رد : احداث جديدة في حياتي((مستجدات في الرد 29))
 

عدت لكم مجددا

الصراحة زوجي مصخها وايد معاي بسبة الحب

اخر الاحداث

امس تعبت بنتي واليوم رحت المستشفى اراكض فيها بروحي وهو قاعد بالبيت عند بناته

وقرر الطبيب ان يدخلها المستشفى
اتصلت عليه وخبرته قالي انتي سبب شقاي بالدنيا انا مو قادر اتحمل اكثر وخلاص باطلقج

ما رديت عليه

وبعدين كتبت له مسج

ارض بما قسم الله لك تكن اغنى الناس

كل اللي قاعد تمر فيه ابتلاء من الله لا مفر منه
الله مقدره لك قبل لا تنولد
انا مالي ذنب كلش

اتصل فيني وقالي صحيح وانا اسف وقتها بجيت قلت له اي اسف اي بطيخ

وبعدها ظل يدق وانا كنت مع الدكاترة

وعقب دزيت له مسج

الله يسامحك
دايما تحسسني انا وبنتي اني عبء عليك
مع اني شايلة نفسي وبنتي
مو قاطة احد عليك
بس الله يسامحك

فكر فيني بدال ما انام الليلة بشقتي بنام بالمستشفى
ما يكفي اني من العصر وانا اهني واراكض بروحي مو محملتك فوق طاقتك
هذا يزاي؟؟
بس صج العوبة والعوية واللي ما تخاف الله اهي اللي حظها ماشي
الله يآجرني

ودق علي قالي كلامج صحيح وانتي شايلة نفسج بنفسج بس انا مضغوط

وذكر لي ضغوطاته

ما تساوي نقطة ببحر من اللي قاعد اشوفه منه
بس الظاهر هو دلوع

الحين الصراحة قلبي شايل عليه وايد

وهو اتصل علي بحدود عشر اتصالات ولا رديت على اي اتصال

كارهته
وابي احسسه ان ممكن يخسرني و الي احسسه بقيمتي عنده

ابيه يحس بغلطته وابيه يتعدل ويصلح حاله معاي

ما اقول الا حسبي الله عليك يا زوجي

رد : احداث جديدة في حياتي((مستجدات في الرد 29))
 

سلامتها بنوتك .. لسه بدري عالمستشفيات حبيبة قلبي .. كم عمرها ؟

سوي اللي يريحك موهبه ... لا تردي الى أن ترتاح نفسيتك .. وعلى قولتك انه يتلذذ بالتعذيب .. عذبيه :)

لكن ما تطلعيها أنها عناد وزعل .. مشغوله بالبنت وأطباء وفحوصات ولو رديتي ردي رد كلمة سريعه وبس . خل يكون خارج الصورة ومحتار شنو صاير عندك

ولما ينتهي الموضوع وتكوني ارتحتي وقادره تتواصلي معاه وحب ان يزوركم خل يزوركم وانسي اللي فات .. عاتبتيه وزعلتي عليه وهو اتعذر واعترف بغلطه فلا تشدي عليه الى أن يطفر ويطلع منه الغلط .
موقف هو غلط فيه وتندم عليه وعرف غلطته فلو زدتيها بالعتاب راح يروح منه شعور بالذنب ويحس أنك أخذتي حقك وانتهينا ..
لا ما انتهينا
وخليه هو ينشغل فيك ويفكر يشوف كيف ممكن يعوضك
لما تشوفيه المره الجايه خلي زيارته تكون حلوه ولا تحيبي سيرة اللي صار وخلي بيتك مكان راحته ..
الحين صار لك عنده نقطة تسجلت فلا تضيعيها على نفسك باستهلاكها بكثرة العتب والنقاش .

رد : احداث جديدة في حياتي((مستجدات في الرد 29))
 

الف سلامة عليها بنوتك . ربي يحفظها

ياقلبي انتي اهتمي الان بالبنت و انسي موضوعه

استخدمي اسلوب الطناش و على قولة بيتا خليه محتار بايش صاير معاك ...


مرده لك باذن الله ..
ربي يسخر قلبه لك ويهديه

رد : احداث جديدة في حياتي((مستجدات في الرد 29))
 

مثلي ذات الدور الي تمثله زوجته
زوجك فقط يريد ان يعيش سيناريوا درامي عيشيه معه لتسير الحياة سواء كلمها او حتى رجعها
هذا الامر خارج عن تفكيرك لان الوضع النفسي الي راح تكونين فيه بسبب التفكير هو الهدف المنشود لديها
فركزي على أسرتك دون تشتتت الى الخارج
انت شخصية دراميه بحته متفوقه على زوجته بدليل تكرار اتصالاته لانه يحب ان يعيش دور المتوتر المنهمك في مشاعره المتقدة جراء تعذيب حبيب
!
السؤال ليش يحب هالدور ؟
هل عاش طفولة مشابهة؟

رد : احداث جديدة في حياتي((مستجدات في الرد 29))
 

يا قلبي يا موهبة .. الله يشفي بنتك ويلبسها ثوب العافيه ويخليها لك ...

