|
رد : مللت من تصرفاتها
السلام عليكم
من رايي يابو خليفة ان حبك تسلطي تراه ابد مو عادي اللي انت قاعد تسويه فيها خاف ربك حارمها من النت والتلفزيون واهلك واخوانها ودراساتها وش بقيت ؟؟ كيف تحترمك وانت ماتحترمها !!مو حاط لها اي اعتبار تعاملها وكأنها ماتحس تقارنها بزوجتك الثانية تمنعها من اشياء تحبها انت بنفسك اللي تخليها تكرهك ولاتحترمك تعاملها على انها بنتك مو زوجتك وهي انسانة كبيرة وواعية اذا تبي تعاقبها اهجرها مو تحرمها من كل شي انا انصحك لانك بماانك نزلت الموضوع تبي حل لا تضغط عليها وتحاصرها من كل جهة لان اخر الضغط الانفجار جرب تصارحها تشوف هي وش منك قولها كل شي بحدود الدين والاحترام مواافق لك تسوينها مقابل انك تسوين كذا وكذا داري خاطرها عشان تداري خاطرك اجلس معها جلسة مصارحه ووضوح هي زوجتك أم بنتك صارت لها ظروف من كل مكان راعيها واسيها طيب خاطرها بكلمتين اعترف بخطائك تجاها وقولها وش يزعلك عشان تتجنبه ك وشوف وش يزعلها وواوعدها تتجنبه لاتثير غيرتها بكثرة المقارنات بينها هي والثانية لانك قاعد تدمر البيتين بطريقة غير مباشرة لاتحط عقلك بعقلها وخلي الامور تمشي لاتتدقق عليها قال الرسول صلى الله عليه وسلم "رفقا بالقوارير " واخيرا اخوي اعذرني لو ضايقتك والله يسخرها لك ويجعلها لك كما تحب ويجعلك لها كما تحب |
رد : مللت من تصرفاتها
اقتباس:
لأن احنا هنا حتى نحل مشكلة أخونا بو خليفة وما بدي نتشتت بأمور جانبيه مالها داعي لكن تاكدي انك جانبتي الصواب بكثير أمور ذكرتيها أنا ما ذكرت زوجته الثانية إلا بعد عدة مشاركات متعاطفة مع الزوجة الجديدة وكأنها مظلومة فحاولت أوضح بعض النقاط وبالذات لأخونا بو خليفه أن ما يخلي تعاطفه وتأنيب ضميره تجاه الثانية يخليه يتساهل مع الثانية ويشد بزيادة مع الأولى وهو يظن انها مظلومة . لأني اعرف ان الظلم شيء كبير جدا بالنسبة ل بو خليفه وما يرضاه أبد فتلاقي ضميره على طول يأنبه لأن قلبه مال للجين . العدل بين الثنتين مطلوب إرضاء لرب العالمين أولا وأخيرا .. والحب اللي بالقلب ما نملكه ويتم اللي بالقلب بالقلب .. لكن الأفعال هي المحك والمهم . كلمة احبك لحالها ما عمرها بنت بيوت |
رد : مللت من تصرفاتها
الحجاب الشرعي معروف
ةارى انك لاتولي الدين قدره من الاهتمام وقسوة القلوب من كثرة الذنوب تأكد من ذلك. وراجع نفسك ومن اعرض عن ذكري فإن له معيشة ضنكا قد تقول عنه بلاء. لكن ليس بلاء لانك. انت المشكله وانت بيديك كل الحلول وتسعى لتفاقم المشكله بممنوعاتك التي. لم يشرعها الله ولا الاعراف حتى سلبتها. كرامتها كإنسانه. وامانها كأم. واستمرضتها فسلبك الله راحتك لن ترتاح حتى تخاف الله في هذه اليتيمه وأما اليتيم فلا تقهر عذرا ان ضايقتك ولكنها الحقيقه كما تبدو لي بلا تنميق اللهم لاتسلط علينا من لايرحمنا ولايخافك |
رد : مللت من تصرفاتها
اقتباس:
|
رد : مللت من تصرفاتها
نصيحة مني
تقرب من الله بالدعاء والصدقة بأن يصلح الله امورك مع زوجتيك وحاول العدل فيهما بما يرضي الله فالثانية تعلم انك تفضل الاولى بقلبك والاولى تعلم انك تفضل الثانية بتصرفاتك واترك لاولى مجالا ولا ترهقها بتصيد اخطائها اتمنى ان تبحث عن راحتك بالقرب من الله |
رد : مللت من تصرفاتها
الله يصلحكم ويسخركم لبعض وكن مع لجين لا عليها لان ما عاد لها احد يحميها كما كان يحميها ابوها .
