رد : استشارة عاجلة قبل بكرة الظهر
 

نورة عشان كذا اخويا قال بيروح يشوفه بنفسه ..
و زوجي زعل و قال مو كفاية انا و انت شفنا الشقة ؟ عجبت اخوك الشقة ؟

قلتله مو مهم تعجبه .. هو بيشوف لو فيه اي عيب او مشاكل ..
و مافيها شي لو اخدت راي اكثر من شخص .. هذا مو لعب ..

.
.

و لو انكشفت اكاذيب زوجي .. المرة هذه مالي دخل و بأشيل يدي منه
خلي اخواني يتصرفوا معاه .. حتى لو وصل الموضوع لأبعد شي ..

عشان كذا الفترة هذه .. تعاملي معاه جدا هادي و ماني معتبرته موجود ..
وما صارت تفرق معاي ..

رد : استشارة عاجلة قبل بكرة الظهر
 

السلام عليكم ...

كنت من أشد المتابعين لموضوع ... في الحقيقة هذه الامور تحتاج الى شيء من الاستشارات للاكثر من شخص .. سوف اتحدث عن تجربتي حينما اشتريت منزلي

كان هنالك اتفاق بيني وبين المالك بدفع عربون بشيك مصدق مقدارة 15 الف ريال لانه كان خايف من التراجع لكن كان هنالك اتفاق بينه وبين الشريطي (المكتب الذي وجد العقار) بانه لا يبيع المنزل حتى ياخذ السعي 2.5 % لما حسيت بذلك اصريت انه لن يستلم السعي الا بعد الافراغ في المحكمة ولما تم الافراغ سلمت السعي الى الشريطي ولا من زين الوجة ينتظر زيادة مني قلت له لو النية كانت سليمة من الاول كانت شفت الاخير حيث كنت حاطي في نيت اعطية 6 الالف زيادة لكن ما يستاهل الحمد لله اللي بين الحقيقة

المعز إن اصحاب مكاتب العقار لديهم اساليب قذرة ليس الكل بل البعض ... لذا اقترح أختي أن يتولى أخوكي الامر كلة من الالف الى الياء وبالتوفيق إن شاء الله

رد : استشارة عاجلة قبل بكرة الظهر
 

مشكووووور اخوي SFY

اصلا دحين بينقلب السحر عالساحر بإذن الله ..
اخوي راح يخلي الكاذب فيهم يقع بشر اعماله

رد : استشارة عاجلة قبل بكرة الظهر
 

اخوي بيعمل مقلب في زوجي

و رافض يدفع فلوس الدلالة ..
يقول خليهم ياخدوه منه ..

هذا شوية من الديون الي عليه و اللي نصبه منك ..
و باعامله بنفس طريقته..

انا من اول قلت .. اخوي ماعنده لعب

و يا ابيض او اسود ..

يقول لو يبغوا فلوس الدلالة خلي زوجك يواجهني و يتفاهم معاي
و انت اخرجي منها

رد : استشارة عاجلة قبل بكرة الظهر
 

إذاً دعي أخيكِ يتولى أموركِ، وفقكِ الله وهدى لكِ زوجكِ.

رد : استشارة عاجلة قبل بكرة الظهر
 

بس للتوضيح

قيمة العقار اتخصم بقيمة 50 الف ..
و زوجي سعى بالموضوع

و الدلالة اتخصم كمان بقيمة 4 الاف .. و برضو خصموها لي
عشان زوجي

و قالوا كذا لأخوي التاني

اخوي بعد ما صار كل شي ..
قالهم مالكم دخل و لا علاقة في فلان .. تتواصلوا معايا انا .. انا اللي باشتري البيت
قصده فلان على زوجي ..

المالك اتصل على زوجي و قاله رحيمك يقول كذا و كذا .. خير ايش به ؟
زوجي مرة انحرج و تضايق ..

.
.

فلوس الدلالة .. لو زوجي له نصيب فيها .. راح تكون فقط خمسة الاف بالكثير
او 3 الاف بالكثير

.
.

المهم لو اخوي ما اعطى الدلالة بكرة في المحكمة لهم .. و حسب ما عرفت اليوم ..
انه من حق الدلالة يشتكوا بالمحكمة ..

.
.

اخوي يحسب كل الرجال مثله

يقول شريك زوجك المفترض يخدمك ببلاش لانك زوجة صاحبه ..

