|
رد : وش باقي من الآلاااام والتجريح....
مثل ماتوقعت!!!!
شرقي شمالي متطرف أنا ياجميله صقيقتك<<ه ذ ا ر أ ي ي :) |
رد : وش باقي من الآلاااام والتجريح....
ياهلا وغلا حبيبة قلبي...
ماشااءالله كل الحبايب مجتمعين هنا ههههههه فديت قلبك والله... احنا عارفينه متطرف وشخصيته خلاص بصمة.. بس تمنيت لك تعليق على ردي قبل الاخير هذاك الموضوع هو سبب عدم تقبلي لشخصيته ونمطه وكرهي ونفوري منه.. |
رد : وش باقي من الآلاااام والتجريح....
اعانك الله وفرج همك وكربتك
وجربي تطنيشه وعدم التدقيق معه وشوفي ايش النتيجه وممكن يكون الي فيه من حالته في عدم قدرته وعليك بالدعاء والاستغفار |
رد : وش باقي من الآلاااام والتجريح....
اختى اسمحى لى هل انت عنيدة ودائمة الرد عليه كما يقال كلمة بكلمة هل ردودك بأنفعال ويكون صوتك عالى هل تظهرى شكك فيه ويعلم انك تظنى فيه ظن سىء هل لا تعجبك افعاله ودائمة الانتقاد له ما مدى حبه واهتمامه بابناءه هل ينفق عليك وكريم ويلبى طلباتك هل تتذكرى منذوا متى بالضبط تغير عليك وهل تتذكرى اول موقف تغيره بعده بماذا تفسرى سبب ضعفه فى العلاقه الخاصة هل هو مريض سكر او ضغط لماذا لا يكون سبب اعراضه عنك مشاهدة الافلام الفاضحة والصور على النت او الدش ومعها يقضى وطره ويشبع نفسه وعندما يآتى لك لا يقدر على الفعل لكثرة ممارسته بمفردة وهو يشاهد هذه الاشياء لذا تكون هناك رغبة لديه ولكن بدون انتصاب الم تشكى ان له علاقات على النت هل مصلى وكم صلاة يقوم بها فى المسجد ما مدى تدينة وهل لاحظت تغير او نقص فى دينة يصاحب انصرافه واعراضه عنك الم تجدى شىء يشير الى علاقات نسائية على جواله ما مدى تدينك فى الصلاة والتزامك باللباس الشرعى وخصوصا وانت تذكرى لبسك للعدسات عندما تخرجى هل تحافظى على تلاوة القرآن الكريم اعتذر على كثرة الاسئلة ولكنى متابع لموضوعك منذوا البداية وحزنت كثيراً من آجلك ولكنك لم تيجبى عن معرفك القديم واهملتى هذا السؤال من كثير من زوار صفحتك |
رد : وش باقي من الآلاااام والتجريح....
اقتباس:
لي كم سنة..فيه أشياء لاتحتمل أرد عليها.. وفيه أشياء أطنشها وأحتقره بداخلي.. عموماً أنا فعلاً عنيدة لكن عنادي معه بأسباب يعني هو رجل يتدخل بكل شي يخصني بلبسي بمشيتي بشنطتي حتى جزمتي يختار لي أنواع معينه ماأقدر ألبسها ماتقبلها نفسي..فكانت هذي مشاكلنا بداية حياتنا بس أطاوعه غالبا يعني أزعل وأتضايق بس أطاوعه ماأتحدى! بس الآن عشاني ماأطلع معه ولا يوديني أي مشوار فخفت هالأمور كثير.. طبعاً بوضح تراه لو نسيت مثلا النور مولع يسميه عناد وتحدي لو نسي شي طلبه مني يسميه عناد وإهمال وتحدي وإني أستقصد! لمن حتى الأولاد يصدر شي منهم بدون قصد يسميه عناد! أحنا دايم طوع أمره بس لو قلنا رأينا يشوفنا نعاند يعني تخيل واحد يظلمك وتبي تقول تراك ماتقصد أو فاهم غلط ويقول ترادني! إنك تبرر إساءة الفهم يصير مراد! وإن سكت لبستك التهمة! اقتباس:
وأنفعل وأحاول أتمالك نفسي معه صايرة إنفعالية أصلاً بزيادة مع كل الناس.. اقتباس:
كل يوم طالع والله إني أطلع في طلعته وأمل وأرجع وممكن أروح مشوار ثاني وارجع وهو مارجع! يعني لازم من بعد المغرب لين 11- 12 اقتباس:
أكره النقد وعرفت إن هالشي يكره الناس في الواحد مثل ماكرهته فماأصير زيه! بس يجي أوقات لمن يصير موقف قوي المح كم مره إنه مميزاته وصفاته فيها جمال بس عصبيته وحمقيته وسلاطة لسانه وتضخيمة للأمور هي اللي أعيبها فيه.. اقتباس:
لكن مثلي يعاملهم ناقد وعصبي على فكرة حتى عند أقاربه وعيالهم يقولون إن فلان وفلان ومنهم زوجي عصبيين! اقتباس:
