|
أخي الكريم
لا يشترط في الرجل الوسامة لكن الرؤية الشرعية , تورث الارتياح او عدمه للشخصين و عليه يقرران اقتباس:
و لكن هو ارتاح لملامحها و عجبته و ربما تتقبل احداهنا رجل و ربما تبغضه لنظراته فقط فالأمر نسبي و النظرة ضرورية للأثنين ,, و يا أخي الكريم لا تتسرع بالحكم على طبائع زوجتك و لا تخلي المقياس الأولي الجمال المترف اذكر تجربة لأخي لكن أخي رأى زوجته مسبقا و لم يعجبه خصلة شكلية فيها و لكن تعبنا و احنا ندور له و شروطه غير الجمال من متحجبة و عباة راس و عائلة و شعرها كذا و لونها كذا و هادئة و متعلمة و ووو الخ يعني شفنا كل شيء فيها ما عدا شيء واحد و قلناله ركز على خلقها ,,,ترى هي ذهبة و كريمة معدنها طيب وووالخ اقتنع و خصوصا انه كان له تجربة مع جميلة لكن أخلاقها صعبة (خطبة و تمليك) ثم انفصلا فلما تواصل مع خطيبته الثانية عرف أن الجمال البيرفكت مو كل شيء ,,, السؤال هنا\ و عفوا على الأحراج و لك حق الأمتناع هل ترى أن زوجتك منفرة بحيث أنك لم تستطع التقرب منها فأستغرب كيف يعاشر الرجل زوجته و هو يراها قبيحة شكلا ثم يتندم أنه سيقضي عمره معها و لم يعطها حق الأختيار , قبل الدخول , في انتظار شريك آخر وهو يخطب غيرها بتكون صدددددمة قوية صحيح لكنها بتكون بكر في هالمجتمع اللي ما يرحم الرجل بعدين يقدر يكمل و يحقق أحلامه الجمالية بزوجة ثانية و المرأة تتدبس للأبد,,, موفقين |
ههههههههه ..
الله يوفق أخوك ببنت بقمة آلججَمآل . . وآللحين الأمهآت شينة مزيونة مَ همهآ اهم شيء أزوج ولدي :) وذكرتني بعمي امس يقول خلوُآ آلرجآل تختآر آلبنآت مو آلبنآت للبنآت ههههه . . وآلله يسعدكم جميعاً هذآ آللي أقدر أقوووله . . |
والناس فيما يعشقون مذاهب !!
فوالدتك ربما في نظرها اجمل الجميلات .. على حسب ذوقها .. والرجل يختلف في نظرته لشريكة حياته خاااصه عن اي امرأه اخرى .. فالامر اكبر من جمال ،،، وعن تجربتي لما اخطب لاخواني .. نظرة المرأه للمرأه تختلف كلياً عن نظرة الرجل للمرأه ... وكلاً له مواصفاته الخاصه التي ترضيه .. لذلك النظره الشرعيه خاصه بك و تقيم عليها حياتك كلها وآمالك وتطلعاتك.. فلا بد منها رغم انف الكل ,, ولو كانت بالحيله .. |
راح أذكر أيضا تجربة أخوي الأكبر
للي ما عندهم رؤية شرعية يستفيدو, كان الأمر فيه تشدد في عائلتي بالبداية لأن أخي الأكبر , لم يرى زوجته لكن الثاني رآها,, المهم أخي الكبير دقق في السؤال عن المواصفات التي يريدها لما أمي تقترح عليه بنت أو أختي يقولون حلوة , و هم يسأل و يسأل عن شكلها فتقع أمي في الفخ ان صح القول بعدم اخباره انها سمينة شوي , أو شعرها ليس كما يفضله فغض النظر , تزوج و عمره 30 ,, بفتاة اقتنع من وصف الوالدة لها , و الحمد لله عجبته و عايشين بسبات و نبات فاللي عنده أم الله يحفظها , ما يثق بذوقها يدقق بطرح ما يعجبه من وصف بالمرأة و لا يتنازل إذا كان يرى بعض الصفات يريدها برغبة شديدة و لا يخجل , و يسأل زييين عن خلقها .لأن الحياة بتكون عشرة فمن ليس لديه حيلة فليحتال تحياتي |
يعني بالمجمل المسألة مسأله ذوق ..
