والله الأهل مدري كيف يفكرون,,لكن الأغلب انهم يحرصون على مصلحتنا.
الوالد على قولتهم ديمقراطي ,يقول لي ترا مافيه حاجه إذا شايفه أحد عاجبك
خبريني ,,بيني وبينكم هو فيه >>>لكن أنا لو يذبحوني ماقلت لهم منه !!
أدعي ربي والله يكتب الي فيه الخيرة..

الأخ مبحاث اسعد الله اوقاتك بالخير
اشكرك على كلامك الطيب وتعليقك الجميل والذي يدل على رقيك بارك الله فيك

لو قريت ردي زين بعد الجمله الي اقتبستها لعرفت ماارمي إليه فأنا وانت نقول نفس الكلام
ولاكن اختلفت الصيغه

وانا ايضا قريبه لي رفضت إبن عمها واهلها جميعهم موافقين عليه وهي رفضت بدون اي سبب اذا سألوها قالت بس كذا ماابيه يسألوها طيب والسبب تسكت ماتجاوب وقاربت الثلاثين والولد لسا متمسك فيها ولم يتقدم لغيرها والأهل يرفضوا اي خاطب بحجة انهم اعطوه كلمه وهو كفؤ من جميع النواحي دين اخلاق ماده شكل كامل والكامل وجه الله لايعيبه اي شي
قلي الآن من الخطاء منه في تعنيس هذه البنت هل هو من الأهل الي يعرفون الرجل عن قرب واقصد هنا والدها واخوانها ام من الولد ام منها هي المنطويه بغرفتها وبيتها لاتعرف الدنياء ولاتعرف عن هذا الخاطب إلا اسمه

مبحاث لافضا فوك
كفيت ووفيت

السلام عليكم ورحمة الله وبركاته
في البدايه اهنيكي على هذا الموضوع
ثانيا اضم يدي الى ايديكم فللاسف اهلي من هذا النوع
اترككم مع مشكلتي وانا مازلت في المشكله واريد نصحكم ورائيكم

انا الان دخلت في عمر الثلاثينات ومريضة سكر متعلمه جامعيه ولله الحمد تقدم للخطبتي شاب اصغر مني بثلاث سنوات اي في نهاية العشرينات على دين وخلق لم يكمل دراسته الثانويه للظروف لا نعلمها الى الان لكنه مجتهد ويريد الان اكمال دراسته يبحث عن شغل مستمر لانه الان يعمل دوام جزئي وعلى حسب الموسم للأسف امي واخواني رفضوه لكن ابي شاف فيه ملامح الصلاح وانا استخرت اخواني رافضينه بسبب انه لم يكمل دراسته وانه متطوع والنظره عند الشباب للاسف ان المتطوعين يكونون لهم سوابق او متعصبين للدين امي رافضته لانهم ليسو من مستوانا الاجتماعي ونحن ناس متعلمين وهم بدون علم وشهاده أنا استخرت ومازلت استخير لكن اخواني رافضين حتى السؤال عنه وانا وابوي ضايعين في الطوشه وابوي كبير ومع قول الرسول صلى الله عليه وسلم "اذا اتاكم من ترضون دينه وخولقه فزوجوه "


ابغى مشورتكم

اولا" بالنسبه للعمر وانه هو الاصغر (ابغى راي الشباب بالذات في هذا السؤال ) وبالنسبه للمرضي
ثانيا" العليق على الموضوع كاكل وهل اوافق عليه او لا لانه مبدأيا" في نظري ونظر ابوي جيد

شاكره لكم مقدما"

أخوي أبو شنان ، أشكرك على رقيك وحلمك ، وأعتذر عن شدتي في الكلام ..
المسؤول أهلها !!
هي إنسانة رشيدة عاقلة بالغة ، وبيني وبينك شرع الله ، والرسول صلى الله عليه وسلم يقول : ( لا تنكح البكر حتى تستأذن ) ، ما لهم حق أبدا أنهم يجبروها على هذا الزواج ، ويمكن يكون عندها سبب مقنع لكنها تستحي تقوله ، وحتى لو ما عندها سبب مقنع البنت ما ارتاحت له ، واذا ما كانت مرتاحة له فمن الظلم أنهم يزوجونها اياه ؛ لأنها ما راح تعامله معاملة حسنة وبالتالي مصيرها الطلاق ..
وأهلها ما لهم حق يعطونه كلمة ويأخرونها عن الزواج بسببه ، أهلها آثمين لأنهم عضلوها عن الزواج ، المفروض إذا تقدم لها شخص صالح بعده ياخذون رأيها وإذا كانت موافقة يتمون الزواج ..

لكن أهلها رفضوا كل من تقدم وأجبروها على هذا الشخص اللي هي ما تبيه ولا تواطنه ، وكأنه عقاب لها يا أنك تتزوجيه أو ما في زواج ! بأي حق ؟!

يا ويلهم من الله !

الصرآحه تفكير من العصر الحجري ويش دخل اخوهـآ يدخن والله ابوها والله جارهـآ

ويش دخل الدراسة والسنين والكسسل بزواج

نـآس فآهمه ان البنت معرض سيآرة هههههههه

الحين هو بيتزوجك انتي والله بيتزوج الشهاده؟؟
حتى لو آنه راهق وترك الدراسة بس الحين رجعت الطاسسه

مآلهآ دخل رفضضهم وما خبتي وخسرتي يوم استخرتي

وكلام آبوك هو الصحيح

ابشرك اخوي مبحاث جاني تبلد من كلامهم وماصار يفرق معاي لاني مستخيره وبشوف نهاية السؤال والبحث وبمشي وراء كلام ابوي لاني اثق في نظرته وحكمته

صـــــــح قريت الموضوع الي انت عارض فيه مشكلتك وفهمت سبب وقفتك معاي ..... بس استشاره لا اكثر
لو انك مكان الرجال توافق بوحده نفس حالتي ؟؟؟

بالنسبة لي بأوافق وبشدة !!
فرق ثلاث سنوات مو كثير ، وبالنسبة للسكر أضراره على الرجل أكثر من أضراره على المرأة ..
وهو مرض منتشر وصار شيء طبيعي ..

أنا لو ألقى أكبر مني بسنتين أو ثلاث سنوات تقبل بي ولا تعاملني على أني صغير وتحس أنه اللي بيني وبينها صداقة ومقتنعة فيني فما راح أتردد أبدا ..
ولو كنت متعلق فيها وأعرف عنها فما راح يردني بعض ظروفها الصحية أبدا ..

وانتي المفروض تنظرين للموضوع من ناحية إيجابية ، هو إذا كان يعرف أنك أكبر منه وأنك تعانين من السكر وأصر على هذا الشيء فأكيد أنه قادم على الموضوع بشدة ويشوف فيك شيء ما شافه في غيرك ..

وبالنسبة لموضوع التدين ، يمكن يفيدك هذا الموضوع :
http://www.66n.com/forums/showthread.php?t=226284

وفي غيره كثير في المنتدى حول هذا الموضوع لكن ما عندي روابطها ..

والله يوفقك ويكتب لك اللي فيه الخير ، وأهم شيء رأيك ورأيك أبوك ..