صح يحسب لي القرش ويشوفني راعية بعزقة بس يعطيني.. آخرها قبل كم يوم أرسلت إني بشتري جوال وحددت المبلغ إنه الفين ونص تقريباً مارد علي بس لمن دخل البيت حول 3000 في حسابي بس كم مرة بعدها وشو له جوال ثاني ووش فيه الأول وليش ماصلحتيه وكذا...فعادي من حقه يكون حريص لأن الفلوس من عرق جبينه:( اقتباس:
بالضبط ماأتذكر.. بس أعتقد 10 سنين وفيها..ويمكن تزيد! اقتباس:
كان مسافر دورة عمل للمغرب أسبوعين.. أول مرة نام معي ماقدر يكمل.. وماأخفيك..أول مرة وعقب أسبوعين ماشفنا بعض وبعد سفره للمنطقة هذي.. السالفة أقلقتني... مع إني أتذكر لمن رجع قاعد يمدح فيني وإنو فرق بيني وبين أشكال الحريم هناك !!!! اقتباس:
والله مادري أنا كنت أقول صادفت ماقدر مره..فخاف تتكرر فلمن جرب ثانية كان تفكيره إنه يقدر أو لا فمن نوتره ماقدر..فصار هاجس تسبب في اللي هو فيه... أما هو كان يقول هالشي أقلقني وصار تفكيري كل لحظة ( يعني زي ماقلت) وصار يتعذر بضغط الدوام كان بينهم مشاكل وعنصرية وتنافس عجيب.. ومرات يتعذر إن خسارته مبلغ كبير في الاسهم أثر على نفسيته وإنه عشانه ماخذ قرض كبير وللحين يسدده هالشي متعب نفسيته! فكنت مراتأعذره ومرات أقول يافلان كل الناس مشاكل عندهم في العمل... وحتى مع حريمهم وخسروا في الاسهم واولهم أنا بس مو معقول يكون سبب التباعد الروحي بين الزوجين والنفور بالشكل هذا فكان يقول أنا غير ماأتحمل! مرات أشك طبعاً إنو ممكن وحده بحياته يابالحلال يابلحرام هي سبب زعزعة راحة بيتي! اقتباس:
بوادر ضغط معه وسكر على كلامه بوادر كمان بس ماعالج ولا كشف بس من ملاحظاته إذا أنفعل.. اقتباس:
فكرت بالشي هذا..يمكن! اقتباس:
كل شي توقعته وشكيت فيه.. اقتباس:
اقتباس:
اقتباس:
وحده مصوره صدرهاطبعاً وهي لابسه! صدمتني الصورة وحاولت أوصل لها فأرسلت تعتذر وإنه أتصال بالغلط وأرتاحت لصوته وأنه قليل يرد عليها!وأنها ماراح أشوف رقمها بعد اليوم! وهو قال هذي وحده شكلها مدزوزة علي وسافهها قلت مدزوزة ومسميها ابو فلان قال عشان ماأرد! ماصدقت بس مشيتها بعدين بفترة دخلت على فاتورته بالنت وحصلت رقمين أو ثلاثة وكان واحد من الأرقام أعتقد نفس اللي أرسلت الصورة لأني لمن بحثت عن أسمها لقيتها بنفس ماسماها زوجي قصدي أسم ولدها والثانية ببرنامج مثل النمبر بوك طلع لي أسامي كثيرة لها من ضمنها مسمى خطابة! وش تفسيرك أنت!! أنا خلاص جتني لوثة بمخي.. اقتباس:
لبسي عادي مو محافظة جداً عاديه... أنا قلت أذا كان علي عدسات يسأل يخاف رايحة فيها للسوق.. اقتباس:
اقتباس:
أنا اللي أعتذر بس والله مالي غيركم إذا وصلت مرحلة أكون حيل منضغطة لازم أكتب لو أعيد وأزيد المهم أتكلم... الله يجزاك كل خير ويفرج لك كل هم.. |
رد : وش باقي من الآلاااام والتجريح....
بما انها فضفضه بقولك قصة صديقتي
لها اكثر من 16 سنة زواج و زوجها يخونها و عليه تصرفات ترفع الضغط و قصص خياناته توصل للهيئة ينسجن و يطلع يعني معروف على مستوى العايلة الآدمية متعبيه منه و شافت بلاوي كرهتها الرجال كلهم و مع ذلك ما فقدت الامل بالله .. لسه تصلي و تدعي له الله يسخره لعياله قبل فترة كلمتني سألتها عنه قالت على حاله و انها دائما تكتشف خياناته بدون ما تدور وراه و مع كل هذا معطية الدنيا طنااااااش بتستفيد من ابوته و وجوده فقط اي شي ثاني راميته ورى ظهرها و مو مسبب لها اي تأثير على حياتها لانه صار انسان عادي بنظرها يجي يروح يخون يوفي يصارخ ينافخ ( مع نفسه ) حاولي تعتبرينه جدار فترة معينة عشان نفسك ترتاح منه .. و بعدها ان الله عطاك عافية و صبر فكري تعدلين مسار حياتكم الله يفرج همك |
| الساعة الآن 03:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©