أنا إشوفك غلطتي لما أخذتي بنتك للمستشفى بروحك .. إذا هو مو فاضي خذي أمه معاك..

كيف تبينه يتعلق فيها وإنتي متحمله مسوليتها بروحك .. واكبر غلطه لما تقولين " أنا وبنتي"

انتبهي يا حبيبتي اختيارك للكلمات مهم جدا لأنك توصلين رسائل للعقل الباطن ... شوفي إغلاطك اللي أنا لاحظتها

تقولين "أنا وبنتي"
شو أنا وبنتي؟ أنتي جذيه تنسينه انه البنت جزء منه ولازم يتحمل مسوليتها معاك ..
قولي بنتك .. أو بنتنا

أيضا غلطتي في ردك لما قلت

"كل اللي قاعد تمر فيه ابتلاء من الله لا مفر منه
الله مقدره لك قبل لا تنولد
انا مالي ذنب كلش"

هو يقول لك أنتي سبب شقاى في الدنيا وإنتي بردك كأنك تقولين هيه لكن أنا مالي ذنب لأنه مقدر لك ..

أنا فاهمه أنتي شو قصدتي بكلامك لكن أقول لك من منظور انسان عاطفي وفي وقت هو محبط فيه ..

حتى المسج الأخير رديتي قلت أنا وبنتي ..

أفصلي البنت عنك في كلامك لا تحسسينه أنكم واحد .. بحيث إذا رافضك أنتي يرفض البنت بعد ..

فهمتي علي؟

يعني قولي له تحسسني أني عبء عليك مع أني شايله نفسي بنفسي .. لكن بنتك ترا ما لها ذنب .. أنا عادي أتحمل مسؤليتها مو قاعده أشكى لكن اليهال أذكياء إذا كبرت شوي بتحس انك مو مهتم فيها ..
......

إذا أنا مرضت وما فكرت تسأل عني اتضايق لكن عادي أتحمل... بس بنتك تعبانه وبيرقدونها في المستشفى وانت بدال ما تقدر أني شايله عنك المسؤليه ويايبتنها بروحي واركض وراء الدكاترة ؤقلبي متقطع عليها اتصل فيك على بالي تحاتي بنتك إسمعك تقول لي أنتي سبب شقاي .. مشكور ما قصرت وترا أنا ما كنت متصله اطلب شيء الخ الخ ..

أنا أعطيك أمثله على طريقة كلامك معاه أنتي خذي الفكرة وطبقي ..

يمكن جذيه يبدأ يحس بقيمتك .. وفي نفس الوقت بيتعلق ببنته وبيفهم أنه مسؤول عنها ..

لأنك طالما تقولين له أنا و بنتي أنا وبنتي أنا وبنتي .. ما رح يحس بتقصيره ..

لأنه كلامك ينفهم منه انه واجبك وإنتي قايمه فيه ..


وزوجك شكله عاجبه الحب على طريقة المراهقين .. الجفا والهجر والعذاب .. بس إنتي إنسانه عقلانيه وتحكمين عقلك .. عشان جيه مب قادرة تمثلين هالدور ..

بس إذا فكرتي فيها إنتي اللي كفتك راجحه .. لأنه ما راح يقدر يعيش حياه طبيعيه مع الأولى ..

رد : احداث جديدة في حياتي((مستجدات في الرد 29))
 

اشكر كل من رد علي

اليوم الفجر يكلمني يقولي انا ظلمتج وايد ومابي ادخل فيج النار

خلننفصل افضل

قلت له اذا طلعنا من المستشفى يصير خير بس حاليا انا ابي بيتي

عشان اذا كبرت البنت ما تلومني وتلومك انت

والصراحة كنت وايد مقهورة ومعصبة

والحين بيزورنا بالمستشفى

رد : احداث جديدة في حياتي((مستجدات في الرد 29))
 

اختي داماس
الصراحة كلامج احسه فعلا ينفع مع زوجي


الله يهدي الامور

رد : احداث جديدة في حياتي((مستجدات في الرد 29))
 

اختي نحو الافضل
هل تقصدين اني انا شخصية درامية؟؟؟

واذا انا اللي تقصدينها ممكن توضحين لي شلون

وهل هالشي زين والا لا

رد : احداث جديدة في حياتي((مستجدات في الرد 29))
 

اعني ان زوجك يحب ان يكون مع انثى بهذا الدور
وانت تستطيعين اجادته
أحبي نفسك ولا تمحيها وتلغيها من اجله
انت تستحقين اهتمامه وهو واجب عليه وان اوهمك بعكس ذلك
فتعاملي معه كالعزيزه دون شكوى او معاتبه
ودعي لك عالم جميل مثير غامض تنشغلين به دون نسيان حقوقه
دعيه يحاول اكتشافك ويبحث عنك فيك
الله فقط الدائم قبلنا وحين اوجدنا هو دائم لنا وبعدنا سبحانه! كل النعم هذي بخار

رد : احداث جديدة في حياتي((مستجدات في الرد 29))
 

يقهروووووووا ..

مايبغوا يظلموا .. و هما ظالمين ..