|
(( هناك أزمة ثقة بينكما .. ليعط كل منكما شريكه الثقة وليس كأنه مراقب بكاميرات .. أنت تفتش وهي تفتش !! ))
|
انآ مع المتفآئل بالله فكلآمه عين الصوآب.....
وبعدين مآشآء الله عمرهآ 28 سنه المفروض تعرف اللي لهأ واللي عليهآ اتجآه زوجهآ هي تعرف تقرآ وتكتب.... وانت الله يهديك ويصلحك لاتفكر تفتش في جوالهآ هكذـآ رآح تنعدم الثقه... الله يسعدك يآآرب ويصلح حآلك ويريح بالك... |
صراحه ترفع الظغط زوجتك
وع سالفه قريبته الي فهمته هاذي شكلها حبيبتها مو صديقتها انا اعرف الحبايب وهاذي حركاتهم لحد يقول لي من الاعضاء وش هالرد لان فعلن هاذي حركات الحبايب والي شاف غير عن الي مايعرف شي |
دائما السنة الاولى من الزواج تكون صعبة التفاهم لوجود بئيتين مختلفتين معا
والحل انضمامكم لدورات عن الحياة الزوجية والتفاهم معا لعدم تفتيش جولات بعض لوجود الثقة وبناءها بينكما والعلاقة الخاصة من حقك متى مااردت وهذا حقك وهدفك وايضا عليكم بالصبر والحلم والتعقل في مواجهة المشكلات |
مرحبا انا دائما اراقب من بعيد بس حبيت اليوم اشارك
عشان ارد على موضوعك لانه حسيت انه قريب من مشكلتي تقريبا مع زوجي وحبيت افيدك بنقاط استخدمتها وقدرت اغير لو شيء بسيط وممكن تزبط معاك اولا : اهتمامك الزائد فيها دا يخليها تتاكد انك تحبها مهما حصل منها وراح دائما تصالحها وترجع لها وصارت واثقه اهتمامك وحبك لها ماراح يتغير لو شو ماعملت فلازم توازن بين الامور مهما كان شعورك ناحيتها لازم تعرف متى تقدم لها الاهتمام والحب ومتى تقدر توضح لها انو تصرفها ماراح تعديه لها الا بتغير الوضع بما يناسب الطرفين يعني لازم تقدر تتحكم في نفسك ولا توضح لها انو هيا محور حياتك اولا واخيرا لازم تبين لها ان بتصرفها معاك راح تغيرك عليها ودا بيدها ثانيا : صح ان حلو كل واحد يمسك جوال الثاني ويحس بالامان بان شريك حياته مافي بينهم اي حواجز وانهم شخص واحد ما تبعد عنهم جوالات او لاب او غيره لكن مو كل الناس مثلك ممكن تكون قطعت لك وعد واتفاق بينكم ان كل واحد يقدر يفتح ويشوف الي يبيه لكن دا كلام قبل الخطبه بعد ماجربت كيف الوضع صارت تشوف الموضوع خنقه وتجسس بعكسك ما اقول لك عندها شي لا بس سبحان الله اوقات بين البنات يحصل كلام فضفضه او اي شي مو حلو انك تشوفه ممكن تكون زوجتك بتفضفض لها عنك ومو حابه انك تعرف انها بتشتكي لاحد او تقول لاحد وممكن العكس ؟ ثالثا : علاقة زوجتك مع صاحبتها حاجه من اثنين في وجهة نظري والله اعلم اما انهم صديقات مقربات من بعض جدااا جدااا لدرجة انهم يحسون انهم يملكون بعض يعني هذه الانسانه دائما معاي ودائما قريبه مني ومافي اي شي يفرقنا سوا زوج او غيره لانهم تعودو دائما على وجودهم حد بعض لو كان هذا الرابط بينهم فدا امره هين يعني مصير صاحبتها تتزوج او تنشغل وتتعود على بعد زوجتك عنها شويا شويا تتاقلم على الوضع ولو ربي كرمكم باطفال راح يزيد انشغال زوجتك عنها الين كل وحده تتعود على دا الوضع ويخف الوضع بينهم ويصير بحد المعقول جدا بس لا تحاول تتسبب في المشكال بينك وبين زوجتك لانه راح تعتبره انك بتحاول تتامر عليها وبس اما الشي الثاني الي بينهم حب فالاهتمام الي بينهم دا بدافع الحب كل وحده للثانيه فدا مشكله بحد ذاتها ولازم بطريقتك تقدر تكسب زوجتك لك وتنسيها صاحبتها ولازم تقدر تعرف زوجتك كيف تقدر تكسبها وتنسيها صاحبتها دي الين يبعدو عن بعض وطبعا لازم تكتشف دا الشي يعني