|
فتحت الجوال و تلقيت منه رساله جميلة ابتسمت عندما قرأتها و ماهي الا دقائق و اتصل و تكلمنا لا اعلم كم الوقت لكن تفاهمنا الحمدلله و اتفقت معه على ان يأتي غدا الاثنين يأخذني لبيتنا و اغلقنا
جاء و ذهبنا الى مطعم أكلنا و تحدثنا كأي عريسين جديدين اهتم بي كثيرا و انا في داخلي لا اعلم سر انقلابه المفاجئ بل طوال الوقت أدعو في سري ليته خيرا أني ارى انسان اخر طول عشرتنا لم اراه بهذا الشكل لم اتوقع في يوم ما ان يتغير وجهة نظره عدنا الى البيت و الحمدالله كانت ليلتنا هادئة جميلة |
لا اعلم ان كان صدقا قد ندم و راجع نفسه ام هذا فعل مؤقت و تأثر لما فقد من الحمل ما تنصحوني بارك الله فيكم
|
اصبري وادعي الله انه يتغير
حاولي تفتحين الموظوع وياه بشكل هادئ لا تعصبين وتتنرفزين احمدي الله على النعمة اللي انتي فيها سمعت وايد حريم تتمنى زوج كزوجك |
قولي الحمدالله ووبس |
الحمدلله لما وصلتوا اليه وقد يكون بفضل الدعوات وهو هش المشاعر ويحبك وفيه امل كبير يتعدل
داومي على الدعوات والاستغفار والصدقة ممكن عن طريق النت او الجوال اصلح الله حالكما |
حلووو جدا ماشاءاللهاول الغيث قطره
براڤو عليج شكل زوجك من النوعيه اللي تتأثر بالكلام وقلبه طيب الله يخليه لج يارب الحين صار عندك جوال وتزورين اهلك باقي الشغلات بالصبر راح تحصلينها لاتضغطين عليه الفتره الحاليه !! وكافئيه على اللي سواه👍 بالحب وطيب المعامله كعاداتك موفقه عزيزتي |
الحمدلله غاليتي .. قلبي استبشر خيـــرا بأخباركِ الطيبـــة .. أدعو المولى أن يديــــــــــم حالته هكذا لا تنسي الشكر لله والاستغفار والصدقة ,، |
ماشاااااااااااااااء الله ,,
الله يديم عليه يارب ويخليكم ويصلح أحوالنا جميعا |
اقول احمدي ربك واشكريه ليل ونهار اللي رزقك في هذا الزوج انا من نظري انه زوج مثالي محافظ عليك وجعك دره عنده خاف عليك من كل شئ يبيك له بس ماشاء الله انه معيشك احسن عيشه وغامرك في حنانه وحبه ولا هو منقص عليك شئ
(وش رايك نتبادل الازواج خخخخخ)ها تبادلين اقول اهلك تقدرين تواصلي مهم من دون تروحي لهم ما دام هو ما منع زيارتهم لك اذا اشتقتي لهم ضبطي لهم عزيمه واعزميهم وخلي يجونك ووستانسي وياهم واذا كان بعدين خليهم يجلسون يومين عيشي وكيفي حياتك بدون نكد ومع الايام يبي يتغير لان عيالك يكبرون ان شاء الله ويغيرونه مية درجه لانه لهم سحرهم الخاص اللي يؤثر عليه بس انتي اصبري وتحملي كلها سنوات قليله وتنفرج تصدقين معيشك في جنه بس انتي اللي هاربه من النعيم للجحيم (صحيح ان الانسان هلوع) اقولك قصه تقول لي وحده صديقتي تشكاء من زوجها واسمعو وش شكواها وهما اللي عايشه فيه ان زوجها مخليها عل كيفها ما يرفض لها طلب بكل شئ من تمشيات من تغير اثاث وتقول كل ما اطلب شئ ينفذه وتقول سئمت من حياتي معه (طاح من عينها) تقول كرهت شخصيته ما يعرف كلمة لا تقول مليت من الحياه معه طيب وش تبين قالت ابيه ماهو كل شئ يخليني عل كيفي (صدق حريم ما يعجبهم العجب ولا صيام في رجب) شوفي قصص غيرك بعضهم حابسها عل مهانه والا انتي مخليك ملكة بيته ودرته الثمينه اللي ما يفرط فيه ثانيه او تغيب عن ناظره لحضه |
الحمدلله على سلامتك يالغلا
عزيزتي امدحي فيه كل تغيير بسيط وايجابي عززي فيه السلوكيات التي تريدينها وربي يسخركم لبعض |
| الساعة الآن 05:55 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©