|
رد : عندي مشكله مع زوجي ساعدوني
أختي الكريمة .. متأسف عن اللي بقوله .. بس الصراحة ما نلاحظ أنك هادئة في حل المشكلة .. عشان جذي ما راح تحلينها ..
إهدي شوي .. والأغلب أقروا أن زوجك مو طبيعي .. وما قصروا ما شاء الله عليهم عطوك بدل الحل عشرة .. إبدي جربي الحلول المذكورة واعطينا النتايج .. يامة ناس كتبوا مشاكلهم هني وجربوا حلول الأعضاء وانحلت المشاكل .. راجعي الردود كلها مرة ثانية وابدأي بالحلول البسيطة .. وإذا ما فاد جربي الأصعب وإذا ما فادت كل الحلول قولي ما استفدت شي طبعا مع الصبر .. وإذا انحلت المشكلة ان شاء الله قولي شلون حليتيها عشان غيرك يستفيد منك .. بس بهالطريقة وبالعصبية والتذمر والإحباط ما بتوصلين لنتيجة .. يالله توكلي على الله ومن اليوم جربي .. والله يسهل عليك |
رد : عندي مشكله مع زوجي ساعدوني
مسكينات النسوان الله يكتب اجرهن امين
حبيبتي ليش ما تروحي على استشارية اسرية وهي راح تعطيكي خطة تمشي عليها على فكرة اختي مثلك باظبط وراحت استشارية اسرية والحين امورها تمام واستعيني بالله وبما انك مرتاحة ماديا وقفغي تشكي ورحي استشارية شاطرة تساعدك بس لا تجيبي سيرة لزوجك قولي له رايحة عند الدكتورة نسائية وتحججي باي حجة |
رد : عندي مشكله مع زوجي ساعدوني
مشكوريين الي ردو
|
رد : عندي مشكله مع زوجي ساعدوني
ماحبيت اطلع بدون مشاركة كان الله في عونك و فرج همك
|
رد : عندي مشكله مع زوجي ساعدوني
اللهم امين ماقصرتي اختي الله يجزاك خير ابي اراء اكثر شسوي معه اطنشه
|
رد : عندي مشكله مع زوجي ساعدوني
زوجي مثل زوجك تماما ..عنده خمول في هذا الشي بكثرة لكني أتوقع من العين لان من أول ماتزوجنا يحسدوننا ناس كثير ويسوون لنا سحر ..حتى السحر أشاهده على الباب ..الله المعين أختي .التدخين له دور في هذا الشي ان .كان مدخن ..لاتطلبي منه خليه هو اللي يطلب منك .عليك بالاستغفار كثيرا والله يحل مشكلتنا .
|
رد : عندي مشكله مع زوجي ساعدوني
الطلاق ليس بحل ...
فقد تتطلقين و تتزوجين شخص آخر و يكون على قد حالة من ناحية المادة .. و بعد الزواج يتضح لك ان الوضع الجديد كالقديم او يحصل عنده ضعف بالقدرة .. حينها ستكوني كسبتي الشتات فقط .. زوجك قد يكون واحد من ثلاثة .. عنده مشكلة عضوية او عندة مشكلة نفسية او يعاني من الإرهاق و الإجهاد و حين يأتي للمنزل يكون مهدود الحيل .. و كلها بالإمكان أمور تتعدل بس يبي له إقناع بمراجعة الدكتور للتأكد من سلامته عضوياً . اصبري اصبري اصبري ... كان الله في عونك ... |
رد : عندي مشكله مع زوجي ساعدوني
الله يعينا على مابلانا اختي فجر الوجود الله سبحانه يختبرنا هذا ابتلاء من ربي
|
رد : عندي مشكله مع زوجي ساعدوني
اخي ولهان زوجي كله منهد حيله كله يشتغل اذا جا من دوامه بعد يشتغل هو حريف يحب يصلح سيارات في البيت يعني واذا حط راسه على طول ينام ماياخذ خمس دقايق الا هو نايم تتوقع هذا السبب
|
رد : عندي مشكله مع زوجي ساعدوني
حياتي حزن
اطلبي منه يسوي تحليل دم لهرمون البرولاكتين وهرمون الذكورة واذا عنده مشكله اكيد الدكتور بيصرف له علاج واذا ماعنده مشكله سوي له خلطة بالعسل ( بس الافضل تاخذينها من الاخ حسان جليدان بقسم الطب البديل هنا ) وان شاء الله امورك تتعدل واذا من ناحية انه على طول متعب نفسه بالشغل ايضا كلميه فيها قولي له كل اللي بخاطرك باللهي اذا مافضفضتي لزوجك وارتحتي بتفضفضين لمين واذا ماعلقتي على ردي هذا ماراح ارد عليك ثاني لان بصراحه انتي غريبه تتركيين الردود مع ان فيها حلول مقنعه ولا كأنك قريتي شي ولا كأن الاعضاء كتبو لك شي ارجعي واقري الردود مراااات ترى كلها مفيده والله ينولك اللي فبالك ويكون لك زوجك من احسن مايكون الزوج لزوجته |
| الساعة الآن 06:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©