الي بينهم حب او صديقات مقربات لدرجة التملك !! رابعا : حكاية النوم ترى سبحان الله المراه مو مثل الرجل في دي الحكايه الا نادر طبعا وحسب العمر يعني انت ممكن تصبر كم يوم ممكن هيا تصبر اسابيع واوقات تكون المراه مزاجيه يعني تحب يكون في اوقات معينه في اماكن معينه روقان في بيتها تاخد راحتها ومثلا ما تحب يكون في بيت الناس فلازم تعرف كيف تقدر تجي لزوجتك اوقاتها مزاجها هي شو تحب شو ماتحب راح تقدر تحل المشكله دي معاها ومن ناحية ماتلبس او تتشيك ترا دا يرجع لنفسيتها ممكن تكون متضايقه او مالها خلق فحاول تعرف سبب اهمالها في حالها عارفه طولت عليك بس دا الي في بالي حاليا واتمنى يفيدك :) وبالتوفيق يااااارب |
الله يكون في عونك بس صراحه الموضوع اكبر من رومنسيه زائدة منك نفرتها او دلع منها الموضوع ياأخي فيه مشكلة صديقتها والعلاقه اللي بينهم غير طبيعيه بمعنى هناك حب بينهم ! وهذا شي واضح وكل مااقرأ سطر زيادة في كلامك عن طبيعة العلاقة بينهم اتأكد زياده وبعدين كيف ترضى على نفسك بهذه المعامله منها مهما كان الحب لايصل ابدا الى الاهانه هي اهانتك في رجولتك وتعاملت معاك وكأنها هي الرجل في المنزل تخيل معي اخوي لو تشوف المشهد قدامك وتشوف زوجة كل ماعصبت كسرت الجوال !! معليش انا حتى من قوة الصدمة قلت لزوجي عن المشكله وقال لي الغلط من الزوج لأنه لو كان شديد معاها حينما تغلط عليه ماسوت ولاتجرأت تسوي كذا اخي الكريم .. انا احب زوجي جدا وزوجي كذلك لكن عمري مافكرت اقل احترامه مهما عصب ولا زعلني لأن الاحترام بين الزوجين قبل كل شيء ولأن الزوج لو مااحترمته زوجته وسمح لها بذلك ,, ستنقلب الايه وتكون هي السيد في المنزل وبعد كل المشاكل قررت تاخذ منك اجازة وتروح بيت اهلها ؟ اخي الكريم بدل من تعوضك نفسيا وتحاول اسعادك تفعل ذلك ؟ انت من سمحت لها بهذا اعد ترتيب الأولويات في نفسك وقدم عقلك على عاطفتك حتى يستقيم امرها انا لااقول لك اقسى عليها او طلقها بعيد الشر لكن لازم لازم تشد عليها بمعنى تعيد تربيتها زوجيا ً فإذا استقام الحال اريتها رومنسيتك وحبك وهداياك لكن كل ماغلطت او زعلت رحت راضيتها بهديه او عديتها لها مايصلح هي في كل المواقف لم تقيم اي اعتبار لإحساسك ومشاعرك لذلك ,, اجعلها تفتقد الحب منك .. عاملها بالمعروف وبما يرضي الله لكن لاتبحث عنها ولاتدللها ولاتقول لها كلمات الحب حتى تتعطش هي وتفقدها منك وتبذل مافي وسعها لكي تستعيد زوجها المحب الذي خسرته بتصرفاتها اسـأل الله ان يهدي قلبك للصلاح والخير وسامحني لو طولت لكن والله كل ماكتبته لم اريد منه الا الفائدة |
اخوي اولا الله يوفقكم ويهنيكم
ثانيا موضوعك جدا طويل انا قريت ربعه وتعبت لكن المهم والاهم ولا تزعل مني .. احس شغلكم شغل بزارين اخذت جوالي واخذت جوالها .. ترا هذي تفاهات .. واختصار للموضوع انت معطيها وجه وحبيب جدا غير طريقتك معها وخلك صارم نوعا ما .. ولا تتنازل عن شي ولا تراضيها الا بالمعقول ولا تبين لها انك ميت عليها .. ترا كذا تنهيك وتدفنك دفن طنشها .. ودها لأهلها واتركها .. وبيني وبينك شكل قريبتها تحب بشذوذ استغفروالله ماأتهمها بس كلامك يبين هالشي وشف لايهمك صياحها وزعلها .. قل اذا بتشغليني وديتك لاهلك .. بترضخ وتسكت .. وان وافقت بالطقاق خل لك شخصيه تراك رفعت ضغطي.. الله يوفقكم بس لاتصير ضعيف |
| الساعة الآن 07:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©