بس انا لاني اللي عايشة الوضع ..
شريك زوجي قبل لايبدأ و يبحث لي .. سال زوجي و قال له ..
زوجتك خلاص اكيد تبغى ندور لها و لا لا ؟ مو تجي تتراجع بالاخير ؟

زوجي سألني وقتها و قلت له ما راح اتراجع

.
.

اخوي يبغى يرد لي حقي بالطريقة هذه ..
و يقولي بلاش الامانة و الصراحة الزايدة حقتك .. انصبي عليه و اعملي نفس طريقته ..

.
.

لكن انا تعاملي مع ربنا ..
يمكن بسبب توكلي على الله دايما في كل امةري ..

فربي سخر لي البيت هذا بسعر خيالي و دلالة سعرها تعتبر رخيصة ..
حتى اخواني قالوا اكيد فيها عيب و راحوا و ماشافوا فيها شي

.
.

انا وعدت ..
و ما راح اربي اولادي عالنزاهة و الامانة .. و اعمل عكس الشي ..

و الله يبارك لي في البيت ..

رد : استشارة عاجلة قبل بكرة الظهر
 

بكرة موعدهم بالمحكمة ..

و الى الان .. انا موقفي محايد ..
و ساكتة .. ما أعلق ..

بس ما راح اخسر اخواني ..

.
.

لانهم مو مستفيدين شي و تعبوا عشاني

و زوجي برضو .. سعى لي بقيمة العقار و بالخصم ..
و يحلف انه ماله و لا ريال في قيمة الدلالة ..

لاني اصير زوجته .. و في الدلالة لو واحد جاب قريبه .. فماله نصيب ..
المهم .. حتى لو له نصيب

بيكون 5 بالكثير ..

رد : استشارة عاجلة قبل بكرة الظهر
 

زوجي لما اعطاني رقم المالك .. قال مابغى اخوك يفشلني ..
و وعدته ..

و قال الرجال هذا بيكون بيني و بينه شغل انا و شريكي ..
و الرجال هذا يبيع مخططات بالملايين و رجال محترم .. لا يحرجني معاه
قلت له طيب

اخويا لما دق عالرجال .. عشان يتاكد من السعر انهم ما يضحكوا علي ..
قالهم انا ماني جاي من طرف اي احد ..
و اعطوه سعر غالي .. بش لما عرف انه زوجي يصير رحيمه
قال لاخوي .. عشان فلان انا بانزل السعر
و خلا له السعر مثل ما اتفق مع زوجي

.
.

في المحكمة اخوي ما يبغى يعطي فلوس الدلالة

و وقتها زوجي بيخسر شريكه .. و يخسر المالك اللي ممكن يتعامل معاه بعد كذا في عقارات تانية ..

.
.

عالعموم ..

راح احلها بحكمة .. و هداوة ..
بس تدخل اخواني في الموضوع .. خلى زوجي يرجع يحس انه ورايا رجال و ظهر ..

لانه اخر مرة تزاعلت معاه عشان الالفين اللي سرقها
قالي ما وراك رجال .. بيستفزني ..

رد : استشارة عاجلة قبل بكرة الظهر
 

خلاص الموضوع بينحل بإذن الله بهداوة و الحمد لله ..
تدخل اخواني .. احسه كان له اثر ايجابي علي ..

يكفي انهم راحوا شافوا الشقة .. و وثفوا معايا و جمعوا لي الفلوس ..

.
.

فلوس الدلالة ..
اخوي كان بيرد لي حقي من زوجي و يفشله قدام الكل ..
مو انه ما بيدفعها لهم نذالة مثلا ..

بس المشكلةكمان انه من حق الدلالة انهم يشتكوا بالمحكمة و ممكن البيعة تتلغي وقتها ..
و انا ابغى اشتري بيت .. مابغى وجع راس و مشاكل ..

.
.


المهم .. راح أسايس الكل .. لاتصير مشاكل نحن في غنى عنها ..
كل الموضوع انه ما يتنصب علي .. و لا اوكل زوجي .. و العقار ينكتب باسمي ..

و لا يحسب زوجي انه ما ورايا أهل و لا أخوان ..

بس راح اكون عند كلمتي و وعدي ..
عشان ربنا .. و الحمد لله ما احتجت اوكل احد ..
و اعيش في قلق .. ينصب علي و لا لا ؟

رد : استشارة عاجلة قبل بكرة الظهر
 

انا ما باكسر كلمة اخوي ..
و على اتفاقي معاه ..

الى الان ما عملت شي و لا صار شي ..

و لا حتصرف اي تصرف احرج فيها اخوي او اخليه صغير ..