وبالنسبة لمقارنتك بين زوجتيك فليس هناك اي مقارنة لان لجين تربة بوضع خاص جدا جدا والثانية تربة طبيعي بين ام واب والاهم الام اللي تنصح البنت واكيد زوجتك الثانية معها امها ترشدها وتنصحها كلمة اخيرة تجرد من كونك خالد وعش قصة لجين محروم من امك وهي عايشة والكل يقرر عنك مالك قرار مالك حرية التصرف بالله عليك كيف شعورك وكن صادق مع نفسك ومع ربك |
رد : مللت من تصرفاتها
اقتباس:
اي كبار تتكلمين عنهم مطلوب منها تستوعبهم هي تتعامل على اساس من يتعاطف وياها ويحن عليها بتمشي وياه غير جي ابد بذكر لج مثال توه صار وهو اللي فجرني صوبها كنا مجتمع انا وهي والوالده وأختي العوده دار من بينا نقاش ,,, سالتها أختي بكل ذوق أنتي ليه ما تنزلين تحت عند اهلي وأغلب وقتج فوق بدورج على الاقل نزلي بنتنا ويا المربيه وأنتي براحتج (( ما اعتقد برمسة اختي شيء خطا )) ما حصلت وحده غير ترد عليها وتقول ما يخصج فيني وانا بكيفي وأنتي فتانه وحطت ريل على ريل ولا كانها غلطت الوالده طلبت منها تعتذر وكانت ترمس وياها بادب وهي متجاهله ,,, قمت أنا لاني حسيت الجو بدا يتوتر من بينهم ,, وطلبت منها تطلع ... قالت مب طالعه خلها هي تطلع ,,, في أقل من ثانيه تحول الموضوع بيني وبينها تهاوشت وياها وبدات تصارخ الوالده قامت هي وقالت للوالده انتي ما ربيتي أحد من عيالج عشان تقولين عني مب متربيه وطلعت من الصاله رحت لحقتها وسالتها انتي شنو الرمسه هذه وشنو هالاسلوب وكم مره مفهمج اذا ما ترومين تتحملين رمسة الوالده ابعدي من جدامها لكن صوتج ما يرتفع عليها ,,, قالت ردني بيتي قلت لها مب رادج وبتمين هني ,,,, أنت ما عندك شخصيه وتخاف من أهلك قلت لها وانتي وعلى ذمتي لانج للمزاج فقط ولا أنا ما بيج حزتها حذفت صاروخ (( وانا بعد ما أبيك وعندي غيرك )) هي ما كملت جملتها الا وانا طراق والباقي وردة فعلها تدرين في طبعها لغلطت وما استطاعت تواجه أحد شنو تسوي لجين بغت الحياه على هواها مثل ما كانت ويا أبوها الله يرحمه |
رد : مللت من تصرفاتها
اقتباس:
شلون أتجاهلها شلون انسى وجودها بحياتي بغيت امحي حبها من قبلي عشان اقدر اعيش حياتي عدل |
رد : مللت من تصرفاتها
اقتباس:
أنا ذكرت في بداية موضوعي أنه لذكرت ظروفها غفرت زلاتها وفاهم وأدري شنو دور الام وعندي خوات ومعرسات وجريب بيكنن يدات وما يستغنين عن الوالده ,,,, هي جم مره أطلب منها تتقرب من الوالده وتعتبرها حسبت أمها ,, لكنها مب طايعه في البدايه كانت علاقتها بالوالده جدا رائعه ,,, ولكن الان أسوا منها ماشي لا هي اللي طايعه الوالده تتجرب منها ولا هي اللي طايعه تفهم من أحد من الاسره صحيح الوالد بدات تسمع منه وتستجيب له لكن عقب ما طلع عيونه |
رد : مللت من تصرفاتها
الاخوات اللي يتكلمن عن الحجاب وأنه أنا متساهل فيه
ودي أفهم باي رد ذكرت هذا الشيء لاني بديت أشك بروحي |
| الساعة الآن 01:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©