رد : كيف اقنع اخوي يساعدني
توقعت إخوي بيساعدني في تكلفة العمليه وموعدها بعد شهر لأنه وعدني بيساعدني
لكن أختي الصغيره زل لسانها بدون قصد وقالتله إني استلمت من الضمان سؤال يعني لو اخوك ما درى عن المبلغ كان ممكن يساعدك ؟ علاقتك مع اخوك كيف رسميه او سطحيه او قويه ؟ لغة الحوار بينكم موجوده او معدومه ؟ فكره ممكن تساعدك وتخلينه يقتنع قوليله وظفني في اي قطاع خاص بحيث انك تحصلين على تأمين طبي يوفر عليكم تكاليف العمليه ويجي في يدك مبلغ تعاونينه فيه وبعدها فيها الف حلال |
رد : كيف اقنع اخوي يساعدني
بالنسبه لي أحب اخوي وأموت عليه لأنه رجل ملتزم وصالح ومثقف حنون في نفس الوقت عصبي شوي
بينا لغة حوار علاقتي معه قويه المبلغ اللي ينقصني تقريبا 6 هو قالي اجلي العمليه أبجمع من الضمان الوظيفه مإقدر أكلمه الحين مابي آخرب على أختي لأنه بيساعد أختي في توظيفها أبحاول أبحث لنفسي عن وظيفه الله يسخرلي البعيد ان شاءالله ربي بيسرها |
رد : كيف اقنع اخوي يساعدني
سؤال يعني لو اخوك ما درى عن المبلغ كان ممكن يساعدك ؟
هو دايم يقول أن شاء الله ربي بيسرها ؤاكثر شيء وعدني يوفر لي شقه من شققه ووظيفه وعيالي مايتخلى عنهم خلاص مابيه يساعدني كان فيني غصه وحبيت أفضفض واطلع كل اللي في خاطري هنا |
رد : كيف اقنع اخوي يساعدني
السلام عليكم قلب
الله يفرج همك ويصلح حالك ان شاء الله ويرزقك من حيث لا تحتسبين اهم شيء لا تكبتي في نفسك حتى لو طلعتي ورقة وقلم وكتبتتي فيها وبعدين حرقتيها الزمي الاستغفار حوالي 500 او اكثر في اليوم وحاولي بعد كل صلاة ما تغادري سجادتك الا بعد ما تستغفري اكثر من 100 مرة والله ما تاخذ منك وقت ومفعولها عجيب سبحان الله وايضا ذكر(اللهم اني اسألك رضاك) وبالنسبة للفلوس تستاهلي كل خير والله ومش خسارة فيك حبيبتي واكيد فهمتي الدرس ولازم من الاقتصاد الله يسهلك ان شاء الله اللهم لا تكلنا الى انفسنا فنعجز ولا الى الناس فنضيع |
رد : كيف اقنع اخوي يساعدني
اكبر غلط صرفك المبلغ في كماليات وانتي على الظروف
ولو كنتي تحبين تدلعين نفسك الحكمة والحلم مطلوب حتى في المال كلما جاءك مبلغ ضعيه في حسابك في البنك واذا اجتمع ممكن تفتحين مشروع صغير تستفدين منه ويقضي على فراغك |
رد : كيف اقنع اخوي يساعدني
حبيبتي خلاص الي حصل حصل و اتعملي منها :)
الحين خبي المبلغ الي معاك وحاولي تخبي من الضمان و عادي لو تاخرت كمان كم من شهر كل تاخير وفيه خير باذن الله بالنسبة للشغل .. في الوقت الحالي خلي اخوك مشغول مع اختك واكيد انتي براسه بس لسه مشغول شوي دوري لحالك موقتا .. مادري ايش تخصصك .. بس هل ممكن تعطي دروس خصوصة لبنات مادرس في بيتك ؟؟ هل عندك اي موهبة او هواية ممكن تستغليها ؟؟ دوري في الجرايد عن اعلانات عمل و ارسلي ملفك ؟؟ وبس باذن الله اختك تلاقي وظيفه وتقل مشاغل اخوك يتفرغ و يشوف موضوعك .. الله يرزقك بالوظيفة والرزق الحلال |
رد : كيف اقنع اخوي يساعدني
يا حبيبتي
الله يكون بعونك لك حق ان تدلعي نفسك وان تصرفي على حالك مو حرام -- بالعكس حرام ان تحرمي نفسك لكن انتي الله يكون في عونك عندك مسؤولايات الحين و الوضع غير الوضع خصوصا عندك عملية ربي يقومك بالسلامة ويلبسك لباس العافية حبيبتي الي صار صار وما منه فايدة تلومي حالك خلاص انسي وتونسي بالي شريتيه لحالك --دلعي نفسك بدون غصة ولا شي الجاي احسن ان شاء الله حبيبتي ما شاء الله عليك عين العقل الحين - دام انك تفكري باختك و ان اخوك خلاص حطها هي براسه و ان شاء الله يلقى لها شغل وبعدها يفضى لك ولاولادك وما ينساكم ان شاء الله ربي يحنن قلبه عليك وعلى اولادك حبيبتي مثل ما نصحوك باقي الاعضاء --نعم النصيحة حاولي تقدمي اوراقك على اي شركه قريبا منك ومناسبة لك دوري لك على اي مصدر عمل --والرزق على الله --يرزقك ان شاء الله بالي يجبر خاطرك وان شاء الله ربي يصلح حالك ويحنن قلب اخوك وما ينساك وما ينسى وعده لك اما بخصوص سؤالك كيف تقنعيه ادعي الله -ان الله يهديه لك - وحاولي تكلميه باللين ان يساعدك بوقت انتي تشوفي انه مناسب له وباله فاضي و مو مشغول ما ادري اخوك متزوج --كيف علاقتك بزوجته تقدري --ان كانت علاقتكم طيبة -- تكلميها تجس نبضه من ناحية وعوده لك ربي يحنن قلوب العباد لك ويرزقك من فضله ويجبر بخاطرك ويعوضك خير لا تندمي على شي فاتك --ما عند الله خير وابقى |
رد : كيف اقنع اخوي يساعدني
اقتباس:
العذر والسموحه على تأخري في الرد جزاك الله خير حبيبتي ولك بالمثل أن شاء الله هالمره درس لي الله يسلمك أونا إنتي اللي تستاهلين كل خير ربي يسعدك ولايوريك مكروه في أحبابك |
رد : كيف اقنع اخوي يساعدني
اقتباس:
صدقتي المشكله أن عندي عمليه والله لو ماكإن عندي عمليه مايهم أن شاء الله ربي يكتبلي الخير وأتوظف واجمع على حسابي في البنك يإرب تحقق أمنيتي دعواتك ياغاليه |
رد : كيف اقنع اخوي يساعدني
اقتباس:
حلو فكرتك إني أعطي دروس خصوصيه في البيت أما من ناحية إالعمليه إخوي يعرف الموعد وبقوله يسلفني ومع الضمان بقوله يسحبه إذا استلمت يإرب يوافق أبي أخلص. ؤادا رفض أبتصل عليهم واخليهم يأجلونه ودفع قيمة العمليه قبل موعدها بثلاثة أيام جزاك الله خير |
الساعة الآن 09:31 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©