منتدى عالم الأسرة والمجتمع - لا تعذبني وألا ,, سرت وتركت المكان لك !

اقتباس:

المشاركة الأصلية كتبت بواسطة قطرات المحيط (المشاركة 2775188)

أهلين اختي سندريلا الحب والله اني اني امام اكبر لغز او ضباب , مبهم مابين صراحتها وبين غموضها
بين فكرها وبين تفكيرها , حتى اكون معك صريح حسيت مصيري مع زوجه تكون نفس هذي الطباع !!

فقط تشكي لي !!

مؤخرا ابوها تزوج على والدتها واهي متعلقه في والدها وكان زواج والدها بمثابه صدمه لها ولامها لان زواجهما استمر 45 عام لم يفكر ابوها وفي الزواج على امها وكلمتها في هذيك الفتره وكانت تجشأ في البكاء وتقول ليش ابوي يسوي كذا ليش يخون عشره امي , ليش الرجال كلهم كذا !

عاشت طفولتها مع اسرتها بحاله صحيه وكانت تمدح طفولتها وهذا هو الظاهر , لكن في الاونه الاخيره تقولي ليش ابوها متغير عليها لانها كانت حبيبه والدها , ليش يحسدني ,, انا وقفت عند هذي النقطه من دون ماابين لها , ليش تقول يحسدني ؟!!

عجزت افهما وماادري مدى مقدره التحمل عندي , ارسلت لها رسالة عتب وقلت فيها : اول مره احس في حياتي مالي قيمه الا معك , لاني ادق عليها وماترد والمشكله انها تقول

" اني دقيت عليها واهم جالسين مع اهلها وتقول حتى امها عاتبتها لانها ماردت علي وفي كل مره ادق تبين لي ان الجوال معها لاني دائما اقولها صح مالك نفس تردين ولا تسمعين صوتي وبعض المرات اقولها مازحاً فكسرت الحاجز وصارت تبين انها ماترد وباعذار تافه"

وكملت في الرساله اني بدأت اقتنع في كلامها انها فعلا ماتستحق انها تكون زوجها بس ماقلت لها كذا قلت بديت اقتنع في كلامك !!

وبعدها ارسلت بالرغم انها ماكانت ترد : حلو انك بديت تقتنع وانا بالمستشفى !! وارسلت مره ثانيه : حياتك وانت حر فيها مو لازم توجعني بالحكي , كفايه !

المشكله انها تفهمني وفاهمتني ومقدرتني وعارفه اني فعلا شخص يستاهل كل التضحيات !! لكن احس الحياه صعبه لان المشاعر عندي تتلخبط

قلت مالي قيمه عندك ؟! قالت
عشانك كل يوم اموت واحيا
عشانك وزني نقص 9 كيلو
عشانك ... اشياء كثيره

قلت مادام هذا كله صاير عشاني خلاص امسحيني من حياتك !!

قالت ماانكر اني عشت بعض اللحظات الحلوه معك !! وانتهى الحديث بعد هذا

احاول اني ابين لكم بقدر المستطاع لعل اني افهم وش الوضع الي انا فيه وياليت تكونو صريحين معي لاني ضايع معها !!

شوف اخينا .. زوجتك تصرفها وكرهها للرجال .. سببه زواج ابوها
ولانها كانت المدللة عند والدها وكان بنظرها شخص لايخطئ وماخذه عنه فكرة
انه قدوتها .. ومش ممكن يبدر منه تصرف مثل هذا وهو انه تزوج على امها
ولاحظ انها وصفته بالخيانة وهذا يدل على عظم الموضوع بنظرها وانه كان من اقرب الناس لها
فسبب لها صدمه
وكره للرجال .. وهذا كان سبب في رفضها للخاطبين قبل الزواج ..

والله انا لاارى اي تصرف خاطئ منك تجاهها انت ما قصرت معها ابدا
وتحملك لها الى الان يدل على صبرك وحبك وتمسكك لها .. (ماشالله )

وبالنسبه لتصرفاتها معك .. الاهمال .. التنطيش .. التذمر .. الهروب ..وصفها للرجال بانهم خاينين .. ولايستحقوا التضحية كما حصل مع والدتها
واقوالها تجاهك واستفزاز مشاعرك ناحيتها ..
تدل على انها تريد الطلاق حتى تاتي المبادرة منك ولايكون اللوم عليها
او حتى من المحتمل انه لاتفكر بالطلاق وانما كرهها يدفعها لذلك
وانتبه فكل هذا نتيجه ضغط نفسي عاشته من قبل زواج والدها ..

من المستحسن ان تنتظر رد الاخ المحترم رجل الرجال .. مع العلم اخي قطرات
لايمكن ان تعالجها الا بوجودها في الموضوع من قبل الاخ رجل الرجال ..
وان شاء الله ماراح يقصر ..

او تاخذها على عيادة نفسيه .. ولاتنسى انه زوجتك قالت ولمحت امامك ...
يعني انقذ زواجك بفك هذه العقدة منها ..

موفق باذن الله