في ناس ذوقهم مو حلو وناس ذوقهم عال وتدقق وفعلا مثل ماقالت المس داني نظرة المراه عن اخرى تختلف .. كثير نشوف رجال ينبهرو ببنات ونحنا نشوفهن عادي بالجمال والعكس .. فهذا ما حصل معك انت واخوك .. ان الوالده ذوقها بسيط ونظرتها تجاه البنت كانت من ناحيه اخرى مو مقتصرة عالجمال ... الله اعلم عاد او انها شافتها حلوة .. او امك ما بدها حد يكون اجمل منها بالبيت هههه اتمنى ماحد يحاسبني بس .. بس الحل انكم تجعلوا النظرة الشرعيه بأي طريقه منطقيه :d وتخلعوا هالجذور الي مالها اساس .. ** ** على فكرة .. من حيث تجربتي .. انا لما وافقت على زوجي بصراحه كان كله بسبب الاقناع من اهلي والكل يمدح وانه كذا وكذا وانه فرصه يعني حسيت بالغصب انه لازم اوافق :( .. وكلت امري لله واستخرت .. ماعلينا ..المهم صراحة وصدقا .. ما اتطلعت على الجمال يمكن لاني كنت مشتته ..رغم انه كان زواج مو برضا وقناعه تامه صراحه .. وزوجي ما عنده وسامه الوجه الكافيه .. بس بغض النظر وافقت لانه صفاته وشخصيته وطوله عجبني .. بس بعد فترة من الزواج تقريبا بعد اول سنه بديت اشوف هالامور .. ولاانكر اني كرهته بالخطبة واول الزواج .. لانه مو باختياري كان .. وكان هذا تركيزي معظم الوقت .. اتمنى لو اني ما استعجلت او ياريت ما وافقت كان اجا الاحسن منه وعلى هالمواويل .. يعني افكار شيطانيه ...:( لكن الان احمد ربي مليون مرة على انه طلع من نصيبي .. يعني لو ركزت على الجمال كان ممكن احصله .. بس ما احصل على دين او اخلاق..! سبحان الله كثير امور ما نحبها لكن تعوض بشيء اخر .. ** ** والله يا اخوان الزواج مثل البطيخه مابتعرف شو جواها .. والجمال مثل الكيكه ممكن يعجبك الشكل بس طعمها لا.. وممكن يكون شكلها مو حلو لكن طعمها زاكي .. |
أهنيك على سردك الرائع
ومبروك لأخيك |
اقتباس:
بتطلب على ذوقك وبتشوف الطبق قبل لا تطلبه اقل شئ يعجبك شكله وتتقبله نفسك مو تروح امك وتطلب لك اللي على مزاجها واللي هي تشتهيه ثم تحطة قدامك على الطاولة وتقولك يالله اكل غصب عنك تاكل ما يستسيغه لأنه ماعجبه الطبق يحاول الانسان يتعايش مع الوضع اذا ما قدر قال خلاص ما اقدر اكمل ومن حقه هالشئ ماسوى شئ حرام ولا كفر الخطأ مو خطاه الخطأ خطأ عادات وتقاليد مو شرط يكون من أم الرجال ممكن ابو البنت يقول ماعندنا شوفة ولا تطلب تشوفها عاداتنا وتقاليدنا ترفض هالشئ وتتزوجه وتحصل هالزوج مو مثل ما توقعت مافيه وسامة ولا شكل مقبول حتى وتنفر منه نقولها تحمليه طول عمرك خلاص ما قدرت تكمل معاه ترد مهره والله يوفقها ويغنيها واذا الرجال ما يبي يكمل خلاص يسرحها بإحسان ويتزوج ثانية مو شرط كل الناس لازم ترضى وتتقبل هالشئ وخلاص صار مقدر ومكتوب وشو هو مصيبة اصابته ولازم يتعايش معاها ؟؟ فيه ناس يحصل اشياء تعوضه عن هالشئ من حسن المعشر وصلاح الزوجه وطاعتها وحبها له وخفة دمها وانها تعرف كيف ترسم ابتسامته دائماً واكثر الوقت مرتاح هذا ممكن يحبها ويموت فيها وينسى اصلاً انها أول ليله ماعجبته والعكس كرم الزوج وحبه وتدليعه لزوجته ممكن يخليها تنسى انها بالبداية ما تقبلته ويمكن تحبه بعد بكل الحالات الخطأ مو خطأ البنت ولا خطأ الرجال انه ما قدر يتقبلها الخطأ خطأ عادات وتقاليد مخالفة للدين وبس ومثل مابعض الحريم ودها بواحد مثل مهند وتتفاجأ انه صار مثل ......وانصدمت بعض الرجال وده بمثل لميس ويتفاجأ انها صارت مثل ........وانصدم |
مسائكم ورد من جوري وكادي وفل وياسمين ونرجس
الأخت ناني لايوجد مايمنع ديناً ولا شرعاً من أن يطلب الرجل إمرأة جميلة حتى وإن كان هو ليس جميلاً ، فهو يطلب مايريدة في رفيقة دربةِ لكي يؤمن نفسه من الوقوع في معصية ، فعلى حد علمي بأن الأساس من الزواج هو التحصن من الوقوع في الحرام !! ، أما موضوع ضابط والله " مت ضحك لما قريتها " أختي الفردوس غايتي والله بأن أمركم هو من العجاب أيضاً ، وقد أضحكني ماقاله والدُكِ حفظه الله ، وكأنة يريد ان ينتقم منكم فيما منع منه هو من الرؤية الشرعية !! أختي أوراق ملونة والله حقهم ، النفس وماتهوى ، والله لا ألومهم ( من يكرة أنه يرد من يوم شاق ويشوف هذاك الوجة السفر اللي يفتح النفس )؟؟ أختي المسداني فعلاً صدقتي ذات الدين هي من تبتغى في نهاية الأمر ، ولكن لايمنع من ان تكون ذات دين وجمال حينها ستكون من حور الدنيا ، أما عن التندر فوالله بيني وبين أخي وقصدتها من باب أن أدخل على قلبهِ البهجة وأحسسهُ بأني أشاطره نفس ما واجة. تكفين أضحكي أختي مس سندريلا الله يبارك بعمرك يارب ، والله لايجزي اللي سوى المكياج خير ، " وهقنا " واي والله طاح الفاس بالراس بعد شنسوي ، مالنا إلا الصبر .. خلصت !! أختي غزلان كم فكرت بما فكرتي به فأنا تمنيت بأن أتزوج فاتنة ك " سكارليت جوهانسون " ، ولكن القدر رزقني ب ما لا أتمناة ، ومنثبر وصابر ، والمشكلة فوق شينها قواة عينها !! يعين الله !! أختي قلبي حنون والله يا اختي مادري ليه مانعينا من هالنظرة " الدينية " ، وإن حاولتي تفتحين هالموضوع كأنك فاتحة موضوع فتنة ، زهقنا اقسم بالله ، ووهقونا بنساء لولا أن بطائقهم تحمل مايسمى أنثى لما عرفتي جنسهم !! كثر اللقط في موضوع وسامتي ووسامة أخي ، وقلت بأني أمتنع عن الإجابة ، ولكن بما أنها " صارت شماعة " فأحب أن أقول بأننا مليئين بالوسامة !! حتى أسئلوا أمي ههههههههه أختي عصفورة والله كلامك عين العقل ، بس وين اللي يفهم ، لازلنا نعيش زمن الأعراف المتخلفة الله المستعان. أختي زهرة الرمان والله فعلاً من حقه ومن حقها ، لكن إذا فيك خير تعالي قولي هالكلام في عايلتنا ، بتلقين الزلازل قامت والعواصف أشتغلت والرعود أنفجرت وبتكرهين نفسك قبل الساعة اللي قلتي فيها موضوع مثل النظرة الشرعية ، يعني أسكتي وتقبلي صدمتك بكل روح رياضية وإلا ماكو زواج !! كل الحب لكم جميعاً. |
