المشاركة الأصلية كتبت بواسطة 3sh8th (المشاركة 2925221)

سبحان الله كانه دخلت قلبي وعرفت وش فيه ، الله يجزاگ بالجنه
بس ليه انا اعططي م اطلع الغلطه مني الا بالنادر وارجع ابين له ، ليه هوه م يرد لي اللي اسويه له اهتمامي فيه واهتمامي فيني قدامه اسلوبي شخصيتي اسلوبي مع اهله احترامي لهم كلهم ،
ليه م يردها لي يحاول يضغط عع نفسه عشاني !!
معقوله الطيبه الزايده تخليه م يبالي فيني ، م احب اقارن انا ! بس لمن اشوف بنات خالاتي واساليبهم مع ازواجهم وكلامهم عكسي تماما انا معاه اتكلم بدلع وبحياء كمان ، هما احسهم باردين ومع هذا م يرفضون لهم طلب صارو يبون حاجه موب بااساله واشوف خلاص بااخذها عارفه انه م يقول لهم لا غير الاشيا اللي بملكتهم وطلباتهم ، الله يهنيهم م احسدهم ولا اقارن وكلن ونصيبه ، بس انا احسن منهم بالاسلوب وبالجمال ، يعني المفروض اكون بنفس عيشتهم ، م ابي اجحده صح فيه ايام حلوه قضيتها معاه ،
بس يبين لي انه لو طلبتي شي مافيه ، ولا مثلا يقول الميزانيه م تسمح اصير حتئ م ابين له انه م عندي رصيد عشان م يشحن لي احس يطلع منه الشي بالزور ، مدري هوه اسلوبي انه طيبه بزايده كذا مقابلها ولا شو ، والله احاول اجلس معهم ابي اشوف هما ايش يسون زياده عني للككل مافيه شششي ، مدري وش هوه السسر بالموضوع ، بعض الاوقات اقول معقوله لو تزوج غيري يكون احسن من هو معاي بيقدر كل شي تسويه له يغير من طبعه عشانها ، ولا هداياه م بتقطع عنها ،
مدري هي غلطتي ولا شو


اذا اسلوبي هوه يقووول عاجبني مافيه احسن منك طيب كل شي انا عاجبته ، وترا انا معاه موب مرا مطيحه الميانه ولا شاده يعني لا افراط ولا تفريط ،

المشاركة الأصلية كتبت بواسطة الهدوء عنواني (المشاركة 2925332)

والله معك حق بكل هالاسئله وانا نفس الاسئله اسئلها لنفسي لدرجة نزلت موضوع بقسم ساعدني من كثر ماوسوست
ومتيقن انه بتجيني مشكله مع خطيبتي ايش هي مادري

الي خلاني اوسوس الي يكون رومنسي مثلا يطلع شريكه العكس
دايم احس لابد لكل شريكين العكس مالها دخل بعلاقتنا او اسلوبنا , مثل بنات خالتك هم طبعهم كذا ويجيهم العكس
وانتي الطيبه والي تستاهلي احسن من هالاسلوب يجيك عكس

بس الحكمه من العكس بالشريك , انه ممكن امه داعيه لولدها وانتي تكوني سبب بتغيره باشياء ممكن لسى مابانت
وكل واحد يستفيد من ايجابيات الاخر <<< كذا احس

وكل شي يتغير بالعشره والاولاد والسنين ومحد بيتغير بيوم وليله

تطمني والله العظيم مامنك قاصر ماشالله عليك , يكفي انك تحاولي تعالجي مشاكلكم هذا يدل على حسن نيتك

وهذا طبعه واسلوبه لا انا ولا انت نقدر نغيره فيه , اللهم مع الايام ولما تكبري بعينه بمواقف يشوفها بنفسه يحس بقيمتك ويتجنب مزاجيته ويخفف منها امامك

والحمدالله عارفه وفاهمه مزاجيته واوقاتها, استغليها بيوم يكون رايق صارحو بعض واضحكو وانبسطو , مو تستغليها فرصه تطلعي حرتك فيه بالي سواه قبلها وتقعدي تقلبي المكالمه كلها عتاب بعتاب كذا لاستفدتي شي ولا هو انبسط
زي توم وجيري مره يكون القط رايق والفار يأذيه والعكس

المشاركة الأصلية كتبت بواسطة الهدوء عنواني (المشاركة 2925333)

وانا كل عتبي عليك ياختي والي اشوفك غلطانه فيه هذي النقطه فقط
لما يجيك رايق تقلبي عليه وتطلعي حرتك بالي سواه قبلها وتطلعي الي بحرتك , هنا الغلط الي تسويه , صارحيه شوي وغيري الموضوع شوي وفرفشو شوي