|
اقتباس:
لكن ما توصل للتنكيد ... ولا التعصيب ... حزن وعتاب مثل ما قال أختنا . الله يحنن قلبه عليك ويجعله يشوف حسناتك كبيرة وسيئاتك صغيرة ويلقي في قلبه حبك وحب ذريتك |
يا مرحبا بموهبه الكويت
فديت بنت بلادي يا بنت احلى بلد في هالدنيا اسأل الله العلي القدير ان يفرح قلبج بالذريه الصالحه وان يجعلك ماء عين زوجك ونبض قلبه وان يهون عليج طول فترة سفره معاها يالغلا اذا قالج انه بيسافر معاها بيني له المج وحرتج بس من غير ما تعذبينه يعني قولي له هذا والله مو هين علي بس راح اتحمل علشان خاطر وعلى جم دمعتين على دعوتين وعلى لمه واحضان كل ما شفتيه يعني خليه بيبي عندج وسوي شويه افلام اسرحي جدامه خليه يفطن لج علشان يعرف مدى حجم همج في بعده المهم عندي جم سؤال ما عليج امر بما انج في المملكه الغاليه على قلب كل كويتي ما هو السن القانوني للبنت لتكون في حضانه والدها ؟! وكم اعمار بناته عسى الله يصلحهم ؟! اسأل الله ان يمسح على قلبج يا بنت بلادي شكرا |
الله يفتح عليج ويوفقج حبوبتي سافر معي
انا فكرت أني اسوي مثل ما قلتي وحاطة سيناريو في بالي لو قالي و بعدها بابدا بحركات الدلع عشان تكون اخر ما يذكرني فبها بالنسبة للسن القانوني اعتقد 7 سنوات بس زوجي يقول ان سن تخيير البنت 16 سنة هذا والا هذا زوجي يبي بناته ماله غناة عنهم الله يخليهم له ويحفظهم يارب |
السلام عليكم
ماقصروا الأخوات وانا بركز على كم كلمة ابيك تقولينها له لما يفاتحك في موضوع السفر اولا شي اظهري صدمتك من الموضوع وقولي له أنا لما تزوجتك وضحت لي انك منفصل عنها وزواجكم على الأورق فقط لأجل البنات وانا تزوجتك بناء على هالاساس ، وانا ماطالبتك انك تطلقها لكن في المقابل انت لما هي تضغط عليك بطلاقي تروح تراضيها بسفره !! وخليه يوقفها عند حدها في الموضوع هذا وفي الاخير اختمي كلامك انت عيني بالدنيا وصدقني ماراح اتخلى عنك ابدا وبيني له زعلك بدلع تحليلي للموضوع : زوجك راح يرجع زوجته بشكل رسمي واعتقد السفر كشهر عسل جديد لهم خصوصا انه بدون البنات وبعد السفر راح تتضح الامور اكثر نقاط القوة في زوجته: هي ام العيال ،عاشت معه سنوات اكثر ،اعتقد زوجك يحن لها رغم عيوبها نقاط الضعف فيها:فشلها في تربية بناتها،طلقها اكثر من مرة وأتوقع اذا مو غلطانه باقي لها طلقة وحدة ،مشاكلها مع اهل زوجك وزوجك أيضاً ، عدم عقلانيتها وهي لايوجد لها ضرة فكيف الان؟ نقاط القوة فيك:عقلانيتك ، حب امه لك، انتي راح تكملين دراستك معاه وهذا يعطيك جو من الخصوصية مالم يستجد امر اخر وياخوفي تكون سفرتهم كنوع من ترتيب الاوراق للذهاب معه للدراسة نقاط ضعفك : تزوجتي قريبا ، لايوجد ابناء بينكم الان هي تحس انها الاولى فيه بناء على نقاط قوتها ،،خليها ولا تتواجهين معاها، هي باقي لها لعبة وحدة تلعبها ومن حقها تحاول ترجع زوجها ،انتي خليك على هدوئك واكسبي زوجك بطرق كثيرة وابحثي في النت بكلمة "ملف الثقافة الجنسية دانةالخليج" ذكرت فيه الاخت 3 طرق .......لكسب الزوج مهم جداً تقرين موضوعها حتى تجعلين زوجك مايقدر على فراقك خصوصا في هذا الجانب الله يوفقك ويسهل أمرك ويفرجها عليك * |
مشكورة يا قلب الماما
والله اللي كاتبه هو الخير سواء رجعها والا لا ومثل ما قلتي هو مؤ قادر ينسى العيش والملح اللي بينهم وعاجبته برغم عيوبها الله يهديه ويصلحه ويسخره لي والله بعض المرات لما احسه مايل لها بالرغم من عيوبها أكرهه بس اقول مرده لبيته اللي هو عندي ومرده الواقع يفرض نفسه بالنسبة لدراسته ما أظن ان راح يدرس الحين اعتقد بعد سنة او اكثر لانه يبي يستقر مع بناته وماراح يخليهم عند امه مرة ثانية هو شايل هم بناته حييييييييل الله يكون بالعون دعواتكم لي بالذرية الطيبة |
اتفق مع اختي سيده الموقف وكذلك ( فاكهة السماء ;) ..
كرري الدعاء الذي ذكر لك .. اللهم دبرني فاني لا أحسن التدبير .. وعليك ِ بالصدقه ... ثقي اني دائما ادعوا لك ِ وان لم تري مشاركتي .. |
السلام عليكم ورحمة الله وبركاته...
ممكن سؤال لو سمحتِ؟ كم عمرك وكم عمر زوجك وكم عمر زوجته؟ بالتوفيق ان شاء الله |
عمري نهاية 29 وزوجي 33 وزوجته 34
مشكورة اختي لا تظلمونه ولك بالمثل ان شاء الله لي الحين ما فاتحني زوجي بالموضوع الله يكتب كل خير |
السلام عليكم ورحمة الله
عدت لكم باخر المستجدات اليوم الصبح واحنا جالسين كلنا مع بعض انا وامه وبناته فتح الموضوع وقال ان وده يسافر لندن قالت امه اذا سافرت كلنا بنروح معاك انا ما تكلمت ولا كلمة وبنته الكبيرة تضايقت قالت من صجك يبا بتسافر وتوني كلمته قلت له موضوع سفرك صج ولا بس جذي قالي اي لان عنده مباراة ما ادري الظاهر ماخذة مليونير اللي بيسافر لندن بس عشان مباراة ما علينا وقالي انتي ماراح تروحين قلت له وزوجتك قالي لا ولا هي اتمنى ان كلامه يكون صج لان اعرفه عدل وايد يلف ويدور بالكلام بس مردي باعرف على الاقل عشان اعرف اشلون اتصرف آراءكم ونصايحكم |
هونيها وتهون يختيً
دعواتج ان الله يسهل ويسر لج امورج وبالله التوفيق |
| الساعة الآن 01:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©