|
رد : انخطبت بس مو فرحانة
السلام عليكم ورحمة الله
اتمنى لك التوفيق والسعاده ولكن خلي الموضوع بيد اخوك اذا هو راضي تمام الرضاء عليه استخيري ولكن لازم تكونين مقتنعه بوجهة نظر اخوك وانشاء الله نسمع اخبار طيبه |
رد : انخطبت بس مو فرحانة
الف الف مبروك ... وحلم اونا يبشر بخير
يالله يابنات خيطوا فساتين مافيه وقت العرس قبل رمضان إن شاء الله :d وقصة خطبك صدقيني تصير كثير وحدة من الخطبات اذكر في الشوفة صحيت من النوم والا امي فوق رأسي انزلي يبي يشوفك انا يادوب افتح عيوني قلت مين!!! قالت واحد خاطبك.. مباشرة تكرنت قلت ماراح اقابله لو ايش ليه ما عطيتوني ووو الوالد كملها فتح دولابي و طلع لي لبس بمزاجه وقال البسي هذا قفلت اخلاقي بجد وشلت بخاطري ليه ما قالوا لي وليه يطلع لي فستان شايفيني دلخة مثلا:( لبست الفستان وانا انزل من الدرج ابوي جمبي يرمي شعري ورى كتفي يقول اجمل لا نسفتيه ورى لو المجلس مو جمبنا كان تخانقت مع اهلي كلهم وش اجمل ما اجمل :( حسيتني باختصار بنت من التراث افشل بكل ما تحمله الكلمة من معنى الفستان قبيح والشعر مثل فوازير رمضان القديمة وحالتي حالة :( نرجع لموضوعك يا حلوة اشوف مافها شيء يقوله اخوك الكهرباء عطلان ممكن تجي ثاني عشان تشوفك البنت ولو يهمك تتأكدي هل كلامه حلو وخفيف دم خلي اخوك يكلمه ويفتح الجوال سبيكر واسمعيه والله يسهل امرك بجد انبسطت لك الله يكتب لك مافيه خير وخيرة |
رد : انخطبت بس مو فرحانة
اقتباس:
ألف ألف مبروك الغالية .. والله فرحت لج من قلبي .. ربي يديم عليج النعمة ويزيدج من فضله ويعطيج أفضل من نيتج <<<< واخدة بالك :d عزيزتي الفردوس غايتي.. اقتباس:
الزواج رحلة عمر يا عزيزتي .. وسواء كان الأول أم الثاني أم ... يجب أن تتأني وتدققي وتطرحي كل ما يدور في رأسكِ من تساؤلات وتحصلي على الإجابات التي تريدينها. موفقة. |
رد : انخطبت بس مو فرحانة
:* |
رد : انخطبت بس مو فرحانة
الله يوفقك واذا فيه خير لك يكون من نصيبك
واكثري من الاستخارة وعادي لو تطلبين تشوفينه مرة ثانية هذا زواج وحياة |
رد : انخطبت بس مو فرحانة
مع الأخوات العزيزات نورا وسيدة الموقف ومهره
ولاتتركي مجال لأي أحد يضغط عليك ويأثر بقرارك لازم يكون قرارك نابه من اقتناع تام بعد الأستخاره والدعاء اسأل الله العلي القدير أن كان فيه خير لك أن يجعله من نصيبك وأن كان فيه شر لك ان يصرفه عنك من غير شر وأن يعوضك بالصالح اللي يسعدك ويهنيك فأنتي انسانه طيبه ومميزه :)ماشاء الله وتستاهلين كل خير |
رد : انخطبت بس مو فرحانة
الله يسعدك يافردوس ويعطيك ربي على قد نيتك .. على فكرة اسلوبك مرح وخفيف دم .. ودخلت بس عشان ادعيلك وسوي اللي ترتاحين له واحب اذكرك اذا هو من نصيبك بتأخذينه بتأخذينه حتى لو كانت بداية خطبتك بهالشكل بس استخيري يا اختي والله يوفقك لما يحبه ويرضى ويسخر لك زوج من عباده الصالحين المصلحين..
|
رد : انخطبت بس مو فرحانة
اول شي حآبة آقولة للي فوقي بسسسمة ..
يآنآسس يعلم الله لي كمن يوم ادعي اني اقرآ لو ححححتى رد من ه الانسآنةة جد كنت ابي اتطمن عنك ست بسسسمةة طمنيني عنك وعن علومك وآخبآرك وحشششتيني حححححححححححححححححيل .. وبالنسسبة للفردوس .. مآ آقول الا الله يكتب لك اللي فيه الخير .. لمآ الانسان يكون طالع من تجججربةة فآشششلة يجيه تشششآؤم الدنيآ كلهآ ويحس بعد انه مآرآح يتوفق في ه الزوآجةة آسسئليني بس ,! بس نقول ان شاء الله يكون ابن حلال وترتآحيييين له .. استخيري زين .. واسسستشيري بعد زين .. والله يكتب لك اللي فيه الخخخخخير ونفررررررررررح فيك ان شاء الله |
رد : انخطبت بس مو فرحانة
اقتباس:
وبشريني عنك عساك ردت عافيتك وسمنتي :) |
رد : انخطبت بس مو فرحانة
صباح الخير ..*
اشكركم حبيباتي لمشاركتي في الرأي و التفكير ، عساني ما انحرم من طيبة هالقلوب* احب اقولكم اني و بعد تفكير عميق آثرت الرفض ، فكرت اتكلم مع اخوي و اطلب شوفة ثانية بس ما حبيت اشوفه و انا ميالة للرفض اكثر من القبول .. سبحان الله شي في نفسي ما قدرت افكر فيه ، ماادري وش جايني .. أول مرة يجي شخص مناسب نوعا ما و أرفضه بقناعة تامة و الحمد لله* على كثر ما كنت متلهفة ابي اعرس لكن توصلت لقرار اني مستحيل اتزوج بعد ارادة الله مابي كذا خلاص واقفة نفسي عن هالمشروع بِرُمتّه ، مرتاحة و مستقلة بذاتي بدون الرجل في حياتي* صحيح القرار مش صائب خاصة اني صغيرة بالعمر و اولادي عايشين مع والدهم ، يعني مافيه سبب* يضطرني للرفض ، بل بالعكس يفترض بي أتزوج و اخلف و املا فراغي و اعيش الحياة بالحلال لكن لاحظت اولادي اذا لمحت لهم اني بتزوج يزعلون و يعترضون* ولدي يقول بعدين وقت الاجازات وين نروح ياماما نجي بيت جدة وما نشوفك .؟؟ بصراحة نقطة ضعفي بحياااتي ولدي لو يبي قلبي اطلعه و يعيش بدالي*:( ما ابيه يكبر و يلاقيني مع رجال ما يمت له بصلة و يمكن يسيئ معاملته او يفرق بيننا** وانا عندي أمل كبير بالله و دام هناك قلب ينبض فلن أترك الدعاء لفلذات كبدي بأن يقر الله عيني* بعودتهم لي مرة أخرى .. أشكركم كثيرا بقدر قلوبكم الطيبة و كلماتكم المليئة بالحب و المشاعر الاخوية دعواتكم يا احبة |
| الساعة الآن 05:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©