذا تمليك |
قريت الردود كلها و دحين بأرد .. بس بأبين شي ..
من بعد مارجعنا من الغربة و وعدني انه بيعتمد على حاله و انه تغير بالفعل و لحد رمضان و قبل لا ينفصل من عمله.. زوجي كنت تاركته هو اللي يصرف علينا من راتبه و ماكان يرضى يخليني اصرف و لا ياخد مني .. بس وقت كان يشتري طلبات امي من الصيدلية، كنت ما ارضى انه يصرف على اهلي و اعطيه قيمة الأغراض و كنت أساعد بشكل غير مباشر او اشياء ترفيهية و مو أساسية للبيت و لنا كلنا، باستثناء السيارة .. و حسيت انه بالفعل فيه تغيير للأفضل و انه بيثبت و يبين انه صار أفضل .. ( و هذه الصراحة تنحسب لزوجي ) ------------------------------------ راتبه وقتها فين كان يروح ؟ هو راتبه كله على بعضه كان 3500 500 اقل شي أو مرات 1000 ريال ( خصومات من الشركة بسبب التأخير او الغياب ) 1000 الشركة تسحبها منه ، لانه كانت عليه ديون للشركة .. ( مادري عاد اذا صح و لا يكذب علي ) *500 مثلا يصرفها على عطور او عودة .. و بس 4 مرات أعطاني قسط السيارة و كنت اخدها منه و اشتري بها مقاضي للبيت اذا راتبه خلص .. تبقى 1000 ،، او 1500 ريال .. 500 كان يشتري فيها اثاث الشقة بالتقسيط كل مرة .. 500 مطعم او اكل جاهز ( ماكان عندنا بوتجاز و لا غاز ) .. و هذه كنت أساعده فيها .. بقيت 500 ريال .. بنزين ، حلاق ، بلياردوا ، جوال ، اغراض للبيت اذا طلبت منه مثلا عيش و جبن و فاكهة الخ مراجعة مستشفى ، معطرات ، غسيل سيارة، تصليحات للسيارة ( زوجي يسوق بسرعة مرة ) عشان كذا وقت ماكنت اشوفه صرف عالبيت بالفعل .. بالمقابل كنت ما اطلب منه يصرف عالاشياء الغالية .. بس كان يسهر عالبلياردو مثلا من بعد صلاة العشاء لحد الساعة 1 او 2 و مرات لو عندهم مباراة يجلس لحد الفجر.. و يرجع نعسان لانه دوامه فترتين .. و يتاخر عن عمله او يغيب بسبب السهر ------------------------------------ من يوم ما انفصل بشهر رمضان و لحد اليوم من شوال اصلا و أنا عند اهلي و هو يجي يزورنا و يجلس مرات وينام لو اخواني مسافرين .. منها كنت اخفف عنه المصاريف لحد مايلاقي وظيفة .. و منها أنا كنت حامل و بحاجة لتغذية *و اهتمام و منها اني اكون جنب امي، و امي كانت تنبسط وقت اكون عندها و كان زوجي وقت اخواني الاولاد يكونوا مسافرين .. يقولي اي شي امك تحتاجه قولي لي ، و مايرضى انها تطلب من السواق او من ازواج أخواتي .. يعني مثلا توصيل للمطار عشان يستقبلها اخوي هناك و ياخدها للمستشفى او مثلا يجيب اغراض لامي من السوق او الصيدلية و طبعا على حسابي بس أنا اقول له انه على حساب امي و هذه الصراحة أنا شايلتها له و ما أنساها له طول العمر .. --------//------------------------ هنا وقتها بديت أساعده بالمصاريف ،، و اكون حاسة انه بالفعل ما معاه بجيبه .. لانه لسى ما توظف .. و من شهر ذو القعدة لحد اليوم .. بيشتغل بوظيفة مؤقتة و خاصة بالحجاج .. و الوظيفة هذه ما يستلم راتبها كل نهاية الشهر .. يستلم راتبها بعد ما تخلص الثلاث اشهر .. يعني الاسبوع الجاي بيستلم راتب ثلاث اشهر .. و الفترة هذه أنا ولدت و جبت النونو و دفعت تكاليف الولادة و متابعة حمل و روضة ولدي و ملابس النونو و بقية المصاريف ، حتى مرة هو تعب و خليته غصب ياخد مني تكاليف مراجعة المستشفى و العلاج و وظيفته هذه مافيها إجازة و لا يوم .. حتى خميس و جمعة يداوموا فيها .. و كان الصراحة شااااااااااااااااااد حيله مرة فيها .. ووماغاب غير يوم واحد .. بوقت ولادتي .. و اللي كانوا متابعين معاي موضوع مشاكل الحمل، كنت مرات ااجل روحتي للمستشفى عشان ما اخليه يخرج من الدوام بسببي .. و عشان كذا وقت ما المدير مدحه قدام الموظفين كلهم و اعطاه ترقية زوجي قال للمدير ( هذا بفضل زوجتي و تحملها لي و لوظيفتي ) <- ( هذه كمان تنحسب له ) ------------------------------------------- وقوفي معاه بالفترة اللي انفصل فيها من عمله ، و تخفيفي بالطلبات وقتها ، و زيادة براتبي بسبب مباشرتي للعمل .. كلها خلته يرجع لطبايعه زمان و يبدأ يتكاسل بالمسؤوليات المادية .. و وجودي عند امي، و حملي و ولادتي و بعدنا عن بعض بالفترة الاخيرة و هو اللي رافض اننا نروح بيتنا .. خلته كمان يرجع لطبايعه و يرجع يعتمد على اهلي .. لانه اخواني يوم ينزلوا باجازاتهم الأسبوعية .. يجيبوا آكلات جاهزة او هم يوصلونا اي مكان .. بس أنا بالقصد ما اطلب غير من زوجي ---------------------------------------- ( امس عرفت ايش سبب تهربه لو قلتله نروح بيتنا ) و لانه من فترة يتهرب اذا قلتله نروح بيتنا .. و امي من شهرين تقولي خلصي الاربعين و روحي بيتك و لانه حالتها زادت اكثر سوء .. فكنت احس بالإهانة انه يتهرب لو قلتله باروح البيت .. لدرجة بديت اشك ؟ انه يكون مؤجر البيت و لا فيه شي مايبغاني اشوفه بالبيت ؟؟؟ المفترض هو يقول متى ؟؟؟ بس عشان امي و راحتها .. عادي اتحمل .. عشان كذا قلت بداخلي، خلاص باستأجر شقة لنفسي و مابغاه يجي، دام انه مايبغانا و امس عرفت ليه يتهرب و يأجل روحتنا للبيت .. اتاريه كذذذذب على صاحب العمارة وقاله انه مسافر و بيستلم راتبه بعد اسبوع فامس قريت رسالته اللي نسي يمسحها لصاحب العمارة ( بيض الله وجهك .. صبرت كل الأشهر هذه ،، اصبر كمان علي لحد ما ارجع من السفر يوم الأحد و استلم راتبي بعد اسبوع ) صاحب العمارة ساكن بنفس العمارة .. فزوجي يتهرب من مقابلته و ما قال لي .. عشان كذا كل ماقلتله ابغى اغراض من بيتنا يبدأ يتهرب .. كل ما قلتله نروح بيتنا يتهرب .. و خلاني وقتها أنا من حالي ابعد نفسي عنه .. |
العقد الفريد
كان ببالي اني اذا اخدت شقة لي ، فراح يحس انه الموضوع جدي بالفعل و يبدأ يتحرك لو انه مايبغى يخسرنا ما جاء ببالي اللي قلتيه معاك حق، زوجي يعرف انه هذه نقطة ضعفي .. عشان كذا اذا زعلني باي وقت، زي الهبلة ارضى بسرعة بكلمتين .. * و وقتها بيسكن ببلاش و ما اكون استفدت شي ؟ و اما بيت ملك و من غير ما يدري ؟ تعرفي انه صعب بالسعودية .. يعني مكاتب العقار لازم رجال يتفاهم معهم، البنك لازم رجال، تروحي تشوفي البيت برضو لازم رجال معاك .. و لو فرضا اخدت اخوي و رحت .. فزوجي اعطيه خبر اني رايحة المكان الفلاني .. و شقة التمليك نحتاجها ضروري عشان اذا سافرنا برة و نزلنا بالاجازات يكون عندنا مكان نجلس فيه .. بس ممكن مثلا اشتري ارض بالمستقبل و مو لازم اعطيه خبر وقتها .. و صعب اجلس عند اهلي دحين .. امي ماتبغى إزعاج و لا همس و ولدي ما يقصر .. و مسكين لينعقد من كثر ما الكل يخاصمه ( اسكت ، لا تلعب ، لا تطلع اي صوت ، اجلس ، هسسسس ... الخ ) |
عزيزتي براءة ..
ايوة فهمت عليك دحين معليه : ) طريقة حلوة.. بس هي تقريبا نفس الشي مو صح ؟؟؟ يعني مثلاً .. لو جبت شقة و قلتله أنا و الاولاد بنجلس فيها .. لانك ما استأجرت شقة لنا .. ( هنا راح ينجبر انه يوفر الإيجار + انه المرات الجاية يحسب حساب اموره + انه يعرف وقتها انه ممكن باي وقت راح يخسر زوجته و أولاده و الرفاهية اللي كان عايش فيها + يعرف اني مو بس أتكلم عالفاضي ) بس لو جبت له الشقة و قلتله يالله هات الإيجار .. بكل برودة اعصاب يرد و يقول ( ماعندي فلوس .. عجبك ؟ لو ما عجبك انت ادفعي الإيجار ) <- بس عشان يستفزك اعرفه .. ما ينفع معاه اسلوب الاجبااااااار و الغصب .. و الأسباب اللي قلتيها بالفعل أقنعتني جدا .. بس اذا جلست عند اهلي مثلا بعد صفر .. وقتها باخلي الموضوع بينه و بين اخوي .. و ماني حابة اوصل للمرحلة هذه .. لانه اخوي الكبير عنده اخواته اهم شي .. و ممكن يقول كلمة تجرح زوجي |
| الساعة الآن 01:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©