أختي فاكهة النساء
الله يدخلك الجنة والله أنك فاهمتني . أختي فلونا صدقي دامنا متمسكين في هالعادات وهالتقاليد والأعراف ماتعرف مظلومين ، الأعراف تبيك راضي بنصيبك وسااااكت أختي أعشق أسمك الله يارب يسعدك ، واكيد أنك مرتاحة مع زوجك والعكس صحيح ، والسبب أنه كان في قبول بينكم قبل الزواج وبالتحديد أثناء النظرة الشرعية ، أما عن نظرة أمي ف أبشرك ماتختار إلا العمال والعساكر.!! أختي المصدومة مرة صدمتيني بردج ، والله العظيم حنا أحلى منهن ههههههه وبعدين اللي مثل نوع أمي أنا أنصح جميع الشباب بأنهم لايثقون بذوقها بالزواج!! والألفاظ يا أختي بيني وبين أخوي فقط !! أخي هودل مان البنات دوم منحازات لبعض وخصوصاً هنا " مو شي جديد " ، أنا أخذيت أنتي فايروس منهم هههههه وصدقت والله فيما قلت ، ولكن ماذا عسانا أن نفعل ونحن أسرى تلك الشرار المسمية بالعادات والتقاليد!! ننطم ونسكت !! أختي ناني ، ولاهانن خواتي ام محمد وفاكهة الشتاء هل تصدقين أن في أحد المرات زوجتي " تهاوشت " مع أحدى خالاتها بسبب أنها سمعت أنها قالت بأني أحلى منها بكثير!! بس الحظ جابلنا النقيض !! يالله بالعينها وساكتين شنسوي بعد !! كل الحب للجميع. |
أختي ساس
أخي ركز على مايريده في شريكة حياتة ولا أعتقد بأنه أخطئ فيما طلب ولكن الخطأ هو من مايسمى بمنع النظرة الشرعية في مجتمع يرفع بعضاً من العادات والتقاليد على الأسس الشرعية والدينية !! أختي سمايل والله ماينلامون أخوانك ، شفيها يعني إذا خذو حلوات ؟؟ مادري ليه الحريم كارهات الحلوات !! أنا اتوقع بأن المرأة دائماً تختار من هي أقل منها في كل شيء لتجنب أمور تخصها شخصياً او تخص أنوثتها!! أما عن الغرور والكبر أو العلاقات ، كفانا الله ووقانا والمسلمين شر تلك الأمور!! أخي عاشق الجواهر والله صدقت ، ولكن هل تتوقع بأنهن أطلقن علينا أسماء كذلك ؟ نفسي أعرف وش قالت عني ههههههه أختي ناني حتى لما نطلب من مطعم بعمرنا مانطلب شي حنا مانشتهية أو مانحبة بس أنا أقولك وش اللي صار ، أمي شافتنا جوعانين جداً وقالت ليش أحطلهم أكلتهم اللي يحبونها ؟؟ بحطلهم خبز بياكلونة وبيسكتون ، الجوع كافر هذا اللي صااااااااااااااااااااااار ههههههه كل الحب . |
| الساعة الآن 08:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©